ព្រះយេស៊ូមានព្រះជន្មរស់ឡើងវិញហើយ អាលេលូយ៉ា!

. - ១៦ មេសា ២០១៧
 

គ្រីស្តបរិស័ទមកពីកន្លែងផ្សេងៗ នៃព្រះសហគមន៍កាតូលិកតំបន់​ខេត្តតាកែវ ​បានជួបជុំគ្នានៅព្រះវិហារ សន្តីម៉ារីញញឹម នៃព្រះសហគមន៍កាតូលិកភូមិចំការទៀង ស្រុកត្រាំកក់ខេត្តតាកែវ នាល្ងាចថ្ងៃទី១៦ ខែមេសា ឆ្នាំ២០១៧ ដើម្បីប្រារព្ធពិធី បុណ្យព្រះយេស៊ូមានព្រះជន្មរស់ឡើងវិញ។ 

ពេលចាប់ផ្តើមពិធី គ្រីស្តបរិស័ទទាំងអស់រួមជាមួយលោកអភិបាល និងបូជាចារ្យ បានជួយជុំគ្នាជំុវិញ ភ្នក់ភ្លើងដើម្បីប្រារព្ធពិធីព្រះពរភ្លើង មានពន្លឺទានជ័យ ដែលជាពន្លឺ បញ្ជាក់​នៃការរស់ឡើងវិញ​របស់ព្រះយេស៊ូ។ បន្ទាប់មកមានពិធីដង្ហែរទានទៅកាន់ទីសក្ការៈ ។ 

នៅទីសក្ការៈគ្រីស្តបរិស័ទទាំងអស់បន្តប្រារព្ធពិធីលើកតម្កើងព្រះបន្ទូល ដែលរៀបរាប់ពីការស់ឡើងវិញរបស់ព្រះគ្រីស្តជាអម្ចាស់។ ក្នុងរៀបរាប់ក៏មានការតាមរយៈពាក្យកាព្យ ក្នុងទម្រងចម្រៀងអាយ៉ៃខ្មែរ ផង​ដែលមានភ្លេងអាយៃ៉កំដរ ក្រោយមកក៏មានអានអត្ថបទ ស្តីអំពីកំណើត​ ពិភពលោក។

 

តាមជំនឿរបស់ព្រះសហគមន៍កាតូលិក បុណ្យព្រះយេស៊ូ​មាន​ព្រះជន្មរស់ឡើងវិញ គឺជាបុណ្យធំជាងគេបង្អស់។ ដោយសារព្រះជាម្ចាស់ប្រោសឲ្យព្រះយេស៊ូមានព្រះជន្មរស់ឡើងវិញទើបមានអ្នកជឿរហូតមកដល់សព្វថ្ងៃ។ បើព្រះេយស៊ូសោយទិវង្គត មិនរស់ឡើងវិញទេក៏គ្មានអ្នកជឿដូច្នេះដែរ។    

  

ក្នុងធម្មទេសនា ទៅកាន់គ្រីស្តបរិស័ទដែលចូលរួម លោកអភិបាលអូលីវីយេ ដែលជាអធិបតីក្នុងពិធីមានប្រសាសន៍ថា “ ព្រះយេស៊ូមានព្រះជន្មរស់ឡើងវិញហើយ! អាលេលូយ៉ា!អាលេលូយ៉ា!អាលេលូយ៉ា!”។ លោកលើកឡើងថា៖ ព្រះអង្គមានព្រះជន្មគង់នៅ តើគង់នៅឯណា?

គឺនៅក្នុងចិត្តបងប្អូននៅទីនេះ ​បងប្អូនដែលទទួលជីវិតថ្មីថ្ងៃនេះ ។​ ដូចព្រះបន្ទួលថ្ងៃនេះ ទេវទូត ​ប្រាប់ក្រុមស្ត្រីថា កុំទៅរកព្រះអង្គនៅក្នុងផ្នូរ ។​ ព្រះអង្គឲ្យគេទៅជួបព្រះអង្គនៅ​ស្រុកកាលីឡេ។

លោកថា៖  សព្វថ្ងៃធ្វើដូចម្តេចដើម្បីជួបព្រះអង្គនៅកាលីឡេ?

“ខ្ញុំជឿថា កាលីឡេនៅទីនេះ នៅក្នុងបងប្អូន ក្នុងបងប្អូនថ្មីដែលទទួលព្រះជន្មផ្ទាល់របស់ព្រះអង្គ គឺទទួលឲ្យល់ដង្ហើមផ្ទាល់របស់ព្រះអង្គ ។ ទទួលពន្លឺថ្មី ដែលមិនចេះរលត់”។

លោកអភិបាលបានរំឭកដល់គ្រីស្តបរិស័ទថា៖ “

សូមឲ្យយើងដែលទទួលជីវិត​ពីព្រះជាម្ចាស់ ទៅជាអ្នកដែលនាំជីវិតថ្មី ដល់គេ។ យើងដែលទទួលពន្លឺ ត្រូវធ្វើជាពន្លឺដើម្បីអ្នកដទៃ  ។ យើងដែលទទួលសេចក្តីស្រឡាញ់ពីព្រះជាម្ចាស់ ត្រូវមានចិត្តស្រឡាញ់ដូចព្រះជាម្ចាស់។”   

លោកបន្តថា ៖ សូមកុំឲ្យយើងនៅជាប់ជាមួយអ្នកដែលឆ្កាងព្រះយេស៊ូ។ សូមបើកភ្នែកមើល ពិភពលោក នេះ មានសង្គ្រាមសម្លាប់មនុស្ស យ៉ាងសន្ធឹក នៅសុីរី នៅអាហ្គានីស្ថាន អេហ្សុីប …។ សូមឲ្យយើងបើកភ្នែក មើលប្រទេសយើង…

មិនខ្វះទេអ្នកជិះជាន់អ្នកក្រីក្រ អំពើអយុត្តិធម៌​​ មិនខ្វះទេមនុស្ស ដែលបិទសិទ្ធិេសរីភាពអ្នកដទៃ  មនុស្សពុករលួយ មានបញ្ហាជាច្រើនទៀតដែលមនុស្សបន្តរឆ្កាងព្រះយេស៊ូតទៅទៀត។

លោកអភិបាលក៏បានលើកដែរថា៖ជូនការក្នុងព្រះសហគមន៍យើងក៏ដូចគ្នាដែរ មានអ្នកនាំពាក្យមិនពិត និយាយបង្ខូចឈ្នោះ និយាយដើមគេ ជិះជាន់គេ មើលងាយគេ ច្រណែនគ្នា ឬឈប់និយាយរកគ្នា …។ “បងប្អូនជាទីស្រឡាញ់កុំឲ្យយើងជាប់ជាមួយមនុស្សដែលឆ្កាងព្រះយេស៊ូ”។ ប៉ុន្តែយើងជាប្រជារស្ត្ររបស់ព្រះជាម្ចាស់ដ៏មានជីវិត ត្រូវចាំថា​កាលីឡេ នៅទីនេះ ដើម្បីចេញទៅប្រកាស​អំពីព្រះជាម្ចាស់មានព្រះជន្មរស់ឡើងវិញ​ អាលេលូយ៉ា។ 

លោកក៏បានជូនពរដល់គ្រីស្តបរិស័ទ ទាំងអស់ក្នុង ឱកាសឆ្នាំថ្មី ឲ្យបានពោរពេញដោយពន្លឺ ឲ្យបងប្អូនបន្តស្រឡាញ់ បន្តរបម្រើ បន្តរប្រកាសនៅក្នុងកាលីឡេ នៅទីនេះ ដើម្បីឲ្យកម្លាំងនៃជីវិតថ្មី បាញ់មនុស្សទាំងអស់ ឲ្យមានកម្លាំងសារជាថ្មី និងមានសេចក្តីសង្ឃឹមសារជាថ្មី ។

បន្ទាប់ពីធម្មទេសនា សម្រាប់បុណ្យដ៏ឱឡារិកនេះ​លោកអភិបាលអូលីវីយេ ធ្វើទទួលអគ្គសញ្ញាជ្រមុជទឹក​ឲ្យ បងប្អូន ជាមនុស្សេពេញវ័យ និងកូនង៉ែត ចំនូួន៥០នាក់​ដើម្បីឲ្យពួកទទួលជីវិតថ្មីរួមជាមួយព្រះយេស៊ូ។ ​

លោក​​អ៊ុយ ផើង ជាអ្នកទទួលអគ្គសញ្ញាជ្រមុជទឹកថ្មី មកពីព្រះសហកមន៍កាតូលិកកំពង់អំពិល ក្នុងខេត្តតាកែវ​ឲ្យដឹងថា លោកពិតជាមានអំណរខ្លាំងណាស់ ព្រោះថា​តាំងពីជឿលើព្រះយេស៊ូ ពីជីវិតរបស់លោកបានផ្លាស់ប្រែច្រើន អំពីរបៀបរស់នៅ មានសេចក្តីសង្ឃឹម និងផ្លូវចិត្ត ឲ្យបើកទូលាយច្រើនណាស់ស្រឡាញ់បងប្អូន។​ លោកផើងក៏បានប្រកាសជំនឿថា៖ “ព្រះយេស៊ូពិតជារស់ និងគង់ក្នុងរូបខ្ញុំពិតមែន”។   ទោះបីមានការរិះគន់ខ្លះអំពីការប្តូរជំនឿតែលោកនៅតែមានកម្លាំងជួបបងប្អូនអ្នករិះគន់ទាំងនោះ។

