ក្នុងបរិបទសង្គ្រាមរវាងកម្ពុជានិងថៃ លោកអភិបាល អូលីវីយ៉េបានជំរុញអោយគ្រីស្តបរិស័ទ អធិដ្ឋាន និងបន្តសកម្មភាពមេត្តាករុណា។ លោកថា យើងជាគ្រីស្តបរិស័ទ យើងមានអំណាចមួយគឺអធិដ្ឋាន។ អធិដ្ឋានដើម្បីអោយសុខសន្តិភាពយាងមក «មិនថ្ងៃស្អែក មិនខាងស្អែក តែថ្ងៃនេះ»។ យើងអធិដ្ឋានជាមួយព្រះនាងម៉ារី ដែលជាក្សត្រីនៃសន្តិភាព «ដើម្បីបិទសំឡេងអាវុធ»។ លោកបន្ថែមថា «សង្គ្រាម គឺបំផ្លាញ មិនរកឃើញអ្វីទេ បំផ្លាញអ្វីទាំងអស់ ជីវិត អាគារ សមទ្ធផល និងសន្តិភាព ដែលយើងខិតខំកសាងច្រើនឆ្នាំ។» លោកអភិបាលបានជំរុញ អោយមានសាមគ្គីភាព រវាងបងប្អូនគ្រីស្តបរិស័ទជាជាមួយបងប្អូនឯទៀតៗ យើងត្រូវចូលរួមសហការ មានចិត្តសាមគ្គី ព្រោះយើងជាប្រជាជនតែមួយ ដើម្បីកសាងសន្តិភាព។ «កសាងសន្តិភាព! មានតែសន្តិភាពណែនាំអោយយើងមានសុខដុមរមនា អភិវឌ្ឍន៍ និងមានកម្លាំង ដែលនាំអោយជីវិតរបស់យើងទៅមុខតទៅទៀត» លោកអភិបាលបញ្ជាក់។ ក្នុងកម្មវិធីនេះ ក៏មានវត្តមានរបស់ មន្ទីរធម្មការនិងសាសនា និងអាជ្ញាធរដែនដី រួមនិងភ្ញៀវជាតិនិងអន្តរជាតិយ៉ាងច្រើនកុះករ។ ព្រះសហគមន៍ត្រែងត្រយឹង គឺជាអនុតំបន់ព្រះសហគមន៍ស្ថិតក្នុងមណ្ឌលសកម្មភាពភ្នំពេញថ្មី។ សព្វថ្ងៃព្រះសហគមន៍នេះ មានសកម្មភាពនៅតាមតំបន់ជុំវិញជាមួយកុមារកាយឫទ្ធិ នៅត្រពាំងម្រះ អង្គស្នួល និងនៅភូមិចាន់ទី។
