លោកអភិបាលអូលីវីយ៉េ សូមឲ្យគ្រីស្តបរិស័ទទៅជាពន្លឺថ្មីសម្រាប់សហគមន៍ និងសង្គម
ក្នុងពិធីបុណ្យព្រះវិញ្ញាណយាងមកនៅព្រះវិហារសន្តមីកាអែលក្រុងព្រះសីហនុ នាថ្ងៃទី ០៨ ខែមិថុនាកន្លងទៅ លោកអភិបាលអូលីវីយ៉េ ជ្មីតហស្លេ អភិបាលព្រះសហគមន៍កាតូលិកភូមិភាគភ្នំពេញបានប្រាប់ដល់គ្រីស្តបរិស័ទអំពីចំណុចសំខាន់បី ជាមគ្គុទេសក៍ក្នុងជីវិតជាគ្រីស្តបរិស័ទសកម្ម។ ទី១. ជាប់ជាមួយព្រះជាម្ចាស់ក្នុងរបៀបថ្មី លោកអភិបាលបានបង្ហាញថា តាមរយៈព្រះវិញ្ញាណដ៏វិសុទ្ធ យើងត្រូវបានភ្ជាប់ជាមួយព្រះជាម្ចាស់ យើងទៅជាបុត្រានិងបុត្រីរបស់ព្រះអង្គ។ ពេលយើងទទួលព្រះកាយព្រះគ្រីស្ត យើងមិនត្រឹមតែទទួលប៉ុណ្ណោះទេ តែជាការទទួលព្រះយេស៊ូផ្ទាល់ និងស្ថិតក្នុងអង្គតែមួយជាមួយព្រះអង្គ។ លោកអភិបាលសង្កត់ធ្ងន់ថា «យើងទៅជាអង្គតែមួយជាមួយព្រះយេស៊ូ និងព្រះវិញ្ញាណដ៏វិសុទ្ធ។» ទី២. យើងជាគ្រួសារដ៏ធំបំផុតនៅលើផែនដី និងជាពន្លឺ ដើម្បីរម្លឹកដល់បេក្ខជនចំនួន២៣នាក់
