កំពតៈ ព្រះវិហារថ្មីមួយខ្នងមានទំហំ ១០ម៉ែត្រ គុណនឹង ២០ម៉ែត្រ ដែលបានសងជារចនាបថខ្មែរយ៉ាងស្រសស្អាត បានប្រារព្ធពិធីបុណ្យឆ្លងយ៉ាងឳឡារិក កាលពីថ្ងៃទី ១៦ ខែ មីនា ឆ្នាំ២០១៩កន្លងទៅ ដែលមានលោកអូលីវីយេ ជ្មិតហស្ល៊ែរអភិបាលព្រះសហគមន៍ភូមិភាគភ្នំពេញជាអធិបតី និងមានការចូលរួមពីសំណាក់លោកបូជាចារ្យ គ្រីស្តបរិស័ទយ៉ាងច្រើនកុះករ។ ពេលចាប់ផ្តើមកម្មវិធីបុណ្យ លោកអភិបាល លោកបូជាចារ្យ និងបរិស័ទ ដង្ហែជុំវិញព្រះវិហារថ្មីចំនួន បីជុំ ដោយមានឈើឆ្កាងនាំមុខ ព្រះគម្ពីរ និងបន្តបន្ទាប់ដោយ អដ្ឋិធាតុរបស់សន្តីតេរេសា ទឹកព្រះពរ និងប្រេងគ្រីស្មា។បន្ទាប់មកនៅមុខព្រះវិហារ លោកអភិបាលអូលីវីយេបានសួរ ទៅកាន់លោកយ៉ាំ លូកាដែលទទួល ខុសត្រូវនៅព្រះសហគមន៍ថា ដាក់ឈ្មោះអ្វីឲ្យព្រះវិហារថ្មីនេះ? លោក បូជាចារ្យ តាវ៉ូឡា យ៉ាំង លូកា បានប្រកាសនៅមុខលោកអភិបាលថា ព្រះវិហារថ្មីនេះឈ្នោះ “ព្រះវិហារសន្តយ៉ូសែប”។  បន្ទាប់មកលោកអភិបាលអូលីវីយេប្រគល់កូនសោព្រះវិហារជូនទៅលោកបូជាចារ្យទទួលខុសត្រូវដើម្បីអញ្ជើញគ្រីស្តបរិស័ទទាំងអស់ឲ្យចូលទៅក្នុងព្រះវិហារដែលជាព្រះដំណាក់របស់ព្រះជាម្ចាស់ដើម្បីលើកតម្កើងព្រះនាមព្រះអង្គ។ នៅក្នុងឱកាសនេះដែរ លោកអភិបាលអូលីវីយេ បានមានប្រសាសន៍ទៅកាន់លោកបូជាចារ្យក៏ដូចជាគ្រីស្តបរិស័ទនៃព្រះវិហារ សន្តយូសែបថ្មីនេះ នៅក្នុងធម្មទេសនា ថា ថ្ងៃនេះយើងមានអំណរសប្បាយ ដោយសារយើងមានព្រះវិហារថ្មី ដូច្នេះសូមឱ្យយើងចេះថ្វាយបង្គំព្រះជាម្ចាស់តាមវិញ្ញាណនិងសេចក្ដីពិតដូចលោកអេសរ៉ាបានថ្លែងនៅក្នុងព្រះគម្ពីរ។  លោកអភិបាលក៏បានដាស់តឿន ដល់លោកបូជាចារ្យនិងគ្រិស្តបរិស័ទនៅទីនេះ សូមឲ្យយកព្រះវិហារដែលជាព្រះដំណាក់របស់ព្រះជាម្ចាស់ទៅជាកន្លែងមួយដើម្បីជួបជុំគ្នាជាក្រុមគ្រួសារ ដោយមានចិត្តស្រឡាញ់ ស្វាគមន៍គ្នា និងលើកលែងទោស លើកទឹកចិត្តគ្នាទៅវិញទៅមក។ បន្ទាប់ពីធម្មទេសនា ទាំងលោកអភិបាល អស់លោកបូជាចារ្យ និងគ្រីស្តបរិស័ទទាំងអស់លុតជង្គង់រួមគ្នាអធិដ្ឋានអង្វរសន្តបុគ្គលទាំងអស់ ដើម្បីទូលអង្វរព្រះជាម្ចាស់សម្រាប់ព្រះវិហារថ្មីក្លាយជាលំនៅដ្ឋាននៃការសង្គ្រោះ និងធម៌មេត្តាករុណា ដែលគ្រីស្តបរិស័ទទាំងអស់មកថ្វាយបង្គំព្រះជាម្ចាស់ទាំងវិញ្ញាណនិងសេចក្តីពិត។ ក្រោយមកលោកអភិបាលបានបញ្ចុះអដ្ឋិធាតុរបស់សន្តីតេរេសានៅចំកណ្តាលតុសក្ការៈ និងលាបប្រេងគ្រិស្មា លើកតុសក្ការៈ លើសសរព្រះវិហារ ដើម្បីទៅជាសញ្ញាសម្គាល់នៃព្រះរាជ្យ និងព្រះដំណាក់របស់ព្រះគ្រីស្ត។ លោកបូជាចរ្យដុតទៀនបំភ្លឺតាមសសរសសរព្រះវិហារ ជាតំណាងនៃព្រះពន្លឺរបស់ព្រះគ្រីស្តដែលបំភ្លឺប្រជាជាតិទាំងឡាយឲ្យបានពោរពេញទៅដោយសេចក្តីពិតផងដែរ។ លោកយ៉ាំងលូកា បូជាចារ្យទទួលខុសត្រូវព្រះសហគមន៍មានប្រសាសន៍ថា អ្វីដែលធ្វើឲ្យព្រះហគមន៍មានការរីកលូតលាស់មកដល់សព្វថ្ងៃ គឺមកពីការសម្ដែងធម៌មេត្តាករុណាតាមរយៈក្រុមសង្គហៈដល់អ្នកជំងឺនៅពេលដែលបងប្អូនកំពុងមានធុរៈ និងមានទុក្ខលំបាក ព្រះសហគមន៍តែងតែព្យាយាមជួយ។ លោកបន្តថា មួយវិញទៀតយើងមានកម្មវិធីផ្សេងៗដូចជាកម្មវិធីយុវជនដែលចុះទៅសួរសុខទុក្ខ និងមានកម្មវិធីសប្បាយរួមគ្នាដើម្បីលើកទឹកចិត្តដល់ក្រុមគ្រួសារ ក៏ដូចជាមានអាហារសាមគ្គី និងដូចជាក្រុមស្ត្រីដែលមានការច្នៃប្រឌិតផលិតផលសិប្បកម្មនានា ដែលនាំឲ្យយើងមានអារម្មណ៍ថាជាគ្រួសារតែមួយពិតមែន។ ព្រះសហគមន៍កាតូលិកជុំគិរី បានចាប់ផ្ដើមមានឡើងនៅដើមទស្សវត្សទី៩០ ដោយគ្រួសារគ្រីស្តបរិស័ទមួយដែលបានធ្វើមាតុភូមិនិវត្តន៍ ពីជំរុំជនភៀសខ្លួនខ្មែរ ថៃ។ តាមប្រសាសន៍លោក ស្រី អាន ជូ ជាអ្នកចាប់ផ្តើមព្រះសហគមន៍ក្នុងភូមិនេះបានរៀបរាប់ថា គ្រួសាររបស់លោកស្រី បានមកដល់ភូមិនេះ ហើយក៏បានធ្វើអ្វីសំខាន់ដែរគ្រាន់រៀបរាប់ អំពីព្រះយេស៊ូដល់បងប្អូន ធ្វើឲ្យបងប្អូនចាប់អារម្មណ៍ ចង់ដើរតាមព្រះយេស៊ូ។  លោកស្រីបន្តថាដោយមានការជួយជ្រោមជ្រែង និងលើកទឹកចិត្តពីលោកអភិបាលអីវរ៉ាមូស លោកអេមីល លោកបូជាចារ្យវីរៈជ័យ លោកបូជាចារ្យសួន ហង្សលី និងលោកបូជាចារ្យអូលីវីយេ មុននឹងតែងតាំងជាអភិបាលព្រះសហគមន៍ភូមិភាគភ្នំពេញ និងពេលនេះមានលោកលូកា បានជួយឲ្យព្រះសហគមន៍ចម្រើនឡើងជានិច្ច។ លោកស្រី