លោកឪពុកវ៉ាំងសង់ សេន័យឆាល់ ជាប្រធានថ្មី ក្រុមសាសនទូតក្រៅប្រទេសនាទីក្រុងប៉ារីស (MEP)

July 9, 2021
1:52 pm

លោកឪពុក វ៉ាំងសង់ សេន័យឆាល់ កើតនៅថ្ងៃទី៥ ខែវិច្ឆិកា ឆ្នាំ១៩៧២។ លោកទទួលអគ្គសញ្ញាតែងតាំងជាបូជាចារ្យ នៅភូមិភាគ ម៉ាំង Mans ក្នុងក្រុមសាសនទូតក្រៅប្រទេសនាទីក្រុងប៉ារីស (ហៅកាត់ថា MEP) នៅថ្ងៃទី២៤ ខែមិថុនា ឆ្នាំ២០០១។

លោក វ៉ាំងសង់ សេន័យឆាល់ ទទួលសញ្ញាប័ត្រ បណ្ឌិតទេវវិទ្យាខាងព្រះគម្ពីរ ពីសាកលវិទ្យាល័យ កាតូលីយ៉េគេ ឡឺវ៉េន (Katholieke Universiteit Leuven) និង វិទ្យាស្ថានកាតូលិក នៅទីក្រុងប៉ារីស (និក្ខេបទបណ្ឌិតរបស់លោកបានបោះពុម្ពផ្សាយនៅឆ្នាំ២០០៩ ដោយគ្រឹះស្ថានបោះពុម្ពផ្សាយវ៉ល់ធឺ ដឺ ហ្គ្រូអ៊ីធឺ-Walter de Gruyter នៅទីក្រុងប៊ែរឡាំង ប្រទេសអាឡឺម៉ង់)។ លោកឪពុក វ៉ាំងសង់ សេន័យឆាល់ បានមកបំពេញកិច្ចការជាសាសនទូត នៅប្រទេសកម្ពុជា ពីឆ្នាំ២០០៧ រហូតដល់ឆ្នាំ ២០១៦ ។

ក្នុងរយៈពេលបំពេញបេសកកម្មសាសនទូតនៅកម្ពុជា លោកឪពុក វ៉ាំងសង់ ទទួលខុសត្រូវការងារជាច្រើន ដូចជា៖ បូជាចារ្យជំនួយ បន្ទាប់មកបូជាចារ្យទទួលព្រះសហគមន៍ ជាសាស្ត្រាចារ្យបង្រៀននៅទេវវិទ្យាល័យភ្នំពេញ និងបង្រៀនក្នុងវគ្គបណ្តុះបណ្តាលបងប្អូនគ្រីស្ដបរិស័ទឯទៀតៗ លោកក៏ជាអគ្គលេខាធិការ និងជាអធិការបតីរបស់លោកអភិបាលព្រះសហគមន៍ភូមិភាគភ្នំពេញ។

ជាមួយគ្នានេះ លោកក៏ជាតំណាងព្រះសហគមន៍កាតូលិក នៅក្នុងសមាគមព្រះគម្ពីរកម្ពុជា។ លោកជាសមាជិកនៃគណៈកម្មការអន្តរភូមិភាគបកប្រែសៀវភៅ ពិធីបុណ្យអភិបូជាជាភាសាខ្មែរ ហើយលោកក៏ជាអ្នកទទួលខុសត្រូវ មណ្ឌលនិស្សិតកាតូលិកកម្ពុជាផងដែរ។

លោកឪពុក វ៉ាំងសង់ សេន័យឆាល់ ក៏ជាសាស្រ្តាចារ្យ បង្រៀននៅវិទ្យាស្ថានសន្ដសិលានៅបឹងហ្គាល័រ ប្រទេសឥណ្ឌា (Institute Pontifical Saint-Pierre de Bangalore)។

ឆ្នាំ២០១៦ លោកត្រូវបានជ្រើសតាំងជាទីប្រឹក្សា ក្រុមសាសនទូត ក្រៅប្រទេសនាទីក្រុងប៉ារីស។ លោកទទួលមុខងារជាអ្នកសម្របសម្រួលការងារទូទៅក្នុងក្រុមសាសនទូត មានដូចជា ទំនាក់ទំនង ផ្សព្វផ្សាយ អំពីកិច្ចការសាសនទូតក្រៅប្រទេស ហើយលោកក៏ទទួលខុសត្រូវកិច្ចការផ្សេងៗ ក្នុងព្រះវិហាររបស់សាសនទូត MEP និងនៅវិទ្យាស្ថានសិក្សាស្រាវជ្រាវ បារាំងអាស៊ី ដែលលោកបានក្លាយជាប្រធាននៅក្នុងឆ្នាំ២០២១នេះ។

ពីឆ្នាំ២០១៩ រហូតដល់សព្វថ្ងៃ លោកក៏ជាអ្នកទទួលខុសត្រូវ និស្សិតទេវវិទ្យាល័យរបស់ក្រុមសាសនទូត ក្រៅប្រទេស នាក្រុងប៉ារីស (MEP) ផងដែរ។

