ព័ត៌មាន
ជំនួបអន្តរសាសនាដើម្បីសុខសន្តិភាពក្នុងសង្គម
តំណាងសាសនា នៅក្នុងប្រទេសកម្ពុជា បានចូលរួមសិក្ខាសាលាដឹកនាំដោយក្រសួងធម្មការនិងសាសនា ក្រោមប្រធានបទ «សាសនិករួមគ្នាបង្កើនការអភិវឌ្ឍន៍ជាតិ កិច្ចគាំពារសុខសន្តិភាព និងសេរីភាពខាងជំនឿសាសនា» ដែលមានអ្នកចូលរួម៤៥៣នាក់ នៅទីស្ដីការក្រសួងធម្មការនិងសាសនា រាជធានីភ្នំពេញកាលពីថ្ងៃទី២១ មិថុនា។ ក្នុងសិក្ខាសាលានេះ មានវាគ្មិនចំនួន៨រូប ពីស្ថាប័ននានាបានលើកឡើងអំពីប្រវត្តិរបស់សាសនានៅប្រទេសកម្ពុជា ភាពខុសគ្នារវាងសាសនានិងសាសនា ការចូលរួមដោយមិនប្រកាន់សាសនា ការថែរក្សាសុខដុមនីយកម្មសាសនា ជាដើម។ លោកដួងសាវង់ តំណាងព្រះសហគមន៍កាតូលិកកម្ពុជានិយាយថា «សិក្ខាសាលាថ្ងៃនេះ រំឭកយើងឱ្យយល់អំពីតម្លៃសន្តិភាព ដែលអាចអភិវឌ្ឍសង្គមជាតិ ជាពិសេសនាំឱ្យសង្គមនៃសាសនាអាចបន្តទៅមុខទៀតបានដោយសុខសន្តិភាព។» លោកបញ្ជាក់ទៀតថា
គ្រីស្តបរិស័ទ៣ភូមិភាគគោរពមរណសាក្សីនៅកម្ពុជា
លោកអភិបាលទាំងបីភូមិភាគ លោកបូជាចារ្យ និងគ្រីស្តបរិស័ទជិត៣០០០នាក់ពីគ្រប់ភូមិភាគ បានជួបជុំគ្នានៅលើដីមរណសាក្សីកាលពី ថ្ងៃទី១៧ ខែមិថុនា ដើម្បីរំឭកអំពីវីរភាពរបស់អស់លោកដែលបានបូជាជីវិតក្នុងរបបប្រល័យពូជសាសន៍ដោយសារតែជំនឿ។ កម្មវិធីនេះបានប្រព្រឹត្តទៅនៅព្រះសហគមន៍តាំងគោក ស្ថិតក្នុងស្រុកតាំងគោក ក្នុងខេត្តកំពង់ធំដែលជាចំណុចកណ្តាលនៃប្រទេសកម្ពុជាមានចម្ងាយប្រមាណ១០០គីឡូម៉ែត្រពីរាជធានីភ្នំពេញ។ ព្រះសហគមន៍នៅកម្ពុជាបានចាប់ផ្តើមរំឭកខួបនេះតាំងពីឆ្នាំ២០០០ ពោលគឺក្រោយសង្គ្រាមស៊ីវិលបានបញ្ចប់ និងប្រទេសមានសន្តិភាពឡើងវិញ ដោយរឭកដល់អស់អ្នកដែលបានបូជាជីវិតដោយសារជំនឿ។ ថ្លែងនៅក្នុងធម្មទេសនា លោកអភិបាល អូលីវីយ៉េ ជ្មីតហស្លេ អភិបាលនៃព្រះសហគមន៍កាតូលិកភូមិភាគភ្នំពេញ មានប្រសាសន៍ថា ទឹកដីតាំងគោកនេះមិនមែនជាដីធម្មតាទេ គឺពោរពេញដោយបារមី ដោយនៅទីនេះមានវត្ថុស័ក្កិសិទ្ធ២ គឺគ្រែដែលលោក ឆ្មារ
លោកអភិបាលស្នើឲ្យអ្នកទទួលលាបថ្ងាសចូលបម្រើព្រះសហគមន៍