ចំណែកលោកយាយ ម៉ម សឿន ដែលមានវ័យ ៧៧ឆ្នាំ មកពីព្រះសហគមន៍សន្តប៉ូល មានប្រសាសន៍ស្រដៀងនឹងលោក អ៊ុយ ផើងដែរ៖ ថ្ងៃនេះពិតជាពេលត្រូវអរព្រះគុណព្រះជាម្ចាស់ខ្លាំងណាស់ ដែលព្រះអង្គបានត្រាស់ហៅឲ្យទទួលជីវិត្តថ្មី រួមជាមួយព្រះយេស៊ូ។ លោកយាយបន្តរថា នេះជាអំណរសប្បាយពិតប្រាកដ​ដែលោកយាយមិនដែលបានជួប ។ ក្នុងគ្រួសាររបស់ព្រះគ្រីស្តនាំឲ្យលោកយាយ មានសង្ឃឹមថ្មី និងអំណរសប្បាយពិតប្រាកដ។

រីឯយុវតី មុី គីមលីន មកពីព្រះវិហារសន្តីម៉ារីញញឹម ចំការទៀង បានឲ្យថា៖ រីករាយណាស់ដែលទទួលជីវិតថ្មីរួមជាមួយព្រះគ្រីស្ត ។ មានប្រកាសថា នឹងខិតខំថែរក្សាជីវិតថ្មីនេះឲ្យ​ជាប់ជាមួយពន្លឺរបស់ព្រះគ្រីស្ត ព្យាយាមប្រព្រឹត្តអំពើល្អ ចំពោះអ្នកដទៃ។

បុណ្យចម្លងឬបុណ្យព្រះយេស៊ូមានព្រះជន្មរស់ឡើងវិញឆ្នាំ២០១៧ មានបងប្អូន ទទួលជីវិតថ្មីតាមរយៈអគ្គសញ្ញាជ្រមុជទឹក ក្នុងភូមិភាគភ្នំពេញចំនួនប្រមាណ ១២៨នាក់ ដោយឡែកក្នុងខេត្តតាកែវមានចំនួន៦៩នាក់ ។ ទូទាំងប្រទេស មានចំនួនប្រមាណជា៣០០នាក់​ដែលទទួលអគ្គសញ្ញាជ្រមុជក្នុងព្រះសហគមន៍កាតូលិក។

ព័ត៌មានច្រើនទៀត
១៦ មេសា ២០១៧

គ្រីស្តបរិស័ទមកពីកន្លែងផ្សេងៗ នៃព្រះសហគមន៍កាតូលិកតំបន់​ខេត្តតាកែវ ​បានជួបជុំគ្នានៅព្រះវិហារ សន្តីម៉ារីញញឹម នៃព្រះសហគមន៍កាតូលិកភូមិចំការទៀង ស្រុកត្រាំកក់ខេត្តតាកែវ នាល្ងាចថ្ងៃទី១៦ ខែមេសា ឆ្នាំ២០១៧ ដើម្បីប្រារព្ធពិធី បុណ្យព្រះយេស៊ូមានព្រះជន្មរស់ឡើងវិញ។ 

ពេលចាប់ផ្តើមពិធី គ្រីស្តបរិស័ទទាំងអស់រួមជាមួយលោកអភិបាល និងបូជាចារ្យ បានជួយជុំគ្នាជំុវិញ ភ្នក់ភ្លើងដើម្បីប្រារព្ធពិធីព្រះពរភ្លើង មានពន្លឺទានជ័យ ដែលជាពន្លឺ បញ្ជាក់​នៃការរស់ឡើងវិញ​របស់ព្រះយេស៊ូ។ បន្ទាប់មកមានពិធីដង្ហែរទានទៅកាន់ទីសក្ការៈ ។ 

នៅទីសក្ការៈគ្រីស្តបរិស័ទទាំងអស់បន្តប្រារព្ធពិធីលើកតម្កើងព្រះបន្ទូល ដែលរៀបរាប់ពីការស់ឡើងវិញរបស់ព្រះគ្រីស្តជាអម្ចាស់។ ក្នុងរៀបរាប់ក៏មានការតាមរយៈពាក្យកាព្យ ក្នុងទម្រងចម្រៀងអាយ៉ៃខ្មែរ ផង​ដែលមានភ្លេងអាយៃ៉កំដរ ក្រោយមកក៏មានអានអត្ថបទ ស្តីអំពីកំណើត​ ពិភពលោក។

 

តាមជំនឿរបស់ព្រះសហគមន៍កាតូលិក បុណ្យព្រះយេស៊ូ​មាន​ព្រះជន្មរស់ឡើងវិញ គឺជាបុណ្យធំជាងគេបង្អស់។ ដោយសារព្រះជាម្ចាស់ប្រោសឲ្យព្រះយេស៊ូមានព្រះជន្មរស់ឡើងវិញទើបមានអ្នកជឿរហូតមកដល់សព្វថ្ងៃ។ បើព្រះេយស៊ូសោយទិវង្គត មិនរស់ឡើងវិញទេក៏គ្មានអ្នកជឿដូច្នេះដែរ។    

  

ក្នុងធម្មទេសនា ទៅកាន់គ្រីស្តបរិស័ទដែលចូលរួម លោកអភិបាលអូលីវីយេ ដែលជាអធិបតីក្នុងពិធីមានប្រសាសន៍ថា “ ព្រះយេស៊ូមានព្រះជន្មរស់ឡើងវិញហើយ! អាលេលូយ៉ា!អាលេលូយ៉ា!អាលេលូយ៉ា!”។ លោកលើកឡើងថា៖ ព្រះអង្គមានព្រះជន្មគង់នៅ តើគង់នៅឯណា?

គឺនៅក្នុងចិត្តបងប្អូននៅទីនេះ ​បងប្អូនដែលទទួលជីវិតថ្មីថ្ងៃនេះ ។​ ដូចព្រះបន្ទួលថ្ងៃនេះ ទេវទូត ​ប្រាប់ក្រុមស្ត្រីថា កុំទៅរកព្រះអង្គនៅក្នុងផ្នូរ ។​ ព្រះអង្គឲ្យគេទៅជួបព្រះអង្គនៅ​ស្រុកកាលីឡេ។

លោកថា៖  សព្វថ្ងៃធ្វើដូចម្តេចដើម្បីជួបព្រះអង្គនៅកាលីឡេ?

“ខ្ញុំជឿថា កាលីឡេនៅទីនេះ នៅក្នុងបងប្អូន ក្នុងបងប្អូនថ្មីដែលទទួលព្រះជន្មផ្ទាល់របស់ព្រះអង្គ គឺទទួលឲ្យល់ដង្ហើមផ្ទាល់របស់ព្រះអង្គ ។ ទទួលពន្លឺថ្មី ដែលមិនចេះរលត់”។

លោកអភិបាលបានរំឭកដល់គ្រីស្តបរិស័ទថា៖ “

សូមឲ្យយើងដែលទទួលជីវិត​ពីព្រះជាម្ចាស់ ទៅជាអ្នកដែលនាំជីវិតថ្មី ដល់គេ។ យើងដែលទទួលពន្លឺ ត្រូវធ្វើជាពន្លឺដើម្បីអ្នកដទៃ  ។ យើងដែលទទួលសេចក្តីស្រឡាញ់ពីព្រះជាម្ចាស់ ត្រូវមានចិត្តស្រឡាញ់ដូចព្រះជាម្ចាស់។”   

លោកបន្តថា ៖ សូមកុំឲ្យយើងនៅជាប់ជាមួយអ្នកដែលឆ្កាងព្រះយេស៊ូ។ សូមបើកភ្នែកមើល ពិភពលោក នេះ មានសង្គ្រាមសម្លាប់មនុស្ស យ៉ាងសន្ធឹក នៅសុីរី នៅអាហ្គានីស្ថាន អេហ្សុីប …។ សូមឲ្យយើងបើកភ្នែក មើលប្រទេសយើង…

មិនខ្វះទេអ្នកជិះជាន់អ្នកក្រីក្រ អំពើអយុត្តិធម៌​​ មិនខ្វះទេមនុស្ស ដែលបិទសិទ្ធិេសរីភាពអ្នកដទៃ  មនុស្សពុករលួយ មានបញ្ហាជាច្រើនទៀតដែលមនុស្សបន្តរឆ្កាងព្រះយេស៊ូតទៅទៀត។

លោកអភិបាលក៏បានលើកដែរថា៖ជូនការក្នុងព្រះសហគមន៍យើងក៏ដូចគ្នាដែរ មានអ្នកនាំពាក្យមិនពិត និយាយបង្ខូចឈ្នោះ និយាយដើមគេ ជិះជាន់គេ មើលងាយគេ ច្រណែនគ្នា ឬឈប់និយាយរកគ្នា …។ “បងប្អូនជាទីស្រឡាញ់កុំឲ្យយើងជាប់ជាមួយមនុស្សដែលឆ្កាងព្រះយេស៊ូ”។ ប៉ុន្តែយើងជាប្រជារស្ត្ររបស់ព្រះជាម្ចាស់ដ៏មានជីវិត ត្រូវចាំថា​កាលីឡេ នៅទីនេះ ដើម្បីចេញទៅប្រកាស​អំពីព្រះជាម្ចាស់មានព្រះជន្មរស់ឡើងវិញ​ អាលេលូយ៉ា។ 

