លោកអូលីវីយេ អភិបាលព្រះសហគម៍កាតូលិកបាន លើកឡើង ១០ចំណុចសំខាន់ៗដើម្បី រំលែក ដល់ អស់លោកបូជាចារ្យទាំងអស់ នៅក្នុងប្រទេសកម្ពុជា ក្នុងពិធី អភិបូជា ប្រសិទ្ធីពរ លើប្រេង ដែលបាននាល្ងាចថ្ងៃទី៩ ខែមេសា ឆ្នាំ២០១៩ នៅព្រះវិហារសន្តសិលានិងសន្តប៉ូល ភ្នំពេញថ្មី។ អភិបូជាប្រសិទ្ធីពរលើប្រេង ជាពិធីយ៉ាង ឧ៝ឡារិកប្រារព្ធ ដើម្បីបង្ហាញ ភាព ជាធ្លុងតែមួយរបស់លោក បូជាចារ្យ និងលោកអិបាល ព្រះសហគមន៍។
ពិធីនេះក៏ជាពេលដែល អស់លោកបូជាចារ្យ ត្រូវប្រកាសពាក្យសច្ចារ្យ របស់ខ្លួនឡើងវិញនៅចំពោះមុខលោកអភិបាល និងព្រះសហគមន៍ទាំងមូល។នៅក្នុងធម្មទេសនាលោកអភិបាលអលីវីយេមានប្រសាសន៍ទៅកាន់អស់លោកបូជាចារ្យ ដែលជាគង្វាលព្រះសហគមន៍ នូវចំណុច សំខាន់ៗដូចជា៖
ទីមួយ៖ យកចិត្ត ទុកដាក់ថែរក្សាជីវិត ខាងផ្លូវវិញ្ញាណ។ ទីពីរ៖ ការពារថែរក្សាអង្គតែមួយ គឺសំខាន់ណាស់ ដោយមើលគំរូព្រះបិតា ព្រះបុត្រា និងព្រះវិញ្ញាណ ដ៏វិសុទ្ធ ដើម្បីស្រឡាញ់គ្នាជាធ្លុងតែមួយ នៅក្នុងព្រះសហគមន៍។ ទីបី៖ ធ្វើបរិយាបន្ន គឺធ្វើយ៉ាងម៉េចដើម្បីឲ្យមនុស្សទាំងអស់ចូលរួមជាមួយគ្នាបានដូចនៅក្នុងគ្រួសារតែមួយ។ ទីបួន ៖ លើកលែងទោស ដើម្បីចូលឲ្យជ្រៅនៅក្នុងព្រះហឫទ័យប្រណីសន្តោសរបស់ព្រះបិតា។ ទីប្រាំ៖ ឲ្យយើងមានបេះដូងមួយដែលចេះស្ដាប់ ដែលចេះស្រឡាញ់នៅក្នុងសេចក្ដីពិត។
ទីប្រាំមួយ៖ សន្ទនា(Dialogue) មិនត្រឹមតែការសន្ទនានរវាងគ្នានិងគ្នា ប៉ុន្តែការសន្ទនាជាមួយសាសនាដទៃទៀត ការសន្ទនាជាមួយអាជ្ញាធរដែនដី ការសន្ទនានៅក្នុងសង្គមរបស់យើង គឺជាការសំខាន់ណាស់។
ទីប្រាំពីរ៖ ឲ្យយើងយកចិត្តទុកដាក់រស់នៅក្នុងសង្គមបច្ចុប្បន្ននេះ មិនមែនរស់នៅក្នុងសុបិន។ ទីប្រាំបី៖ឲ្យយើងធ្វើយ៉ាងម៉េចដើម្បបន្តអប់រំ និងមិនមែនត្រឹមតែអប់រំជំនឿតែប៉ុណ្ណឹងទេ គឺអប់រំមនុស្សទាំងស្រុងទៀតផង។ ទីប្រាំបួន៖ ឲ្យយើងមានចិត្តដូចឪពុក និងម្ដាយ។ ព្រះសហគមន៍ជាគ្រួសារមួយ កុំឲ្យយើងភ្លេចថាព្រះសហគមន៍ជាដើមឈើមួយដ៏ធំបំផុត ដែលមានបេះដូងដ៏ធំធេងដោយចេះស្វាគមន៍គ្រប់បក្សាបក្សី ដែលចង់បង្កើតសង្គមមួយ។
