«ថ្ងៃនេះ សម្រាប់អ្នកទទួលអគ្គសញ្ញាលាបថ្ងាសថ្ងៃនេះ សូមបម្រើព្រះសហគមន៍ តាមរយៈក្រុមផ្សេងៗនៅក្នុងព្រះសហគមន៍» លោកអភិបាលអូលីវីយ៉េ ជ្មីតហស្លេ ស្នើឲ្យអ្នកទទួលអគ្គសញ្ញាលាបថ្ងាសនៅថ្ងៃនេះ ចូលកាន់តែជ្រៅក្នុងកិច្ចការបម្រើក្នុងព្រះសហគមន៍។
នៅក្នុងធម្មទេសនា លោកអភិបាល រំឭកបេក្ខជនថា ត្រូវធ្វើជាសាក្សីនៃធម៌មេត្តាករុណារបស់ព្រះជាម្ចាស់ ដោយយកចិត្តទុកដាក់មកព្រះវិហាររៀងរាល់អាទិត្យដើម្បីប្រកាសដំណឹងល្អ និងដើម្បីណែនាំបងប្អូនឯទៀតៗឱ្យរកឃើញសេចក្ដីសុខនៅក្នុងជីវិតរបស់គេផ្ទាល់។
លោកក៏បានស្នើដល់ឪពុកម្ដាយ សូមជួយជំរុញកូនៗរបស់ពួកគាត់ចូលយ៉ាងជ្រៅទៅក្នុងការប្រកាសដំណឹងល្អ ដោយអនុវត្តព្រះបន្ទូលព្រះយេស៊ូ គឺធ្វើឱ្យមនុស្សឈឺជាសះស្បើយ ធ្វើឱ្យអ្នក អស់សង្ឃឹមមានសង្ឃឹមឡើងវិញ ដោយធ្វើឱ្យជីវិតដែលយើងទទួលពីព្រះយេស៊ូបានទៅដល់បងប្អូនឯទៀតៗ។
លោកបានបញ្ជាក់ថា បេសកកម្មរបស់ព្រះយេស៊ូគឺមិនមានត្រឹមតែបូជាចារ្យជាអ្នកធ្វើទេ គឺគ្រីស្តបរិស័ទក៏មាននាទីដូចគ្នាដែរ។
ជាមួយគ្នានេះដែរ ក្នុងនាមជាគ្រីស្តបរិស័ទគឺត្រូវស្រឡាញ់ លើកលែងទោស ជួយនិងបម្រើអ្នកដទៃអស់ពីដួងចិត្ត ដែលនេះជាអត្តសញ្ញាណរបស់គ្រីស្តបរិស័ទ ហើយស្រឡាញ់គេដោយសារដឹងថា យើងជាបងប្អូនគ្នា។
លូស៊ី ស្រី ហៃ ក្នុងវ័យ៤០ឆ្នាំបានឱ្យដឹងថា បន្ទាប់ពីទទួលអគ្គសញ្ញាលាបថ្ងាសថ្ងៃនេះ គាត់នឹងជួយគាំទ្រព្រះសហគមន៍តាមរយៈថវិកាដែលគាត់មាន។
លី សុខម៉េង បេក្ខជនម្នាក់ទៀត បានឱ្យដឹងថា អគ្គសញ្ញានេះធ្វើឱ្យខ្ញុំស្គាល់ព្រះជាម្ចាស់ច្បាស់ជាងមុន និងចេះពិចារណា ចៀសវាងអំពើបាប ជាពិសេសចូលរួមជួយព្រះសហគមន៍ ដោយចូលរួមសូត្រធម៌ សម្អាតព្រះវិហារ បម្រើអាសនៈ និងជួយតាមតម្រូវការរបស់ព្រះសហគមន៍តាមសមត្ថភាព។
ម៉ារីយ៉ា សាង ស្រីនិច ក្នុងវ័យ១៤ឆ្នាំ និយាយថានាងនឹងជួយបម្រើព្រះសហគមន៍ដូចជា រៀបចំផ្កា ជួយច្រៀង និងអានអត្ថបទគម្ពីរ។
បេក្ខជនទទួលអគ្គសញ្ញាលាបថ្ងាសទាំង៦៨នាក់ មកពី ព្រះសហគមន៍ចំប៉ា៣៩នាក់ ព្រះសហគមន៍ផ្លូវត្រី២៨នាក់ និងព្រះសហគមន៍តួតាំង១នាក់ ដែលស្ថិតនៅក្នុងតំបន់មណ្ឌលសកម្មភាពទន្លេមេគង្គ៕
ដោយសួន ស្រីហួច ដាលីស
