គ្រឹះដ្ឋានអប់រំកាតូលិកនៅខេត្តតាកែវ សហការគ្នារៀបចំសិក្ខាសាលា ស្តីពី «ការបង្កើតផ្នត់គំនិតវិជ្ជមានសម្រាប់អ្នកគ្រប់គ្រង និងអ្នកដឹកនាំ»

ខេត្តតាកែវ៖ កាលពីថ្ងៃទី១០ ខែមិថុនា ឆ្នាំ២០២៦ វិទ្យាស្ថានសន្តប៉ូល បានសហការជាមួយវិទ្យាល័យចំណេះទូទៅ និងបច្ចេកទេសឯកជនសន្តហ្វ្រង់ស្វ័រ រៀបចំសិក្ខាសាលាមួយក្រោមប្រធានបទ «ការបង្កើតផ្នត់គំនិតវិជ្ជមានសម្រាប់អ្នកគ្រប់គ្រង និងអ្នកដឹកនាំ»។ ព្រឹត្តិការណ៍នេះបានប្រព្រឹត្តទៅនៅទីតាំងវិទ្យាស្ថានផ្ទាល់ ស្ថិតក្នុងភូមិអង្គគគីរ ឃុំតាភេម ស្រុកត្រាំកក់ ខេត្តតាកែវ ដោយមានសិក្ខាកាមចូលរួមយ៉ាងកុះករជាង ១០០ នាក់។ សិក្ខាសាលានេះ មានបណ្ឌិត យុន ផន ជាសាស្ត្រាចារ្យសាកលវិទ្យាល័យនៅភ្នំពេញ និងជាទីប្រឹក្សាក្រុមហ៊ុនធំៗនៅកម្ពុជា ធ្វើជាវាគ្មិនកិត្តិយសដើម្បីចែករំលែកចំណេះដឹង។ បណ្ឌិត ផុន សុផល នាយកវិទ្យាស្ថានសន្តប៉ូល បានលើកឡើងពីគោលបំណងចម្បងនៃកម្មវិធីនេះថា៖ ផ្តល់ចំណេះដឹង គន្លឹះ និងបទពិសោធន៍ល្អៗក្នុងការកសាងផ្នត់គំនិតវិជ្ជមាន។ ពង្រឹងសមត្ថភាពភាពជាអ្នកដឹកនាំ និងអភិវឌ្ឍសក្តានុពលផ្ទាល់ខ្លួន។ ត្រៀមលក្ខណៈកសាងធនធានមនុស្សប្រកបដោយគុណភាពសម្រាប់ស្ថាប័ន និងសង្គមជាតិ។ ជម្រុញការសហការគ្នាយ៉ាងស្អិតរមួតរវាងនិស្សិត បុគ្គលិក និងលោកគ្រូ-អ្នកគ្រូ ដើម្បីភាពរីកចម្រើនក្នុងស្ថាប័ន។ លោក យុន សំអាត នាយកវិទ្យាល័យចំណេះទូទៅ និងបច្ចេកទេសឯកជនសន្តហ្វ្រង់ស្វ័រ បានគូសបញ្ជាក់ថា សិក្ខាសាលានេះមានតម្លៃខ្លាំងណាស់សម្រាប់ សម្រាប់បុគ្គលិក និងគណៈគ្រប់គ្រង៖ ជាការលើកទឹកចិត្ត និងជម្រុញកម្លាំងបន្ថែមក្នុងការបំពេញភារកិច្ចឱ្យកាន់តែមានប្រសិទ្ធភាព ព្រមទាំងពង្រឹងទំនាក់ទំនង និងមិត្តភាពក្នុងកន្លែងការងារ។ លោកនាយករូបនេះបន្តថា សម្រាប់សិស្សឆ្នាំទី៣ (ជំនាញសេដ្ឋកិច្ច និងជំនាញការិយាល័យគ្រប់មុខ)៖ ជាការរៀបចំខ្លួន និងយល់ដឹងពីរបៀបបំពេញការងារជាក់ស្តែងនៅខាងក្រៅ មុនពេលពួកគេត្រូវបញ្ចប់ការសិក្សាផ្នែកអប់រំបច្ចេកទេសក្នុងរយៈពេល ៣ ខែខាងមុខនេះ។ ការណ៍នេះនឹងជួយឱ្យពួកគេមានភាពជឿជាក់ក្នុងការប្រកួតប្រជែងទីផ្សារការងារ ឬបន្តការសិក្សានៅកម្រិតខ្ពស់ទៀត។ បើតាមការបញ្ជាក់របស់បណ្ឌិត ផុន សុផល វិទ្យាស្ថានសន្តប៉ូល និងវិទ្យាល័យសន្តហ្វ្រង់ស្វ័រ គឺជាថ្នាលបណ្តុះបណ្តាលដ៏សំខាន់ ស្ថិតក្រោមការគ្រប់គ្រង និងឧបត្ថម្ភរបស់ព្រះសហគមន៍កាតូលិកភូមិភាគភ្នំពេញ។ ស្ថាប័នទាំងពីរនេះ បានផ្តល់ឱកាសមាសដល់កូនចៅកសិករក្រីក្រ ទាំងក្នុងខេត្តតាកែវ និងមកពីតំបន់ឆ្ងាយៗ ឱ្យទទួលបានការអប់រំតាំងពីកម្រិតមត្តេយ្យសិក្សារហូតដល់ឧត្តមសិក្សា។ កន្លងមក ស្ថាប័នទាំងពីរតែងតែសហការគ្នាយ៉ាងសកម្មក្នុងការបង្កើតសិក្ខាសាលាជាច្រើន ដែលផ្តោតលើការអភិវឌ្ឍចំណេះដឹង-ជំនាញ ការចូលរួមកសាងសន្តិភាព និងការការពារបរិស្ថានផងដែរ។
អត្ថបទដោយ៖ ឆាក លាំង

