គ្រីស្តបរិស័ទ៣ភូមិភាគគោរពមរណសាក្សីនៅកម្ពុជា
លោកអភិបាលទាំងបីភូមិភាគ លោកបូជាចារ្យ និងគ្រីស្តបរិស័ទជិត៣០០០នាក់ពីគ្រប់ភូមិភាគ បានជួបជុំគ្នានៅលើដីមរណសាក្សីកាលពី ថ្ងៃទី១៧ ខែមិថុនា ដើម្បីរំឭកអំពីវីរភាពរបស់អស់លោកដែលបានបូជាជីវិតក្នុងរបបប្រល័យពូជសាសន៍ដោយសារតែជំនឿ។ កម្មវិធីនេះបានប្រព្រឹត្តទៅនៅព្រះសហគមន៍តាំងគោក ស្ថិតក្នុងស្រុកតាំងគោក ក្នុងខេត្តកំពង់ធំដែលជាចំណុចកណ្តាលនៃប្រទេសកម្ពុជាមានចម្ងាយប្រមាណ១០០គីឡូម៉ែត្រពីរាជធានីភ្នំពេញ។ ព្រះសហគមន៍នៅកម្ពុជាបានចាប់ផ្តើមរំឭកខួបនេះតាំងពីឆ្នាំ២០០០ ពោលគឺក្រោយសង្គ្រាមស៊ីវិលបានបញ្ចប់ និងប្រទេសមានសន្តិភាពឡើងវិញ ដោយរឭកដល់អស់អ្នកដែលបានបូជាជីវិតដោយសារជំនឿ។ ថ្លែងនៅក្នុងធម្មទេសនា លោកអភិបាល អូលីវីយ៉េ ជ្មីតហស្លេ អភិបាលនៃព្រះសហគមន៍កាតូលិកភូមិភាគភ្នំពេញ មានប្រសាសន៍ថា ទឹកដីតាំងគោកនេះមិនមែនជាដីធម្មតាទេ គឺពោរពេញដោយបារមី ដោយនៅទីនេះមានវត្ថុស័ក្កិសិទ្ធ២ គឺគ្រែដែលលោក ឆ្មារ សាឡាស់ ថ្វាយអភិបូជារហូតដល់គាត់បានទទួលមរណភាពនៅឆ្នាំ១៩៧៦ ជាគ្រែដែលមានជីវិត។ បច្ចុប្បន្នគ្រែនេះត្រូវបានរក្សាទុកនៅក្នុងទឹកដីនៃព្រះសហគមន៍តាំងគោក ជាទីកន្លែងដែលលោកអភិបាលយ៉ូសែប ឆ្មារ សាឡាស់និងសហការីត្រូវបានជម្លៀសពីភ្នំពេញតាមគោលដៅរបស់អង្គការខ្មែរក្រហម។ លោកនិងសហការី ដែលមានលោកយ៉ូសែប ឆ្មារ សាឡឹម ដែលត្រូវជាប្អូន លោកទ្រឿង សំរើន បានរស់នៅនិងថ្វាយអភិបូជារៀងរាល់ថ្ងៃ ដោយលាក់កំបាំងពីភ្នែករបស់ឈ្លប។ គ្រែនេះ ត្រូវបានថែរក្សាទុក ដើម្បីគោរពនិងរំឭកដល់អស់លោកដែលបានថ្វាយអភិបូជា ហើយត្រូវបានស្លាប់និងត្រូវបានគេសម្លាប់ក្នុងរបបវាលពិឃាត។ លោកអភិបាលអូលីវីយ៉េ បន្ថែមថា វត្ថុទី២គឺបន្តោងឈើឆ្កាង ដែលត្រូវបានបញ្ជូនបន្តពីលោកអភិបាលមួយជំនាន់ទៅមួយជំនាន់ ហើយពេលនេះ លោកកំពុងថែរក្សានិងគ្រប់គ្រង។ បន្តោងឈើឆ្កាងរបស់លោកអភិបាលនេះ បានបន្តជូនមកលោកអភិបាលនៅកម្ពុជាចំនួន៦ជំនាន់មកហើយ ដែលធ្វើអំពីមាស ហើយបានបញ្ជូនបន្តដល់លោកអភិបាលឆ្មារ …
គ្រីស្តបរិស័ទ៣ភូមិភាគគោរពមរណសាក្សីនៅកម្ពុជា Read More »
