សមាជិកCACDឈ្វេងយល់អំពីច្បាប់និងឯកសារសារពើពន្ធ

June 21, 2023
6:16 am

សមាជិកនៃសម្ព័ន្ធកាតូលិកដើម្បីមនុស្សធម៌និងការអភិវឌ្ឍន៍ (CACD) បានរៀបចំជំនួបលើកទី២ក្នុងឆ្នាំ២០២៣នេះនៅទីស្នាក់ការកណ្តាលរបស់អង្គការការីតាសកម្ពុជានារាជធានីភ្នំពេញ ដើម្បីឈ្វេងយល់បន្ថែមអំពីច្បាប់និងការរៀបចំឯកសារសារពើពន្ធចំពោះស្ថាប័នអង្គការក្រៅរដ្ឋាភិបាល ដែលមានវាគ្មិនពីស្ថាបនចំនួន២គឺអ្នកស្រី ប្រាក់ កែវគង្គា មកពីគណៈកម្មាធិការសហប្រតិបត្តិការដើម្បីកម្ពុជា និងលោកបាប៊ូឡាល ប៉ារីហា (Babulal Parihar) មកពីក្រុមហ៊ុនឡក់ឆានកម្ពុជា (Lochan & Co (Cambodia) Company Limited)។

ក្នុងពិធីបើកកម្មវិធីជំនួប លោកអភិបាលអូលីវីយ៉េ ជ្មីតហស្លេ គណៈកម្មការនាយកនៃCACD មានប្រសាសន៍ទៅកាន់អង្គប្រជុំដែលមានសមាជិកជិត៥០នាក់កាលពីម្សិលមិញថា នៅក្នុងថ្ងៃនេះ យើងប្រជុំដើម្បីចូលទៅក្នុងឯកទេសខ្ពស់មួយ ហើយលោកសង្ឃឹមថាសមាជិកទាំងអស់នឹងទទួលបានចំណុចខ្លះៗ ដើម្បីបំពេញតម្រូវការរបស់រដ្ឋាភិបាលសម្រាប់ស្ថាប័នរបស់ខ្លួនលើឯកសារសារពើពន្ធ ក្នុងកិច្ចការបម្រើមនុស្សឯទៀតៗ។

លោកអភិបាលបានបញ្ជាក់ថា ដោយសារគោលដៅរបស់យើងគឺតែមួយ «គឺបម្រើដើម្បីអភិវឌ្ឍន៍ ដើម្បីសម្តែងធម៌មេត្តាករុណាដែលយើងបានទទួលពីព្រះជាម្ចាស់។»

លោកបន្ថែមថា នៅថ្ងៃនេះ យើងអធិដ្ឋានទៅព្រះជាម្ចាស់ សម្រាប់គ្រប់អំណោយទានដែលយើងបានទទួលពីមួយថ្ងៃទៅមួយថ្ងៃ ដែលជួយយើងបម្រើអ្នកដទៃក្នុងមេត្តាករុណាដើម្បីអភិវឌ្ឍន៍ក្នុងគ្រប់វិស័យ ដោយ«ចែករំលែកជីវិតដ៏ពិសេសដែលយើងបានទទួលព្រះជាម្ចាស់ ជាពិសេសពីព្រះយេស៊ូដែលមានព្រះជន្មរស់ឡើងវិញ។»

លោកអភិបាលឲ្យដឹងទៀតថា ជីវិតរបស់យើងដែលរស់នៅលើផែនដីនេះមានសុខនិងទុក្ខជាមួយគ្នា ប៉ុន្តែដោយយើងដឹងថា «ជីវិតរបស់យើងនៅលើផែនដីនេះក៏ដូចជីវិតនៅលើស្ថានបរមសុខគឺនៅជាមួយព្រះជាម្ចាស់។»

កញ្ញា ម៉ៅ ស្រីកែវ លេខាធិការិនីនៃគណៈកម្មការពលករបានប្រាប់ថា ទោះបីគាត់មិនមែនជាគណនេយ្យករក៏ដោយ តែការយល់ដឹងបន្ថែមក៏ល្អដែរ គឺជួយគាត់យល់ច្បាស់ពីកាតព្វកិច្ចរបស់គាត់ចំពោះរដ្ឋ។

និយាយសំដៅពន្ធលោកប្រាក់បៀវត្ស ស្រ្តីរូបនេះឲ្យដឹងថា ប្រាក់ខែតិច កាត់ពន្ធតិចមែន តែបើមើលពីការចំណាយរបស់បុគ្គលម្នាក់ គឺពេលនេះពិបាកណាស់ ដោយសារចំណាយមានកាន់តែច្រើនទៅៗ។ ស្រីកែវបន្តថា «សម្រាប់ខ្ញុំ បើអត់កាត់ពន្ធល្អជាង។»

ក្នុងបទបង្ហាញកាលពីម្សិលមិញនេះ អ្នកចូលរួមទាំងអស់បានឈ្វេងយល់បន្ថែមនូវគោលការណ៍ច្បាប់ផ្សេងរបស់រដ្ឋាភិបាល របៀបដាក់ឯកសារលើសារពើពន្ធ និងការផាកពិន័យជាដើម។