Facebook
Twitter
LinkedIn

អត្ថបទថ្មី

វិទ្យាល័យចំណេះទូទៅសន្តហ្វ្រង់ស្វ័រចុះអនុសារណៈជាមួយមន្ទីរវប្បធម៌ និងវិចិត្រសិល្បៈខេត្តតាកែវ

កាលពីថ្ងៃទី១២ ខែវិច្ឆិកា ឆ្នាំ២០២៦ គណៈគ្រប់គ្រងវិទ្យាល័យចំណេះទូទៅឯកជនសន្តហ្វ្រង់ស្វ័រ បានចុះអនុសារណៈ “ស្តីពីកិច្ចសហប្រតិបត្តិការរៀបចំ និងអនុវត្តកម្មវិធីសិក្សាផ្នែកសិល្បៈវប្បធម៌កម្រិតមធ្យមសិក្សា និងការផ្តល់វិញ្ញាបនបត្របញ្ជាក់ការសិក្សា រវាងមន្ទីរវប្បធម៌ និងវិចិត្រសិល្បៈខេត្តតាកែវ ដែលមានរយៈពេល ៣ឆ្នាំ” ដែលធ្វើឡើងនៅមន្ទីរវប្បធម៌ និងវិចិត្រសិល្បៈខេត្តតាកែវ។ បើតាមប្រសាសន៍របស់លោក ប៉ិច វិបុល ជានាយកវិទ្យាល័យចំណេះទូទៅសន្តហ្វ្រង់ស្វ័របានឲ្យដឹងថា ការចុះអនុសារណៈយោគយល់នេះ មានបំណងចំនួន៣។ គឺទី១ ស្នើសុំឲ្យមន្ទីរ ទទួលស្គាល់វិញ្ញាបនបត្រដែលចេញដោយសាលាផ្ទាល់ លើមុខជំនាញសិល្បៈដែលសិស្សបានសិក្សា និងមានជំនាញពិតប្រាកដ។

លោកអភិបាលអូលីវីយ៉េ អំពាវនាវឲ្យមេដឹកនាំសមាជិកLa Francophonie លើកកម្ពស់សន្តិភាព

ថ្លែងទៅកាន់គណៈប្រតិភូដែលបានចូលរួមក្នុងកិច្ចប្រជុំកំពូលហ្វ្រង់កូហ្វូនី លើកទី២០ កាលពីថ្ងៃអាទិត្យ ទី១៥ ខែវិច្ឆិកា ឆ្នាំ២០២៦ លោកអភិបាល អូលីវីយ៉េ ជ្មីតហស្លេ អភិបាល​ព្រះសហគមន៍​កាតូលិក​ភូមិភាគ​ភ្នំពេញ បាន​​អំពាវនាវ​យ៉ាង​ទទូច​ដល់​មេដឹកនាំ​ពិភព​លោក ឱ្យ «វិនិយោគឡើងវិញលើសន្តិភាព» ចំពេលដែល​ជម្លោះ​សកល​កំពុង​កើន​ឡើង គ្រោះ​មហន្ត​រាយ​អាកាស​ធាតុ និងការទន្ទ្រានរំខាន​ពីបញ្ញាសិប្បនិម្មិត​(AI)។ មានប្រសាសន៍ក្នុងអំឡុងពេលអភិបូជាថ្ងៃអាទិត្យ​ជាភាសាបារាំង ដែល​ស្របពេល​ជាមួយ​ទិវា​ជនក្រីក្រ​ពិភពលោកលើកទី១០ នៅព្រះវិហារសន្តយ៉ូសែប (ផ្សារតូច) ក្នុងរាជធានីភ្នំពេញ ដែល​មាន​អ្នកចូលរួមជិត ២០០ នាក់ លោកអភិបាល

កិច្ចប្រជុំ CACD៖ លោកអភិបាល អូលីវីយ៉េ ក្រើនរំលឹកឲ្យយកចិត្តទុកដាក់ ពីបរិស្ថាន ឥទ្ធិពល AI និងកសាងវប្បធម៌សន្តិភាព

ថ្ងៃទី១៦ ខែវិច្ឆិកា ឆ្នាំ២០២៦ — លោកអភិបាល អូលីវីយ៉េ បានអញ្ជើញដឹកនាំកិច្ចប្រជុំរបស់សម្ព័ន្ធអង្គការ និងសមាគមកាតូលិកដើម្បីមេត្តាករុណា និងការអភិវឌ្ឍ (CACD) ដោយមានការអញ្ជើញចូលរួមពីសំណាក់តំណាងអង្គការ និងសមាគមកាតូលិកដែលជាសមាជិក CACD។ ថ្លែងក្នុងពិធីបើកអង្គប្រជុំ លោកអភិបាល អូលីវីយ៉េ បានគូសបញ្ជាក់ថា បច្ចុប្បន្នពិភពលោកកំពុងមានការផ្លាស់ប្តូរយ៉ាងឆាប់រហ័ស ដែលទាមទារឱ្យយើងទាំងអស់គ្នាត្រូវតែភ្ញាក់ស្មារតី ដើម្បីរួមគ្នាកសាងមរតកដ៏ល្អប្រពៃទុកសម្រាប់កូនចៅជំនាន់ក្រោយ តាមរយៈគោលដៅសំខាន់ៗមាន៖ ១. ការប្រែប្រួលអាកាសធាតុ៖ គ្រោះមហន្តរាយធម្មជាតិ ទឹកជំនន់

Subscribe to our newsletter

Don't miss new updates on your email