អបអរសាទរ សិស្សវិទ្យាល័យ សន្តហ្វ្រង់ស្វ័រ បច្ចេកទេសកម្រិត៣ ប្រឡងជាប់ ១០០%

ប្អូនៗសិស្សានុសិស្សនៃវិទ្យាល័យចំណេះទូទៅ និងបច្ចេកទេសឯកជន សន្តហ្វ្រង់ស្វ័រ ចំនួន ៤១នាក់ បានប្រឡងជាប់សញ្ញាបត្របច្ចេកទេស និងវិជ្ជាជីវៈកម្រិត ៣ មួយរយភាគរយ នាសម័យប្រឡងថ្ងៃទី២២ កក្កដា ឆ្នាំ២០២៦ ក្នុងនោះមានស្រី ២០នាក់។
បើតាមការឱ្យដឹងពី លោក យុន សំអាត នាយកសាលាខាងលើ បានរៀបរាប់ឱ្យដឹងថា លទ្ធផលប្រឡងបញ្ចប់ឆ្នាំសិក្សា និងប្រឡងសញ្ញាបត្របច្ចេកទេស និងវិជ្ជាជីវៈ កម្រិត ៣ សម័យប្រឡងថ្ងៃទី២២ កក្កដា ឆ្នាំ២០២៦នេះ មណ្ឌលប្រឡងរបស់វិទ្យាល័យចំណេះទូទៅ និងបច្ចេកទេស សន្តហ្វ្រង់ស្វ័រ មានចំនួន ៨បន្ទប់ ដែលមានបេក្ខភាពប្រឡងសរុប ១៤៦នាក់ ជាប់ ១៤៥នាក់ គិតជាភាគរយបេក្ខជនប្រឡងជាប់គឺ ១០០ភាគរយ។ បើគិតត្រឹមសម័យប្រឡងថ្ងៃទី២២ កក្កដា ឆ្នាំ២០២៦នេះ បេក្ខជនទទួលបានលំដាប់និទ្ទេសដូចខាងក្រោម៖ បេក្ខភាពសរុប ៤១នាក់ ស្រី ២០នាក់៖ និទ្ទេស A៖ ០២នាក់ និទ្ទេស B៖ ០៤នាក់ និទ្ទេស C៖ ១៦នាក់ និទ្ទេស D៖ ១៨នាក់ និទ្ទេស E៖ ០១នាក់ គិតជាភាគរយគឺជាប់ ១០០ភាគរយ។ លោក យុន សំអាត បានបន្តឱ្យដឹងថា ដើម្បីជំរុញឱ្យសិស្សានុសិស្សទទួលបានផ្លែផ្កាល្អជារៀងរាល់ឆ្នាំ សាលាបានឈរលើគោលការណ៍សំខាន់ៗចំនួន ៤ គឺ៖ ១. អនុវត្តរាល់ការណែនាំរបស់ក្រសួងអប់រំ យុវជន និងកីឡា។ ២. អនុវត្តការបណ្តុះបណ្តាលតាមបែបបច្ចេកទេសត្រឹមត្រូវ និងស្តង់ដា ដោយមានទាំងការអនុវត្តជាក់ស្តែង និងទ្រឹស្ដីដើរទន្ទឹមគ្នា។ ក្នុងនោះដែរ ក៏មានការចុះទស្សនកិច្ចសិក្សា និងការអនុវត្តជាក់ស្តែងនៅតាមស្ថាប័ន ឬបណ្តាក្រុមហ៊ុននានាផងដែរ។ ៣. សិស្សានុសិស្សបានអនុវត្តតាមវិធីសាស្ត្រចម្រុះ ដោយបានបូកបញ្ចូលរបៀបបង្រៀនរបស់គ្រូមជ្ឈមណ្ឌល និងការអនុវត្តជាក់ស្ដេចដើម្បីវាស់ស្ទង់សមត្ថភាពសិស្ស។ ៤. ការអនុវត្តវិន័យដ៏តឹងរឹងទាំងលោកគ្រូ អ្នកគ្រូ បុគ្គលិក និងសិស្សានុសិស្ស ដែលស្របទៅនឹងសេចក្តីណែនាំរបស់ក្រសួងអប់រំ យុវជន និងកីឡា។ អ្វីដែលកាន់តែពិសេសនោះគឺ ទាំងនាយកសាលា លោកគ្រូ អ្នកគ្រូ និងសិស្សានុសិស្ស បានសហការគ្នាយ៉ាងជិតស្និទ្ធ ដោយទទួលយកចំណុចកែលម្អរៀងៗខ្លួន ដើម្បីធ្វើយ៉ាងណាក៏ដោយឱ្យការសិក្សារបស់សិស្សទទួលបានលទ្ធផលល្អ។
លោកនាយកសាលាខាងលើបានគូសបញ្ជាក់ថា ការបណ្តុះបណ្តាលអប់រំបច្ចេកទេស និងវិជ្ជាជីវៈ គឺមានលក្ខណៈពិសេស ដោយតម្រូវឱ្យសិស្សត្រូវមានចំណេះដឹង ចំណេះធ្វើ និងឥរិយាបទល្អ ព្រោះថាការសិក្សាបច្ចេកទេសកម្រិត ៣ នេះ ក្រោយពេលបញ្ចប់ សិស្សនឹងទទួលបានលិខិតបញ្ជាក់ការសិក្សាដែលមានតម្លៃស្មើនឹងសញ្ញាបត្រមធ្យមសិក្សាបឋមភូមិ និងអាចចូលបម្រើការងារតាមស្ថាប័ន ឬក្រុមហ៊ុនផ្សេងៗ តាមជំនាញដែលបានសិក្សាកន្លងមកបាន។
សូមបញ្ចាប់ផងដែរថា វិទ្យាល័យចំណេះទូទៅនិងបច្ចេកទេស ឯកជន សន្តហ្រ្វង់ស្វ័របង្កើតឡើងក្នុងឆ្នាំ២០១៥ នៅក្នុងទឹកដី ស្រុកត្រាំកក់ ខេត្តតាកែវ ដោយស្ថិតក្រោមការឧត្ថមគាំទ្រពីព្រះសហគមន៍កាតូលិក ក្រោមគំនិតផ្តួចផ្តើមរបស់លោកអភិបាល អូលីវីយេ ជ្មីសហស្លេរ អភិបាលព្រះសហគមន៍កាតូលិកភូមិភាគភ្នំពេញ។ ដែលមានជំនាញក្សេត្យសាស្ត្រ១១ជំនាន់ និងជំនាញទេសចរណ៍៦ជំនាន់។ ហើយសម្រាប់ឆ្នាំសិក្សាថ្មី២០២៦-២០២៧ សាលានិងបន្ថែមមុខជំនាញថ្មីមួយទៀតគឺ Digital media design Art & Ai ជំនាញថ្មីនេះបើកទទួលសិស្សតែចំនួន២៥នាក់ដំបូង នេះជាការបញ្ជាក់របស់លោក យុន សំអាត ដែលមានតួនាជានាយកសាលាខាងលើ។
ដោយ ឆាក លាំង

