ព្រះវិហារសន្តយ៉ូសែប(ស្អាង) ក្នុងមណ្ឌលសកម្មភាពបាសាក់នៃព្រះសហគមន៍កាតូលិកភូមិភាគភ្នំពេញ នឹករឭកដល់អគ្គសញ្ញាជាបូជាចារ្យក្នុងពិធីបុណ្យអភិបូជាថ្ងៃព្រហស្បតិ៍ពិសិដ្ឋ ដែលជាត្រៃទិវារបស់ព្រះសហគមន៍កាតូលិក។ ពិធីនេះធ្វើឡើងក្រោមអធិបតីភាពលោកអភិបាលព្រះសហគមន៍ភូមិភាគភ្នំពេញ អូលីវីយ៉េ ជ្មីតហស្លេរ នាល្ងាចថ្ងៃទី ១៤ មេសា ២០២២ ក្នុងស្រុកស្អាង ខេត្តកណ្ដាល។
នៅក្នុងឱកាសនេះដែរ លោកអភិបាលអូលីវីយ៉េ មានថ្លែងនៅក្នុងធម្មទេសនាដោយរំឭកដល់ពិធីបុណ្យចូលឆ្នាំថ្មីប្រពៃណី ១៤ មេសា កាលពីម៉ោង១០ នៅប្រទេសកម្ពុជាទាំងមូលចូលឆ្នាំថ្មី និងយើងនឹករលឹកដល់១៤ មេសា ១៩៧៥ ដែលលោកអភិបាលតែងតាំងលោកឆ្មារ សាឡាស ជាអភិបាលព្រះសហគមន៍ជាតិខ្មែរមុនគេបង្អស់។ លោកអភិបាលអូលីវីយ៉េ មានប្រសាសន៍បន្តថា ថ្ងៃនេះយើងរំឮកដល់ថ្ងៃលោកបូជាចារ្យទាំងអស់រំឭកពាក្យសច្ចារបស់ខ្លួនជាបូជាចារ្យ។
ផ្លែនៃការបម្រើគឺជាសុខសន្តិភាព ផ្លែនៃសន្តិភាពគឺភាពស្ងៀមស្ងាត់ ផ្លែនៃភាពស្ងៀមស្ងាត់គឺការអធិដ្ឋាន ផ្លែនៃការអធិដ្ឋានគឺជាជំនឿ ផ្លែនៃជំនឿគឺជាសេចក្ដីស្រឡាញ់ ផ្លែនៃសេចកីស្រឡាញ់គឺការបម្រើ ផ្លែនៃការបម្រើគឺសេចក្ដីសុខសាន្ត។
លោកអភិបាលអូលីវីយ៉េបានដាស់តឿនថា “ដោយសារព្រះអង្គស្រឡាញ់គេគឺព្រះអង្គស្រឡាញ់រហូតដល់ទីបំផុត” គឺរហូតដល់ព្រះអង្គលាងជើងឱ្យពួកគេ។ លោកអភិបាលបន្តដោយរំឭកពីពាក្យរបស់សន្តីតេរេសានៃក្រុងកាល់គូតាថា ផ្លែនៃភាពស្ងៀមស្ងាត់គឺការអធិដ្ឋាន ផ្លែនៃការអធិដ្ឋានគឺជំនឿ នៅពិតមែនការអធិដ្ឋាននៅក្នុងភាពស្ងៀមស្ងាត់ព្រះយេស៊ូបានអធិដ្ឋាន បង្ហាញជំនឿរបស់ព្រះអង្គរហូតដល់ពាក្យចុងក្រោយនៅលើឈើឆ្កាង និងរបៀបដែលព្រះយេស៊ូប្រកាសដំណឹងល្អប្រៀបដូចព្យាបាលជំងឺ គឺព្រះយេស៊ូមើលគេដោយព្រះហឫទ័យនៃសេចក្ដីស្រឡាញ់និងព្រះហឫទ័យប្រណីសន្ដោសមេត្តាករុណា។