ថ្ងៃទី២៦ ខែមិថុនា ឆ្នាំ២០២១ លោកឪពុក ហ្ស៊ីល រ៉េស៊ីនហ្គើ (Gilles Reithinger) បានតែងតាំងជាលោកអភិបាលឧបត្ថម្ភកៈនៅភូមិភាគស្រ្តាប៊ួ (Strasbourg) ប្រទេសបារាំង។ លោកឪពុក វ៉ាំងសង់ សេន័យឆាល់ ទទួលមុខងារបន្តពី លោកឪពុក ហ្ស៊ីល រ៉េស៊ីនហ្គើ ជាប្រធានក្រុមសាសនទូតក្រៅប្រទេសនាទីក្រុងប៉ារីស៕

អត្ថបទថ្មី

មោទនភាព! វិទ្យាល័យសន្តហ្វ្រង់ស្វ័រ ខេត្តតាកែវ បន្តរក្សាស្ថិតិសិស្សប្រឡងជាប់ឌីប្លូម ១០០% ទាំង ១៦ជំនាន់

តាកែវ៖ សិស្សានុសិស្សថ្នាក់ទី៩ នៃវិទ្យាល័យចំណេះទូទៅសន្តហ្វ្រង់ស្វ័រ ដែលមានទីតាំងស្ថិតនៅភូមិចំការទៀង ឃុំគូស ស្រុកត្រាំកក់ ខេត្តតាកែវ បានបង្កើតមោទនភាពសារជាថ្មី ដោយបានប្រឡងជាប់សញ្ញាបត្រមធ្យមសិក្សាបឋមភូមិ (ឌីប្លូម) នាសម័យប្រឡងថ្ងៃទី០៦ ខែកក្កដា ឆ្នាំ២០២៦ កន្លងទៅនេះ ក្នុងកម្រិតរហូតដល់ ១០០ភាគរយ។ បើតាមការបញ្ជាក់របស់លោក ប៊ិច វិបុល នាយកវិទ្យាល័យចំណេះទូទៅសន្តហ្វ្រង់ស្វ័រ បានឱ្យដឹងថា នៅក្នុងឆ្នាំសិក្សា ២០២៥-២០២៦ នេះ សាលាមានបេក្ខជនចូលរួមការប្រឡងឌីប្លូមចំនួន

ព្រះសហគមន៍កាតូលិកអបអរសាទរពិធីឆ្លង និងប្រទានពរព្រះវិហារថ្មី «សន្តីម៉ារីម៉ាដាឡា» នៅស្វាយប៉ាក

រាជធានីភ្នំពេញ៖ នៅថ្ងៃទី២៧ ខែមិថុនា ឆ្នាំ២០២៦ ព្រះសហគមន៍កាតូលិកស្វាយប៉ាក (គីឡូលេខ១១ រាជធានីភ្នំពេញ) បានប្រារព្ធពិធីបុណ្យ និងប្រទានពរព្រះវិហារថ្មីរបស់ខ្លួនយ៉ាងអធិកអធម ដែលមានឈ្មោះថា «ព្រះវិហារសន្តីម៉ារីម៉ាដាឡា» ក្រោមអធិបតីភាពរបស់លោកអភិបាល អូលីវីយ៉េជ្មីតហស្លេ ព្រមទាំងវត្តមានដ៏ខ្ពង់ខ្ពស់របស់លោកអភិបាល សិលាសួន ហង្សលី និងលោកបូជាចារ្យជាច្រើនអង្គ។ ព្រឹត្តិការណ៍នេះគឺជាសញ្ញាសម្គាល់ដ៏សំខាន់មួយនៃជីវិត និងការរីកចម្រើនរបស់ព្រះសហគមន៍កាតូលិកនៅក្នុងតំបន់នេះ។ នៅក្នុងពិធីនេះ លោកអភិបាល អូលីវីយ៉េ បានរំលឹកអំពីប្រវត្តិ និងការធ្វើដំណើររបស់ព្រះសហគមន៍ ដោយភ្ជាប់ជាមួយនឹងបទពិសោធន៍ផ្ទាល់របស់លោក។

អភិបាលព្រះសហគមន៍កាតូលិកបំផុសសារ «សន្តិភាពនិងភាតរភាព»

ខេត្តតាកែវ៖ ការពង្រឹងសន្តិភាព សុខដុមរមនា និងសាមគ្គីភាពរវាងសាសនានិងសាសនា ត្រូវបានលើកយកមកបង្ហាញយ៉ាងច្បាស់ពីសំណាក់មេដឹកនាំសាសនា នៅក្នុងពិធីសម្ពោធសមិទ្ធផលនានាក្នុងវត្តអង្គមេត្រី កាលពីថ្ងៃទី២៦ ខែមិថុនា ឆ្នាំ២០២៦ នេះ ស្ថិតនៅក្នុងភូមិពងទឹកខាងត្បូង ឃុំគូស ស្រុកត្រាំកក់ ខេត្តតាកែវ។ ពិធីនេះត្រូវបានរៀបចំឡើងក្រោមអធិបតីភាពរបស់ឯកឧត្ដម ទួន ស៊ីផាន់ រដ្ឋលេខាធិការក្រសួងប្រៃសណីយ៍និងទូរគមនាគមន៍ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកត្រាំកក់ ដោយមានការចូលរួមយ៉ាងកុះករពីសំណាក់មន្ត្រីសង្ឃ ព្រះសង្ឃ មន្ត្រីរាជការ អាជ្ញាធរ និស្សិត សិស្សានុសិស្ស