ព័ត៌មាន
លោកបូជាចារ្យ ដាមីញ៉ាំង “សូមកុំធ្វើឱ្យជីវិតរបស់យើងរដិបរដុប”
“សូមកុំធ្វើឱ្យជីវិតរបស់យើងរដិបរដុប” នេះជាប្រសាសន៍របស់លោកបូជាចារ្យ ដាមីញ៉ាំង ហ្វារនឺ ប្រធានព្រះសហគមន៍មណ្ឌលសកម្មភាពភ្នំពេញខាងជើង បានមានប្រសាសន៍ណែនាំគ្រីស្តបរិស័ទនៅក្នុងសប្ដាហ៍ទី២នៃរដូវរង់ចាំ និងត្រូវនឹងថ្ងៃដែលព្រះសហគមន៍កាតូលិករំឭកដល់សន្តយ៉ូហានបាទីស្ត នាថ្ងៃទី៥ ធ្នូ ២០២១ នៅព្រះវិហារព្រះកុមារយេស៊ូបឹងទំពុន រាជធានីភ្នំពេញ ដោយមានគ្រីស្តបរិស័ទចូលរួមជាច្រើនផងដែរ។ នៅក្នុងធម៌ទេសនាក្នុងសប្ដាហ៍ទី២នៃរដូវរង់ចាំនេះ លោកបូជាចារ្យ បានដាស់តឿនគ្រីស្តបរិស័ទឱ្យយកចិត្តទុកដាក់ក្នុងអត្ថបទទី២សន្ត ប៉ូល បានទូលអង្វរព្រះជាម្ចាស់ថា “សូមឱ្យបងប្អូនមានសេចក្ដីស្រឡាញ់យ៉ាងលើសលុបកាន់តែខ្លាំងឡើងៗ ធ្វើឱ្យបងប្អូនចេះដឹងច្បាស់និងយល់សព្វគ្រប់ទាំងអស់ ដើម្បីឱ្យបងប្អូនចេះពិចារណាមើលការណ៍ណាដែលប្រសើរជាងគេ”។ នៅក្នុងនេះលោកដាមីញ៉ាំង បានពន្យល់ដល់គ្រីស្តបរិស័ទថា សូមឱ្យយើងជ្រាបនូវអ្វីដែលត្រឹមត្រូវនិងពិចារណា។ រាល់ថ្ងៃមានរឿងច្រើនដែលឆ្លងកាត់ចិត្តរបស់យើង។
ព្រះវិហារសន្តយ៉ូសែបផ្សារតូចរៀបចំពិធីបញ្ចុះបឋមសិលាគ្រឹះព្រះវិហារថ្មី
ព្រះវិហារសន្តយ៉ូសែប ផ្សារតូច បានប្រារព្ធពិធីបុណ្យប្រសិទ្ធពរបញ្ចុះបឋមសិលាគ្រឹះព្រះវិហារថ្មី ក្រោមអធិបតីភាពលោកអភិបាលព្រះសហគមន៍កាតូលិក អូលីវីយ៉េ ជ្មីតហស្លេរ រួមជាមួយអភិបាលនៃគណៈអភិបាលខណ្ឌឫស្សីកែវ លោក ឯក ឃុនដឿន, លោក អ៊ុំ សំបូរ ប្រធានការិ យាល័យធម្មការនិងសាសនាខណ្ឌឫស្សីកែវ នាព្រឹកថ្ងៃទី ២៨ ខែវិច្ឆិកា ឆ្នាំ២០២១ ដោយមានគ្រីស្តបរិស័ទចូលរួមអបអរសាទរផងនាក់។ នៅក្នុងឱកាសនោះ លោកអភិបាលបានលើកឡើងថា ជាថ្ងៃដ៏ឱឡារិកមួយ ដោយយូរឆ្នាំហើយគ្រីសបរិស័ទមិនមានកន្លែងថ្វាយបង្គំសមរម្យ ហើយលោកក៏បានរំឭកពីប្រវត្តិសាស្ត្រដែលជាជីវិតព្រះសហគមន៍ក្នុងអំឡុងពេលកសាងព្រះវិហារនៅទីនេះ។
សិក្ខាសាលាលើកកម្ពស់ បរិយាបន្នសង្គមក្នុងប្រទេសកម្ពុជា