«ថ្ងៃនេះ សម្រាប់អ្នកទទួលអគ្គសញ្ញាលាបថ្ងាសថ្ងៃនេះ សូមបម្រើព្រះសហគមន៍ តាមរយៈក្រុមផ្សេងៗនៅក្នុងព្រះសហគមន៍» លោកអភិបាលអូលីវីយ៉េ ជ្មីតហស្លេ ស្នើឲ្យអ្នកទទួលអគ្គសញ្ញាលាបថ្ងាសនៅថ្ងៃនេះ ចូលកាន់តែជ្រៅក្នុងកិច្ចការបម្រើក្នុងព្រះសហគមន៍។ នៅក្នុងធម្មទេសនា លោកអភិបាល រំឭកបេក្ខជនថា ត្រូវធ្វើជាសាក្សីនៃធម៌មេត្តាករុណារបស់ព្រះជាម្ចាស់ ដោយយកចិត្តទុកដាក់មកព្រះវិហាររៀងរាល់អាទិត្យដើម្បីប្រកាសដំណឹងល្អ និងដើម្បីណែនាំបងប្អូនឯទៀតៗឱ្យរកឃើញសេចក្ដីសុខនៅក្នុងជីវិតរបស់គេផ្ទាល់។ លោកក៏បានស្នើដល់ឪពុកម្ដាយ សូមជួយជំរុញកូនៗរបស់ពួកគាត់ចូលយ៉ាងជ្រៅទៅក្នុងការប្រកាសដំណឹងល្អ ដោយអនុវត្តព្រះបន្ទូលព្រះយេស៊ូ គឺធ្វើឱ្យមនុស្សឈឺជាសះស្បើយ ធ្វើឱ្យអ្នក អស់សង្ឃឹមមានសង្ឃឹមឡើងវិញ ដោយធ្វើឱ្យជីវិតដែលយើងទទួលពីព្រះយេស៊ូបានទៅដល់បងប្អូនឯទៀតៗ។ លោកបានបញ្ជាក់ថា បេសកកម្មរបស់ព្រះយេស៊ូគឺមិនមានត្រឹមតែបូជាចារ្យជាអ្នកធ្វើទេ គឺគ្រីស្តបរិស័ទក៏មាននាទីដូចគ្នាដែរ។ ជាមួយគ្នានេះដែរ
សមាជិកCACDឈ្វេងយល់អំពីច្បាប់និងឯកសារសារពើពន្ធ
សមាជិកនៃសម្ព័ន្ធកាតូលិកដើម្បីមនុស្សធម៌និងការអភិវឌ្ឍន៍ (CACD) បានរៀបចំជំនួបលើកទី២ក្នុងឆ្នាំ២០២៣នេះនៅទីស្នាក់ការកណ្តាលរបស់អង្គការការីតាសកម្ពុជានារាជធានីភ្នំពេញ ដើម្បីឈ្វេងយល់បន្ថែមអំពីច្បាប់និងការរៀបចំឯកសារសារពើពន្ធចំពោះស្ថាប័នអង្គការក្រៅរដ្ឋាភិបាល ដែលមានវាគ្មិនពីស្ថាបនចំនួន២គឺអ្នកស្រី ប្រាក់ កែវគង្គា មកពីគណៈកម្មាធិការសហប្រតិបត្តិការដើម្បីកម្ពុជា និងលោកបាប៊ូឡាល ប៉ារីហា (Babulal Parihar) មកពីក្រុមហ៊ុនឡក់ឆានកម្ពុជា (Lochan & Co (Cambodia) Company Limited)។ ក្នុងពិធីបើកកម្មវិធីជំនួប លោកអភិបាលអូលីវីយ៉េ ជ្មីតហស្លេ គណៈកម្មការនាយកនៃCACD មានប្រសាសន៍ទៅកាន់អង្គប្រជុំដែលមានសមាជិកជិត៥០នាក់កាលពីម្សិលមិញថា នៅក្នុងថ្ងៃនេះ
លោកអូលីវីយ៉េ៖ នេះជាលើកទី១និងចុងក្រោយដែលយើងទទួលព្រះកាយព្រះគ្រីស្ត
