សិក្ខាសាលាស្តីពីវិជ្ជាជីវៈសារព័ត៌មាន និងបច្ចេកទេសថតរូប ដែលរៀបចំដោយការិយាល័យផ្សព្វផ្សាយព័ត៌មានព្រះសហគមន៍កាតូលិក សម្រាប់សិក្ខាកាមដែលមកពីការិយាល័យ និងព្រះសហគមន៍ក្នុងមណ្ឌលសកម្មភាពទាំងប្រាំបួន ក្នុងភូមិភាគភ្នំពេញចំនួន២២រូប ពីថ្ងៃទី២៣ដល់ថ្ងៃទី២៤ ខែតុលា ឆ្នាំ២០២០ ដែលធ្វើនៅព្រះសហគមន៍សន្តសិលា និងសន្តប៉ូលភ្នំពេញថ្មី បានបញ្ចប់ដោយជោគជ័យ សូមអរគុណ សិក្ខាកាមទាំងអស់ដែលបានចូលរួមយ៉ាងយកចិត្តទុកដាក់ជាមួយគ្នា យើងនឹងសហការគ្នាយ៉ាងជិតស្និទ្ធដើម្បីផ្សព្វផ្សាយព័ត៌មានផ្សេងៗរបស់ព្រះសហគមន៍ក្នុងភូមិភាគភ្នំពេញរបស់យើងអោយបានទូលំទូលាយ៕
ក្រុមសិល្បៈវិទ្យាល័យសន្តហ្វ្រង់ស្វ័រ ទទួលបានលិខិតថ្លែងអំណរគុណ ក្នុងទិវាវប្បធម៌ជាតិ
ក្នុងស្មារតីលើកកម្ពស់ដួងព្រលឹងវប្បធម៌ខ្មែរ ក្រុមសិល្បៈនៃវិទ្យាល័យសន្តហ្វ្រង់ស្វ័រ បាននាំយកនូវទស្សនីយភាពរបាំបុរាណយ៉ាងជក់ចិត្តមកសម្តែងក្នុងឱកាសអបអរសាទរ «ទិវាវប្បធម៌ជាតិ ៣មីនា» លើកទី២៨ ឆ្នាំ២០២៦ ក្រោមប្រធានបទ «យុវជនដើម្បីវប្បធម៌ជាតិ»។ ពិធីនេះត្រូវបានរៀបចំឡើងយ៉ាងអធិកអធម កាលពីព្រឹកថ្ងៃអង្គារ ទី២៤ ខែមីនា ឆ្នាំ២០២៦ នៅសាលប្រជុំធំរដ្ឋបាលខេត្តតាកែវ ក្រោមអធិបតីភាពដ៏ខ្ពង់ខ្ពស់របស់ ឯកឧត្តម វ៉ី សំណាង អភិបាលនៃគណៈអភិបាលខេត្ត។ នៅក្នុងព្រឹត្តិការណ៍ដ៏មានអត្ថន័យនេះ លោកស្រី ឡៃ មករា នាយិការងវិទ្យាល័យសន្តហ្វ្រង់ស្វ័រ រួមជាមួយក្រុមសិល្បៈសិស្សានុសិស្ស បានទទួលលិខិតថ្លែងអំណរគុណផ្ទាល់ពីថ្នាក់ដឹកនាំខេត្ត ចំពោះកិច្ចខិតខំប្រឹងប្រែងក្នុងការចូលរួមថែរក្សាវប្បធម៌។