ព្រះយេស៊ូបានទតមើលលោកសិលាដោយព្រះហឫទ័យអាណិតអាសូរ និងលើកលែងទោស។ ជំនឿរបស់ព្រះយេស៊ូណែនាំឱ្យមនុស្សលោកពេញដោយសេចកីស្រឡាញ់ដ៏ធំធេងជាសេចកីស្រឡាញ់ដ៏បរិសុទ្ធដ៏ពេញលក្ខណៈ។ នេះជាប្រសាសន៍របស់លោកអភិបាលអូលីវីយ៉េ គង្វាលព្រះសហគមន៍ក៏បានលើកទឹកចិត្តដល់អស់លោកបូជាចារ្យ និងគ្រីស្តបរិស័ទដោយមានប្រសាសន៍ថា ការបម្រើ អធិដ្ឋាន ការលើកលែងទោសឱ្យអ្នកដទៃ។ លោកក៏បានណែនាំដោយស្នើឱ្យគ្រីស្តបរិស័ទចូលរួមអធិដ្ឋានរួមជាមួយសន្តៅតេរេសានៃព្រះកុមារយេស៊ូផងដែរ។ នៅក្នុងពាក្យអធិដ្ឋាននេះ ពិភពលោករបស់យើងមានសេចក្ដីសង្ឃឹមតែមួយ គឺរកឃើញសេចក្ដីសុខសាន្តសាជាថ្មី។ លោកបានអញ្ជើញលោកបូចាចារ្យ និងគ្រីស្តបរិស័ទឱ្យអថិដ្ឋានរួមជាមួយសន្តីតេរេសាដែលមានខ្លឹមសារជាអាថ៌៖ ប្រសិនបើយើងមើលឃើញអយុត្តិធម៌ដែលណែនាំឱ្យបងប្អូនឱ្យគេឈឺចិត្តនឹងយើងចូលចិត្តដែរ ប្រសិនបើយើងយល់ថាសត្វដទៃជាបងប្អូនរបស់យើងបង្កើត ប្រសិនបើយើងយល់ថាសាសន៍ដទៃជាបងប្អូនបង្កើត យកចិត្តទុកដាក់នៅក្នុងការបម្រើបងប្អូនឯទៀតដែលឈឺចិត្ត ចែករំលែកបានរបស់យើងដោយថែមដួងចិត្តនៃសេចក្ដីស្រឡាញ់ដ៏ពិតប្រាកដ។ តើងរស់នៅក្នុងសេចក្ដីស្រឡាញ់ ប្រសិនបើសិនបើយើងជឿថាការលើកលែងទោសមានប្រយោជន៍ជាងការសងសឹក នោះសេចក្ដីសុខសាន្តអាចយាងមកបាន”។
ដោយឡែក លោកបូជាចារ្យ សុខ ណា មានប្រសាសន៍ចែករំលែកអំពីជីវិតជាបូចារ្យនេះថា ថា តាមពិតនៅពេលយើងនិយាយពីបូជាចារ្យ ខ្ញុំមិនចង់មើលពីជីវិតខ្ញុំទេ ប៉ុន្តែខ្ញុំចង់មើលព្រះគ្រីស្តជាមហាបូជាចារ្យ និងអ្វីៗទាំងអស់ដែលបានកើតឡើងជាមួយព្រះយេស៊ូ និងក្រុមគ្រីស្តទូតជាងពីរពាន់ឆ្នាំមុន ជាអ្វីដែលកំពុងតែកើតឡើងសព្វថ្ងៃនេះ។ លោកបញ្ជាក់ថា នៅពេលដែលយើងចូលក្នុងសក្ការបូជា យើងចូលនៅក្នុងពេលវេលាតែមួយគត់។ ប្រសិនបើយើងមើលព្រះយេស៊ូ យើងរកឃើញអ្វីៗទាំងអស់ដែលជាខ្លឹមសារនៃជីវិតរបស់បូជាចារ្យ ដោយអំណរសប្បាយ ទុក្ខលំបាក ការស្ម័គ្រចិត្តស្ដាប់បង្គាប់ និងលះបង់រហូតដល់ស៊ូប្ដូរជីវិត របស់លោកបូជាចារ្យជាព្រះយេស៊ូ ជាកំពូលនៃអ្វីៗទាំងអស់។ រៀងរាល់ថ្ងៃនៅក្នុងជីវិតខ្ញុំជាបូជាចារ្យ ខ្ញុំសប្បាយរៀងរាល់ពេលវេលានៅក្នុងជីវិតរបស់ខ្ញុំពោរពេញដោយសេចក្ដីសុខសាន្ត។ លោកបន្តថា នេះមកពីព្រះជាម្ចាស់ដែលស្រឡាញ់ខ្ញុំ ត្រាស់ហៅខ្ញុំឱ្យទៅជាបូជាចារ្យដើម្បីបម្រើព្រះជាម្ចាស់ និងបម្រើព្រះសហគមន៍នៅកម្ពុជាយើង ជាប្រទេស ជាទឹកដីដែលខ្ញុំស្រឡាញ់។ ខ្ញុំចង់សហការជាមួយព្រះជាម្ចាស់ ជាមួយព្រះយេស៊ូ ជាមួយព្រះសហគមន៍ ដោយស្ដាប់បង្គាប់ ដែលជាអត្ថន័យដ៏សំខាន់នៅក្នុងជីវិតជាបូជាចារ្យ និងស្ដាប់បង្គាប់លោកអភិបាល។ ខ្ញុំចង់ស្ដាប់ ខ្ញុំចង់ស្រឡាញ់ហើយស្រឡាញ់ទៀត និងបម្រើអស់មួយជីវិតដោយរៀងរាល់ថ្ងៃ។ អ្វីដែលខ្ញុំបានទទួលគឺខ្ញុំយល់ថា គ្មានអ្វីដែលខ្ញុំត្រូវសង្ស័យពីជីវិតខ្ញុំជាបូជាចារ្យទៀត ដោយសារអំណរសប្បាយ សេចក្ដីស្រឡាញ់ ជំនឿ សេចក្ដីសុខសាន្ត សុភមង្គលយ៉ាងពិតប្រាកដនៅក្នុងជីវិតខ្ញុំចេះតែហូរហៀររាល់ថ្ងៃ និងរាល់ថ្ងៃសឹងតែទ្រាំមិនបាននៅពេលដែលកើតឡើងច្រើនដង និងនៅពេលដែលខ្ញុំប៉ះធម៌មេត្តាករុណារបស់ព្រះជាម្ចាស់នៅពេលដែលខ្ញុំកំពុងបម្រើអគ្គសញ្ញានានានៅក្នុងជីវិតរបស់ខ្ញុំនិងកើតឡើងជាប្រចាំ។ សម្រាប់ខ្ញុំខ្ញុំស្រឡាញ់ជីវិតជាបូជាចារ្យពេញមួយជីវិតរបស់ខ្ញុំ និងសូមជូនពរឱ្យជីវិតអស់លោកដែលទទួលការត្រាស់ហៅជាបូជាចារ្យ ឱ្យយើងសម្លឹងមើលព្រះយេស៊ូគ្រីស្តរបស់យើងជាមហាបូជាចារ្យ និងរស់នៅតាមគំរូព្រះយេស៊ូគ្រីស្តរបស់យើង។
សម្រាប់យុវជនទាំងឡាយអើយកុំឱ្យខ្លាច សូមមានសេចក្ដីក្លាហានយ៉ាងពិតប្រាកដ ដោយសារជីវិតយើងជាគ្រីស្តបរិស័ទ យើងទទួលការត្រាស់ហៅពិសេសណាស់ចូលនៅក្នុងជីវិតនេះ និងទៅជាបុត្រធីតារបស់ព្រះជាម្ចាស់ ហើយយើងនឹងទទួលសេចក្ដីសុខយ៉ាងស្កប់ស្កល់ពិតមែននៅពេលដែលយើងចូលនៅក្នុងជីវិតនៃការត្រាស់ហៅជាលោកបូជាចារ្យ ដោយសារនេះជាអគ្គសញ្ញាឱ្យយើងបន្តជីវិតពោរពេញដោយអំណរសប្បាយពិតមែន និងពោរពេញដោយក្ដីសុខនិងកម្លាំងដែរ ដើម្បីឱ្យយើងឈានមុខនៅក្នុងការបម្រើព្រះយេស៊ូគ្រីស្ត បម្រើប្រជាពលរដ្ឋ និងសង្គមជាតិរបស់យើងពិតមែន។
ដោយ៖ ដាលីស
