សាសនិកនៃគ្រីស្តសាសនា ពុទ្ធសាសនា និងឥស្លាមសាសនា ចំនួន១៥០០នាក់ បានចូលរួមគ្នា ក្នុងទិវាអន្តរសាសនាដើម្បីប្រយុទ្ធប្រឆាំងអំពើជួញដូរមនុស្ស ក្រោមអធិបតីភាពសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ក្រោមប្រធានបទ «សូមកុំយកកម្ពុជា ធ្វើជាគោលដៅប្រព្រឹត្តអំពើជួញដូរមនុស្ស»។
«យើងត្រូវការការចូលរួមពីគ្រប់សាសនា ដើម្បីរួមគ្នាប្រឆាំងការជួញដូរមនុស្សនៅកម្ពុជា។» នេះជាការលើកឡើងរបស់លោកនាយករដ្ឋមន្ត្រីហ៊ុន សែន។ លោកបន្តថា ការជួញដូរមនុស្ស ឬឧក្រិដ្ឋកម្មដែលបានកើតឡើង មិនមែនមានតែកម្ពុជាមួយទេ តែក៏មាននៅបណ្ដាប្រទេសផ្សេងទៀតដែរ។
លោកបញ្ជាក់ថា «ការជួញដូរមនុស្សពីប្រទេសមួយទៅកាន់ប្រទេសមួយ ជារឿងអកុសលសម្រាប់ប្រជាជនក្រីក្រ ប្រសិនបើយើងមិនទប់ស្កាត់ទេ។»
លោកនាយករដ្ឋមន្ត្រី បានស្នើសុំឲ្យសាសនានីមួយៗអប់រំសាសនិករបស់ខ្លួន ឲ្យយល់ដឹងអំពី វិធីបង្ការ រារាំង និងប្រើប្រាស់គ្រប់តួអង្គ និងគ្រប់សកម្មភាពទាំងឡាយ ហើយធ្វើសេចក្តីរាយការណ៍នៅពេលបានឃើញហេតុការណ៍ទាំងនោះនៅតាមមូលដ្ឋាន។
លោកបន្ថែមថា «កុំឱ្យកម្ពុជាក្លាយជាឋានសួគ៌នៃភាវរកម្ម និងការជួញដូរមនុស្ស។»
អន្តរសាសនាដើម្បីប្រយុទ្ធប្រឆាំងអំពើជួញដូរមនុស្ស ត្រូវបានធ្វើឡើង៦ឆ្នាំមកហើយ ដែលត្រូវផ្តួចផ្តើមដំបូងដោយអង្គការការីតាសកម្ពុជា ក្នុងឆ្នាំ២០១៦។
លោកអភិបាលព្រះសហគមន៍កាតូលិកភូមិភាគបាត់ដំបង អេនរីគេ ហ្វីការេដូ មានប្រសាសន៍ថា ថ្ងៃនេះ ការជួបជុំជាអន្តរសាសនា គឺដើម្បីរួមគ្នាប្រឆាំងនឹងការជួញដូរមនុស្សនៅក្នុងសង្គមនិងនៅក្នុងពិភពលោក បានប្រព្រឹត្តទៅប្រកបដោយភាពជោគជ័យ។
លោកអភិបាលបន្ថែមថា យើងរួមគ្នាក្នុងគ្រប់សាសនា ដើម្បីអធិដ្ឋាន លើកទឹកចិត្តគ្នានិងធ្វើការជាមួយគ្នា ក្រោមមានវត្តមានដ៏ខ្ពស់ខ្ពស់របស់សម្តេចហ៊ុនសែន បានផ្តល់កំលាំងឲ្យយើង ដើម្បីកសាងសង្គមដែលយើងកំពុងថែរក្សានិងការពារតាមគុណតម្លៃនៃសាសនានីមួយៗ។