លោកក៏បានជូនពរដល់គ្រីស្តបរិស័ទ ទាំងអស់ក្នុង ឱកាសឆ្នាំថ្មី ឲ្យបានពោរពេញដោយពន្លឺ ឲ្យបងប្អូនបន្តស្រឡាញ់ បន្តរបម្រើ បន្តរប្រកាសនៅក្នុងកាលីឡេ នៅទីនេះ ដើម្បីឲ្យកម្លាំងនៃជីវិតថ្មី បាញ់មនុស្សទាំងអស់ ឲ្យមានកម្លាំងសារជាថ្មី និងមានសេចក្តីសង្ឃឹមសារជាថ្មី ។

បន្ទាប់ពីធម្មទេសនា សម្រាប់បុណ្យដ៏ឱឡារិកនេះ​លោកអភិបាលអូលីវីយេ ធ្វើទទួលអគ្គសញ្ញាជ្រមុជទឹក​ឲ្យ បងប្អូន ជាមនុស្សេពេញវ័យ និងកូនង៉ែត ចំនូួន៥០នាក់​ដើម្បីឲ្យពួកទទួលជីវិតថ្មីរួមជាមួយព្រះយេស៊ូ។ ​

លោក​​អ៊ុយ ផើង ជាអ្នកទទួលអគ្គសញ្ញាជ្រមុជទឹកថ្មី មកពីព្រះសហកមន៍កាតូលិកកំពង់អំពិល ក្នុងខេត្តតាកែវ​ឲ្យដឹងថា លោកពិតជាមានអំណរខ្លាំងណាស់ ព្រោះថា​តាំងពីជឿលើព្រះយេស៊ូ ពីជីវិតរបស់លោកបានផ្លាស់ប្រែច្រើន អំពីរបៀបរស់នៅ មានសេចក្តីសង្ឃឹម និងផ្លូវចិត្ត ឲ្យបើកទូលាយច្រើនណាស់ស្រឡាញ់បងប្អូន។​ លោកផើងក៏បានប្រកាសជំនឿថា៖ “ព្រះយេស៊ូពិតជារស់ និងគង់ក្នុងរូបខ្ញុំពិតមែន”។   ទោះបីមានការរិះគន់ខ្លះអំពីការប្តូរជំនឿតែលោកនៅតែមានកម្លាំងជួបបងប្អូនអ្នករិះគន់ទាំងនោះ។

ចំណែកលោកយាយ ម៉ម សឿន ដែលមានវ័យ ៧៧ឆ្នាំ មកពីព្រះសហគមន៍សន្តប៉ូល មានប្រសាសន៍ស្រដៀងនឹងលោក អ៊ុយ ផើងដែរ៖ ថ្ងៃនេះពិតជាពេលត្រូវអរព្រះគុណព្រះជាម្ចាស់ខ្លាំងណាស់ ដែលព្រះអង្គបានត្រាស់ហៅឲ្យទទួលជីវិត្តថ្មី រួមជាមួយព្រះយេស៊ូ។ លោកយាយបន្តរថា នេះជាអំណរសប្បាយពិតប្រាកដ​ដែលោកយាយមិនដែលបានជួប ។ ក្នុងគ្រួសាររបស់ព្រះគ្រីស្តនាំឲ្យលោកយាយ មានសង្ឃឹមថ្មី និងអំណរសប្បាយពិតប្រាកដ។

រីឯយុវតី មុី គីមលីន មកពីព្រះវិហារសន្តីម៉ារីញញឹម ចំការទៀង បានឲ្យថា៖ រីករាយណាស់ដែលទទួលជីវិតថ្មីរួមជាមួយព្រះគ្រីស្ត ។ មានប្រកាសថា នឹងខិតខំថែរក្សាជីវិតថ្មីនេះឲ្យ​ជាប់ជាមួយពន្លឺរបស់ព្រះគ្រីស្ត ព្យាយាមប្រព្រឹត្តអំពើល្អ ចំពោះអ្នកដទៃ។

បុណ្យចម្លងឬបុណ្យព្រះយេស៊ូមានព្រះជន្មរស់ឡើងវិញឆ្នាំ២០១៧ មានបងប្អូន ទទួលជីវិតថ្មីតាមរយៈអគ្គសញ្ញាជ្រមុជទឹក ក្នុងភូមិភាគភ្នំពេញចំនួនប្រមាណ ១២៨នាក់ ដោយឡែកក្នុងខេត្តតាកែវមានចំនួន៦៩នាក់ ។ ទូទាំងប្រទេស មានចំនួនប្រមាណជា៣០០នាក់​ដែលទទួលអគ្គសញ្ញាជ្រមុជក្នុងព្រះសហគមន៍កាតូលិក។

២៨ មីនា ២០១៧

យុវជននៃ​ព្រះសហគមន៍អំពៅព្រៃ រួមសហការជាមួយ​ថ្នាក់ដឹកនាំ​នៃមណ្ឌលសកម្មភាព​តាខ្មៅ​ បាន​សាងសង់បង្គន់ ចំនួន​៤៥​ សម្រាប់​​គ្រួសារ​ជនក្រីក្រ​នៅ​ភូមិបឹង៩៤ ឃុំកណ្ដោក ស្រុក​​​ កណ្ដាលស្ទឹង ខេត្ត កណ្ដាល ដែលចាប់ផ្ដើមពីពាក់កណ្ដាលខែ កុម្ភះ ឆ្នាំ២០១៧ រហូតមកដល់ថ្ងៃទី ២៨​​ ខែ មិនា ឆ្នាំ ២០១៧ នឹងគ្រោង​បញ្ចប់នៅមុនបុណ្យចូលឆ្នាំខ្មែរខាងមុខនេះ ដើម្បី​ថែរក្សា​បរិស្ថាន និង​សុខភាព​អ្នកភូមិ​។​

លោក​ពន្លក ពន្លឺ អាយុ ៤៧ឆ្នាំ ជាអ្នក​ភូមិ​​បាននិយាយ​ថា ប្រជាជនក្នុងភូមិបឹង៩៤ ប្រមាណ​ជា​៩៩ភាគរយ​ ដែលគ្មានបង្គន់ប្រើប្រាស់ ភាគច្រើនគ្មានលទ្ធភាព និងមួយចំនួនទៀតពុំបានដឹងច្បាស់ពីផលប៉ះពាល់។​ ហើយលោកបន្ដថា ការធ្វើបង្គន់គឺ មួយគ្រួសារត្រួវបង់វិភាគទាន ៤០០០០រៀល ដែលមានការយល់ព្រមពីគ្រួសារទាំង​​​ ៤៥គ្រួសារ ហើយផ្នែកនៅសល់ខាងម្ចាស់ជំនួយជាអ្នកផ្គត់ផ្គង់ ហើយក្នុងនោះក៏មានការជួយយ៉ាងសរស្រាកសរស្រាំ ពីយុវជនសាមគ្គី របស់ព្រះសហគមន៍អំពៅព្រៃ ទោះបីអាកាសធាតុក្ដៅ យ៉ាងណាក៏ដោយក៏ពួកគេ​ ព្យាយាមអស់ពីកម្លាំងកាយ កម្លាំងចិត្ត ហើយពួកគេមានអារម្មណ៍សប្បាយរីករាយ និង​ធ្វើ​ដោយក្ដីស្រលាញ់។ លោកសូមថ្លែងអំណរអរគុណយ៉ាងខ្លាំង ដល់អស់ម្ចាស់ជំនួយ លោកឪពុក ហ្គេហ្សី ម៉ារីយូ និង អ្នកគ្រួ ម៉ែន ថារី ដែលជួយសហការយ៉ាងសកម្ម ដែលធ្វើអោយបង្គន់ ចាប់ផ្ដើមមាននៅក្នុងភូមិ ដ៏ក្រីក្រមួយនេះ ដែលជាផ្នែកមួយយ៉ាងធំ ក្នុងការការពារបរិស្ថានក្នុងប្រទេស និងពិភពលោកទាំងមូល។ លោកថា ក្នុងនាមយើងជាអ្នកភូមិបឹង៩៤ ក៏សូមសន្យាថា និងជួយថែរក្សា បង្គន់អោយបានល្អ ទៅតាមលទ្ធភាពដែលអាចធ្វើទៅបាន។

យុវនារី ផូ ស្រីល័ក្ខ ជាសមាជិកក្រុមសាមគ្គី របស់ព្រះសហគមន៍អំពៅព្រៃមានអារម្មណ៍សប្បាយយ៉ាងខ្លាំង ដែលបានចុះជួយអ្នកភូមិបឹង៩៤ ដោយ​សារអ្នកភូមិ មានទំនាក់ទំនងយ៉ាងល្អ ជាមួយក្រុមពួកគាត់ ប៉ុន្ដែអ្វីដែលខ្វះខាតនោះ គឺអនាម័យនៅក្នុងភូមិនោះផ្ទាល់តែម្ដង។ ស្រីល័ក្ខ​បន្តថា​ ខ្ញុំក៏​មានគំនិតចង់ជួយ អស់ពីលទ្ធភាពរបស់ផងដែរ ចង់​បង្កើតក្រុមកាយរិទ្ធ នៅក្នុងភូមិមួយនេះទៀតផង​ ដោយសារមានក្មេងៗច្រើន ដែលត្រូវការអប់រំបន្ថែមផ្នែក អនាម័យ និងចំណេះដឹងផ្សេងៗ។