«ការលើកកម្ពស់បរិយាបន្នសង្គម ជាប្រធានបទសំខាន់បំផុតនៅកម្ពុជាក៏ដូចពិភពលោកទាំងមូល ដើម្បីលើកកម្ពស់ជនដែលមានពិការភាព និងជនរងគ្រោះឱ្យទទួលប្រយោជន៍ពីសង្គម ឱ្យរស់នៅក្នុងស្ថានភាពសង្គមរីកចម្រើនប្រកបដោយសុភមង្គលនិងសុខដុមរនា»។ នេះជាប្រសាសន៍របស់លោក គឹម រតនា ប្រធានអង្គការការីតាសកម្ពុជា ក្នុងពិធីបើកសិក្ខាសាលាស្ដីពី ”បរិយាបន្នសង្គមក្នុងប្រទេសកម្ពុជា” នៅវិទ្យាស្ថានសន្តប៉ូល ក្នុងខេត្តតាកែវ។ កម្មវិធីសិក្ខាសាលារយៈពេល២ថ្ងៃនេះ ធ្វើឡើងនាថ្ងៃទី២៣និង២៤ វិច្ឆិកា ២០២១ តាមរយៈ ZOOM ដោយមានសិក្ខាកាមចូលរួមចំនួន២០០នាក់ ជានិស្សិត ដែលមានកិច្ចសហការពីអង្គការការីតាសកម្ពុជា កិច្ចសហប្រតិបត្តិការអាល្លឺម៉ង់ និងអង្គការការីតាសអាល្លឺម៉ង់។ លោកគឹម
លោកអភិបាលអូលីវីយ៉េ រំឭកតួនាទីទាំងបីរបស់គ្រីស្តបរិស័ទ
លោកអភិបាលអូលីវីយ៉េ មានប្រសាសន៍នៅក្នុងពិធីបុណ្យព្រះយេស៊ូជាព្រះមហាក្សត្រនៃពិភពលោក កាលពីថ្ងៃទី ថ្ងៃទី ២១ វិច្ឆិកា ២០២១ថា គ្រីស្តបរិស័ទមានតួនាទីបីសំខាន់ៗ ដែលត្រូវអនុវត្តនៅក្នុងជីវិតរស់នៅប្រចាំថ្ងៃ នោះគឺបូជាចារ្យ មហាក្សត្រ និងព្យាការី។ ក្នុងពិធីថ្វាយអភិបូជា នៅព្រះវិហារសន្តសិលាពោធិ៍ធំ ស្រុកល្វាឯម ខេត្តកណ្ដាល លោកអភិបាលបានមានប្រសាសន៍ថា ថ្ងៃនេះក៏ជាថ្ងៃបុណ្យព្រះនាងម៉ារីថ្វាយខ្លួនទៅព្រះជាម្ចាស់ដែរ ហើយនេះជាឱកាសមួយ ដើម្បីសួរសុខទុក្ខបងប្អូន និងឱ្យយើងដឹងថាយើងមានឋាន:ជាបុត្រធីតារបស់ព្រះជាម្ចាស់។ លោកអភិបាលបានបន្ថែមថា ក្នុងនាមជាប្រជារាស្ត្ររបស់ព្រះជាម្ចាស់យើងទទួលតួនាទី ៣គឺ៖ បូជាចារ្យ
លោកអភិបាលអូលីវីយ៉េស្នើឲ្យគ្រីស្តបរិស័ទបើកចិត្ត និងថែក្តីស្រឡាញ់សម្រាប់អ្នកដទៃ
«នាមជាគ្រីស្តបរិស័ទដែលពោរពេញដោយក្ដីសង្ឃឹម យកចិត្តទុកដាក់ដល់បងប្អូនឯទៀតៗ ដើម្បីស្រឡាញ់បងប្អូនឯទៀតៗ» លោកអភិបាលអូលីវីយ៉េ មានប្រសាសន៍នៅក្នុងកម្មវិធីអគ្គសញ្ញាលាបថ្ងាសនៅព្រះសហគមន៍ចំប៉ាកាលពីថ្ងៃម្សិលមិញនេះ។ លោកអភិបាលមានប្រសាសន៍បញ្ជាក់ថា «សូមកុំបិទដួងចិត្តដែលជាភ្លើងនៃសេចក្ដីសង្ឃឹមដោយអធិដ្ឋាន និងថែរក្សាសេចក្ដីស្រឡាញ់ចំពោះបងប្អូនឯទៀតៗ»។ ព្រះវិហាសន្តហ្វ្រង់ស្វ័រសាវីយ៉េ ចំប៉ា បានរៀបចំឲ្យមានអគ្គសញ្ញាលាបថ្ងាសដល់បេក្ខជនចំនួន៦៨នាក់ ក្រោមអធិបតីភាពរបស់លោកអភិបាលអូលីវីយ៉េ ជ្មីតហស្លេ និងលោកបូជាចារ្យទទួលខុសត្រូវមណ្ឌលសកម្មភាព វីរជ័យ ស្រ៊ីប្រាម៉ុង ក្នុងភូមិជ្រោយអំពិល ឃុំក្បាលកោះ ស្រុកកៀនស្វាយ ខេត្តកណ្ដាល នៃមណ្ឌលសកម្មភាពទន្លេមេគង្គ នាថ្ងៃទី ១៤ វិច្ឆិកា ២០២១។
ព្រះសហគមន៍មណ្ឌលសកម្មភាពភ្នំពេញខាងជើង
ព្រះសហគមន៍មណ្ឌលសកម្មភាពភ្នំពេញខាងជើង ព្រះវិហារសន្តយ៉ូសែប ផ្សារតូច ដឹកនាំដោយលោកបូជាចារ្យ ប៉ូល រឿង ឆ័ត្រសិរី និងតំណាងគ្រីស្តបរិស័ទកាតូលិក នាំយកគ្រឿងឧបភោគបរិភោគមួយចំនួន ជូនដល់ អភិបាលនៃគណៈអភិបាលខណ្ឌឫស្សីកែវថ្មី លោក ឯក ឃុនដឿន ដែលលោកទើបចូលកាន់តំណែងជាអភិបាលខណ្ឌ ដើម្បីចូលរួមសកម្មភាពមនុស្សធម៌នានា ក្នុងការបង្ការទប់ស្កាត់ និងគ្រប់គ្រងការឆ្លងរីករាលដាលនៃជំងឺកូវីដ-១៩ នៅក្នុងខណ្ឌឫស្សីកែវ នាថ្ងៃទី ១៦ វិច្ឆិកា ២០២១នេះ។ នៅក្នុងពិធីសំណេះសំណាលនិងអបអរសាទរការឡើងកាន់តំណែងថ្មីរបស់លោកអភិបាលខណ្ឌឫស្សីកែវ លោកបូជាចារ្យ
លោកអភិបាលអូលីវីយ៉េ ឲ្យគ្រីស្តបរិស័ទភ្ញាក់ស្មារតីភ្ជាប់ជាមួយព្រះជាម្ចាស់សាជាថ្មី
លោកអភិបាលអូលីវីយ៉េ ឲ្យគ្រីស្តបរិស័ទភ្ញាក់ស្មារតីភ្ជាប់ជាមួយព្រះជាម្ចាស់សាជាថ្មី ក្នុងពិធីបុណ្យខួបលើកទី៩នៃការរកឃើញ រូបសំណាកព្រះនាងម៉ារីទី២ ពីបាតទន្លេមេគង្គ លោកអភិបាលព្រះសហគមន៍កាតូលិកភូមិភាគភ្នំពេញ អូលីវីយ៉េ ជ្មីតហស្លេ មានប្រសាសន៍ថា ព្រះនាងម៉ារីភ្ជាប់ជាមួយព្រះជាម្ចាស់រហូត។ ហើយនៅក្នុងពេលវេលាដែលបើកប្រទេសឡើងវិញនេះ ជាពេលវេលាដើម្បីភ្ញាក់ស្មារតីភ្ជាប់ជាមួយព្រះជាម្ចាស់សាជាថ្មី អធិដ្ឋានជាថ្មី ដើម្បីស្វាគមន៍ព្រះអង្គទាំងកម្លាំងកាយកម្លាំងចិត្ត។ ក្នុងកម្មវិធីនេះ ចាប់ផ្តើមដោយអធិដ្ឋានផ្គាំនៅមុខរូបសំណាកព្រះនាងម៉ារី ដែលមានកម្ពស់២,៣ម៉ែត្រ ធ្វើអំពីស្ពាន់ ដែលមានព្រះនាងម៉ារីបីព្រះកុមារយេស៊ូ ដែលបានដាក់នៅមុខទ្វារចូលនៃព្រះវិហារព្រះមាតានៃសន្តិភាព អរិយក្សត្រ។ ក្នុងធម្មទេសនានៅថ្ងៃប្រារព្ធពិធីនាថ្ងៃទី១៣ វិច្ឆិកា ២០២១ ដែលមានគ្រីស្តបរិស័ទចូលរួមជាច្រើនកុះករ
