នៅព្រះវិហារព្រះកុមារយេស៊ូបឹងទំពុននៃមណ្ឌលសកម្មភាពភ្នំពេញខាងត្បូង ក្នុងថ្ងៃព្រះសហគមន៍រំឭកដល់ព្រះយេស៊ូទទួលជ្រមុជទឹក។ ពិធីធ្វើឡើងក្រោមអធិបតីភាពលោកអភិបាលព្រះសហគមន៍ភូមិភាគភ្នំពេញ អូលីវីយ៉េ ជ្មីតហស្លេរ នាព្រឹកថ្ងៃទី៩ មករា ២០២២។
មុននឹងចាប់ផ្ដើមកម្មវិធី លោកអភិបាលព្រះសហគមន៍ បានស្វាគមន៍ ដោយសួរឈ្មោះនិងសួរបញ្ជាក់ពីគោលបំណងរបស់មាតាបិតាកុមារដែលហៀបនឹងទទួលអគ្គសញ្ញាជ្រមុជទឹកនៅមុខព្រះវិហារ។
អគ្គសញ្ញាជ្រមុជទឹក ជាអគ្គសញ្ញាមួយក្នុងចំណោមអគ្គសញ្ញាទាំង៧នៅក្នុងព្រះសហគមន៍កាតូលិក។ តាមជំនឿព្រះសហគមន៍កាតូលិកជឿថាអគ្គសញ្ញានេះគឺទទួលជីវិតថ្មីរួមស្លាប់និងរួមរស់ជាមួយព្រះយេស៊ូគ្រីស្តដែលមានព្រះជន្មថ្មីដ៏រុងរឿង។
លោកអភិបាលអូលីវីយ៉េ មានប្រសាសន៍ថា ថ្ងៃនេះកូនយើងទទួលជ្រមុជទឹកបញ្ជាក់ថាព្រះជាម្ចាស់បានជ្រើសរើសកូនរបស់យើងទៅជាបុត្រធីតារបស់ព្រះអង្គដែរតាមរយៈអគ្គសញ្ញាជ្រមុជទឹកនេះ។
នៅក្នុងធម្មទេសនា លោកអភិបាលមានប្រសាសន៍ណែនាំថា សប្ដាហ៍មុនយើងគោរពគ្រួសារដ៏វិសុទ្ធ ដូចនេះគ្រួសារជាអាទិភាពសម្រាប់យើងទាំងអស់គ្នា។ លោកបន្តថា នៅក្នុងព្រះសហគមន៍របស់យើងជាគ្រួសារដ៏តូចមួយដែលយើងស្គាល់គ្នាទៅវិញទៅមក។ ជីដូន ជីតាបស់យើងសុទ្ធតែជាមូលដ្ឋានគ្រឹះនៅក្នុងព្រះសហគមន៍ដ៏តូចរបស់យើង។ នៅពេលយើងនឹកឃើញដូចនេះគឺយើងនឹកឃើញដល់គ្រួសាររបស់យើងជាគ្រួសារដ៏តូចមួយយ៉ាងជិតស្និទ្ធ និងពិតមែនព្រះសហគមន៍បានចាប់ផ្ដើមរីកចម្រើនពីក្រុមគ្រួសារដ៏តូចតាច។ យើងជាគ្រួសារមួយដែលធ្វើដំណើរជាមួយគ្នា ណែនាំឱ្យយើងឃើញពិតមែនព្រះអង្គស្រឡាញ់យើងដែលយើង និងថ្ងៃនេះនឹងជាបងប្អូនទាំងអស់ជាបុត្រធីតារបស់ព្រះជាម្ចាស់ គឺយើងបានបង្កើតបងប្អូននៅក្នុងថ្ងៃនេះដូចមាននៅក្នុងអត្ថបទព្រះគម្ពីរដំណឹងល្អ។
លោកអភិបាលបន្ថែមថា ប្រសិនបើយើងពិចារណានៅក្នុងឆ្នាំថ្មីនេះគឺយើងទាំងអស់នេះចង់មានសេចក្ដីសុខពិតប្រាកដមែនចង់មានសុភមង្គល ព្រះជាម្ចាស់សម្ដែងព្រះហទ័យប្រណីសន្ដោសដើម្បីសង្គ្រោះមនុស្សទាំងអស់ឱ្យមានសុភមង្គល។ ប្រសិនបើយើងពិចារណាមួយរយៈពេលមួយឆ្នាំកន្លងមកមានបញ្ហាដែលធ្វើឲ្យយើងភ័យខ្លាច មានរឿងជាច្រើនកន្លងមកនៅក្នុងសង្គមក៏ដូចជាពិភពលោកទាំងមូលធ្វើឱ្យយើងដឹងថាពិតមែនសុភមង្គលគឺជាគោលបំណងដែលយើងចង់មាននៅក្នុងជីវិត។ តើយើងចង់បានលោកីយ៍ឬសុភមង្គលតាមព្រះជាម្ចាស់?