យុវនារី ទួន រ័ត្នមុនី ជាអ្នកភូមិ​ បឹង៩៤ សព្វថ្ងៃរស់នៅក្នុងមណ្ឌល ហើយក៏ជាសមាជិកក្រុម​ សាមគ្គី របស់ព្រះសហគមន៍អំពៅព្រៃ  បានអោយដឹងថា ការរស់នៅភូមិបឹង៩៤ មានការពិបាកខ្លាំង ទាំងប្រាំង ទាំងវស្សា ហើយ​ក្នុងវដូវស្សា តែងមានទឹកជំនន់ ដែលធ្វើអោយលិចទំនប់ សិស្សមានការពិបាកក្នុង​ការទៅរៀន​ ដោយសារសាលានៅឆ្ងាយ ហើយក្នុងភូមិគ្មានមណ្ឌលសុភាព សាលារៀន។ កញ្ញាបន្តថា​ ប្រជាជននៅទីនោះតែងប្រើទូកជាមធ្យោបាយធ្វើដំណើរនៅពេលខែវស្សា រីឯ​រដូវប្រាំង ពុំសូវមាន​ទឹកប្រើប្រាស់។ ប្រជាជនភាគច្រើនជាគ្រួសារក្រីក្រ ដែលជាហេតុធ្វើពួកគាត់ពុំសូវយល់ច្បាស់ពីការពារបរិស្ថាន និង​ការប៉ះពាល់នៃបរិស្ថាន​ គឺការបន្ទោបង់ពាសវាលពាសកាល នៅតាមព្រៃ និងក្នុងទឹកបឹងផ្ទាល់ ដែលជាហេតុធ្វើអោយប្រជាជននៅទីនោះឈឺច្រើន។ យុវតីថា មានចិត្ត​សប្បាយរីករាយយ៉ាងក្រៃលែងដោយសារ លោកឪពុក ហ្គេហ្សី ម៉ារីយូ និងអ្នកគ្រូ ម៉ែន ថារី បានជួយស្វះស្វែងរកជំនួយ ដូចជាសព្វថ្ងៃបានជួយជាអណ្ដូងទឹកចំនួន ៤ ដែលធ្វើអោយមានទឹកគ្រប់ប្រាំង គ្រប់វស្សា ជាពិសេសការធ្វើបង្គន់៤៥បង្គន់ ដែលធ្វើអោយភូមិ មានបរិស្ថានល្អ និងមានអនាម័យ។

​យុវជន​សាមគ្គី​នៃ​ព្រះ​សហគមន៍​អំពៅ​ព្រៃ តែង​តែ​មាន​សកម្មភាព​សួរសុខទុក្ខ​​គ្រួសារដែលខ្វះខាតនៅតាមភូនិនានា​ជារៀង​រាល់​ខែ។  ​ក្រៅពី​អ្នក​ភូមិ​ខាងលើ​ យុវជន​បាន​សង្កេត​ឃើញ​ថា​ មាន​គ្រួសារជា​ច្រើន​ទៀត​ដែល​​ត្រូវការ​ បង្គន់ អណ្ដូងទឹក ភ្លើង សាលារៀន មណ្ឌលសុខភាព និងការចុះបង្រៀនបន្ថែម ពីអនាម័យ និងការការពារបរិស្ថាន។

ដោយ​ អ៊ុក​ សំនៀង​

២៣ មីនា ២០១៧

“កាយសម្បទា(ខ្ញុំ)មិនគ្រប់លក្ខណៈទេ តែខ្ញុំអាចធ្វើការបាន។ ខ្ញុំមានអំណរសប្បាយ និងស្រឡាញ់ការងារនេះណាស់។” នេះជាសំដីរបស់បុរសពិការកាយសម្បទា ឈ្មោះពុំ សារ៉ាន់ ដែលកំពុងធ្វើការងារនៅក្នុងសិប្បកម្មស្ករគ្រាប់ ដែលស្ថិតក្នុងកម្មវិធីសហគ្រិនសង្គមរបស់ព្រះសហគមន៍កាតូលិកភូមិភាគភ្នំពេញ ។

លោកពុំ សារ៉ាន់ បន្ថែមថា សហគ្រិនសង្គមបានផ្តល់ឱកាសការងារដែលអង្គភាពមួយចំនួនមិនទទួលនិងជាការងារមានភាពងាយស្រួលសម្រាប់ជនពិការ ដោយទទួលបានប្រាក់ខែសមរម្យដើម្បីសម្រាលបន្ទុកគ្រួសារឲ្យផុតពីភាពលំបាក។ ស្រដៀងគ្នានេះ អ្នកស្រី នៅ ឡាយ ជាអ្នកតម្បាញក្រមាសូត្រនៅខេត្តតាកែវ បានឲ្យដឹងដែរថា កម្មវិធីនេះ បានជួយសម្រួលដល់សុខភាពអ្នកស្រី និងផ្តល់ប្រាក់កម្រៃសមល្មមសម្រាប់ចិញ្ចឹមគ្រួសារ។

អ្នកស្រីឲ្យដឹងថា “អាចរកចំណូលបានចន្លោះ១៣០ ទៅ១៤០ដុល្លាក្នុងមួយខែ អាស្រ័យលើចំនួនក្រមាដែលធ្វើបាន"។ ពុំ សារ៉ាន់ និង នៅឡាយ សព្វថ្ងៃ បម្រើការងារ ក្នុងរោងសិប្បកម្មផលិតស្ករគ្រាប់ ពីផ្លែដូង ចេក ស្វាយ .. ដែលជាគម្រោងមួយ នៃសហគ្រិនសង្គមនៃព្រះសហគមន៍កាតូលិកភូមិភាគភ្នំពេញ។

សហគ្រិនសង្គមនៃព្រះសហគមន៍កាតូលិកភូមិភាគភ្នំពេញ បានបង្កើតឡើងកាលពីចុងឆ្នាំ២០១៥ និងមានសិប្បកម្មជាច្រើនដូចជា សិប្បកម្មស្ករគ្រាប់ ដែលផលិតដោយជនពិការ សិប្បកម្មតម្បាញសូត្រ ផលិតដោយស្ត្រីក្រីក្រនៅភូមិចំការទៀង សិប្បកម្មអំបោសស្លឹកដូង ផលិតដោយស្ត្រីជាម្តាយជនពិការ សិប្បកម្មកាត់ដេរ ផលិតដោយស្ត្រីពិការ សិប្បកម្មដំណាប់ កសិដ្ឋានចិញ្ចឹមសត្វ និងកសិកសិកម្មដំណាំហូបផ្លែ និងបន្លែចម្រុះ។ល។

កម្មវិធីទាំងនេះបានបង្កើតឡើងដោយមានការសហការជាមួយស្ថាប័នបេសកកម្មកាតូលិក អូស្ត្រាលី (CATHOLIC MISSION AUSTRALIA)។ លោក ថុន សុជាតិ អ្នកទទួលខុសត្រូវកម្មវិធីសហគ្រិនសង្គមនេះបានឲ្យដឹងថា សហគ្រិនសង្គមគឺជាកម្មវិធីអាជីវកម្មមួយដែលបង្កើតឡើងដើម្បីឲ្យអ្នកក្រីក្រនិងជនពិការអាចចូលរួមនៅក្នុងសង្គម។

លោកថា សហគ្រិនសង្គមបានចូលរួមយ៉ាងសកម្មក្នុងការបង្កើនប្រាក់ចំណូលបន្ថែមដើម្បីបំពេញតាមតម្រូវការរបស់ប្រជាជនដែលរស់នៅក្នុងភាពក្រីក្រ។ ក្នុងឆ្នាំបន្ទាប់ សហគ្រិនសង្គមនឹងគ្រោងបង្កើតកម្មវិធី សិប្បកម្មនិងកែច្នៃម្ហូបអាហារនិងសម្ភារមួយចំនួនបន្ថែមទៀត៕ ដោយដាលីស

១៨ មីនា ២០១៧

លោកអូលីវីយេ ជ្មីហស៊្លែរ អភិបាលនៃព្រះសហគមន៍កាតូលិក កាលពីថ្ងៃទី១៨ ខែមីនា ឆ្នាំ២០១៧កន្លងទៅ បានដឹកនាំលោកបូជាចារ្យ ក្រុមគ្រិស្តបរិស័ទ ប្រធានការិយាល័យមួយ ចំនួន នៃព្រះសហគម៍កាតូលិកភូមិភាគភ្នំពេញ ចូលរួមគោរពវិញ្ញាណក្ខន្ធសម្តេចវិបុល បញ្ញាសុខ អាន នៅគេហដ្ឋាននៃសព ស្ថិតនៅសង្កាត់បឹងរាំង ខណ្ឌ៧មករា ។