បញ្ជាក់ថា “លទ្ធផលពេលព្រះជាម្ចាស់ជាអ្នកធ្វើកិច្ចការទាំងអស់។ ” សមាជិកក្នុងគ្រួសារ លោកស្រីបានក្លាយជាគ្រីស្តបរិស័ទទាំងអស់ ក្នុងនោះមានម្នាក់ជាដូនជីកាតូលិកក្នុងក្រុមអ្នកស្រឡាញ់ព្រះឈើឆ្កាងនៅកំពង់ចាម។  នៅក្នុងពិធីដ៏វិសេសវិសាលនេះ លោកអភិបាលអូលីវីយេ មានប្រសាសន៍ប្រាប់អ្នកនាំសារថា នៅពេលយើងសម្ពោធន៍ព្រះវិហារថ្មីមួយ គឺណែនាំឲ្យព្រះសហគមន៍ទាំងមូលនៅភូមិភាគភ្នំពេញមានអំណរសប្បាយ ដោយមើលឃើញព្រះសហគមន៍របស់យើងរីកចម្រើនបន្តិចម្ដងៗ។ លោកបន្តថា នៅទីនេះផ្ដើមចេញពីគ្រួសារតែមួយដែលជាគ្រីស្តបរិស័ទ ឥលូវនេះយើងឃើញមានគ្រីស្តបរិស័ទជាច្រើន មានទាំងយុវជន និងចាស់ៗផងដែរ។ លោកបញ្ជាក់ថាព្រះវិហារនេះជាសញ្ញាសម្គាល់ថាជាព្រះសហគមន៍ដែលមានជីវិត និងមានវត្តមានរបស់ព្រះយេស៊ូផ្ទាល់។ មានទូរព្រះកាយ ជាកន្លែងដែលមកជួបជុំគ្នាដើម្បីស្ដាប់ព្រះបន្ទូល អធិដ្ឋាន ប្រារព្ធអគ្គសញ្ញានានា។ គង្វាលព្រះសហគមន៍ភូមិភាគភ្នំពេញបន្ថែមទៀតថា កុំគិតតែលើអាគារសំខាន់ព្រះសហគមន៍ជាគ្រួសារមួយ ជាកន្លែងមួយដែលស្វាគមន៍បងប្អូនឯទៀតៗ ជាពិសេសអស់អ្នកដែលមានទុក្ខលំបាក និងបន្តប្រកាសដំណឹងល្អដើម្បីឲ្យព្រះគម្ពីរដែលយើងអានទៅជាព្រះគម្ពីរចិញ្ចឹមជីវិតប្រចាំថ្ងៃ និងមានឥទ្ធិពលដោយចូលទៅក្នុងដួងចិត្តរបស់យើង។

គ្រួសារ​ក្រីក្ររ​ចំនួន​១២០ ​ទទួល​អំណោយ​ពី​ព្រះសហគមន៍​សន្តយូសែប​ផ្សារ​តូច នា​ថ្ងៃទី​១០​ ខែមេសា ឆ្នាំ​២០១៩​នេះ ព្រះ​សហគមន៍​សន្តយូសែប​ផ្សាតូច ក្នុង​មណ្ឌល​សកម្មភាព ភ្នំពេញ​ខាង​ជើង។ កម្មវិធី​នេះ​បាន​ធ្វើ​ឡើង​នៅ ភូមិ​ទួលសង្កែ ខណ្ឌ​ឫស្សីកែវ រាជធានី​ភ្នំពេញ ក្រោម​វត្តមាន​របស់​លោក​បូជាចារ្យ ប៉ូល រឿង ឆ័ត្រសិរី ជា​ប្រធាន រួម​ជាមួយ​ក្រុម​សង្គហៈ និង​គ្រីស្ត​បរិស័ទ​មួយ​ចំនួន​ទៀត។ ជាកិច្ច​ចាប់ផ្តើម​លោក​បូជាចារ្យ រឿង ឆ័ត្រសិរី ទទួល​ខុស​ត្រូវ​ព្រះ​សហគមន៍​ផ្សារ​តូច​ផ្ទាល់​បាន​មាន​មតិ​ស្វាគមន៍​បង​ប្អូន​ក្រីក្រ​ទាំង​១២០​គ្រួសារ​ថា៖ ក្នុង​ឱកាស​បុណ្យ​ចម្លង និង​បុណ្យ​ចូល​ឆ្នាំ​ថ្មី​ប្រពៃណី​ខាង​នេះ

