ព្រះសហគមន៍មណ្ធលសកម្មភាពភ្នំពេញថ្មី

មណ្ឌលអប់រំជំនឿកាតូលិកកម្ពុជា បានបង្កើតសិក្ខាសាលាស្ដីអំពី “ទម្រង់សិល្បៈកំណាព្យខ្មែរ” ជាលើកដំបូង នាថ្ងៃទី៩ ខែកក្កដា ឆ្នាំ២០២០ ដែលដឹកនាំដោយលោកប្រ៊ុយណូ កូសម៍ អភិបាលទទួលបន្ទុកមណ្ឌលអប់រំជំនឿកាតូលិកកម្ពុជា។ សិក្ខាសាលានេះមានសិក្ខាកាមមកពីភូមិភាគភ្នំពេញ និងកំពង់ចាមចូលរួមចំនួន២០នាក់ ដោយមានលោកយ៉ាន់ បូរិន្ទ ដែលជាសាស្ត្រាចារ្យ និងជាទីប្រឹក្សានៃក្រសួងវប្បធម៌ និងវិចិត្រសិល្បៈ រួមជាមួយលោក សីហា ឧត្ដម ជាគ្រូបង្គោលនៃក្លិបអភិរក្សមរតកកំណាព្យខ្មែរ និងជានាយកសាលាអភិរក្សមរតកសិល្បៈបូរាណខ្មែរ ជាវាគ្មិន។ ក្នុងឱកាសនេះដែរ លោកអភិបាល ប្រ៊ុយណូ បានមានប្រសាសន៍ថា សិល្បៈទាំងអស់សុទ្ធតែជាមធ្យោបាយដែលយើងគួរប្រើដើម្បីសម្ដែងពីជំនឿរបស់យើង។ លោកអភិបាលបញ្ជាក់ទៀតថា សិល្បៈទាំងអស់ដែលយើងប្រើជាប្រចាំថ្ងៃ ដើម្បីបង្ហាញពីសោភណ្ឌភាពឱ្យគេចាបប់អារម្មណ៍ ហើយយើងចង់ផ្ដល់សាក្ខីភាពអំពីជំនឿរបស់យើង និងអ្វីដែលទាក់ទងនឹងព្រះជាម្ចាស់។ លោកបន្តថា «ជាពិសេសថ្ងៃនេះយើងបានធ្វើសិក្ខាសាលាជាលើកទីមួយតែមួយព្រឹកអំពីកំណាព្យ អំពីទំនុកតម្កើង ព្រោះនៅពេលយើងអានព្រះគម្ពីរមិនសូវពិបាកទេ តែរបៀបស្មូត្រមិនសូវស្រួលទេ គឺមានន័យថាអ្វីៗទាំងអស់ដែលយើងចង់សម្ដែងពីព្រះបន្ទូលរបស់ព្រះជាម្ចាស់តាមរយៈវប្បធម៌ខ្មែរ នោះអាចនាំឱ្យប្រជាជនខ្មែរអាចយល់បាន ដោយសារវប្បធម៌និងសិល្បៈចូលជ្រៅក្នុងចិត្តរបស់មនុស្ស»។ លោកសាស្ត្រាចារ្យ បូរិន្ទ បានមានប្រសាសន៍ដោយស្ងើចសរសើរព្រះសហគមន៍កាតូលិកដែលបង្កើតសិក្ខាសាលានេះឡើង ដោយបានលើកយកពីបែបបទនៃការសូត្រ និងនិពន្ធកំណាព្យខ្មែរ ដើម្បីយកទៅប្រើប្រាស់នៅក្នុងលក្ខណៈខ្មែរ។ លោកបន្តថា នេះក៏ជាការផ្សព្វផ្សាយដើម្បីជួយជំរុញផ្នែកផ្លូវចិត្តនិងផ្លូវកាយរបស់អ្នកស្ដាប់ឲ្យកើតមាននូវការគោរពការស្រឡាញ់ ជាពិសេសគឺការដឹងគុណចំពោះព្រះជាម្ចាស់ដែលបានផ្ដល់នូវអ្វីៗល្អៗសម្រាប់អប់រំដល់បងប្អូនជាភាសាខ្មែរ។ លោកបន្ថែមថា «ព្រឹកនេះខ្ញុំបានបង្ហាញឱ្យស្ដាប់តាមបែបបទនៃការសូត្រកំណាព្យបានតាមទម្រង់បទផ្សេងៗ និងមានបងប្អូនបានសួរខ្ញុំថា តើទម្រង់ណាមួយដែលយើងអាចយកប្រើបាននៅក្នុងកម្មវិធីអាពាហ៍ពិពាហ៍ និងកម្មវិធីអប់រំផ្សេងៗ? …

