កម្មករ-ការិនីរោងចក្រ ឈ្វេងយល់អំពើបៀតបៀនកេរ្តិ៍ខ្មាស
គណៈកម្មការពលករនៃព្រះសហគមន៍កាតូលិកភ្នំពេញ បានរៀបចំកម្មវិធីសិក្ខាសាលាស្ដីអំពី «សុខភាពកម្មករ» ដោយមានសិក្ខាកាមចូលរួមជិត៣០នាក់ ធ្វើឡើងនៅព្រះសហគមន៍សន្តសិលា សន្តប៉ូល ភ្នំពេញថ្មី នាល្ងាចថ្ងៃអាទិត្យ ទី០១ ខែឧសភា ឆ្នាំ២០២២ ។កញ្ញា ម៉ៅ ស្រីកែវ ជាលេខាធិការនៃគណៈកម្មការពលកររបស់ព្រះសហគមន៍កាតូលិកភូមិភាគភ្នំពេញ និងជាអ្នកសម្របសម្រួលនៅក្នុងកម្មវិធីនេះបានឲ្យដឹងថា យើងចង់ឲ្យខាងកម្មករកម្មការិនី យល់ដឹងបន្ថែមទៀត ទៅលើការបៀតបៀនកេរ្ត៍ខ្មាសនៅក្នុងរោងចក្រ និងចេះការពារខ្លួនរបស់គាត់ និងមិត្តរួមការងារពីអំពើនេះ។កម្មវិធីសិក្ខាសាលាដែលរៀបចំឡើងដោយគណៈកម្មការពលករព្រះសហគមន៍កាតូលិកភ្នំពេញ ដែលមានសិក្ខាកាមដែលជាកម្មករកម្មការិនី មកពីរោងចក្រនានាដែលកំពុងបំពេញការងារនៅក្នុងទីក្រុងភ្នំពេញ ចំនួន២៩នាក់ ធ្វើឡើងដោយមានអ្នកស្រី នៅ សុវ៉ាត់ថា ដែលជាវាគ្មិនកិត្តិយស មកពីអង្គការឃែរ កម្ពុជា (Care Cambodia)។កញ្ញាស្រីកែវ បានបន្ថែមថា ជាទូទៅគណៈកម្មការពលកររបស់ព្រះសហគមន៍កាតូលិកភូមិភាគភ្នំពេញតែងតែចុះសួរសុខទុក្ខបងប្អូនកម្មករ-ការិនី ជារៀងរាល់ខែ ដោយឈ្វេងយល់អំពីការងារនិងការរស់នៅរបស់ពួកគាត់ ដើម្បីលើកទឹកចិត្ត និងអប់រំសុខភាពដល់ពួកគាត់។អ្នកស្រី អ៊ូ អន អាយុ៤១ឆ្នាំ ជាកម្មការនីមកពីរោងចក្រ ក្វាន តុង បានឲ្យដឹងថា កម្មវិធី ក្នុងថ្ងៃនេះ ផ្តល់ចំណេះដឹង និងជំរុញឲ្យមានភាពក្លាហានដោះស្រាយបញ្ហារំលោភបំពានឬបៀតបៀនកេរ្តិ៍ខ្មាសជាមួយថ្នាក់លើ និងហ៊ាននិយាយណែនាំដល់មិត្តរួមការងារដែលនឹងជួបបញ្ហានេះ។អ្នកស្រីអន បន្ថែមថា គាត់ចង់ចូលរួមកម្មវិធីផ្តល់ចំណេះដឹងល្អៗបែបនេះបន្ថែមទៀត។ គាត់ក៏បានសូមឲ្យកម្មករ-ការិនី ដែលរងប៉ះពាល់រំលោភផ្លូវភេទ «សូមកុំខ្លាច …
កម្មករ-ការិនីរោងចក្រ ឈ្វេងយល់អំពើបៀតបៀនកេរ្តិ៍ខ្មាស Read More »