«នៅពេលដែលយើងទទួលព្រះកាយ សូមឱ្យយើងនឹកថាជាលើកទីមួយដែលយើងទទួលព្រះកាយព្រះគ្រីស្តនៅក្នុងជីវិត ដែលជាព្រះកាយតែមួយ និងជាថ្ងៃចុងក្រោយដែលយើងទទួលព្រះកាយព្រះគ្រីស្ត។» នេះជាប្រសាសន៍របស់លោកអភិបាលព្រះសហគមន៍ភូមិភាគភ្នំពេញក្នុងឱកាសបុណ្យគោរពព្រះកាយនិងព្រះលោហិតព្រះគ្រីស្ត នាថ្ងៃទី១១ មិថុនានៅព្រះវិហារព្រះកុមារយេស៊ូបឹងទំពុននាររាជធានីភ្នំពេញ។ លោកអភិបាលអូលីវីយ៉េ ជ្មីតហស្លេបន្ថែមថា ធ្វើយ៉ាងនេះ គឺដើម្បីឲ្យយើងខិតខំរស់នៅអស់ពីសេចក្ដីស្រឡាញ់ និងធ្វើជាសាវ័ករបស់ព្រះយេស៊ូគ្រីស្ត។ ក្នុងថ្ងៃនោះដែរ លោកអភិបាលព្រះសហគមន៍បានផ្ដល់អគ្គសញ្ញាលាបថ្ងាសដល់បេក្ខជន១៦នាក់ និង១៣នាក់ផ្សេងទៀតទទួលអគ្គសញ្ញាព្រះកាយព្រះគ្រីស្តលើកដំបូង។ លោកអភិបាលអូលីវីយ៉េមានប្រសាសន៍ថា ព្រះកាយព្រះគ្រីស្តនាំឲ្យយើង ក្លាយជាគ្រួសារតែមួយដែលមានព្រះយេស៊ូជាសិរសា យើងអាចនិយាយគ្នាទៅវិញទៅមក យល់ចិត្តគ្នា និងលើកលែងទោសឱ្យគ្នាទៅវិញទៅមក ទោះបីជាពិភពលោក សង្គម និងគ្រួសាររបស់យើងបាក់បែកគ្នាក៏ដោយ។ លោកបន្ថែមថា
ជំទង់និងកុមារ២០នាក់ទទួលព្រះកាយជាលើកដំបូងនៅព្រះសហគមន៍ភ្នំពេញថ្មី
គ្រូអប់រំជំនឿនៃព្រះវិហារសន្តសិលានិងសន្តប៉ូល ភ្នំពេញថ្មីបានរៀបចំពិធីទទួលព្រះកាយព្រះគ្រីស្តលើកដំបូងដល់កុមារនិងជំទង់ចំនួន២០នាក់ ក្នុងឱកាសបុណ្យគោរពព្រះកាយនិងព្រះលោហិតព្រះគ្រីស្ត ក្រោមអធិបតីភាពលោកបូជាចារ្យ អ៊ុន សុន និងលោកឧបដ្ឋាក ជួរ ដាម៉ូ រួមជាមួយគ្រីស្តបរិស័ទចូលរួមយ៉ាងច្រើនកុះករ កាលព្រឹកថ្ងៃទី១១ ខែមិថុនា ឆ្នាំ២០២៣កន្លងទៅ។ លោកឧបដ្ឋាក ជួរ ដាម៉ូ បានមានប្រសាសន៍ក្នុងធម្មទេសនាក្នុងថ្ងៃនោះថា ព្រះកាយនិងព្រះលោហិតរបស់ព្រះគ្រីស្តមានតួនាទីសំខាន់សម្រាប់ជីវិតរបស់យើងម្នាក់ៗ ដោយបានជួយពង្រឹងផ្លូវវិញ្ញាណនិងធ្វើឱ្យចិត្តយើងរឹងមាំជាងមុន។ លោកបន្ថែមថា ពេលដែលយើងបាក់ទឹកចិត្តឬខឹងឪពុកម្តាយ សូមប្អូនៗចេះអធិដ្ឋាននិងនឹកដល់ព្រះយេស៊ូដែលបានបូជាព្រះជន្មសម្រាប់យើងទាំងអស់គ្នានៅលើពិភពលោកទាំងមូល។ លោកបន្តថា ព្រះកាយព្រះគ្រីស្តបានជួយរំលឹកយើងម្នាក់ៗថា ព្រះយេស៊ូកំពុងគង់នៅជាមួយយើងជានិច្ចហើយពេលដែលទទួលព្រះកាយព្រះគ្រីស្ត