ក្រោយពីបានដាក់ការោនផ្កា និងគោរពវិញ្ញាណនៃសពរួច លោកអភិបាលនិងប្រតិភូបាន ជួបសម្តែងការគួរសមជាមួយក្រុមគ្រួសារនៃសពសម្តេចវិបុលបញ្ញាសុខ អាន ក្នុងនោះ លោកអភិបាលបានសម្តែងនូវការចូលរួម រំលែកទុក្ខ និងការសោកស្តាយចំពោះការបាត់បង់ ស្វាមី និងឪពុកដ៏ជាទីស្រឡាញ់របស់ខ្លួន ។

នៅក្នុងសៀវភៅមរណទុក្ខ លោកអភិបាលអូលីវីយេ បានសរសេរថា យើងខ្ញុំទាំងអស់គ្នា ជាតំណាងព្រះសហគមន៍កាតូលិកនៅកម្ពុជា នៅថ្ងៃនេះ សូមចូលរួមសម្តែងនូវការរំលែកទុក្ខ ជាអនេក រួមជាមួយលោកជំទាវអានីសុខ អាន និងក្រុមគ្រួសារទាំងអស់ ។

សូមព្រះជាម្ចាស់ ទទួលវិញ្ញាណក្ខន្ធសម្តេចវិបុលបញ្ញាសុខ អាន នៅក្នុងព្រះរាជ្យព្រះជាម្ចាស់ នៅស្ថានបរមសុខផង ។

គួរបញ្ជាក់ថា លោកសុខ អាន ឧបនាយករដ្ឋមន្ត្រី និងជារដ្ឋមន្ត្រីទទួលបន្ទុកទីស្តីការ គណរដ្ឋមន្ត្រី ដែលបានខិតខំក្នុងពលិកម្មបំរើជាតិជាង៣០ឆ្នាំ ។ ដោយសារមានស្នាដៃ ក្នុងបុព្វហេតុបំរើជាតិមាតុភូមិ នៅថ្ងៃទី១៣ ខែមីនា កន្លងទៅ លោកសុខ អាន ត្រូវបាន ព្រះមហាក្សត្រនៃព្រះរាជាណាចក្រកម្ពុជា គឺព្រះបាទសម្តេចព្រះបរមនាថនរោត្តម សីហមុនី

ត្រាស់បង្គាប់តែងតាំងគោរមងារ ជាសម្តេចវិបុលបញ្ញា ។

សម្តេចវិបុលបញ្ញាសុខ អាន បានទទួលមរណភាពនៅវេលាម៉ោង១៨ និង៣០នាទីរសៀល នាថ្ងៃទី១៥ ខែមីនា ឆ្នាំ២០១៧ នៅមន្ទីរពេទ្យ នៃសាធារណរដ្ឋប្រជាមានិតចិន ដោយរោគា ពាធ ។ សពសម្តេច វិបុល បញ្ញាសុខ អាន បានរៀបចំពិធីបុណ្យគាវរកិច្ចសព និងធ្វើការ ដង្ហែរទៅបូជាតាមប្រពៃណី កាលពីព្រឹកថ្ងៃអាទិត្យ ទី១៩ ខែមីនា ឆ្នាំ២០១៧ នៅមុខវត្ត បទុមវត្តី នារាជធានីភ្នំពេញ ៕

១២ មីនា ២០១៧

គ្រីស្តបរិស័ទរាប់ពាន់នាក់បានមកចូលរួមក្នុងកម្មវិធីខួប៧១ឆ្នាំ នៃមរណសាក្សីហ្វ្រង់ស្វ័រសាវីយេ ត្រឿង ប៊ូយៀប និង បុណ្យឆ្លងរូបសំណាកព្រះនាងម៉ារី នៅព្រះសហគមន៍ផ្លូវត្រី ក្រោមអធិបតីរបស់លោកអូលីវីយេ ជ្មីតអីស្ល៊ែរ ជាអភិបាលព្រះសហគមន៍កាតូលិកភូមិភាគភ្នំពេញ រួមជាមួយលោកបូជាចារ្យជាច្រើនអង្គទៀតនាថ្ងែទី១២មីនា ២០១៧នេះ។

នៅក្នុងពិធីនោះ លោកអភិបាលបានមានប្រសាសន៍ទៅកាន់គ្រីស្តបរិស័ទថា ថ្ងៃនេះយើងអរគុណដល់ លោកឪពុក ប៊ូយៀប ដែលបានប្រមូលយើងយ៉ាងច្រើនជារៀងរាល់ឆ្នាំ ដើម្បីដឹងថាកន្លែងនេះជួយយើងអធិដ្ឋាន ជួបជាមួយព្រះជាម្ចាស់ និងស្តាប់ព្រះជាម្ចាស់។

លោកអូលីវីយេ បានបន្ថែមថា ព្រះជាម្ចាស់បានជ្រើសរើសលោកប៊ូយៀប តាមរបៀបដែលលោកបានបម្រើ និងស្រឡាញ់ព្រះជាម្ចាស់។

លោកបន្តថា “ខ្ញុំជឿថា ព្រះជាម្ចាស់បានជ្រើសរើសយើងទាំងអស់គ្នានៅទីនេះដើម្បីមានជីវិតថ្មីយ៉ាងអស្ចារ្យ ដោយក្នុងទឹកដីភូមិភាគភ្នំពេញ យើងមានមរណសាក្សីជាច្រើន ដូចជាលោកឪពុកប៊ូយៀប លោកអភិបាលឆ្មាសាឡាស… ជាដើម។ល។

លោកថា តាមពិតព្រះជាម្ចាស់បានជ្រើសរើសយើងឲ្យទៅជាអ្នកដ៏វិសុទ្ធ ដើម្បីរស់នៅតាមរបៀបព្រះយេស៊ូ តាំងពីថ្ងៃដែលយើងទទួលអគ្គសញ្ញាជ្រមុជទឹក។

លោកបានដាស់តឿនគ្រីស្តបរិស័ទទាំងអស់ ឲ្យមានការប្រុងប្រយ័ត្ន កុំមានចិត្ត លោភលន់ និងងប់ជាមួយទ្រព្យសម្បត្តិ ដោយនឹកឃើញដល់អត្ថបទព្រះគម្ពីរស្តីអំពីលោកឡាសាល និងអ្នកមាន។

លោកមានប្រសាសន៍ដូចនេះគឺកុំឲ្យយើងភ្លេចខ្លួន រវល់តែចង់បានទ្រព្យសម្បត្តិ ហើយភ្លេចគិតដល់អ្នកតូចតាច ជនអនាថាដែលពិបាក និងគ្មានក្តីសង្ឃឹម។

លោកបន្តថា ហេតុនេះព្រះសហគមន៍ណែនាំឲ្យយើងចេះប្រើទ្រព្យសម្បត្តិរបស់យើងដើម្បីចិញ្ចឹមជីវិតគ្រប់គ្រាន់ និងចេះចែករំលែកដល់អ្នកដទៃផងដែរ។

លោកអភិបាលបញ្ជាក់ទៀតថា កំពូលនៃជីវិតជាគ្រីស្តបរិស័ទគឺ ចែករំលែកសេចក្តីស្រឡាញ់ដូចលោកប៊ូយៀប និងលោកសាឡាស់ ដែលបានស្រឡាញ់រហូតបូជាជីវិតដែរ។ យុវនារី បូផល គ្រីស្តបរិស័ទព្រះសហគមន៍ផ្លូវត្រី បានថ្លែងថា ពិធីបុណ្យរំឭកដល់លោកបូជាចារ្យ ប៊ូយៀប ប្រព្រឹត្តទៅដោយរលូន គឺពិតជាព្រះអំណោយទានដែលព្រះជាម្ចាស់បានចាក់បង្ហូរមកលើព្រះសហគមន៍ផ្លូវត្រីយើងនេះ។

យុវតីក៏បានជូនពរដល់បងប្អូនទាំងអស់ និងចងចាំមិនភ្លេចនូវទឹកចិត្តសប្បុរសរបស់បងប្អូនដែលបានចូលរួមចែករំលែកទាំងថវិកា និងពេលវេលា។

លោកបូជាចារ្យហ្រ្វង់ស្វ័រសាវីយ៉េ ត្រឿង ប៊ូយៀប ជាជនជាតិវៀតណាម ធ្លាប់បានសិក្សានៅទេវវិទ្យាល័យនៅកម្ពុជា។ ក្រោយពីលោកបានតែងតាំងជាបូជាចារ្យកាតូលិក និងបានមកបម្រើព្រះសហគមន៍ផ្លូវត្រី ក្រោយមកលោកបានត្រឡប់ទៅកម្ពុជាក្រោមវិញ ដើម្បីប្រើព្រះសហគមន៍នៅទីនោះ លោកប៊ូយៀប កើតនៅថ្ងៃទី១មករា ១៨៩៧ ហើយនៅថ្ងៃទី១២មីនា១៩៤៦ លោកបានទទួលមរណភាពដោយលោកបានប្តូរជីវិតរបស់ខ្លួនសុំស្លាប់ជំនួសគ្រីស្តបរិស័ទ និងប្រជាជននៅក្នុងសម័យសង្គ្រាម។