នៅក្នុងទិវាអន្តរសាសនាដើម្បីប្រយុទ្ធប្រឆាំងអំពើជួញដូរមនុស្ស ដែលបានធ្វើឡើងនាថ្ងៃទី២៩ ខែកញ្ញាកន្លងទៅនេះ លោកនាយករដ្ឋមន្ត្រី ហ៊ុន សែន បានកំណត់យកថ្ងៃទី 20 ខែសីហាជារៀងរាល់ឆ្នាំ ដើម្បីប្រារព្ធទិវានេះ។
លោកអភិបាលគីគេ បន្ថែមថា សាសនាទាំងអស់មានពេល៣៦៥ថ្ងៃក្នុងមួយឆ្នាំ ដើម្បីរួមគ្នារិះគិតនិងពិភាក្សាគ្នា រកវិធីការពារថែរក្សាជីវិតមនុស្ស កុំឲ្យទទួលភាពអយុត្តិធម៌តែមានជីវិតរស់នៅដោយថ្លៃថ្នូរ និងត្រូវការពារថែរក្សាសន្តិភាពកុំឲ្យមានការជួញដូរ។
សម្ដេចព្រះពុទ្ធជ័យមន្នី ឃឹម សន ព្រះមេគុណរាជធានីភ្នំពេញមានសង្ឃដីកាថា គ្រប់សាសនាទាំងអស់រួមជាមួយសាសនាព្រះពុទ្ធ មានតួនាទីចូលរួមជាមួយរាជរដ្ឋាភិបាលដើម្បីអប់រំ និងផ្សព្វផ្សាយទ្រឹស្ដីសាសនារបស់ខ្លួនដល់បរិស័ទឱ្យយល់ ព្រមទាំងហាមឃាត់ការជួញដូរមនុស្ស ព្រោះជាអំពើបាប។
ព្រះអង្គសូមចម្រើនពរដល់បរិស័ទទាំងអស់នៅកម្ពុជា ឱ្យគិតស្រឡាញ់ជីវិតទូទៅមិនមែនត្រឹមតែគ្រួសារខ្លួនឯង ហើយកុំដើម្បីផលប្រយោជន៍អ្វីមួយទៅបំពានពង្រាត់មនុស្សក្នុងគ្រួសារអ្នកដទៃ។
ព្រះមេគុណអង្គនេះ បន្ថែមថា ប្រសិនបើយើងអាចធ្វើបាន នោះសង្គមជាតិយើងនិងពិភពលោកទាំងមូលនឹងបានសេចក្ដីសុខដោយការស្រឡាញ់គ្នា និងយោគយល់គ្នា។
យោងតាមរបាយការណ៍ដែលប្រកាសដោយ សម្ដេច ស ខេង ឧបនាយករដមន្ត្រី និងជាប្រធានគណៈកម្មធិការជាតិប្រយុទ្ធប្រឆាំងការជួញដូរមនុស្ស បានឱ្យដឹងថា ក្រោយពេលសភាពការណ៍កម្ពុជាបានធូរស្រាលពីកូវីដ១៩ បទល្មើសឆបោកតាមប្រព័ន្ធទូរគមនាគមន៍បានកើតមានច្រើន និងប្រើប្រាស់ដែនដីកម្ពុជាជាឧបករណ៍នៃការជួញដូរមនុស្ស។ នេះជាមូលហេតុ អាមេរិកដាក់បញ្ចូលកម្ពុជាក្នុងចំណាត់ថ្នាក់លេខ៣ ក្នុងសមាគមអាស៊ាន មានវៀតណាម ម៉ាឡេស៊ី កម្ពុជា និងភូមា។
ការជួញដូរទាំងនោះមានដូចជា ប្រើប្រាស់ឧបាយកលឆបោក ដោយវិនិយោគ ដោយបង្ខំមនុស្ស ឃុំឃាំង ធ្វើទារុណកម្ម និងជំរិតទារប្រាក់ពីគ្រួសារជនរងគ្រោះ។
