អ្នកស្រី ភោគ ម៉ានី៖ សូមកុំយកកុមារអូទីស្សឹមធ្វើជាជំនួញ
អ្នកស្រី ភោគ ម៉ានី នាយិកាសាលាអប់រំពិសេសនៃការលូតលាស់ បានលើកឡើងថា «សូមកុំយកកុមារអូទីស្សឹមជាជំនួញ» អ្នកស្រីបានថ្លែងឡើងបែបនេះក្នុងឱកាសប្រារព្ធនូវទិវាអូទីស្សឹមពិភពលោកនាថ្ងៃទី២ ខែមេសា កន្លងទៅ ទៅកាន់ភ្ញៀវកិត្តិយសជាតិនិងអន្តរជាតិ និងអ្នកចូលរួមប្រមាណ១០០០នាក់ នាបរិវេនព្រះសហគមន៍ព្រះកុមារយេស៊ូបឹងទំពន់នារាជធានីភ្នំពេញ ក្រោមប្រធានបទ«លើកកម្ពស់/ អបអរភាពផ្សេងៗគ្នារបស់ជនដែលមានអូទីស្សឹម ដើម្បីជំរុញឲ្យមានបរិយាបន្ន»។ អ្នកស្រីបានលើកឡើងបែបនេះ ក្នុងនាមអ្នកស្រីជាស្ថាបនិកសាលាផង និងជាមាតាដែលមានកូនជាអូទីស្សឹមមួយរូបផងដែរ។ អ្នកស្រីថា នេះគឺជាបញ្ហា និងជាក្តីបារម្ភរបស់មាតាបិតា អាព្យាបាលដែលមានកុមារអូទីស្សឹមគ្រប់រូប។ ការតម្លើងថ្លៃសាលាហួសហេតុចំពោះកុមារអូទីស្សឹម នៅតាមសាលាឯកជនមួយចំនួន ធ្វើឲ្យកុមារមិនទទួលបានការសិក្សា ព្រោះមាតាបិតា អាណាព្យាបាល គ្មានលទ្ធភាព។ អ្នកស្រីបានអំពាវនាឱ្យរដ្ឋាភិបាល និងក្រសួងពាក់ព័ន្ធ ជួយសម្រួលដល់ការចូលរៀនរបស់កុមារអូទីស្សឹម នៅតាមសាលាឯកជនផ្សេងៗ ដោយបញ្ចុះតម្លៃ។ អ្នកស្រីថា «ពួកយើងមានកូនពិសេស មិនមានន័យថាពិសេសត្រូវយកតម្លៃគុណនឹង២ គុណនឹង៣ដងនៃតម្លៃធម្មតានោះទេ តែសូមឱ្យពាក្យពិសេសនេះ មានន័យថាពេលបញ្ជូនកូនទៅរៀននៅសាលាអន្តរជាតិផ្សេងៗ គួរតែបានបញ្ចុះតម្លៃ កុំគិតថាយើងពិសេសហើយគុណលុយទ្វេដង»។ រីឯអ្នកស្រី សុផល សុម៉ាលី មាតាមួយរូប ដែលមានកូនរៀននៅសាលាអប់រំពិសេសនៃការលូតលាស់ បានថ្លែងឡើងពីចំណាប់អារម្មណ៍ថា រូបអ្នកស្រីពិតបានឆ្លងកាត់នូវបញ្ហាជាច្រើន មិនថាការរើសអាង រឺការមិនអើពើ។ កូនរបស់អ្នកស្រីធ្លាប់ត្រូវបានគេបណ្តេញ មិនឱ្យចូលលេងនិងចូលក្នុងហាងរបស់គេ។ អ្នកស្រីសុម៉ាលី បានប្រាប់ថា «ឱ្យតែមានការរើសអើង …
អ្នកស្រី ភោគ ម៉ានី៖ សូមកុំយកកុមារអូទីស្សឹមធ្វើជាជំនួញ Read More »