ដោយឡែកព្រះសហគមន៍ នៅប្រទេសកម្ពុជា ជាពិសេសព្រះសហគមន៍ផ្លូវត្រីនេះ តែងតែប្រារព្វពិធីរំឭកដល់លោកប៊ូយៀប យ៉ាងឱឡារឹកជារៀងរាល់ឆ្នាំ ព្រោះជាព្រះសហគមន៍ដែលលោកធ្លាប់បម្រើដោយក្តីស្រឡាញ់ និងធ្លាប់បង្ហាញឲ្យអ្នកនៅតំបន់នោះបានឃើញ ក្រោយពេលលោកទទួលមរណភាពផងដែរ។ ពេលនេះព្រះសហគមន៍កំពុងរៀបចំឯកសារនានា ដើម្បីទទួលស្គាល់លោកជាមរណបុគ្គល។

ដោយដាលីស

០៥ មីនា ២០១៧

 "អបអរសាទរ​​ដល់បងប្អូន ដែលទទួលជីវិតថ្មីនិងដែលជាព្រះកាយព្រះគ្រិស្តរួមជាមួយយើងទាំងអស់  នេះជាអំណរសប្បាយដែលយើងមាន ប៉ុន្តែដើម្បីទទួលអំណរ សប្បាយនេះ យើងត្រូវការចូលទៅក្នុងរដូវសែសិបថ្ងៃបន្តិចម្តងៗ ដើម្បីរួមជាមួយព្រះយេស៊ូ ដើម្បីក្លាយទៅ ជាព្រះកាយព្រះគ្រិស្តក្នុងពិភពលោកទាំងមូល នៅក្នុងសង្គមរបស់យើងជានិច្ច ។" នេះជាប្រសាសន៍របស់លោកអភិបាលភូមិភាគភ្នំពេញ នៅក្នុងឱកាសពិធីត្រាស់ហៅយ៉ាង ឱឡារិក បេក្ខជនបេក្ខនារីចំនួន១២៨នាក់ ឲ្យរៀបចំខ្លួនទទួលអគ្គសញ្ញាជ្រមុជទឹកនាំពេលបុណ្យចម្លងខាងមុខនេះ។ បេក្ខជន បេក្ខនារីទាំងនោះមកពីមណ្ឌលសកម្មភាពនានារបស់ ព្រះសហគមន៍កាតូលិកភូមិភាគភ្នំពេញ 

ពិធីត្រាស់ហៅយ៉ាងឱឡារិកនេះ រៀបចំឡើង នៅព្រះវិហារសន្តប៉ូល និងសន្តសិលា នៃមណ្ឌលសកម្មភាពភ្នំពេញថ្មី ​ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ក្រោមអធិបតីភាពលោកអូលីវីយេ ជ្មីតហស៊្លែរ អភិបាល ព្រះសហគមន៍កាតូលិកភូមិភាគ ភ្នំពេញ លោកបូជាចារ្យក្នុងភូមិភាគ បងប្រុសបងស្រី ព្រមជាមួយបងធម៌ រួមនិងបងប្អូន គ្រីស្តបរិស័ទយ៉ាងច្រើនកុះករ ។

មានប្រសាសន៍ក្នុងពិធីនោះលោកអភិបាលបានលើកឡើងថា៖ ថ្ងៃនេះ ជាថ្ងៃអាទិត្យទីមួយ នៅក្នុងរដូវអប់រំពិសេស ជាពេលវេលារបស់លោកអភិបាលត្រូវធ្វើពិធីត្រាស់ហៅយ៉ាងឱឡារិក សម្រាប់បេក្ខជនបេក្ខនារី​ ឲ្យត្រៀមខ្លួនទទួលពិធីជ្រមុជទឹក នៅក្នុងឱកាសបុណ្យចម្លងនាពេលខាងមុខ ។ សម្រាប់ពួកគេ ជាបេក្ខជនដែលត្រៀមទទួលពិធីជ្រមុជទឹកបានរៀបចំខ្លួន អស់រយៈពេលជាច្រើនឆ្នាំកន្លងមកហើយ ក្នុងការដើរតាមព្រះយេស៊ូ ដោយមានខ្លះ៣ឆ្នាំ ខ្លះ៥ ឆ្នាំ ដែលមកពីមណ្ឌលសកម្មភាពចំនួន៨ ក្នុងភូមិភាគភ្នំពេញ ដែលសុំទទួលពិធីជ្រមុជទឹក។ 

លោកអភិបាលបញ្ជាក់ថា នៅថ្ងៃនេះដែរ គឺជាអំណរសប្បាយសម្រាប់ព្រះសហគមន៍ទាំងមូល ហើយក៏ជាអំណរ សប្បាយសម្រាប់ពួកគេ​ផងដែរ ដោយសារពួកគេបានឃើញ និងបានដើរ តាមព្រះយេស៊ូយូរ ហើយ គេស្គាល់ព្រះសហគមន៍យូរហើយ ប៉ុន្តែឥឡូវនេះពិតមែន ពួកគេ នឹងត្រូវទទួលអគ្គសញ្ញាជ្រមុជទឹកនៅយប់ថ្ងៃបុណ្យចម្លងខាងមុខនេះ 

តាមក្បួនអប់រំជំនឿរបស់ព្រះសហគមន៍កាតូលិក ក្នុងរដូវអប់រំពិសេសនេះ បងប្អូនទាំងនេះនឹង ទទួលពីធីផ្សេងៗ ក្នុងអាទិត្យក្នុងនីមួយៗ មានពិធីជំរះចិត្ត ៣ដង ពិធីទទួលធម៌ជឿ និងពិធីទទួលធម៌ឱព្រះបិតាជាដើម។

លោកអភិបាលក៏បានមានប្រសាសន៍ទៅកាន់គ្រីស្តបរិស័ទដែរថា ៖ រដូវ៤០ថ្ងៃសម្រាប់យើងទាំងអស់គ្នា ដែលមកពីមណ្ឌលសកម្មភាពនីមួយៗ ដោយបានទទួល បេក្ខជនថ្មីៗទាំងនេះ ទៅជាពេលវេលាពិសេស គឺការអប់រំពិសេស សម្រាប់យើងទាំងអស់។ ពេលខាងមុខនេះ យើងចូលនៅក្នុងដំណាក់កាល នីមួយៗជាមួយបេក្ខជន ដោយមានពិធីជម្រះចិត្តគំនិតទីមួយ ពិធីជម្រះចិត្តគំនិតទីពីរ ពិធីជម្រះចិត្តគំនិតទីបី និងក្រោយមកប្រគល់ធម៌ប្រកាសជំនឿឲ្យបេក្ខជននិងមួយសប្តាហ៍ បន្ទាប់ទៀត គឺប្រកាសជំនឿរបស់គេ។ ពិតមែនយើងជឿ លើព្រះជាម្ចាស់ដែល ជាព្រះបិតាព្រះបុត្រា និងព្រះវិញ្ញាណដ៏វិសុទ្ធ ពិតមែនយើងជឿ លើព្រះសហគមន៍កាតូលិក លើជីវិតអស់កាលជានិច្ច លើការលើកលែងទោសរបស់ព្រះជាម្ចាស់។ នេះជាឱកាស មួយសម្រាប់យើងជាគ្រីស្តបរិស័ទ ដើម្បីភ្ញាក់ស្មារតីម្តងទៀតដោយខិតខំជម្រះចិត្តគំនិតរបស់យើងម្តង បន្តិចៗ ខិតខំប្រកាសជំនឿរបស់យើងម្តងទៀត និងក្រោយមកយើងប្រគល់ធម៌ឱព្រះបិតា ឲ្យនឹកឃើញពិតមែនខ្ញុំជាបុត្រធីតារបស់ព្រះជាម្ចាស់។

លោកអភិបាលបន្ថែមថា៖ ឆ្នាំនេះថ្ងៃសុក្រពិសិដ្ឋ គឺត្រូវថ្ងៃចូលឆ្នាំខ្មែរទីមួយ ជាឱកាសមួយដើម្បីប្រកាសថាពិតមែនខ្ញុំជាគ្រីស្តបរិស័ទ ទោះបីជាថ្ងៃទីមួយនៃពិធីចូលឆ្នាំដែលបងប្អូនមកជួបជុំគ្នាសប្បាយ តែខ្ញុំចូលនៅក្នុងព្រះវិហារដើម្បីគោរពព្រះយេស៊ូ ដែលសោយទិវង្គត និងដើម្បីចូលរួមនៅក្នុងទុក្ខលំបាករបស់ព្រះយេស៊ូគ្រីស្ត ដើម្បីតមអាហារ និងធ្វើដំណើរជាមួយព្រះយេស៊ូយ៉ាងជិតស្និត។ យើងអាចនិយាយថា អាទិត្យពិសិដ្ឋឆ្នាំនេះគឺពិសេសថែមទៀត ដែលណែនាំឲ្យយើងធ្វើជាមនុស្សដ៏វិសុទ្ធថែមទៀត ដោយសារយើងសុខចិត្តលះបង់ចោល ដើម្បីបង្ហាញថាយើងជាសាវ័ករបស់ព្រះគ្រីស្ត។ ក្រោយមកយើងចូលនៅក្នុងអំណរសប្បាយនៃរាត្រីបុណ្យចម្លង ឲ្យយើងម្នាក់ៗដែលជា គ្រីស្តបរិស័ទចូលរួមយប់បុណ្យចម្លងឲ្យបានច្រើន ដើម្បីអបអរសាទរបងប្អូនដែលនឹងទទួលអគ្គសញ្ញាជ្រមុជទឹក ដែលនឹងទទួលជីវិតថ្មី ដែលទៅជាព្រះកាយព្រះគ្រីស្តរួមជាមួយយើងទាំងអស់គ្នា។