មណ្ឌលអប់រំជំនឿកាតូលិកកម្ពុជាបង្កើតសិក្ខាសាលាស្ដីអំពីទម្រង់សិល្បៈកំណាព្យខ្មែរជាលើកដំបូង Read More »

លោកអភិបាលអូលីវីយេ ជ្មីតអីស្ល៊ែរ បានមានប្រសាសន៍ថា ក្នុងឆ្នាំ២០២០-២០២២ ព្រះសហគមន៍ភូមិភាគភ្នំពេញ រួមនឹងព្រះសហគមន៍នៅតំបន់អាស៊ីនឹងធ្វើដំណើររួមគ្នាដោយផ្តោតសំខាន់លើគោលដៅរួមគឺប្រកាសដំណឹងល្អ។ ក្នុងរយៈពេល៣ឆ្នាំខាងមុខនេះ ព្រះសហគមន៍កម្ពុជាត្រូវយកចិត្តទុកដាក់បន្ថែមទៀត ក្នុងការប្រកាសដំណឹងល្អ ដោយបម្រើអ្នកក្រីក្រ សន្ទនាជាមួយសាសនានានា និងរស់នៅក្នុងវប្បធម៌នៃជាតិសាសន៍របស់ប្រទេសកម្ពុជា។ លោកអភិបាលព្រះសហគមន៍កាតូលិកភូមិភាគភ្នំពេញ មានប្រសាសន៍នេះ នៅក្នុងជំនួបប្រចាំឆ្នាំជាមួយក្រុមបុគ្គលិកការិយាល័យព្រះសហគមន៍កាតូលិកភូមិភាគភ្នំពេញទាំងអស់ នាថ្ងៃទី ១៩ ខែធ្នូ ឆ្នាំ ២០១៩ នៅព្រះវិហារសន្តសិលានិងសន្តប៉ូល ស្ថិតក្នុងសង្កាត់ភ្នំពេញថ្មី ក្នុងរាជធានីភ្នំពេញដែលមានអ្នកចូលរួមប្រមាណជាង៥០នាក់។ លោកអភិបាលបានរំលឹកថា សម្រាប់ ៣ ឆ្នាំខាងមុខ ការិយាល័យនីមួយៗត្រូវចូលយ៉ាងសកម្មនៅក្នុងសកម្មភាពរួម ដែលនឹងមានគឺ “រួមដំណើររួមគ្នាជាមួយប្រជាជាតិអាស៊ី” ដែលមាន ៣០ប្រទេសនៅក្នុងទ្វីបអាស៊ី ស្ថិតក្រោមអភិបាលកិច្ចរបស់ក្រុមលោកអភិបាលចំនួន១៧ ប្រទេស ដើម្បីប្រកាសដំណឹងល្អ ដល់ប្រជាជនក្នុងតំបន់ ដោយយកខ្លឹមសារឯកសាររបស់សន្តសម្តេចប៉ាបយ៉ូហានប៉ូលទី២ ដែលបានណែនាំព្រះសហគមន៍នៅទ្វីបអាស៊ី ជាមូលដ្ឋានក្នុងការអនុវត្ត។ លោកមានប្រសាសន៍ក្នុងធម្មទេសនាថា អ្វីៗទាំងអស់ដែលយើងធ្វើបាន លុះត្រាតែយើងយកព្រះបន្ទូលរបស់ព្រះជាម្ចាស់ជាប្រភពនៃកម្លាំងដួងចិត្ត ហើយអគ្គទស្សនៈគឺជាអ្វីដែលចេញពីដំណឹងល្អរបស់ព្រះជាម្ចាស់។ ដូចនេះព្រះបន្ទូលរបស់ព្រះជាម្ចាស់មិនទៅណាឆ្ងាយពីជីវិតប្រចាំថ្ងៃរបស់យើងឡើយ។ ក្នុងជំនួបនេះដែរ លោកអភិបាលបានជំរុញឲ្យការិយាល័យទាំងអស់យកចិត្តទុកដាក់ផងដែរអំពីប្រព័ន្ធគ្រប់គ្រង និងរបៀបនៃការទំនាក់ទំនងគ្នានៅក្នុងការិយាល័យផ្ទាល់ និងជាមួយស្ថាប័នកាតូលិកនានាផងដែរ។ លោកបានសង្កត់ធ្ងន់ចំនួន១០ចំណុចគឺ ១.មួយសន្ទនាជាមួយបូជាចារ្យគ្រប់មណ្ឌលសកម្មភាព។ ២. វាយតម្លៃផលប៉ះពាល់ចំពោះកិច្ចការដែលបានធ្វើ។ ៣. ធ្វើរបាយការណ៍ប្រចាំខែ។ ៤. …