សមាជិកនៃសម្ព័ន្ធកាតូលិកដើម្បីមនុស្សធម៌និងការអភិវឌ្ឍន៍ (CACD) មានអង្គការនិងសមាគមរបស់ព្រះសហគមន៍កាតូលិកជាច្រើនសរុបប្រមាណ២៤ស្ថាប័ន ដែលធ្វើការងារលើវិស័យអប់រំនិងសិក្សាធិការ មេត្តាករុណា សង្គមកិច្ចនិងអភិវឌ្ឍជនបទ សហគ្រិនសង្គម សុខភាព ពលករ ផ្សព្វផ្សាយពត៌មាន និងសិល្បៈ។

សម្ព័ន្ធនេះបានរៀបចំកិច្ចប្រជុំរបស់ខ្លួនជារៀងរាល់៣ខែម្តង៕

កែវ កញ្ញា

អត្ថបទថ្មី

ព្រះវិហារថ្មីបំផុតនិងធំបំផុតនៅភូមិភាគភ្នំពេញមួយត្រូវបានឆ្លង

គ្រីស្តបរិស័ទរាប់រយនាក់មកពីព្រះសហគមន៍កាតូលិកនានាក្នុងភូមិភាគទាំងបីនៅក្នុងប្រទេស រួមនឹងភ្ញៀវជាតិនិងអន្តរជាតិ បានជួបជុំគ្នាប្រារព្ធពិធីឆ្លងព្រះវិហាររបស់ព្រះសហគមន៍សន្តយ៉ូសែបផ្សារតូច នារាជធានីភ្នំពេញកាលពីចុងសប្តាហ៍កន្លងទៅនេះ។ ពីធីឆ្លងនេះ ត្រូវបានរៀបចំឡើងក្រោមអធិបតីភាពរបស់លោកអភិបាល អូលីវីយ៉េ ជ្មីតហស្លេ អភិបាលនៃព្រះសហគមន៍កាតូលិកភូមិភាគភ្នំពេញ រួមជាមួយលោកអភិបាល អេនរីគេ ហ្វីការេដូ អភិបាលព្រះសហគមន៍កាតូលិកភូមិភាគបាត់ដំបង លោកអភិបាល សិលា សួន ហង្សលី អភិបាលព្រះសហគមន៍កាតូលិកភូមិភាគកំពង់ចាម និងលោកអភិបាល ប៉ូល ត្រៃរ៉ុង មូទ្រី អភិបាលព្រះសហគមន៍ភូមិភាគស៊ូរ៉ាតថានីប្រទេសថៃ។ លោកអភិបាល អូលីវីយ៉េ បានមានប្រសាសន៍នៅក្នុងពិធីថ្វាយអភិបូជានាថ្ងៃបុណ្យឆ្លងព្រះវិហារកាលថ្ងៃទី០២

និស្សិតសន្តប៉ូលឆ្វេងយល់ពីបរិស្ថាន

វិទ្យាស្ថានសន្តប៉ូលរៀបចំកម្មវិធីបរិស្ថានលើកទី៧ក្រោមប្រធានបទ «សំណល់ប្លាស្ទិក ការប្រែប្រួលអាកាសធាតុ និងការកើនឡើងកម្ដៅសកល» នៅរសៀលថ្ងៃអង្គារ ទី២៨ ខែមេសា ឆ្នាំ២០២៦ ដោយសហការជាមួយមន្ទីរបរិស្ថានខេត្តតាកែវ។ កម្មវិធីនេះមានការចូលរួមលោក ហុង ភារៈ អនុប្រធានមន្ទីរបរិស្ថានខេត្តតាកែវ បុគ្គលិករបស់វិទ្យាស្ថានសន្តប៉ូល រួមនិងនិស្សិតសរុបប្រមាណស ១២០នាក់ ដើម្បីសិក្សាឈ្វេងយល់លើប្រធានបទខាងលើ។ លោកបណ្ឌិត ផុន សុផល នាយកវិទ្យាស្ថានសន្តប៉ូល បានបញ្ជាក់ក្នុងសុន្ទរកថាស្វាគមន៍ក្នុងអង្គពិធីថា កម្មវិធីទិវាបរិស្ថានលើកទី៧នេះ ជួយអប់រំនិស្សិតរបស់វិទ្យាស្ថានឱ្យចេះស្រឡាញ់ និងចូលរួមថែរក្សាបរិស្ថានក្នុងសង្គម

វិទ្យាល័យបច្ចេកទេស សន្តហ្វ្រង់ស្វ័រ ត្រៀមបើកជំនាញថ្មីបន្ថែម

លោក យុន សំអាត នាយកវិទ្យាល័យចំណេះទូទៅ និងបច្ចេកទេស ឯកជនសន្តហ្វ្រង់ស្វ័រ បានអោយដឹងថា សាលានឹងត្រៀមបើកជំនាញថ្មីមួយទៀត នៅឆ្នាំសិក្សាខាងមុខ ២០២៦-២០២៧ លើជំនាញ Digital Art & AI។ ដើម្បីបង្កើតវគ្គនេះ លោកបានទៅសិក្សាវគ្គខ្លីនៅប្រទេសកូរ៉េខាងត្បូង កាលពីថ្ងៃទី២៧-៣០ ខែមេសាកន្លងទៅ នៅសាកលវិទ្យាល័យ CHEJU HALLA University ស្ថិតក្នុងកោះជេជូ (CHEJU)