ថ្ងៃអាទិត្យ ទី០១ ខែសីហា ឆ្នាំ២០២១ -ថ្ងៃសៅរ៍ ទី០៧ ខែសីហា ឆ្នាំ២០២១ ទោះបីនៅយេីងស្ថិតនៅក្រោមការរឹតបន្តឹងយ៉ាងតឹងរុឹងដោយសារកូវីដ១៩ និងទោះបីជីវិតរបស់យេីងដូចជាមុនធម្មតា ក៏ប៉ុន្តែយេីងត្រូវតែបន្តទៅមុខ។❤️💟💪
ថ្ងៃអាទិត្យទី០១ ខែសីហា ខ្ញុំបានថ្វាយអភិបូជាសម្រាប់ភូមិភាគទាំងមូល ដូចខ្ញុំបានថ្វាយជារៀងរាល់ថ្ងៃអាទិត្យពីខែកុម្ភៈមកម្ល៉េះ ពីព្រះសហគមន៍សន្តីម៉ារីញញឹម តាកែវ។
ថ្ងៃចន្ទ ទី០២ ខែសីហា ឆ្នាំ២០២១ ខ្ញុំបានជួយកិនស្រូវ ច្រូតស្រូវខ្លះ និងសួរសុខទុក្ខនៅវត្ត និងភូមិសុខសាន្ត។
ថ្ងៃអង្គារ ទី០៣ ខែសីហា បានឧបត្ថម្ភអំណោយដល់សាលាស្រុកត្រាំកក់ ដោយសារគេបានបិទផ្សារ និង ២០០នាក់មានវិជ្ជមានកូវីដ១៩។
ថ្ងៃពុធ ទី៤ ខែសីហា ឆ្នាំ២០២១ ខ្ញុំបានទស្សនកិច្ចនៅចំការឋានសួគ៌ និងជួយរៀបចំភោជនីយដ្ឋានថ្មី និងដាំដេីមឈេីហូបផ្លែខ្លះ និងក៏បានឆ្លៀតឱកាសដេីម្បីចូលរួមនៅក្នុងសិក្ខាសាលាអន្តរជាតិតាមហ្សូម ដែលរៀបចំឡេីងដោយវិទ្យាស្ដានសន្តប៉ូល ស្ដីអំពី ផលប៉ះពាល់នៃកូវីដ១៩លេីវិស័យទេសចរណ៍នៅក្នុងប្រទេសកម្ពុជា។
ថ្ងៃព្រហស្បតិ៍ ទី០៥ ខែសីហា ២០២១ ខ្ញុំបានចូលរួមតាមហ្សូមជាមួយបងស្រីសាឡេស៊ាន ដែលបានថ្វាយពាក្យសច្ចាដំបូងរបស់បងស្រី Charlene
ថ្ងៃសៅរ៍ ទី០៧ ខែសីហា ឆ្នាំ២០២១ យេីងបានប្រជុំជាមួយការិយាល័យយុវជនតាមហ្សូម និងតំណាងយុវជនខ្លះ ដេីម្បីរៀបចំមហាសន្និបាតអនឡាញលេីកទី១ ដែលត្រូវប្រព្រឹត្តឡេីងនៅខែកញ្ញាខាងមុខនេះ និងបានពិភាក្សា មានយោបល់ច្រេីន។
នៅពេលរសៀលខ្ញុំបានចូលរួមនៅក្នុងសិក្ខាសាលាជាមួយអាសុីជាង ១០ប្រទេសនៅនៅក្នុងចលនាអធិដ្ឋានសម្រាប់ប្រទេសមីយ៉ាន់ម៉ា យេីងបានចូលរួម ២៥នាក់ពីប្រទេសកម្ពុជានៅក្នុងចំណោមសមាជិក ១៥០នាក់។ 💖😌🙌🇰🇭 ពិតមែន ដោយការអធិដ្ឋាន យេីងអាចលេីកភ្នំពីកន្លែងមួយទៅកន្លែងមួយ។🙏😇
ដេីម្បីបញ្ចប់ថ្ងៃយេីងបានអធិដ្ឋានយេីងបានអធិដ្ឋានតេហ្សេដេីម្បីផ្ញេីជីវិត សេចក្ដីសង្ឃឹម ការភ័យខ្លាចរបស់យេីងទៅលេីព្រះបិតារបស់យេីង។ 🙏🙏
😇សូមបងប្អូនថែរក្សាសុខភាព! 💗
🙏សូមព្រះជាម្ចាស់ប្រទានពរដល់បងប្អូន! 🙏
+លោកអភិបាល អូលីវីយ៉េ
