សាលាអប់រំជំនឿសន្តយ៉ូស្ទីនបើកឆ្នាំសិក្សាថ្មីជំនាន់ទី៤
និស្សិតថ្មីដែលគ្រីស្តបរិស័ទ ៤៥ នាក់ មកពីមណ្ឌលសកម្មភាពទាំង ៩ នៃព្រះសហគមន៍កាតូលិកភូមិភាគភ្នំពេញ បានចូលរួមបើកឆ្នាំសិក្សាថ្មីជំនាន់ទី៤ ២០១៩ ដល់ ២០២១ ក្រោមការដឹកនាំដោយ លោក អភិបាលព្រះសហគមន៍កាតូលិកភូមិភាគភ្នំពេញ និង មានការចួលរួមដោយអស់លោកបូជាចារ្យ និងសាស្ត្រាចារ្យជាច្រើនរូប នៅមណ្ឌលសកម្មភាពភ្នំពេញថ្មី នាថ្ងៃទី១២ តុលា ២០១៩នេះ។ នៅក្នុងឱកាសបើកឆ្នាំសិក្សាថ្មីនេះដែរ លោកអភិបាលអូលីវីយេបាន មានប្រសាសន៍រំឭកដល់សិស្សថ្មីទាំងអស់ថា សាលាសន្តយ៉ូស្ទីនបង្កើតឡើងដើម្បីជួយដល់គ្រីស្តបរិស័ទឲ្យពួកគេដឹងពីឫសគល់នៃជំនឿថាមកពីណា? លោកបន្តថា គោលដៅនៃសាលានេះគឺណែនាំឲ្យគ្រីស្តបរិស័ទយល់ពីគោលដៅនៃជំនឿរបស់ខ្លូន និងក្នុងនាមជាគ្រីស្តបរិស័ទនៅភ្នំពេញធ្វើយ៉ាងណាដើម្បីពង្រឹងជំនឿរបស់ខ្លួនឲ្យរឹងមាំ ព្រមទាំងមានបេសកកម្មជាគ្រីស្តបរិស័ទដើម្បីចេញទៅប្រកាសដំណឹងល្អ ដោយមានទំនាក់ទំនងយ៉ាងជិតស្និទ្ធជាមួយព្រះសហគមន៍កំណើត។ លោកអូលីវីយេ បានបញ្ជាក់ទៀតថា ដើម្បីទទួលបានជោគជ័យក្នុងការសិក្សារយៈពេល២ឆ្នាំនេះចាំបាច់ត្រូវមាន ចំណេះដឹងច្បាស់លាស់តាមមុខវិជ្ជានីមួយៗ និងអធិដ្ឋានដែលជាទំនាក់ទំនងខាងផ្លូវវិញ្ញាណ។ រីឯលោកបូជាចារ្យ សួន ហង្សលី ជាសាស្ត្រាចារ្យមុខវិជ្ជា សីលធម៌ព្រះសហគមន៍នៃសាលាអប់រំជំនឿនេះ បានមានប្រសាសន៍ណែនាំនិស្សិតទាក់ទងជាមួយមុខវិជ្ជារបស់លោកផងដែរថា បរិយាកាសសង្គមនាំឲ្យមនុស្សភ្លេចនូវគុណតម្លៃរបស់ខ្លួន។ លោកថា សីលធម៌អាចធ្វើឲ្យមនុស្សគោរពច្បាប់ដោយវិចារណញ្ញាណ ព្រោះថាពេលមនុស្សបាត់តម្លៃ គឺនាំឲ្យបាត់សេចក្ដីសុខរបស់ខ្លួន។ សាលាបអប់រំបជំនឿបសន្តយ៉ូស្ទីន បានបង្កើតឡើងនាឆ្នាំ២០១១ ដោយបង្រៀននូវមុខវិជ្ជាចំនួន៩គឺ៖ សីលធម៌ព្រះសហគមន៍ ប្រវត្តិសាស្ត្រព្រះសហគមន៍ ទេវវិទ្យា ច្បាប់ព្រះសហគមន៍ ជីវិតខាងផ្លូវវិញ្ញាណ លិទ្ធិព្រះសហគមន៍ចូលក្នុងសង្គម គម្ពីរវិទ្យា …
សាលាអប់រំជំនឿសន្តយ៉ូស្ទីនបើកឆ្នាំសិក្សាថ្មីជំនាន់ទី៤ Read More »