ការិយាល័យអប់រំជំនឿបានរៀបចំកម្មវិធីសិក្ខាសាលាសម្រាប់គ្រូអប់រំជំនឿនៃ៤មណ្ឌលសកម្មភាពក្នុងតំបន់ភ្នំពេញ ក្រោមប្រធានបទ«កំណើតធម៌ប្រកាសជំនឿ»ធ្វើឡើងនៅព្រះសហគមន៍សន្តយ៉ូសែបផ្សារតូច ណែនាំដោយ លោកឧបដ្ឋាក វី សំណាង លោក ដួង សាវង់ និងលោកបូជាចារ្យ ប៉ូល រឿងឆ័ត្រសិរី នាថ្ងៃទី០៨ខែកក្កដាឆ្នាំ២០២៣ដែលមានសិក្ខាកាមចូលរួមប្រមាណជា៦៥នាក់។
លោក ដួង សាវង់ ប្រធានការិយាល័យអប់រំជំនឿភូមិភាគភ្នំពេញមានប្រសាសន៍ថា សិក្ខាសាលាគ្រូអប់រំជំនឿនេះ ធ្វើឡើងក្នុងគោលបំណងឱ្យគ្រូអប់រំជំនឿនៃមណ្ឌលសកម្មភាពទាំង៤យល់ដឹងថែមទៀតអំពីធម៌ប្រកាសជំនឿនិងចាប់អារម្មណ៍អំពីជំនឿរបស់ខ្លួន។
ក្នុងសិក្ខាសាលានេះ លោកសាវង់បានប្រគល់ឯកសារមួយចំនួនដល់គ្រូអប់រំជំនឿ ដើម្បីឲ្យពួកគាត់រំឮកនិងរិះគិត ដើម្បីឲ្យព្រះវិញ្ញាណបំភ្លឺគាត់យល់ពីអត្ថន័យនៃធម៌ប្រកាសជំនឿហើយដោយសារកម្លាំងនៃព្រះវិញ្ញាណយើងសង្ឃឹមព្រះវិញ្ញាណនឹងធ្វើការជាមួយមនុស្សទាំងអស់ឱ្យគេចូលមកទទួលការសង្គ្រោះពីព្រះអង្គ។
សិក្ខាសាលានេះ ជាកម្មវិធីលើកដំបូងសម្រាប់គ្រូអប់រំជំនឿ ដើម្បីរិះគិតអំពីព្រះជាម្ចាស់ដែលជាព្រះបិតា។
លោកបូជាចារ្យ ប៉ូល រឿងឆ័ត្រសិរី ជាអ្នកគ្រប់គ្រងមណ្ឌលសកម្មភាពភ្នំពេញខាងជើង បានមានប្រសាសន៍ថា ធម៌ប្រកាសជំនឿ ជាធម៌អត្តសញ្ញាណគ្រីស្តបរិស័ទ ហើយធម៌នេះជួយឱ្យយើងយល់ឬបញ្ជាក់ថែម អំពីអ្វីដែលយើងជឿទៅលើព្រះជាម្ចាស់។
លោកឧបដ្ឋាក វី សំណាង ឲ្យដឹងថា ប្រសិនបើគ្រីស្តបរិស័ទមិនស្គាល់ មិនចេះ ឬមិនចាំធម៌ប្រកាសជំនឿ និងគ្មានពេលរិះគិតអំពីធម៌ជឿនេះ គ្រីស្តបរិស័ទនោះមិនដឹងមានជំនឿលើអ្វី ហើយក៏មិនអាចបញ្ជូនបន្តជំនឿរបស់បានដែរ។
លោកឧបដ្ឋាកបានបញ្ជាក់ថា ក្នុងធម៌ប្រកាសជំនឿនេះ បញ្ជាក់អំពីជំនឿរបស់គ្រីស្តបរិស័ទតាំងពីដើមដំបូងដែលបានខិតខំពន្យល់អំពីជំនឿរបស់គេ ជំនឿលើព្រះបិតា ព្រះបុត្រានិងព្រះវិញ្ញាណដ៍វិសុទ្ធ ជាព្រះត្រៃឯក ហើយនៅក្នុងធម៌ប្រកាសជំនឿបានអះអាងយ៉ាងច្បាស់អំពីព្រះយេស៊ូជាព្រះជាម្ចាស់យ៉ាងពិតប្រាកដ។
