ក្រុមគ្រូអប់រំជំនឿនៅព្រះវិហារសន្តយ៉ូសែបជុំគិរីទទួលព្រះពរក្នុងថ្ងៃបើកឆ្នាំសិក្សាថ្មីនៃកម្មវិធីអប់រំជំនឿនាព្រឹកថ្ងៃទី ២៥ ខែតុលា ឆ្នាំ២០២០ ក្រោមអធិបតីភាពលោក យ៉ាំង លូកា ជាបូជាចារ្យទទួលបន្ទុកដឹកនាំក្នុងមណ្ឌលសកម្មភាពកំពតនៃព្រះសហគមន៍កាតូលិកភូមិភាគភ្នំពេញ។នៅក្នុងកម្មវិធីនេះដែរក៏មានការចែកជាសៀវភៅមេរៀនដេីម្បីដល់គ្រូអប់រំជំនឿដើម្បីងាយស្រួលក្នុងការបង្រៀននិងប្រកាសដំណឹងល្អដល់បងប្អូនឯទៀតៗ ដោយមានការចូលរួមពីសំណាក់បងប្អូនដែលជាគ្រីស្តបរិស័ទ ក្រុមយុវជន មេកាយរិទ្ធ នឹងបងប្អូនដែលកំពុងឈ្វេងយល់ ប្រមាណជាង ៤០ នាក់ផងដែរ។
អត្ថបទនិងរូបភាពដោយ៖ នុត សិលា (ចាន់ ម៉ានុត យុវជនមកពីព្រះសហគមន៍កោះស្លា)
ព្រះវិហារថ្មីបំផុតនិងធំបំផុតនៅភូមិភាគភ្នំពេញមួយត្រូវបានឆ្លង
គ្រីស្តបរិស័ទរាប់រយនាក់មកពីព្រះសហគមន៍កាតូលិកនានាក្នុងភូមិភាគទាំងបីនៅក្នុងប្រទេស រួមនឹងភ្ញៀវជាតិនិងអន្តរជាតិ បានជួបជុំគ្នាប្រារព្ធពិធីឆ្លងព្រះវិហាររបស់ព្រះសហគមន៍សន្តយ៉ូសែបផ្សារតូច នារាជធានីភ្នំពេញកាលពីចុងសប្តាហ៍កន្លងទៅនេះ។ ពីធីឆ្លងនេះ ត្រូវបានរៀបចំឡើងក្រោមអធិបតីភាពរបស់លោកអភិបាល អូលីវីយ៉េ ជ្មីតហស្លេ អភិបាលនៃព្រះសហគមន៍កាតូលិកភូមិភាគភ្នំពេញ រួមជាមួយលោកអភិបាល អេនរីគេ ហ្វីការេដូ អភិបាលព្រះសហគមន៍កាតូលិកភូមិភាគបាត់ដំបង លោកអភិបាល សិលា សួន ហង្សលី អភិបាលព្រះសហគមន៍កាតូលិកភូមិភាគកំពង់ចាម និងលោកអភិបាល ប៉ូល ត្រៃរ៉ុង មូទ្រី អភិបាលព្រះសហគមន៍ភូមិភាគស៊ូរ៉ាតថានីប្រទេសថៃ។ លោកអភិបាល អូលីវីយ៉េ បានមានប្រសាសន៍នៅក្នុងពិធីថ្វាយអភិបូជានាថ្ងៃបុណ្យឆ្លងព្រះវិហារកាលថ្ងៃទី០២