និងទីដប់៖ ឲ្យចេះច្នៃប្រតិដ្ឋ កុំគិតថាដំណឹងល្អយើងធ្លាប់ស្ដាប់ ទេសនាដដែលៗ ប៉ុន្តែថ្ងៃនេះព្រះបន្ទូលមានអត្ថន័យថ្មី ដោយធ្វើយ៉ាងម៉េចដើម្បីមើលឃើញស្នាព្រះហស្ដរបស់ព្រះជាម្ចាស់នៅក្នុងសញ្ញាដ៏តូចតាចនៃជីវិត។
ចំណុចសំខាន់ៗទាំងដប់ខាងលើរំលឹកអស់លោកបូជាចារ្យដល់មុនប្រកាសពាក្យសច្ចាឡើងវិញ។
លោកបូជាចារ្យកាតូលិកទាំងអស់ត្រូវប្រកាសពាក្យសច្ចាឡើងវិញជារៀងរាល់នៅថ្ងៃបុណ្យប្រសិទ្ធីពរលើប្រេង នៅចំពោះមុខលោកអភិបាល និងប្រជារាស្ត្ររបស់ព្រះជាម្ចាស់ដោយចង់រួមរស់រួមស្លាប់ជាមួយព្រះយេស៊ូគ្រីស្តអស់ពីចិត្ត លះបង់ប្រយោជន៍ផ្ទាល់ខ្លួន និងប្រកាន់យ៉ាងស្មោះត្រង់តាមពាក្យសន្យា ហើយបំពេញបេសកកម្មរបស់ខ្លួនក្នុងព្រះសហគមន៍ និង ធ្វើជាគង្វាលដ៏ប្រពៃ។
ពិធីអភិបូជាប្រសិទ្ធីពរលើ ប្រេង គឺប្រារព្ធធ្វើជារៀងរាល់ថ្ងៃព្រហស្បតិ៍ពិសិដ្ឋនៅចុង រដូវអប់រំពិសេស មុនថ្ងៃបុណ្យព្រះយេស៊ូរងទុក្ខលំបាក។ ប្រេងដែលប្រសិទ្ធីរួចហើយ គឺយកទៅប្រើប្រាស់ក្នុងពិធីផ្សេងៗរបស់ព្រះសហគន៍ពេញមួយឆ្នាំ។
ប្រេងដែលប្រសិទ្ធីពរនោះមានបីយ៉ាង គឺ៖ ១) ប្រេងសម្រាប់លាប ដើម្បីផ្តល់កម្លាំងឲ្យអ្នកជម្ងឺ ចាស់ជរា ជនពិការ និងអស់អ្នកដែលរងទុក្ខលំបាក។ ២) ប្រេងសម្រាប់អ្នករៀបចំខ្លួនទទួលអគ្គសញ្ញាជ្រមុជទឹក និងអស់អ្នកដែលមិនទាន់ស្គាល់ព្រះយេស៊ូ។ ៣) ប្រេងគ្រីស្មា ដែលប្រើសម្រាប់ អគ្គសញ្ញាលាបថ្ងាស សម្រាប់អស់អ្នកដែលស្ម័គ្រចិត្តថ្វាយខ្លួនជាអ្នកបម្រើព្រះជាម្ចាស់ សម្រាប់និស្សិតទេវវិទ្យាល័យ អគ្គសញ្ញាតែងតាំងជាបូជាចារ្យជាអភិបាល និងសម្រាប់ទីសក្ការៈនានានៃព្រះសហគមន៍ទាំងអស់ដើម្បីធ្វើជាសាក្សីនៃព្រះយេស៊ូ។
លោកបញ្ជាក់ថា មានតែលោកអភិបាលទេដែលមានសិទ្ធិប្រសិទ្ធិពរប្រេងទាំងនោះបាន ដោយសូមព្រះជាម្ចាស់គង់នៅជាមួយព្រះសហគមន៍ ដែលជាមូលហេតុមានបងប្អូនមកពីតំណាងព្រះសហគមន៍ទាំងអស់។
ដោយដាលីស