ព្រះយេស៊ូជាសេចក្តីសុខសាន្តរបស់យើង
«ព្រះវិញ្ញាណដ៏វិសុទ្ធជាដង្ហើមចូលទៅក្នុងដួងចិត្តរបស់យើង ដើម្បីឱ្យយើងរស់នៅជាគ្រីស្តបរិស័ទ ហើយ ជាការអស្ចារ្យដែលយើងទទួលដោយមានកម្លាំងប្រកាស និងធ្វើជាសាក្សីអំពីសេចក្ដីពិតនៅក្នុងសង្គមបច្ចុប្បន្ននេះ ដោយមានសេចក្ដីអង់អាច ដឹងខុសដឹងត្រូវ និងស្គាល់សេចក្ដីពិត។» នេះជាប្រសាសន៍របស់លោកអភិបាល អូលីវីយ៉េ នៅក្នុងធម្មទេសនានៅថ្ងៃបុណ្យព្រះវិញ្ញាណយាងមក។ ក្នុងធម្មទេសនាដដែលនេះលោកអភិបាលបានក្រើនរំឭកទៅកាន់គ្រីស្តបរិស័ទទាំងអស់ ឱ្យអរព្រះគុណព្រះជាម្ចាស់ដែលប្រទានព្រះវិញ្ញាណដ៏វិសុទ្ធ និងណែនាំឱ្យគ្រីស្តបរិស័ទរិះគិតពិចារណាអំពីអត្ថន័យនៃជីវិតជាគ្រីស្តបរិស័ទ។ មានប្រសាសន៍ទៅកាន់ បេក្ខជនចំនួន៥៥នាក់ ដែលបានត្រៀមខ្លួនទទួលអគ្គសញ្ញាលាបថ្ងាសពីលោកនៅក្នុងព្រះវិហារសន្តយ៉ូសែបផ្សារតូច នារាជធានីភ្នំពេញថ្ងៃនេះ លោកអភិបាលនិយាយថា ជីវិតរបស់យើងរកឃើញសេចក្ដីសុខសាន្ត គឺនៅពេលមានព្រះយេស៊ូ។ លោកបន្តថា សេចក្ដីសុខសាន្តដែលយើងទទួលពីព្រះជាម្ចាស់ គឺព្រះវិញ្ញាណដ៏វិសុទ្ធដែលយើងទទួលណែនាំឱ្យយើងឈ្នះគ្រប់អារម្មណ៍ គ្រប់កាលៈទេសៈដែលយើងជួបដោយចូលយ៉ាងជ្រៅដើម្បីឱ្យយើងស្ងប់ស្ងាត់នៅក្នុងដួងចិត្តគ្រប់ពេលវេលា។
ទោះមានឧបសគ្គលោកសាន្តនៅតែបន្តក្តីស្រមៃជាបព្វជិត
មានប្រសាសន៍អរគុណដល់មនុស្សជាច្រើនដែលបានមកចូលរួមលើកទឹកចិត្ត ក្នុងពិធីតែងតាំងជាឧបដ្ឋាកក្នុងក្រុមគ្រួសារបព្វជិតសហជីវិនព្រះយេស៊ូ លោកប៉ូល ដូ ថាញ ង្វៀន ហៅសាន្ត បាននិយាយដោយអួលដើមករព្រោះមិននឹកស្មានថា មានមនុស្សចូលរួមច្រើនជាងការរំពឹងទុករបស់គាត់។ លោកសាន្ត ជាគ្រីស្តបរិស័ទតែម្នាក់គត់ ក្នុងចំណោមសមាជិកគ្រួសារដែលមានកូនចំនួន២នាក់ ហើយលោកជាកូនប្រុសតែម្នាក់គត់។ លោកបានស្គាល់ព្រះសហគមន៍ដោយក្រុមសហជីវិនព្រះយេស៊ូ ក្នុងឆ្នាំ១៩៩៩ ហើយមានចិត្តផ្លាស់ប្តូរជំនឿរបស់ខ្លួនក្នុងឆ្នាំ២០០២ និងចង់ចូលរួមប្រកាសដំណឹងល្អរបស់ព្រះជាម្ចាស់។ លោកបានខិតខំតស៊ូជំនះរាល់ទុក្ខលំបាកនានាក្នុងក្រុមគ្រួសារដោយសារការមិនពេញចិត្តរបស់ឪពុកម្តាយដែលមិនមានជំនឿលើកាតូលិក។ តែទោះជាយ៉ាងនេះក្តី នៅថ្ងៃទី១៩ ខែឧសភា ឆ្នាំ២០២៣នេះ លោកត្រូវបាន លោកអភិបាលព្រះសហគមន៍ភូមិភាគភ្នំពេញ អូលីវីយ៉េ
លោកអគ្គអភិបាល សិលាប្រាយអិន វែលស៍៖ សូមចេញទៅ និងបង្កើតក្រុមសាវ័ក
«សូមចេញទៅ និងបង្កើតក្រុមសាវ័ក» នេះជាថ្លែងឡើងរបស់លោកអគ្គអភិបាល សិលាប្រាយអិន វែលស៍ រំឭកពីតួនាទីជាគ្រីស្តបរិស័ទ ឱ្យចេញទៅប្រកាសដំណឹងល្អដើម្បីណែនាំមនុស្សឯទៀតៗឱ្យក្លាយជាសាវ័កព្រះគ្រីស្ត។ លោកមានលើកឡើងដូច្នេះនៅក្នុងធម្មទេសនាទៅកាន់គ្រីស្តបរិស័ទ ជាច្រើននាក់នៅព្រះវិហារសន្តយ៉ូសែបផ្សារតូច កាលពីថ្ងៃទី២១ ខែឧសភា ឆ្នាំ២០២៣ ដែលជាថ្ងៃព្រះសហគមន៍សាកលប្រារព្ធពិធីបុណ្យព្រះយេស៊ូយាងឡើងស្ថានបរមសុខ។ នាឱកាសនោះ លោកឯកអគ្គរាជទូត សិលាប្រាយអិន វែលស៍ មានប្រសាសន៍ថា ៖ «ថ្ងៃដែលព្រះស៊ូយាងឡើងស្ថានបរមសុខ ជាពេលវេលាពិសេសបំផុតដែលព្រះយេស៊ូ និងសាវ័កបានជួបគ្នាផ្ទាល់ និងព្រះបន្ទូលចុងក្រោយរបស់ព្រះអង្គទៅកាន់ក្រុមគ្រីស្តទូត ដែលមានតែពីរម៉ាត់គឺ សូមចេញទៅ
លោកអូលីវីយ៉េ៖ អំណរសប្បាយពីអ្នកដទៃមិនស្ថិតស្ថេរ
អំណរសប្បាយពិតប្រាកដគឺ នៅក្នុងដួងចិត្តរបស់យើង និងប្រសិនបើយើងទីពឹងអំណរសប្បាយមកពីគេមិនស្ថិតស្ថេរនោះទេ។ នេះជាប្រសាសន៍របស់លោកអភិបាលអូលីវីយ៉េ ជ្មីតហស្លេ អភិបាលព្រះសហគមន៍កាតូលិកភូមិភាគភ្នំពេញ នៅព្រះវិហារសន្តីម៉ារីម៉ាដាឡា(ស្វាយប៉ាក)ស្ថិតនៅភូមិលូ សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ។ លោកអភិបាលបន្ថែមថា វត្តមានរបស់ព្រះយេស៊ូនៅក្នុងដួងចិត្តរបស់យើងឯណោះទេ ដែលជាអំណរសប្បាយដ៏ស្ថិតស្ថេរ។ លោកបានស្នើឲ្យគ្រីស្តបរិស័ទយកចិត្តទុកដាក់ថែរក្សាអំណរសប្បាយមួយនេះក្នុងគ្រប់កាលៈទេសៈ និងត្រូវកែប្រែចិត្តគំនិតធ្វើជាមនុស្សថ្មីដូចនាងម៉ារីម៉ាដាឡាដែលជាឧបការីជននៃព្រះវិហារនេះ។ នៅក្នុងធម្មទេសនានាឱកាសថ្ងៃទី១៤ ឧសភា ២០២៣ នេះ លោកអភិបាលអូលីវីយ៉េ មានប្រសាសន៍រំឮកទៀតថា នាងម៉ារីម៉ាដាឡា មានអំណរសប្បាយដោយព្រះយេស៊ូបានណែនាំនាងក្លាយជាមនុស្សថ្មី ដោយមានឋានៈជាស្ត្រីពោរពេញដោយតម្លៃរហូតបានទៅជាសាក្សីដំបូង
លោកអភិបាលអូលីវីយ៉េ៖ សហគមន៍ដែលមានជីវិតជាព្រះសហគមន៍ដែលអធិដ្ឋានរួមគ្នា អប់រំជំនឿតៗគ្នា និងមានជីវិតយ៉ាងពិតប្រាកដ
លោកអភិបាល អូលីវីយ៉េ ជ្មីតហស្លេ អភិបាលនៃព្រះសហគមន៍កាតូលិកភូមិភាគភ្នំពេញ រួមនឹងលោកបូជាចារ្យ លោកឧបដ្ឋាក ក្រុមបព្វជិត បព្វជិតា និងគ្រីស្តបរិស័ទដែលមកពីព្រះសហគមន៍នានាប្រមាណ២០០នាក់ បានចូលរួមពិធីប្រសិទ្ធិពរលើសាលប្រជុំ នាសហគមន៍គ្រួសារដ៍វិសុទ្ធនៃមណ្ឌលសកម្មភាពខេត្តតាកែវ។ ពិធីនេះ បានប្រារព្ធធ្វើឡើងនាថ្ងៃទី៦ ខែឧសភា ឆ្នាំ២០២៣ ដោយមានការថ្វាយអភិបូជាយ៉ាងឱឡារិកដោយផ្ទាល់ និងតាមរយៈអនឡាញដោយការផ្សាយផ្ទាល់តាមបណ្ដាញសង្គមហ្វេសបុក និងយូធូប (YouTube)ផងដែរ។ សាលប្រជុំនេះមានទីតាំងស្ថិតនៅក្នុង ភូមិផ្សារតាកោ ឃុំរកាក្នុង ក្រុងដូនកែវ ខេត្តតាកែវ ដែលមានលោកបូជាចារ្យ
បេក្ខជន១៣នាក់ប្រកាសពាក្យសន្យានៅមុខព្រះសហគមន៍
លុតជង្គង់នៅមុខអាសនៈក្នុងព្រះវិហារ យុវជន១៣នាក់បានប្រកាសពាក្យសន្យារបស់ខ្លួន ដោយ «យកព្រះគ្រីស្ត ព្រះបន្ទូលនិងព្រះសហគមន៍ជាទីពឹង» ចំពោះមុខព្រះសហគមន៍ ដែលមានលោកអភិបាលអូលីវីយ៉េ ជ្មីតហស្លេជាអធិបតី នាថ្ងៃទី៧ ឧសភា ២០២៣ នៅព្រះវិហារព្រះកុមារយេស៊ូបឹងទំពុននារាជធានីភ្នំពេញ។ «ខ្ញុំយល់ថាព្រះគ្រីស្តជាព្រះសង្គ្រោះដែលធ្វើឱ្យខ្ញុំអាចផ្ញើជីវិតទាំងស្រុងលើព្រះអង្គ។ ព្រះបន្ទូល អាចឱ្យខ្ញុំសិក្សាឈ្វេងយល់បន្ថែមដើម្បីដឹកនាំជីវិតរបស់ខ្ញុំ។» នេះជាការលើកឡើងរបស់ សិលា កាំប្រែ ខាវី ក្នុងវ័យ១៩ឆ្នាំ បេក្ខជនដែលមានដើមកំណើតជាជនជាតិភាគតិចព្នងនៅខេត្តរតនគិរី។ ខាវី ឲ្យដឹងទៀតថា ព្រះសហគមន៍ ជាទីពឹងរបស់គាត់
កាលវិភាគ
ព្រឹត្តិការណ៍ថ្មី