ក្រោយពិធម្មទេសនា  លោកអភិបាលព្រះសហគមន៍ ក៏បានសួរសំណួរមួយចំនួនទៅបេក្ខជន បេក្ខនារី អំពីគោលបំណង និងជំនឿរបស់ ព្រមទាំងបានត្រាស់ហៅតាម​​ឈ្មោ​ះម្នាក់ៗនៅមុខព្រះសហគមន៍យ៉ាងឱឡារិក ឲ្យចុះឈ្មោះក្នុងបញ្ជីព្រះសហគមន៍​។    

អ្នកស្រីលិន សីហា អាយុ៣៦ឆ្នាំ មកពីព្រះសហគមន៍សន្តយ៉ូសែប ជុំគិរី ខេត្តកំពត បានឲ្យ ដឹងថា សម្រាប់អ្នក​ស្រីពិតជាមានចិត្តរំភើបរីករាយជាខ្លាំង ដែលបានទទួលការត្រាស់ហៅនា ឱកាសនេះ ។

 អ្នកស្រីសីហា បានបញ្ជាក់អំពីការជំនឿរបស់ខ្លួនថា ក្លាយទៅជាបុត្រធីតារបស់ព្រះជាម្ចាស់ តែងមានសេចក្តីសង្ឃឹមជានិច្ច ។ ដូចនៅពេលគឺអ្នកស្រីបានចូលរួមជាមួយព្រះយេស៊ូ ដែល នាំឲ្យរូបអ្នកស្រីមានសេចក្តីស្រឡាញ់ និងចិត្តមេត្តាករុណាចំពោះអ្នកដទៃ។ ម្យ៉ាងទៀតមានអំណរដោយសារបានចូល រួមជាមួយព្រះយេស៊ូដែលសោយទិវង្គត និងមានព្រះជន្មរស់ឡើងវិញ ។

ជាជនពិការជើងទាំងពីរ អង្គុយនៅលើរទះរុញ យុវជន ច្រាច់ ចិន អាយុ ២៦ឆ្នាំ មកពីមណ្ឌល សកម្មភាពតាខ្មៅបានឲ្យដឹងថា រូបប្អូនផ្ទាល់នៅថ្ងៃនេះពិតជាមានចិត្តរំភើបណាស់ ដែលបាន ចូលរួម និងទទួលពិធីត្រាស់ហៅក្នុងថ្ងៃនេះ ។ ប្អូនប្រុសជឿថាព្រះជាម្ចាស់បានដឹកនាំផ្លូវជីវិត របស់ប្អូនឲ្យដើរតាមផ្លូវល្អ និងនាំប្អូនឲ្យកែប្រែជីវិតថ្មី ជាពិសេសជួយប្អូនឲ្យគិតដល់ការយក ចិត្តទុកដាក់យកអាសារ និងជួយអ្នកដទៃ ព្រមទាំងការលើកលែងទោសឲ្យអ្នកដទៃជាដើម។

អ្នកស្រីចាន់ សុម៉ាឡា អាយុ២៨ ឆ្នាំ រស់នៅសង្កាត់ចោមចៅ បានឲ្យដឹងថា ក្រោយពេល ដែល អ្នកស្រីស្វែងយល់ជំនឿ អ្នកស្រីជឿថា អ្នកស្រីបានចូលរួមដំណើរជីវិតជាមួយព្រះយេស៊ូ បាន ទទួលដំណឹងល្អ ដោយក្តីសង្ឃឹមទទួលបានជីវិតថ្មី ។

ជាមួយគ្នានេះអ្នកស្រីបញ្ជាក់ថា នៅក្រោយពេលបានទទួលពិធីជ្រមុជទឹករួច អ្នកស្រីនិងចូល រួមជាមួយកិច្ចការបំរើព្រះសហគមន៍ នៅក្នុងការសម្តែងធម៌មេត្តាករុណា តាមរយៈសកម្មភាព ផ្សេងៗដែលព្រះសហគមន៍មាន ។

ដោយឡែកសម្រាប់លោកតែ មុន្នីរតនា អាយុ៣៩ឆ្នាំ បានលើកឡើងថា លោកបានទទួល ការអប់រំជំនឿពីព្រះសហគមន៍កាតូលិកដោយយល់ថា​៖" ខ្ញុំជាមនុស្សមានបាប ហើយត្រូវការ ប្រែចិត្តគំនិត ។" ទៅថ្ងៃអនាគតលោករតនា ប្តេជ្ញាថា ប្រកាសដំណឹងល្អអំពីព្រះយេស៊ូនេះ ទៅដល់ បងប្អូនឯទៀតៗ និង ទៅដល់មិត្តភក្តិ  ដើម្បីឲ្យពួកគេបានស្គាល់ ព្រះយេស៊ូ និងស្គាល់នូវសេចក្តីស្រឡាញ់ និងធម៌មេត្តាករុណារបស់ព្រះអង្គ ៕

០៥ មីនា ២០១៧

គម្រោងសាងសង់អគារថ្មី សម្រាប់បម្រើការ ឲ្យការធ្វើសកម្មភាពផ្សេងៗរបស់សហគមន៍គ្រីស្តបរិស័ទកាតូលិកជនជាតិកូរ៉េ ដែលកំពុងស្នាក់នៅក្នុងប្រទេសកម្ពុជា បានចាប់ផ្តើមដោយពិធីប្រោសទឹកព្រះពរ ​បើកការដ្ឋានសាងសង់ កាលពីរសៀល ថ្ងៃអាទិត្យទី០​៥ ខែមីនា ឆ្នាំ២០១៧ កន្លងទៅ នៅមណ្ឌលសកម្មភាពភ្នំពេញថ្មី ក្រោមអធិបតីភាពលោកអភិបាល អូលីវីយេ ជ្មីហស៊្លែរ ជាអភិបាលព្រះសហគមន៍កាតូលិក ភូមិភាគភ្នំពេញ លោក បូជាចារ្យសួនហង្សលី ជាបូជាចារ្យទទួលខុសត្រូវ នៅមណ្ឌល សកម្មភាពភ្នំពេញថ្មី  លោកបូជាចារ្យអ៊ីនហ្គុន ជាបូជាចារ្យអ្នកទទួលមើលថែរសហគមន៍គ្រីស្តបរិស័ទកាតូលិក ជនជាតិកូរ៉េ រួមជាមួយបងប្អូនគ្រិស្តបរិស័ទ ជនជាតិកូរ៉េយ៉ាងច្រើនកុះករ ។

លោកអូលីវីយេ ជ្មីតហស៊្លែរ អភិបាលព្រះសហគមន៍កាតូលិកភូមិភាគភ្នំពេញបានមាន ប្រសាសន៍ថា នៅថ្ងៃនេះយើងឆ្លៀតឱកាស សូមព្រះជាម្ចាស់ប្រទានពរ សម្រាប់ការ សាងសង់អគារថ្មីដោយជោគជ័យ​ ។ លោកបន្តថា ទីតាំងដីនេះស្ថិតនៅក្នុងភ្នំពេញថ្មី ខាងក្រោយព្រះវិហារសន្តសិលា និងសន្តប៉ូល គឺយើងបានរៀបចំគម្រោងជាច្រើន។ ជាក់ស្តែងអ្វីដែលយើងបានរៀបចំហើយ គឺរៀបចំ ជាមជ្ឈមណ្ឌល សម្រាប់ការអប់រំ និងសំណាក់ធម៌ ជួបជុំគ្នាប្រជុំ ​ព្រមទាំងបំរើឲ្យការរៀបចំ សម្រាប់ការធ្វើសកម្មភាពផ្សេងៗទៀត ។

លោកអភិបាលបានបញ្ជាក់ថា ក្រោយពីបញ្ចប់ការសាងសង់អគារនេះ ព្រះសហគមន៍ និងសហគមន៍គ្រីស្តបរិស័ទជនជាតិកូរ៉េ អាចប្រើប្រាស់អគារនេះរួមគ្នា ដោយ ទីតាំងមួយផ្នែកនៃអគារនេះ ប្រើសម្រាប់បងប្អូនគ្រីស្តបរិស័ទកូរ៉េ គឺសម្រាប់ការអធិដ្ឋាន និង អាហាដ្ឋាន និងមួយផ្នែកទៀតសម្រាប់ប្រើប្រាស់ ធ្វើជាការិយាល័យ នៃភូមិភាគភ្នំពេញ គឺការិយាល័យការអប់រំសិក្សា ការិយាល័យសុខភាព និងករិយាល័យយុវជន។ ក្នុងនោះក៏មានក្លីនីកព្យាបាលជំងឺត្រចៀកផងដែរ។

តំណាងសហគមន៍បងប្អូនគ្រីស្តបរិស័ទកាតូលិកជនជាតិកូរ៉េ លោកបូជាចារ្យអ៊ីនហ្គុន បានមាន ប្រសាសន៍ថា ចាប់តាំពីឆ្នាំ២០០៨ មក ក្រុមគ្រិស្តបរិស័ទជនជាតិកូរ៉េ ដែលបានធ្វើការ និងស្នាក់នៅក្នុងប្រទេសកម្ពុជា គឺក្រៅពីការជួបជុំគ្នា ថ្វាយអភិបូជា និងលើកតម្កើង ព្រះជាម្ចាស់ ក្រុមគ្រីស្តបរិស័ទកូរ៉េ បានរួបរួមគ្នា ក្នុងការធ្វើសកម្មភាពផ្សេងៗ ទាក់ទងទៅនិងកិច្ចការមនុស្សធម៌ និងការសម្តែងមេត្តាករុណា ។