Facebook
Twitter
LinkedIn

អត្ថបទថ្មី

វិទ្យាល័យចំណេះទូទៅសន្តហ្វ្រង់ស្វ័រចុះអនុសារណៈជាមួយមន្ទីរវប្បធម៌ និងវិចិត្រសិល្បៈខេត្តតាកែវ

កាលពីថ្ងៃទី១២ ខែវិច្ឆិកា ឆ្នាំ២០២៦ គណៈគ្រប់គ្រងវិទ្យាល័យចំណេះទូទៅឯកជនសន្តហ្វ្រង់ស្វ័រ បានចុះអនុសារណៈ “ស្តីពីកិច្ចសហប្រតិបត្តិការរៀបចំ និងអនុវត្តកម្មវិធីសិក្សាផ្នែកសិល្បៈវប្បធម៌កម្រិតមធ្យមសិក្សា និងការផ្តល់វិញ្ញាបនបត្របញ្ជាក់ការសិក្សា រវាងមន្ទីរវប្បធម៌ និងវិចិត្រសិល្បៈខេត្តតាកែវ ដែលមានរយៈពេល ៣ឆ្នាំ” ដែលធ្វើឡើងនៅមន្ទីរវប្បធម៌ និងវិចិត្រសិល្បៈខេត្តតាកែវ។ បើតាមប្រសាសន៍របស់លោក ប៉ិច វិបុល ជានាយកវិទ្យាល័យចំណេះទូទៅសន្តហ្វ្រង់ស្វ័របានឲ្យដឹងថា ការចុះអនុសារណៈយោគយល់នេះ មានបំណងចំនួន៣។ គឺទី១ ស្នើសុំឲ្យមន្ទីរ ទទួលស្គាល់វិញ្ញាបនបត្រដែលចេញដោយសាលាផ្ទាល់ លើមុខជំនាញសិល្បៈដែលសិស្សបានសិក្សា និងមានជំនាញពិតប្រាកដ។