គ្រូអប់រំជំនឿភ្នំពេញខាងជើងរិះគិតរួមគ្នារបៀបបញ្ជូនបន្តជំនឿ
គ្រូអប់រំជំនឿនៃព្រះសហគមន៍មណ្ឌលសកម្មភាពភ្នំពេញខាងជើង១៨នាក់ ចូលរួមសំណាក់ធម៌ ដើម្បីពង្រឹងជីវិតខាងផ្លូវវិញ្ញាណ និង ចិត្តវិទ្យាជាគ្រូណែនាំបន្តជំនឿឱ្យប្អូនៗកុមារតូចៗ និង មនុស្សពេញវ័យ ក្រោមការណែនាំដោយលោកបូជាចារ្យទទួលខុសត្រូវមណ្ឌលសកម្មភាពភ្នំពេញខាងជើង ប៉ូល រឿងឆ័ត្រសិរី និងបងស្រី សុភក្រ្តា សូផុន។ កម្មវិធីសំណាក់ធម៌នេះធ្វើឡើងនៅព្រះវិហារសន្តសិលា ពោធិ៍ធំ នាថ្ងៃទី៩ វិច្ឆិកា ២០២១នេះ។ កម្មវិធីសំណាក់ធម៌នេះធ្វើឡើងតែមួយថ្ងៃ ដោយរិះគិតលើប្រធានបទសន្និបាតឆ្នាំ២០២១-២០២៣ ដោយលើកយកព្រះបន្ទូលនៅក្នុងសន្និបាត តាមរយៈរឿង លោកសិលាចួបនាយទាហានរ៉ូម៉ាំង ក្នុងកិច្ចការគ្រីស្តទូត ជំពូក
អគ្គសញ្ញាលាបថ្ងាស ក្នុងអំឡុងពេលកូវីដ១៩ជាលើកដំបូង
គ្រីស្តបរិស័ទ១២រូបទទួលអគ្គសញ្ញាលាប នៅព្រះវិហារសន្តសិលានិងសន្តប៉ូល នាទីក្រុងភ្នំពេញ ក្រោមអធិបតីភាពលោកអភិបាលព្រះសហគមន៍ភូមិភាគភ្នំពេញ អូលីវីយ៉េ ជ្មីតហស្លេ រួមនិងលោកបូជាចារ្យសិលា សួន ហង្សលី នាព្រឹកថ្ងៃទី៧ វិច្ឆិកា ២០២១។ លោកបូជាចារ្យ សួន ហង្សលី មានប្រសាសន៍បើកកម្មវិធីអភិបូជាថា បេក្ខជនចំនួន១២រូបនេះ គឺខ្លះបានទទួលអគ្គសញ្ញាជ្រមុជទឹកតាំងពីឆ្នាំ២០១២ ២០២០ និង២០២១។ ដោយសារ covid-១៩ ពិធីបុណ្យក្នុងព្រះសហគមន៍ត្រូវផ្អាក។ លោកបូជាចារ្យទទួលខុសត្រូវព្រះវិហារនេះ មានប្រសាសន៍ទៀតថា
លោកដាមីញ៉ាំង ហ្វានឺ “សន្ត សន្តី ជា Idol សម្រាប់គ្រីស្តបរិស័ទ”
«គ្រីស្តបរិស័ទនីមួយៗត្រូវមាន Idol របស់ខ្លួន ដោយសារជីវិតរបស់សន្តបុគ្គលជួយណែនាំយើងឱ្យស្គាល់ និងឱ្យចួបជាមួយនឹងព្រះយេស៊ូដោយផ្ទាល់» នេះជាសម្តីរបស់លោកបូជាចារ្យដាមីញ៉ាំង ហ្វារនឺ អ្នកទទួលខុសត្រូវព្រះសហគមន៍មណ្ឌលសកម្មភាពភ្នំពេញខាងត្បូង មានប្រសាសន៍ក្នុងថ្ងៃបុណ្យរំលឹកដល់សន្តបុគ្គលទាំងឡាយ នាថ្ងៃទី៣១ តុលា ២០២១ នៅព្រះវិហារព្រះកុមារយេស៊ូបឹងទំពុន ក្នុងសង្កាត់បឹងទំពុន ខណ្ឌមានជ័យ រាជធានីភ្នំពេញ។ លោកបូជាចារ្យដាមីញ៉ាំង មានប្រសាសន៍ថា នៅក្នុងជីវិតរបស់យើងសព្វថ្ងៃមានមនុស្សមួយចំនួនដែលយើងហៅថា Idol ដែលមានឥទ្ធិពលនៅក្នុងជីវិតរបស់យើង ទាក់ទងទៅនឹងសោភណ្ឌ មិនថាមនុស្ស ឬសំណង់អគារនោះទេ។ លោកបន្ថែមថា
ព្រះសហគមន៍កាតូលិកមណ្ឌលសកម្មភាពភ្នំពេញថ្មីជួយបងប្អូនរងគ្រោះដោយទឹកជំនន់នៅកំពង់ស្ពឺ
កាលពីព្រឹកថ្ងៃអង្គារ ទី០២ ខែវិច្ឆិកា ឆ្នាំ២០២១ ក្រុមបងស្រីsisters of saint paul of chartre រួមសហការជាអង្គការការីតាសនៃប្រទេសកូរ៉េ បានចែកអំណោយជូនដល់ក្រុមគ្រួសារដែលរងគ្រោះដោយសារទឹកជំនន់ ចំនួន១០០គ្រួសារ នៅព្រះសហគមន៍សន្តយ៉ូសែប កំពង់ស្ពឺ ក្រោមការដឹកនាំរបស់លោកបូជាចារ្យ សិលា សួន ហង្សលី និងលោកបូជាចារ្យ ដូស្ស។ដែលក្នុងមួយគ្រួសារទទួលបាន៖- អង្ករ- ស្ករស- ទឹកស៊ីអ៉ីវ- ទឹកត្រី-
ព្រះសហគមន៍បឹងទំពុន គ្រោងនឹងបើកកម្មវិធីអប់រំជំនឿឡើងវិញ
ដោយសារកូវីដ១៩ព្រះសហគមន៍នានាបានផ្អាកសកម្មភាព ក្នុងព្រះវិហារសូម្បីតែពិធីបុណ្យអភិបូជាប្រចាំថ្ងៃនិងប្រចាំថ្ងៃអាទិត្យ។ កម្មវិធីអប់រំជំនឿដែលធ្វើឡើងប្រចាំសប្តាហ៍ក៏ត្រូវបញ្ឈប់មួយរយៈ ប៉ុន្តែក្នុងពេលថ្មីៗព្រះវិហារព្រះកុមារយេស៊ូបឹងទំពុន ក្នុងរាជធានីភ្នំពេញ បានរៀបចំកិច្ចប្រជុំមួយ ដើម្បីបើកកម្មវិធីអប់រំជំនឿឡើងវិញ។ នៅក្នុងកិច្ចប្រជុំនេះដូនជី តេរេសា អេង សានី និងក្រុមគ្រូអប់រំជំនឿលើកបង្ហាញចំណាប់អារម្មណ៍ផ្សេងៗនៅក្នុងពេលដែលមានវិបត្តិកូវីដ 19 និងផលពិបាកនៅក្នុងការបង្រៀនសិស្សអប់រំជំនឿ។ នៅក្នុងពេលជាមួយគ្នានោះដែរលោកបូជាចារ្យដាមីញ៉ាំង ហ្វារនឺ អ្នកទទួលខុសត្រូវព្រះវិហារព្រះកុមារយេស៊ូបឹងទំពុន បានផ្ដល់អនុសាសន៍អំពីការចែកក្រុមដើម្បីបង្រៀន ដោយផ្តោតទៅលើអគ្គសញ្ញាចំនួនពីរគឺអគ្គសញ្ញាជ្រមុជទឹក និងអគ្គសញ្ញាលាបថ្ងាស។ សម្រាប់ក្រុមអប់រំជំនឿនេះគឺចែកជាបួនក្រុមដូចឆ្នាំមុនៗដដែល មាន ក្រុមកុមារអាយុក្រោម១២ឆ្ន ក្រុមជំទង់ ពន្លថ្មី
កាលវិភាគ
ព្រឹត្តិការណ៍ថ្មី