ព្រះសហគមន៍​កាតូលិក​ភូមិភាគ​ភ្នំពេញ​បាន​រៀប​ចំ​អធិដ្ឋាន​ពេញ​មួយ​យប់​​មួយ​ថ្ងៃ ​មាន​ឈ្មោះ​ថា​២៤​ម៉ោង សម្រាប់​ព្រះជាម្ចាស់​។ លោក​អភិបាល​អូលីិវីយេ​ ជ្មីតអីស្ល៊ែរ​បាន​ជំរុញ ​និង​យក​ចិត្ត​ទុក​ដាក់​យ៉ាង​ខ្លាំង​ ឲ្យ​គ្រប់​មណ្ឌល​សកម្មភាព​ព្រះសហគមន៍​ក្នុង​ភូមិភាគ​ភ្នំពេញ​ត្រូវ​រៀប​ចំ​ការ​អធិដ្ឋាន​នេះ ​យក​ពេល​២៤​ម៉ោង​សម្រាប់​ព្រះជាម្ចាស់​ ដើម្បី​ឆ្លើយ​តប​ទៅ​នឹង​ការ​អំពាវ​នាវ​របស់​សម្តេច​ប៉ាប​ហ្វ្រង់ស៊ីស្កូ​ ដែល​តម្រូវ​ឲ្យ​ព្រះសហគមន៍​កាតូលិក​នៅ​ជុំវិញ​ពិភព​លោក​នេះ​រៀប​ចំ​កម្មវិធី​អធិដ្ឋាន​នេះ​នៅ​គ្រប់​ភូមិ​ភាគ​ទាំង​អស់។ កម្មវិធី​នេះ ប្រារព្ធ​ពិធី​បើក​នៅ​ថ្ងៃ​ទី​៣០ ខែ​មេសា វេលា​ម៉ោង​១២​ថ្ងៃ​ត្រង់ ​និង​បិទ​បញ្ចប់​ទៅ​វិញ​នៅ​ថ្ងៃទី​​ ៣១ ខែ​មេសា​​វេលា​ម៉ោង​១២​ថ្ងៃ​ត្រង់។​  ព្រះសហគមន៍​កាតូលិក​នៃម​ណ្ឌល​សកម្មភាព​នីមួយៗ​អាច​បើក និង​បិទ​កម្មវិធី ​ព្រម​ទាំង​ចាត់​ចែង​កម្មវិធី​អធិដ្ឋាន​ពេញ​២៤​ម៉ោង។ នៅ​ព្រះសហគមន៍​កាតូលិក ព្រះ​វិហារ​សន្ត​ម៉ាទីន ត្រែង​ត្រយឹង នៃ​មណ្ឌល​សកម្មភាព​ខេត្ត​ព្រះសីហនុ ​បាន​ប្រារព្ធ​ពិធី​បើក​ដោយ​មាន​វត្តមាន​ផ្ទាល់​របស់​លោក​អភិបាល​អូលីវីយេ

“សូមឲ្យមានចិត្តតស៊ូ និងរក្សានូវជំនឿ សេចក្តីសង្ឃឹមរបស់ខ្លួនដើម្បីអប់រំដល់កុមារ និងយុវជនយុវនារី។” នេះជាប្រសាសន៍របស់ លោកបូជាចារ្យ ប៉ូល រឿង ឆ័ត្រសិរី ជាអគ្គលេខាធិការនៃអភិបាលព្រះសហគមន៍កាតូលិកភូមិភាគភ្នំពេញ បានមានប្រសាសន៍ទៅកាន់គ្រីស្តបរិស័ទក្នុងឱកាសសម្ដែងធម្មទេសនា នៃកម្មវិធីអធិដ្ឋានពេញមួយយប់សម្រាប់ការត្រាស់ហៅលើកទី៧៩ នៅទេវវិទ្យាល័យកាតូលិកកម្ពុជា ក្នុងខណ្ឌទួលគោក រាជធានីភ្នំពេញ នារាត្រីថ្ងៃទី៣១ មករា ២០១៩កន្លងទៅនេះ។  លោកបូជាចារ្យបានបន្ត ដោយលើកយកគំរូនៃគ្រីស្តបរិស័ទជំនាន់ដើម នៅទ្វីបអឺរ៉ុប និងនៅប្រទេសកម្ពុជា នាសម័យរង់ទុក្ខលំបាក ត្រូវគេបំបិទសិទ្ធិគ្រប់បែបយ៉ាង ដែលបានតស៊ូរក្សាជំនឿ និងសេចក្តីសង្ឃឹមរបស់ខ្លួនយ៉ាងខ្ជាប់ខ្ជួន។ លោកថា

យុវជន យុវនារី និងគ្រីស្តបរិស័ទប្រមាណ២៥០នាក់នៃព្រះសហគមន៍កាតូលិកភូមិភាគភ្នំពេញ បានធ្វើដំណើរបូជនីយេស៍នៅ​ខេត្ត​កំពង់​ធំ រៀបចំដោយការិយាល័យ យុវជន ជំទង់ និងកុមារ ភូមិភាគភ្នំពេញ ពីថ្ងៃទី ២៥ដល់ថ្ងៃទី២៧ មករា ២០១៩ ក្រោមការណែនាំពី​លោកអភិបាល អូលីវីយេ ជ្មីតអីស៊្លែរ។ លោក ស៊ាន់ សារឿន ប្រធានការិយាល័យ យុវជន ជំទង់ និងកុមារ បានឲ្យដឹងថា បូជនីយេសក៍ចរនេះគឺជាលើកទី៩

នាថ្ងៃទីមួយនៃបុណ្យចូលឆ្នាំថ្មីប្រពៃណីចិន-វៀតណាម លោក អូលីវីយេ អភិបាលនៃព្រះសហគមន៍កាតូលិក ភូមិភាគភ្នំពេញ បានអញ្ជើញទៅលើកទឹកចិត្ត និងជូនពរឆ្នាំថ្មីដល់គ្រីស្តបរិស័ទនៅព្រះវិហារសន្តយ៉ូសែប (ជ្រៃធំ)​ ស្រុកកោះធំ ខេត្តកណ្តាល ដោយមានគ្រីស្តបរិស័ទចូលរួមយ៉ាងច្រើនកុះករ នាព្រឹកថ្ងៃទី ៥ កុម្ភៈ ២០១៩ នេះ។ លោក បូជាចារ្យទទួលខុសត្រូវមណ្ឌលសកម្មភាពទន្លេបាសាក់ បានស្វាគមន៍លោកអភិបាលដែលបានមកសួរសុខទុក្ខ និងថ្វាយអភិបូជា អរព្រះគុណព្រះជាម្ចាស់ នៅក្នុងថ្ងៃទីមួយនៃថ្ងៃចូលឆ្នាំ ដែលជាថ្ងៃសំខាន់របស់ប្រពៃណីវៀតណាម។ លោកបានបន្តថា វត្តមានរបស់លោក

កំពត៖ ក្នុងធម្មទេសនា អភិបូជា ប្រារព្វពិធីបុណ្យព្រះយេស៊ូប្រសូត នៅព្រះសហគមន៍សន្ត យ៉ូសែបជុំគីរី នារសៀលថ្ងៃទី ២៤ ខែធ្នូនេះ លោកបូជាចារ្យ តាវ៉ូឡា ហ្គីអានលូកា មានប្រសាសន៍ថា បុណ្យព្រះយេស៊ូប្រសូត ឬ បុណ្យណូអែលដែលយុវវ័យយើងស្គាល់គ្រប់គ្នានោះ គឺមានន័យថា ជាបុណ្យនៃសេចក្តីស្រលាញ់។ លោកបន្ថែមទៀតថា កាលដែលយើងអាចនិយាយបានថា បុណ្យនេះ ជាបុណ្យនៃសេចក្តីស្រលាញ់នោះ ព្រោះវា បានរម្លឹកដល់ថ្ងៃដែលព្រះគ្រីស្តប្រសូត ក្នុងក្រោលជៀម ជាកន្លែងដែលស្មោកគ្រោក

ភ្នំពេញ៖ ថ្លែងនៅក្នុងធម្មទេសនានៃអភិបូជា សម្រាប់ក្រុមបព្វជិត បព្វជីតា ដែលបម្រើព្រះសហគមន៍នានា ក្នុងភូមិភាគភ្នំពេញ កាលពីថ្ងៃទី៧ ខែមករា  នៅព្រះវិហារសន្តសិលា និងសន្តប៉ូល នៃមណ្ឌលសកម្មភាពភ្នំពេញថ្មី លោកអភិបាល អូលីវីយេ ជ្មីតអីស្ល៊ែរ បានទទូចស្នើដល់ក្រុមបព្វជិត បព្វជីតាទាំងអស់ ដើម្បីរិះគិតធ្វើយ៉ាងណា ឲ្យមានក្រុមដូនជីខ្មែរមួយក្រុម សម្រាប់បម្រើព្រះសហគមន៍ នៅភូមិភាគភ្នំពេញផ្ទាល់។ លោកអភិបាលបញ្ជាក់ថា យើងត្រូវភ្ញាក់ស្មារតីរស់នៅក្នុងការត្រាស់ហៅ ដោយកុំគិតតែប្រយោជន៍ ក្រុមគ្រួសារផ្ទាល់ខ្លួន តែធ្វើយ៉ាងណា