លោកអភិបាលអូលីវីយ៉េ អំពាវនាវឲ្យមេដឹកនាំសមាជិកLa Francophonie លើកកម្ពស់សន្តិភាព

ថ្លែងទៅកាន់គណៈប្រតិភូដែលបានចូលរួមក្នុងកិច្ចប្រជុំកំពូលហ្វ្រង់កូហ្វូនី លើកទី២០ កាលពីថ្ងៃអាទិត្យ ទី១៥ ខែវិច្ឆិកា ឆ្នាំ២០២៦ លោកអភិបាល អូលីវីយ៉េ ជ្មីតហស្លេ អភិបាល​ព្រះសហគមន៍​កាតូលិក​ភូមិភាគ​ភ្នំពេញ បាន​​អំពាវនាវ​យ៉ាង​ទទូច​ដល់​មេដឹកនាំ​ពិភព​លោក ឱ្យ «វិនិយោគឡើងវិញលើសន្តិភាព» ចំពេលដែល​ជម្លោះ​សកល​កំពុង​កើន​ឡើង គ្រោះ​មហន្ត​រាយ​អាកាស​ធាតុ និងការទន្ទ្រានរំខាន​ពីបញ្ញាសិប្បនិម្មិត​(AI)។ មានប្រសាសន៍ក្នុងអំឡុងពេលអភិបូជាថ្ងៃអាទិត្យ​ជាភាសាបារាំង ដែល​ស្របពេល​ជាមួយ​ទិវា​ជនក្រីក្រ​ពិភពលោកលើកទី១០ នៅព្រះវិហារសន្តយ៉ូសែប (ផ្សារតូច) ក្នុងរាជធានីភ្នំពេញ ដែល​មាន​អ្នកចូលរួមជិត ២០០ នាក់ លោកអភិបាល

កិច្ចប្រជុំ CACD៖ លោកអភិបាល អូលីវីយ៉េ ក្រើនរំលឹកឲ្យយកចិត្តទុកដាក់ ពីបរិស្ថាន ឥទ្ធិពល AI និងកសាងវប្បធម៌សន្តិភាព

ថ្ងៃទី១៦ ខែវិច្ឆិកា ឆ្នាំ២០២៦ — លោកអភិបាល អូលីវីយ៉េ បានអញ្ជើញដឹកនាំកិច្ចប្រជុំរបស់សម្ព័ន្ធអង្គការ និងសមាគមកាតូលិកដើម្បីមេត្តាករុណា និងការអភិវឌ្ឍ (CACD) ដោយមានការអញ្ជើញចូលរួមពីសំណាក់តំណាងអង្គការ និងសមាគមកាតូលិកដែលជាសមាជិក CACD។ ថ្លែងក្នុងពិធីបើកអង្គប្រជុំ លោកអភិបាល អូលីវីយ៉េ បានគូសបញ្ជាក់ថា បច្ចុប្បន្នពិភពលោកកំពុងមានការផ្លាស់ប្តូរយ៉ាងឆាប់រហ័ស ដែលទាមទារឱ្យយើងទាំងអស់គ្នាត្រូវតែភ្ញាក់ស្មារតី ដើម្បីរួមគ្នាកសាងមរតកដ៏ល្អប្រពៃទុកសម្រាប់កូនចៅជំនាន់ក្រោយ តាមរយៈគោលដៅសំខាន់ៗមាន៖ ១. ការប្រែប្រួលអាកាសធាតុ៖ គ្រោះមហន្តរាយធម្មជាតិ ទឹកជំនន់

Subscribe to our newsletter

Don't miss new updates on your email