លោកអភិបាលរំលឹកឱ្យគ្រីស្តបរិស័ទទាំងអស់ចាប់អារម្មណ៍លើអត្ថបទព្រះគម្ពីរ។ លោកថា យើងរស់នៅក្នុងលោកិយប៉ុន្តែប្រសិនបើយើងដើរតាមសុភមង្គលនៃលោកីយ៍ដែលធ្វើឱ្យយើងភ័យខ្លាច មានការព្រួយបារម្ភ និងរបៀបដែលយើងផ្សព្វផ្សាយជារៀងរាល់ថ្ងៃ ពេលខ្លះគេច្រណែន មានខ្លះលោភលន់ ដែលនាំអោយយើងមានបញ្ហាច្រើន។ ប៉ុន្តែសុភមង្គលដែលព្រះជាម្ចាស់ចង់ឱ្យយើងគឺមិនមែនសុភមង្គលដែលមាននៅក្នុងលោកីយ៍នេះ ប៉ុន្តែយើងរស់នៅក្នុងពិភពផ្សេង ទោះបីជាយើងរស់នៅក្នុងសង្គមកម្ពុជាហើយយើងរស់នៅលើផែនដីនេះ ប៉ុន្តែសំខាន់ឱ្យយើងមើលអ្វីដែលជាមូលដ្ឋានគ្រឹះ។ នៅពេលដែលយើងបាត់បង់អ្វីអ្វីទាំងអស់ យើងនៅសព្វព្រះជាម្ចាស់ដែលស្រឡាញ់យើងតែដើរជាមួយយើង និងណែនាំឱ្យយើងចេះស្រឡាញ់គេនឹងចែករំលែកជាមួយគេដែរព្រះជាម្ចាស់ចាប់កំណើតជាមនុស្សដែលធ្វើដំណើរជាមួយយើងដោយដឹងថាយើងមានព្រះជាម្ចាស់ទីពឹង។
ក្មេងៗដែលទទួលពិធីជ្រមុជទឹកនៅថ្ងៃនេះគឺមកពីឪពុកម្ដាយលោកយាយលោកតាដែលនាំឲ្យយើងស្គាល់ព្រះជាម្ចាស់ ។
លោកថា គ្រប់សកម្មភាពយើងមានកម្លាំងពីរគឺតាមលោកីយ៍សុទ្ធនឹងយកជំនឿរបស់យើងជាសក្ខីភាព។
នៅក្នុងសង្គមបច្ចុប្បន្ននេះ យើងធ្វើដូចម្ដេចដើម្បីចូលក្នុងសង្គមដោយណែនាំអោយយើងមានសេចក្ដីសុខ។
លោកអភិបាលណែនាំមាតាបិតាឱ្យអប់រំកូន ឱ្យមានអំណរសប្បាយនៅពេលដែលយើងជួបព្រះយេស៊ូ យើងមានអំណរសប្បាយដែលយើងចូលព្រះវិហារ យើងមានអំណរសប្បាយដែលបានចែករំលែកដែលជាជីវិតរបស់យើងជាព្រះចាំគឺចែករំលែកនិងអនុវត្តដើម្បីទទួលអំណរសប្បាយពីព្រះជាម្ចាស់ដោយសារភាពជាម្ចាស់ចង់ឱ្យយើងទទួលសុភមង្គលដ៏ពិតប្រាកដ។
យើងអរគុណដល់ព្រះជាម្ចាស់ដែលបានជ្រើសរើសយើងនឹងយើងកុំភ្លេចពិតមែនយើងជាបុត្រាបុត្រីរបស់ព្រះជាម្ចាស់ដែលបានស្រលាញ់យើង និងបានបង្កើតយើង។
គ្រីស្តបរិស័ទទាំងអស់ បានឆ្លើយតបទៅនឹងលោកអភិបាលដែលបានសួរបញ្ជាក់អំពីជំនឿរបស់ខ្លួនតាមរយ:ព្រះសហគមន៍កាតូលិក បន្ទាប់មកលោកអភិបាលផ្ដល់អគ្គសញ្ញាជ្រមុជទឹកដល់កុមារទាំងនោះដោយនាម ព្រះបិតា ព្រះបុត្រា និងព្រះវិញ្ញាណដ៏វិសុទ្ធ និងលាបប្រេងផ្ដល់កម្លាំងនៃជំនឿដល់កុមារទាំង៤ ព្រមទាំងបំពាក់អាវសដែលជាសញ្ញាបំពាក់ព្រះយេស៊ូនៅក្នុងជីវិតកុមារទាំងនេះ។ ឪពុកម្ដាយធម៌ចម្លងទៀនពីទៀនជ័យ មកឱ្យកូនធម៌ គឺជាសញ្ញាបង្ហាញពីព្រះពន្លឺរបស់ព្រះជាម្ចាស់មកដល់កូនធម៌។
លោកអភិបាល រំឭកដល់ឱពុកម្ដាយឱ្យយកចិត្តទុកដាក់ណែនាំកូនអធិដ្ឋាន និងចូលព្រះវិហារជាប្រចាំ។
ដោយ៖ ដាលីស