ក្នុងរបាយការណ៍ដដែលបានឲ្យដឹងទៀតថា ចាប់ពីថ្ងៃ១៨ ខែសីហា ឆ្នាំ២០២២ មកដល់ថ្ងៃទី២៩ ខែកញ្ញា ក្រសួងមហាផ្ទៃបានទទួលបណ្ដឹងតាមប្រព័ន្ធហ្វេសប៊ុកនិងទូរសព្ទទាន់ហេតុការណ៍ចំនួន៣៦៨ករណី។ ក្នុងនេះមាន២៤៩ករណីក្នុងខេត្តព្រះសីហនុ ដោយរំដោះជនរងគ្រោះបាន៣៦១នាក់ ដោយក្នុងនោះ៥៤នាក់ជាជនរងគ្រោះដោយការជួញដូរមនុស្សក្នុង៩ករណី ដែលមានសញ្ជាតិចំនួន៦ គឺភាគច្រើនជនជាតិវៀតណាម និងចិន ថៃ ឥណ្ឌូនេស៊ី ម៉ាឡេស៊ី និងខ្មែរ។
តាមប្រសាសន៍របស់លោកឧបនាយករដ្ឋមន្ត្រី បានឱ្យដឹងថា ជនរងគ្រោះភាគច្រើនជាយុវវ័យ ដែលចេះបច្ចេកវិទ្យាស្ទាត់ជំនាញ។
គណៈកម្មការជួញដូរមនុស្ស បានស្រង់មតិស្រាវជ្រាវអំពីមូលហេតុនាំឱ្យមានការជួញដូរមនុស្សដោយរកឃើញថា ពលរដ្ឋចំនួន១០៥៣នាក់ ក្នុង២០រាជធានីខេត្តមាន បន្ទុកគ្រួសារនិងបំណុល ខ្វះការយកចិត្តទុកដាក់ពីគ្រួសារនិងសង្គម ខ្វះការសិក្សាអប់រំ ខ្វះការទទួលព័ត៌មានពីរដ្ឋាភិបាលនិងសង្គមស៊ីវិល លែងល្បែងស៊ីសង សេពគ្រឿងញៀន និងគ្រឿងស្រវឹង៕
សាសនិកនៃគ្រីស្តសាសនា ពុទ្ធសាសនា និងឥស្លាមសាសនា ចំនួន១៥០០នាក់ បានចូលរួមគ្នា ក្នុងទិវាអន្តរសាសនាដើម្បីប្រយុទ្ធប្រឆាំងអំពើជួញដូរមនុស្ស ក្រោមអធិបតីភាពសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ក្រោមប្រធានបទ «សូមកុំយកកម្ពុជា ធ្វើជាគោលដៅប្រព្រឹត្តអំពើជួញដូរមនុស្ស»។
«យើងត្រូវការការចូលរួមពីគ្រប់សាសនា ដើម្បីរួមគ្នាប្រឆាំងការជួញដូរមនុស្សនៅកម្ពុជា។» នេះជាការលើកឡើងរបស់លោកនាយករដ្ឋមន្ត្រីហ៊ុន សែន។ លោកបន្តថា ការជួញដូរមនុស្ស ឬឧក្រិដ្ឋកម្មដែលបានកើតឡើង មិនមែនមានតែកម្ពុជាមួយទេ តែក៏មាននៅបណ្ដាប្រទេសផ្សេងទៀតដែរ។
លោកបញ្ជាក់ថា «ការជួញដូរមនុស្សពីប្រទេសមួយទៅកាន់ប្រទេសមួយ ជារឿងអកុសលសម្រាប់ប្រជាជនក្រីក្រ ប្រសិនបើយើងមិនទប់ស្កាត់ទេ។»
លោកនាយករដ្ឋមន្ត្រី បានស្នើសុំឲ្យសាសនានីមួយៗអប់រំសាសនិករបស់ខ្លួន ឲ្យយល់ដឹងអំពី វិធីបង្ការ រារាំង និងប្រើប្រាស់គ្រប់តួអង្គ និងគ្រប់សកម្មភាពទាំងឡាយ ហើយធ្វើសេចក្តីរាយការណ៍នៅពេលបានឃើញហេតុការណ៍ទាំងនោះនៅតាមមូលដ្ឋាន។