គ្រីស្តបរិស័ទ៦៨នាក់ ទទួលអគ្គសញ្ញាលាបថ្ងាសពីលោកអភិបាលព្រះសហគមន៍ ដើម្បីបំពេញមុខងារប្រកាសដំណឹងល្អ និងចូលរួមជាមួយព្រះសហគមន៍កាន់តែប្រសើរឡើងនាព្រឹកថ្ងៃទី១៨ ខែមិថុនា នៅព្រះវិហារសន្តហ្វ្រង់ស្វ័រសាវីយ៉េ ស្ថិតនៅសង្កាត់ក្បាលកោះ ខណ្ឌច្បារអំពៅ រាជធានីភ្នំពេញ។
«ថ្ងៃនេះ សម្រាប់អ្នកទទួលអគ្គសញ្ញាលាបថ្ងាសថ្ងៃនេះ សូមបម្រើព្រះសហគមន៍ តាមរយៈក្រុមផ្សេងៗនៅក្នុងព្រះសហគមន៍» លោកអភិបាលអូលីវីយ៉េ ជ្មីតហស្លេ ស្នើឲ្យអ្នកទទួលអគ្គសញ្ញាលាបថ្ងាសនៅថ្ងៃនេះ ចូលកាន់តែជ្រៅក្នុងកិច្ចការបម្រើក្នុងព្រះសហគមន៍។
នៅក្នុងធម្មទេសនា លោកអភិបាល រំឭកបេក្ខជនថា ត្រូវធ្វើជាសាក្សីនៃធម៌មេត្តាករុណារបស់ព្រះជាម្ចាស់ ដោយយកចិត្តទុកដាក់មកព្រះវិហាររៀងរាល់អាទិត្យដើម្បីប្រកាសដំណឹងល្អ និងដើម្បីណែនាំបងប្អូនឯទៀតៗឱ្យរកឃើញសេចក្ដីសុខនៅក្នុងជីវិតរបស់គេផ្ទាល់។
លោកក៏បានស្នើដល់ឪពុកម្ដាយ សូមជួយជំរុញកូនៗរបស់ពួកគាត់ចូលយ៉ាងជ្រៅទៅក្នុងការប្រកាសដំណឹងល្អ ដោយអនុវត្តព្រះបន្ទូលព្រះយេស៊ូ គឺធ្វើឱ្យមនុស្សឈឺជាសះស្បើយ ធ្វើឱ្យអ្នក អស់សង្ឃឹមមានសង្ឃឹមឡើងវិញ ដោយធ្វើឱ្យជីវិតដែលយើងទទួលពីព្រះយេស៊ូបានទៅដល់បងប្អូនឯទៀតៗ។
លោកបានបញ្ជាក់ថា បេសកកម្មរបស់ព្រះយេស៊ូគឺមិនមានត្រឹមតែបូជាចារ្យជាអ្នកធ្វើទេ គឺគ្រីស្តបរិស័ទក៏មាននាទីដូចគ្នាដែរ។
ជាមួយគ្នានេះដែរ ក្នុងនាមជាគ្រីស្តបរិស័ទគឺត្រូវស្រឡាញ់ លើកលែងទោស ជួយនិងបម្រើអ្នកដទៃអស់ពីដួងចិត្ត ដែលនេះជាអត្តសញ្ញាណរបស់គ្រីស្តបរិស័ទ ហើយស្រឡាញ់គេដោយសារដឹងថា យើងជាបងប្អូនគ្នា។
លូស៊ី ស្រី ហៃ ក្នុងវ័យ៤០ឆ្នាំបានឱ្យដឹងថា បន្ទាប់ពីទទួលអគ្គសញ្ញាលាបថ្ងាសថ្ងៃនេះ គាត់នឹងជួយគាំទ្រព្រះសហគមន៍តាមរយៈថវិកាដែលគាត់មាន។
លី សុខម៉េង បេក្ខជនម្នាក់ទៀត បានឱ្យដឹងថា អគ្គសញ្ញានេះធ្វើឱ្យខ្ញុំស្គាល់ព្រះជាម្ចាស់ច្បាស់ជាងមុន និងចេះពិចារណា ចៀសវាងអំពើបាប ជាពិសេសចូលរួមជួយព្រះសហគមន៍ ដោយចូលរួមសូត្រធម៌ សម្អាតព្រះវិហារ បម្រើអាសនៈ និងជួយតាមតម្រូវការរបស់ព្រះសហគមន៍តាមសមត្ថភាព។
ម៉ារីយ៉ា សាង ស្រីនិច ក្នុងវ័យ១៤ឆ្នាំ និយាយថានាងនឹងជួយបម្រើព្រះសហគមន៍ដូចជា រៀបចំផ្កា ជួយច្រៀង និងអានអត្ថបទគម្ពីរ។
បេក្ខជនទទួលអគ្គសញ្ញាលាបថ្ងាសទាំង៦៨នាក់ មកពី ព្រះសហគមន៍ចំប៉ា៣៩នាក់ ព្រះសហគមន៍ផ្លូវត្រី២៨នាក់ និងព្រះសហគមន៍តួតាំង១នាក់ ដែលស្ថិតនៅក្នុងតំបន់មណ្ឌលសកម្មភាពទន្លេមេគង្គ៕
ដោយសួន ស្រីហួច ដាលីស