លោកបានបន្តថា ក្នុងនាមសហគមន៍គ្រីស្តបរិស័ទជនជាតិកូរ៉េ សូមថ្លែងអំណរគុណចំពោះ លោកអភិបាល អូលីវីយេដែលជួយគាំទ្រទាំងស្មារតី និងការគាំទ្រទៅលើការងារសាងសង់ អគារនេះ​។ សម្រាប់កិច្ចការទាំងអស់នេះ សហគមន៍ជនជាតិកូរ៉េនៅកម្ពុជា បានទទួលនូវការ គាំទ្រជាច្រើនពីសំណាក់ លោកអភិបាលអូលីវីយេរៀងរហូតមក ជាក់ស្តែងលោកអភិបាល បាន អនុញ្ញាត្តនិងយល់ព្រមប្រគល់ដីមួយចំណែកនៅក្នុងមណ្ឌលសកម្មភាពនៃភូមិភា ភ្នំពេញ សម្រាប់ឲ្យសហគមន៍ជនជាតិកូរ៉េសាងសង់អគារ ក្នុងការជួបជុំគ្នាធ្វើសកម្មភាព ផ្សេងៗ ។

លោកបូជាចារ្យអ៊ីនហ្គុន បានបញ្ជាក់ថា អគារថ្មីនេះ គ្រោងសាងសង់ឲ្យចប់រួចរាល់នៅក្នុង រយៈពេល១០ ខែ ខាងមុខពោលគឺបញ្ចប់រួចរាល់ នៅមុនពិធីបុណ្យព្រះយេស៊ូប្រសូត្រ ចុងឆ្នាំនេះ។ ចំណែកថវិការចំណាយសម្រាប់ការសាងសង់អគារនេះ គឺបានមកពីការចូលរួម និងឧបត្ថម្ភពីក្រុមគ្រីស្តបរិស័ទកាតូលិកកូរ៉េនៅក្នុងប្រទេសកម្ពុជា និងការឧបត្ថម្ភពីគ្រីស្តបរិស័ទនៅ ប្រទេសកូរ៉េ ។

 សូមបញ្ជាក់ថា ទៅថ្ងៃអនាគតសម្រាប់ទីតាំងដីនៅមណ្ឌលសកម្មភាពភ្នំពេញថ្មីនេះ គ្រោងនឹង មានការសាងសង់អគារនានាសម្រាប់គម្រោង ជាច្រើនមានដូចជា  សង់អាសនៈព្រះវិហារ មួយ អាគារសិក្សាថ្នាក់ឧត្តមសិក្សា មន្ទីរពេទ្យរបស់ព្រះសហគមន៍កាតូលិក និងគម្រោងសកម្មភាពផ្សេងៗទៀត ដែលបម្រើឲ្យការងារអប់រំ សុខភាព និងកិច្ចការមនុស្សធម៌ផ្សេងៗ សម្រាប់ព្រះសហគមន៍កាតូលិកភូមិភាគភ្នំពេញទាំងមូល ៕

០២ មីនា ២០១៧

ព្រះសហគមន៍កាតូលិកភូមិភាគភ្នំពេញ បានរៀបចំការអធិដ្ឋានសម្រាប់ការត្រាស់ហៅពេញមួយយប់ លើកទី៥៨ នៅព្រះវិហារសន្តហ្រ្វង់ស្វ័រសាវីយេ(ចំប៉ា) នៃមណ្ឌលសកម្មភាពទន្លេមេគង្គ ដើម្បីទូលអង្វរព្រះជាម្ចាស់ សូមឲ្យមានយុវជន យុវនារី ឆ្លើយតបទៅនឹងការត្រាស់ហៅរបស់ព្រះជាម្ចាស់ក្នុងជីវិតជាបព្វជិតបព្វជីតា។ កម្មវិធីនេះធ្វើឡើងនាថ្ងៃ២ មិនា ២០១៧ ដែលលោកអភិបាលអូលីវីយេ ជ្មីតហស៊្លែរ ជាអធិបតី និងមានគ្រីស្តបរិស័ទចូលរួមជាច្រើនរយនាក់។

នៅក្នុងធម្មទេសនា លោកអភិបាលបានមានប្រសាសន៍រំឭកដល់គ្រីស្តបរិស័ទថា តើយើងជ្រើសរើសជីវិតតាមរបៀបណា? តាមរបៀបលោកិយ៍ ឬតាមរបៀបព្រះយេស៊ូ? លោកបញ្ជាក់ថា តាមពិត ប៉ុន្មានដងនៅក្នុងជីវិតយើងភ្លេចខ្លួន ដូចនេះរដូវ៤០ថ្ងៃជាឱកាសមួយ ដើម្បីនាំយើងឲ្យស្រឡាញ់ព្រះជាម្ចាស់ និងស្តាប់បង្គាប់ព្រះជាម្ចាស់។ លោកបន្ថែមថា ថ្ងៃនេះយើងអរគុណព្រះសហគមន៍ ដែលមានរដូវ៤០ថ្ងៃ ដើម្បីឲ្យយើងត្រឡប់ទៅរកព្រះយេស៊ូសារជាថ្មី។ មិនតែប៉ុណ្ណោះ លោកអភិបាលអូលីវីយេ បានបង្ហាញអំពីជីវិតតាមរបៀបព្រះយេស៊ូដល់បងប្អូន។​ លោកថា ជារបៀបថ្មីដោយត្រូវការឲ្យយើងបើកចិត្តគំនិតទូលំទូលាយ ទទួលស្គាល់បងប្អូនឯទៀតៗ។ គឺជារបៀបដែលយើងសុខចិត្តតស៊ូយ៉ាងច្រើន។ 

លោកអភិបាលបន្ថែមថា យើងមានរដូវ៤០ថ្ងៃដែលព្រះសហគមន៍ណែនាំយើងឲ្យអធិដ្ឋាន ធ្វើទាន និងតមអាហារ។ តែអ្វីដែលសំខាន់បំផុតគឺ យើងសុខចិត្តលះបង់ចោល ដើម្បីបើកចិត្តគំនិតស្តាប់ព្រះបន្ទូលព្រះជាម្ចាស់ និងដើម្បីស្រឡាញ់បងប្អូនឯទៀតៗ។

លោកអូលីវីយេ បន្តថា យប់នេះការអធិដ្ឋានសម្រាប់ការត្រាស់ហៅ គឺជាឱកាសសម្រាប់បងប្អូនទាំងអស់នៅស្ងៀមស្ងាត់ ស្តាប់ព្រះបន្ទូល ដើម្បីឲ្យសេចក្តីស្រឡាញ់របស់ព្រះជាម្ចាស់ចូលនៅក្នុងជីវិតថែមទៀត ដោយគិតថាត្រូវធ្វើអ្វីខ្លះក្នុងការបម្រើព្រះសហគមន៍ បម្រើបងប្អូនឯទៀតៗ និងស្រឡាញ់ព្រះជាម្ចាស់ថែមទៀត?

ក្នុងនោះលោកអភិបាលក៏បានជំរុញ ដល់យុវជនទាំងអស់ឲ្យរិះគិត ធ្វើដូចម្តេចដើម្បីកុំឲ្យយើងខ្វះគ្រូគង្វាលដ៏សប្បុរស (ដើម្បីបន្តឲ្យព្រះសហគមន៍របស់យើងមានអភិបូជា មានអធិដ្ឋាន មានអគ្គសញ្ញានានា មានការសួរសុខទុក្ខ លើកទឹកចិត្ត និងណែនាំឲ្យមានសេចក្តីស្រឡាញ់យ៉ាងកក់ក្តៅ)។ ធ្វើដូចម្តេចដើម្បីបម្រើព្រះសហគមន៍នៅថ្ងៃអនាគត ដើម្បីណែនាំ និងថែរក្សាបងប្អូន និងសំខាន់ជួយឲ្យបងប្អូនយកចិត្តទុកដាក់បម្រើ អប់រំ ស្រឡាញ់ព្រះសហគមន៍ជានិច្ច និងលើកទឹកចិត្តដោយ ថែរក្សា និងអនុវត្តន៍ព្រះបន្ទូលជាក់ស្តែងនៅក្នុងជីវិតរបស់យើង។ 

ក្រោយពីអភិបូជា ព្រះសហគមន៍ក៏មានកម្មវិធីចែករំលែកសក្ខីភាពអំពីជំនឿ និងអធិដ្ឋានតាមរបៀបតេហ្សេដោយចែកជាក្រុមតាមវេណ អធិដ្ឋាននៅមុខព្រះកាយព្រះយេស៊ូដែលតម្កលលើតុសក្ការៈ ទូលសុំអង្វរព្រះជាម្ចាស់ សូមឲ្យយុវជន យុវនារីចេះឆ្លើយតបចំពោះការត្រាស់របស់ព្រះជាម្ចាស់ជាបព្វជិត បព្វជីតា។

ដោយដាលីស

  1 2 3 4 5 6 7 8 9 10  ...   

© Copyright 2013 Catholic Phnom Penh - All rights reserved.