សិក្ខាសាលានេះ បានជួយលោក វី ឃេងឡាយជាគ្រូអប់រំជំនឿមកពីព្រះសហគមន៍អំពៅព្រៃនៃមណ្ឌលសកម្មភាពតាខ្មៅ យល់ដឹងបន្ថែមអំពីការប្រកាសជំនឿ ដើមកំណើតនៃធម៌ប្រកាសជំនឿ។ គាត់បានប្រាប់ថា កម្មវិធីនេះ ធ្វើឱ្យគាត់មានយល់ថា គាត់អាចមានសមត្ថភាពក្នុងការបញ្ជូនបន្តជំនឿច្រើនជាងមុន។
«ក្នុងនាមខ្ញុំជាគ្រូអប់រំជំនឿមួយរូប ខ្ញុំនឹងបន្តជំនឿរបស់ខ្ញុំទៅដល់ប្អូនៗជំនាន់ក្រោយ ឱ្យគាត់មានភាពក្លាហានក្នុងព្រះសហគមន៍ ហ៊ានដើរតាមព្រះបន្ទូលរបស់ព្រះជាម្ចាស់ដោយសេចក្ដីស្រលាញ់នឹងចែករំលែកធម៌មេត្តាករុណារបស់ព្រះជាម្ចាស់ទៅដល់អ្នកក្រីក្រ» នេះជាសម្ដីរបស់កញ្ញា ភឿត សុខរើន ជាគ្រូអប់រំជំនឿមកពីព្រះសហគមន៍សន្តសិលា សន្តប៉ូល ភ្នំពេញថ្មី នៃមណ្ឌលសកម្មភាពភ្នំពេញថ្មី។
បើតាមការបញ្ជាក់របស់លោក ដួង សាវង់ បានឱ្យដឹងថាសិក្ខាសាលាសម្រាប់គ្រូអប់រំជំនឿក្នុងភូមិភាគភ្នំពេញនៅសល់២មណ្ឌលសកម្មភាពទៀតគឺមានមណ្ឌលសកម្មភាពទន្លេមេគង្គនឹងមណ្ឌលសកម្មភាពបាសាក់ដែលនឹងធ្វើឡើងនាពេលខាងមុខនេះផងដែរ៕
ដោយចាន់ម៉ានុត
លោក ដួង សាវង់ ប្រធានការិយាល័យអប់រំជំនឿភូមិភាគភ្នំពេញមានប្រសាសន៍ថា សិក្ខាសាលាគ្រូអប់រំជំនឿនេះ ធ្វើឡើងក្នុងគោលបំណងឱ្យគ្រូអប់រំជំនឿនៃមណ្ឌលសកម្មភាពទាំង៤យល់ដឹងថែមទៀតអំពីធម៌ប្រកាសជំនឿនិងចាប់អារម្មណ៍អំពីជំនឿរបស់ខ្លួន។
ក្នុងសិក្ខាសាលានេះ លោកសាវង់បានប្រគល់ឯកសារមួយចំនួនដល់គ្រូអប់រំជំនឿ ដើម្បីឲ្យពួកគាត់រំឮកនិងរិះគិត ដើម្បីឲ្យព្រះវិញ្ញាណបំភ្លឺគាត់យល់ពីអត្ថន័យនៃធម៌ប្រកាសជំនឿហើយដោយសារកម្លាំងនៃព្រះវិញ្ញាណយើងសង្ឃឹមព្រះវិញ្ញាណនឹងធ្វើការជាមួយមនុស្សទាំងអស់ឱ្យគេចូលមកទទួលការសង្គ្រោះពីព្រះអង្គ។
សិក្ខាសាលានេះ ជាកម្មវិធីលើកដំបូងសម្រាប់គ្រូអប់រំជំនឿ ដើម្បីរិះគិតអំពីព្រះជាម្ចាស់ដែលជាព្រះបិតា។