ភ្នំពេញ៖ យុវជន រួមជាមួយលោកបូជាចារ្យ ចំនួន១៣ នាក់ ជាតំណាងយុវជនកាតូលិកនៅកម្ពុជា បានចាកចេញពីកម្ពុជាហើយ កាលពីរសៀលថ្ងៃទី ១៥ ដើម្បីទៅចូលរួមទិវាយុវជនពិភពលោក២០១៩ នៅសាធារណៈរដ្ឋ ប៉ាណាម៉ា។ ដំណើរទៅកាន់ទឹកដីអាមេរិកកណ្តាលនេះ ដឹកនាំដោយលោកបូជាចារ្យ អាឌ្រីយ៉ាន បេនីតេស ជាបូជាចារ្យទទួលបន្ទុកកម្មវិធីយុវជនកាតូលិកនៅកម្ពុជា។

ព្រះវិហារព្រះកុមារយេស៊ូ បឹងទំពន់ បានរៀបចំការអធិដ្ឋានពេញមួយយប់លើកទី៧៨ ស្របតាមការណែនាំរបស់ព្រះសហគមន៍កាតូលិកភូមិភាគភ្នំពេញ ដើម្បីឲ្យមានយុវជន យុវនារីនៅកម្ពុជាឆ្លើយតបទៅនឹងការត្រាស់ហៅរបស់ព្រះជាម្ចាស់ដោយថ្វាយខ្លួនជាបព្វជិត បព្វជិតា បម្រើព្រះសហគមន៍ និងបម្រើបងប្អូនឯទៀតៗ។ ពិធីអធិដ្ឋានពេញមួយយប់នេះ បានប្រព្រឹត្តទៅក្រោមអធិបតីភាព លោកអភិបាល ព្រះសហគមន៍ភូមិភាគភ្នំពេញ អូលីវីយេ ជ្មីតអ៊ីស្ល៊ែរ ដោយមានលោកបូជាចារ្យ និងក្រុមសាសនទូតផ្សេងៗ រួមជាមួយគ្រីស្តបរិស័ទបានចូលរួមជាច្រើនកុះករ នាល្ងាចថ្ងៃទី៣ មករា ២០១៩ នៅសង្កាត់បឹងទំពន់១ ខណ្ឌមានជ័យ រាជធានីភ្នំពេញ។ នៅក្នុងឱកាសនេះដែរលោកអភិបាល

ព្រះសហគមន៍កាតូលិកនៅខេត្តព្រះសីហនុ ដែលមានលោកបូជាចារ្យអ៊ុន សុន ជាអ្នកទទួលខុសត្រូវ បានរៀបចំដំណើរ​សួរសុខទុក្ខបងប្អូនជាប់ឃុំនៅមណ្ឌលអប់រំកែប្រែខេត្តព្រះសីហនុ នាព្រឹកថ្ងៃទៅ១៨ ខែមករា ឆ្នាំ២០១៨នេះ ដោយមានតំណាងសាសនាធំៗនៅក្នុងខេត្តព្រះសីហនុចូលរួមមានដូចជា ព្រះពុទ្ធសាសនាថេរវាទ ព្រះសហគមន៍​កាតូលិក ក្រុមជំនុំ ព្រះពុទ្ធសាសនាមហាយាន និងឥស្លាមសាសនា។ ​ ពិធីនេះបានប្រព្រឹត្តក្រោមអធិបតីភាពរបស់លោក អូលីវីយេ ជ្មីតអីស្ល៊ែរអភិបាលព្រះសហគមន៍កាតូលិកភូមិភាគភ្នំពេញ ព្រះធម្មធម៌ចាន់ សុវណ្ណ មេគណខេត្តព្រះសីហនុ លោកឧត្តមអគារនុរក្សថ្នាក់លេខពីរ សំ សុផល ប្រធានមណ្ឌលអប់រំកែប្រែខេត្តព្រះសីហនុ។