លោកបន្ថែមថា «កុំឱ្យកម្ពុជាក្លាយជាឋានសួគ៌នៃភាវរកម្ម និងការជួញដូរមនុស្ស។»
អន្តរសាសនាដើម្បីប្រយុទ្ធប្រឆាំងអំពើជួញដូរមនុស្ស ត្រូវបានធ្វើឡើង៦ឆ្នាំមកហើយ ដែលត្រូវផ្តួចផ្តើមដំបូងដោយអង្គការការីតាសកម្ពុជា ក្នុងឆ្នាំ២០១៦។
លោកអភិបាលព្រះសហគមន៍កាតូលិកភូមិភាគបាត់ដំបង អេនរីគេ ហ្វីការេដូ មានប្រសាសន៍ថា ថ្ងៃនេះ ការជួបជុំជាអន្តរសាសនា គឺដើម្បីរួមគ្នាប្រឆាំងនឹងការជួញដូរមនុស្សនៅក្នុងសង្គមនិងនៅក្នុងពិភពលោក បានប្រព្រឹត្តទៅប្រកបដោយភាពជោគជ័យ។
លោកអភិបាលបន្ថែមថា យើងរួមគ្នាក្នុងគ្រប់សាសនា ដើម្បីអធិដ្ឋាន លើកទឹកចិត្តគ្នានិងធ្វើការជាមួយគ្នា ក្រោមមានវត្តមានដ៏ខ្ពស់ខ្ពស់របស់សម្តេចហ៊ុនសែន បានផ្តល់កំលាំងឲ្យយើង ដើម្បីកសាងសង្គមដែលយើងកំពុងថែរក្សានិងការពារតាមគុណតម្លៃនៃសាសនានីមួយៗ។
នៅក្នុងទិវាអន្តរសាសនាដើម្បីប្រយុទ្ធប្រឆាំងអំពើជួញដូរមនុស្ស ដែលបានធ្វើឡើងនាថ្ងៃទី២៩ ខែកញ្ញាកន្លងទៅនេះ លោកនាយករដ្ឋមន្ត្រី ហ៊ុន សែន បានកំណត់យកថ្ងៃទី 20 ខែសីហាជារៀងរាល់ឆ្នាំ ដើម្បីប្រារព្ធទិវានេះ។
លោកអភិបាលគីគេ បន្ថែមថា សាសនាទាំងអស់មានពេល៣៦៥ថ្ងៃក្នុងមួយឆ្នាំ ដើម្បីរួមគ្នារិះគិតនិងពិភាក្សាគ្នា រកវិធីការពារថែរក្សាជីវិតមនុស្ស កុំឲ្យទទួលភាពអយុត្តិធម៌តែមានជីវិតរស់នៅដោយថ្លៃថ្នូរ និងត្រូវការពារថែរក្សាសន្តិភាពកុំឲ្យមានការជួញដូរ។
សម្ដេចព្រះពុទ្ធជ័យមន្នី ឃឹម សន ព្រះមេគុណរាជធានីភ្នំពេញមានសង្ឃដីកាថា គ្រប់សាសនាទាំងអស់រួមជាមួយសាសនាព្រះពុទ្ធ មានតួនាទីចូលរួមជាមួយរាជរដ្ឋាភិបាលដើម្បីអប់រំ និងផ្សព្វផ្សាយទ្រឹស្ដីសាសនារបស់ខ្លួនដល់បរិស័ទឱ្យយល់ ព្រមទាំងហាមឃាត់ការជួញដូរមនុស្ស ព្រោះជាអំពើបាប។
ព្រះអង្គសូមចម្រើនពរដល់បរិស័ទទាំងអស់នៅកម្ពុជា ឱ្យគិតស្រឡាញ់ជីវិតទូទៅមិនមែនត្រឹមតែគ្រួសារខ្លួនឯង ហើយកុំដើម្បីផលប្រយោជន៍អ្វីមួយទៅបំពានពង្រាត់មនុស្សក្នុងគ្រួសារអ្នកដទៃ។