លោកបូជាចារ្យ ប៉ូល រឿងឆ័ត្រសិរី ជាអ្នកគ្រប់គ្រងមណ្ឌលសកម្មភាពភ្នំពេញខាងជើង បានមានប្រសាសន៍ថា ធម៌ប្រកាសជំនឿ ជាធម៌អត្តសញ្ញាណគ្រីស្តបរិស័ទ ហើយធម៌នេះជួយឱ្យយើងយល់ឬបញ្ជាក់ថែម អំពីអ្វីដែលយើងជឿទៅលើព្រះជាម្ចាស់។
លោកឧបដ្ឋាក វី សំណាង ឲ្យដឹងថា ប្រសិនបើគ្រីស្តបរិស័ទមិនស្គាល់ មិនចេះ ឬមិនចាំធម៌ប្រកាសជំនឿ និងគ្មានពេលរិះគិតអំពីធម៌ជឿនេះ គ្រីស្តបរិស័ទនោះមិនដឹងមានជំនឿលើអ្វី ហើយក៏មិនអាចបញ្ជូនបន្តជំនឿរបស់បានដែរ។
លោកឧបដ្ឋាកបានបញ្ជាក់ថា ក្នុងធម៌ប្រកាសជំនឿនេះ បញ្ជាក់អំពីជំនឿរបស់គ្រីស្តបរិស័ទតាំងពីដើមដំបូងដែលបានខិតខំពន្យល់អំពីជំនឿរបស់គេ ជំនឿលើព្រះបិតា ព្រះបុត្រានិងព្រះវិញ្ញាណដ៍វិសុទ្ធ ជាព្រះត្រៃឯក ហើយនៅក្នុងធម៌ប្រកាសជំនឿបានអះអាងយ៉ាងច្បាស់អំពីព្រះយេស៊ូជាព្រះជាម្ចាស់យ៉ាងពិតប្រាកដ។
សិក្ខាសាលានេះ បានជួយលោក វី ឃេងឡាយជាគ្រូអប់រំជំនឿមកពីព្រះសហគមន៍អំពៅព្រៃនៃមណ្ឌលសកម្មភាពតាខ្មៅ យល់ដឹងបន្ថែមអំពីការប្រកាសជំនឿ ដើមកំណើតនៃធម៌ប្រកាសជំនឿ។ គាត់បានប្រាប់ថា កម្មវិធីនេះ ធ្វើឱ្យគាត់មានយល់ថា គាត់អាចមានសមត្ថភាពក្នុងការបញ្ជូនបន្តជំនឿច្រើនជាងមុន។
«ក្នុងនាមខ្ញុំជាគ្រូអប់រំជំនឿមួយរូប ខ្ញុំនឹងបន្តជំនឿរបស់ខ្ញុំទៅដល់ប្អូនៗជំនាន់ក្រោយ ឱ្យគាត់មានភាពក្លាហានក្នុងព្រះសហគមន៍ ហ៊ានដើរតាមព្រះបន្ទូលរបស់ព្រះជាម្ចាស់ដោយសេចក្ដីស្រលាញ់នឹងចែករំលែកធម៌មេត្តាករុណារបស់ព្រះជាម្ចាស់ទៅដល់អ្នកក្រីក្រ» នេះជាសម្ដីរបស់កញ្ញា ភឿត សុខរើន ជាគ្រូអប់រំជំនឿមកពីព្រះសហគមន៍សន្តសិលា សន្តប៉ូល ភ្នំពេញថ្មី នៃមណ្ឌលសកម្មភាពភ្នំពេញថ្មី។
បើតាមការបញ្ជាក់របស់លោក ដួង សាវង់ បានឱ្យដឹងថាសិក្ខាសាលាសម្រាប់គ្រូអប់រំជំនឿក្នុងភូមិភាគភ្នំពេញនៅសល់២មណ្ឌលសកម្មភាពទៀតគឺមានមណ្ឌលសកម្មភាពទន្លេមេគង្គនឹងមណ្ឌលសកម្មភាពបាសាក់ដែលនឹងធ្វើឡើងនាពេលខាងមុខនេះផងដែរ៕
ដោយចាន់ម៉ានុត