ព្រះមេគុណអង្គនេះ បន្ថែមថា ប្រសិនបើយើងអាចធ្វើបាន នោះសង្គមជាតិយើងនិងពិភពលោកទាំងមូលនឹងបានសេចក្ដីសុខដោយការស្រឡាញ់គ្នា និងយោគយល់គ្នា។
យោងតាមរបាយការណ៍ដែលប្រកាសដោយ សម្ដេច ស ខេង ឧបនាយករដមន្ត្រី និងជាប្រធានគណៈកម្មធិការជាតិប្រយុទ្ធប្រឆាំងការជួញដូរមនុស្ស បានឱ្យដឹងថា ក្រោយពេលសភាពការណ៍កម្ពុជាបានធូរស្រាលពីកូវីដ១៩ បទល្មើសឆបោកតាមប្រព័ន្ធទូរគមនាគមន៍បានកើតមានច្រើន និងប្រើប្រាស់ដែនដីកម្ពុជាជាឧបករណ៍នៃការជួញដូរមនុស្ស។ នេះជាមូលហេតុ អាមេរិកដាក់បញ្ចូលកម្ពុជាក្នុងចំណាត់ថ្នាក់លេខ៣ ក្នុងសមាគមអាស៊ាន មានវៀតណាម ម៉ាឡេស៊ី កម្ពុជា និងភូមា។
ការជួញដូរទាំងនោះមានដូចជា ប្រើប្រាស់ឧបាយកលឆបោក ដោយវិនិយោគ ដោយបង្ខំមនុស្ស ឃុំឃាំង ធ្វើទារុណកម្ម និងជំរិតទារប្រាក់ពីគ្រួសារជនរងគ្រោះ។
ក្នុងរបាយការណ៍ដដែលបានឲ្យដឹងទៀតថា ចាប់ពីថ្ងៃ១៨ ខែសីហា ឆ្នាំ២០២២ មកដល់ថ្ងៃទី២៩ ខែកញ្ញា ក្រសួងមហាផ្ទៃបានទទួលបណ្ដឹងតាមប្រព័ន្ធហ្វេសប៊ុកនិងទូរសព្ទទាន់ហេតុការណ៍ចំនួន៣៦៨ករណី។ ក្នុងនេះមាន២៤៩ករណីក្នុងខេត្តព្រះសីហនុ ដោយរំដោះជនរងគ្រោះបាន៣៦១នាក់ ដោយក្នុងនោះ៥៤នាក់ជាជនរងគ្រោះដោយការជួញដូរមនុស្សក្នុង៩ករណី ដែលមានសញ្ជាតិចំនួន៦ គឺភាគច្រើនជនជាតិវៀតណាម និងចិន ថៃ ឥណ្ឌូនេស៊ី ម៉ាឡេស៊ី និងខ្មែរ។
តាមប្រសាសន៍របស់លោកឧបនាយករដ្ឋមន្ត្រី បានឱ្យដឹងថា ជនរងគ្រោះភាគច្រើនជាយុវវ័យ ដែលចេះបច្ចេកវិទ្យាស្ទាត់ជំនាញ។
គណៈកម្មការជួញដូរមនុស្ស បានស្រង់មតិស្រាវជ្រាវអំពីមូលហេតុនាំឱ្យមានការជួញដូរមនុស្សដោយរកឃើញថា ពលរដ្ឋចំនួន១០៥៣នាក់ ក្នុង២០រាជធានីខេត្តមាន បន្ទុកគ្រួសារនិងបំណុល ខ្វះការយកចិត្តទុកដាក់ពីគ្រួសារនិងសង្គម ខ្វះការសិក្សាអប់រំ ខ្វះការទទួលព័ត៌មានពីរដ្ឋាភិបាលនិងសង្គមស៊ីវិល លែងល្បែងស៊ីសង សេពគ្រឿងញៀន និងគ្រឿងស្រវឹង៕
ដោយដាលីស