លោកអភិបាលប្រកាសឆ្នាំនៃការប្រកាសដំណឹងល្អ២០២០-២០២២ Read More »

ក្រុមបូជាចារ្យទាំងអស់ដែលបម្រើ ការងារនៅក្នុងព្រះសហគមន៍ភូមិភាគភ្នំពេញ បានជួបជុំគ្នារិះគិតអំពីរដូវរង់ចាំ និងសាររបស់សម្តេចប៉ាបហ្វ្រងស៊ីស្កូដែលបានធ្វើដំណើរទស្សនកិច្ចនៅប្រទេសថៃនិងជប៉ុន។ កិច្ចប្រជុំនេះ ដឹកនាំដោយលោកអភិបាលព្រះសហគមន៍កាតូលិកភូមិភាគភ្នំពេញ អូលីវីយេ ជ្មីតអ៊ីស្ល៊ែរ នាព្រឹកថ្ងៃទី ៤ ធ្នូ ២០១៩ នៅព្រះវិហារសន្តសិលា និងសន្តប៉ូល ភ្នំពេញថ្មី សង្កាត់ភ្នំពេញថ្មី រាជធានីភ្នំពេញ។ នៅក្នុងជំនួបនេះ អស់លោកបូជាចារ្យទាំងអស់បានទស្សនាវីដេអូនៃទស្សនកិច្ចជាផ្លូវការរបស់សម្ដេចប៉ាបហ្វ្រង់ស៊ីស្កូ ដែលបានប្រព្រឹត្តទៅនៅប្រទេសថៃនិងជប៉ុននាចុងខែវិច្ឆិកា កន្លងទៅនេះ។ ជាកិច្ចបន្ទាប់លោកអភិបាលអីលីវីយេ បានណែនាំក្រុមបូជាចារ្យទាំងអស់ដែលជាសាសនទូតឲ្យយកចិត្តទុកដាក់លើខ្លឹមសារ និងសកម្មភាពរបស់សម្ដេចប៉ាបដែលជាសញ្ញាមួយយ៉ាងពិសេសនៅក្នុងការប្រកាសដំណឹងល្អ ដើម្បីចូលទៅក្នុងដួងចិត្តប្រជាពលរដ្ឋ។ សារទាំងនោះ ជាគំរូសម្រាប់អស់លោកបូជាចារ្យមកអនុវត្តក្នុងការប្រកាសដំណឹងល្អនៅក្នុងប្រទេសកម្ពុជា។ នៅក្នុងកិច្ចប្រជុំ លោកអភិបាលអូលីវីយេ បានលើកយករបៀបដែលប្រទេសថៃបានទទួលស្វាគមន៍សម្ដេចប៉ាប និងសក្ខីភាពរបស់គ្រីស្តបរិស័ទដែលកែប្រែចិត្តគំនិតក្រោយពេលជួបសម្ដេចប៉ាបដោយហ៊ានប្រកាសប្រាប់អ្នកផ្ទះថា ខ្លួនជាគ្រីស្តបរិស័ទ ដែលជានិមិត្តសញ្ញាបង្ហាញថាសម្ដេចប៉ាបកំពុងតែប្រកាសអំពីព្រះរាជ្យរបស់ព្រះជាម្ចាស់ដែលកំពុងតែយាងមក និងបង្កើតសង្គមមួយថ្មីតាមរបៀបព្រះយេស៊ូ។ នៅក្នុងនេះផងដែរ លោកអភិបាល ក៏បានលើកឡើងថា “សម្ដេចប៉ាបហ្វ្រង់ស៊ីស្កូ បានរំឭកយើងឲ្យភ្ញាក់ស្មារតីដើម្បីគិតពីសិទ្ធិមនុស្ស ដោយយកចិត្តទុកដាក់ចំពោះតូចតាច ដូចជាអ្នកក្រីក្រ កូនក្មេង ស្ត្រីបម្រើសេវាកម្មកម្សាន្ត និងពលករចំណាកស្រុក”។ ជាងនេះទៅទៀតលោកអភិបាលក៏មិនភ្លេចណែនាំក្រុមបូជាចារ្យឲ្យយកចិត្តទុកដាក់ចំពោះទំនាក់ទំនងជាមួយសាសនាផ្សេងៗ ដោយយកគំរូតាមសម្ដេចប៉ាប ដើម្បីកសាងសន្តិភាព និងរួមគ្នាការពារបរិស្ថាន ដោយគ្មានភាពភ័យខ្លាចផងដែរ។ នៅក្នុងរដូវរង់ចាំនេះ អស់លោកបូជាចារ្យទាំងអស់ ត្រូវបានស្នើសូមឲ្យរិះរកវិធី ដើម្បីអាចប្រកាសព្រះបន្ទូលរបស់ព្រះជាម្ចាស់ឲ្យចូលទៅក្នុងចិត្តគំនិត និងវប្បធម៌របស់សង្គមឬប្រទេសដែលអស់លោកកំពុងតែបំពេញបេសកកម្ម៕ ដាលីស

«តើ​យើង​ចង់​សាង​សង់​ព្រះសហគមន៍​និង​សង្គម​ដោយ​របៀប​ណា? តើ​ខ្ញុំ​ផ្ទាល់​ចង់​កសាង​សង្គម​ដូច​ម្ដេច​ ដើម្បី​ឲ្យ​ខ្ញុំ​និង​ព្រះសហគមន៍ ព្រម​ទាំង​សង្គម​អាច​ទៅ​មុខ​តាម​គម្រោង​ការ​របស់​ព្រះជាម្ចាស់?» នេះ​ជា​សំណួរ​រិះ​គិត​របស់​លោក​អភិបាល អូលីវីយេ ជ្មីត​អីស្ល៊ែរ​ក្នុង​ធម្មទេសនា​ទៅ​កាន់​គ្រីស្ត​បរិស័ទ និង​បេក្ខជន​ទទួល​អគ្គសញ្ញា​លាប​ថ្ងាស ចំនួន​៣០​នាក់ កាល​ពី​ថ្ងៃ​ទី ២៦ ខែ​ឧសភា ឆ្នាំ​២០១៩ នៅ​ព្រះសហគមន៍ពោធិធំ។ លោក​អភិបាល​បាន​បញ្ជាក់​នូវ​​ចំណុច​នីមួយៗ​ដោយ​លើក​ទឹក​​ចិត្ត​បង​ប្អូន​ថា៖«ព្រះសហគមន៍​ដែល​យើង​ចង់​បង្កើត​គឺ​ពោរ​ពេញ​ដោយ​អំណរ​សប្បាយ សេចក្ដី​សុខ​សាន្ត និង​ភាតរភាព​ដែល​ជា​បុត្រា​បុត្រី​នៅ​ក្នុង​មហា​គ្រួសារតែ​មួយ ស្រប​តាម​ធម្មវិន័យ​តែ​មួយ​របស់​ព្រះយេស៊ូ គឺ “សូម​ស្រលាញ់​គ្នា​ទៅ​វិញ​ទៅ​មក ដូច​ខ្ញុំ​បាន​ស្រឡាញ់​អ្នក​រាល់​គ្នា​ដែរ”»។ ចំពោះ​ការ​កសាង​ក្នុង​សង្គម លោក​បញ្ជាក់​ថា៖ «យើង​ត្រូវ​តែ​រក​ផ្លូវ​មួយ​ដើម្បី​ឲ្យ​យើង​ចូល​ទៅ​ក្នុង​សង្គម​ដើម្បី​បង្កើត​ទំនាក់​ទំនង​ជាមួយ​មនុស្ស​ទាំងអស់ ដើម្បី​រស់​នៅ​ក្នុង​សេចក្ដី​ស្រឡាញ់ ភាព​ស្មោះ​ត្រង់ និង​យុត្តិធម៌ ព្រម​ទាំង​ចេះ​មើល​អ្នក​តូច​តាច​ដើម្បី​បង្កើត​មហា​គ្រួសារ​តែ​មួយ»។ សម្រាប់​ការរស់​នៅ និង​ក្នុង​ជីវិត​ខ្លួន​យើង​ផ្ទាល់ លោក​ថា សេចក្ដី​ស្រឡាញ់ សេចក្ដី​សុខ​សាន្ត និង​អំណរ​សប្បាយ គឺ​ជា​អ្វី​ដែល​យើង​ត្រូវ​ការ។ យើង​ត្រូវ​តែ​ជា​មនុស្ស​ដែល​មាន​តុល្យភាព​ចេះ​រស់​នៅ​ក្នុង​សង្គម​ដោយ​ចេះ​ស្រឡាញ់ និង​ទទួល​សេចក្ដី​សុខ​សាន្ត អំណរ​សប្បាយ​ពី​ព្រះជាម្ចាស់ ដើម្បី​ធ្វើ​ជា​សាក្សី អំពី​អំណរ​សប្បាយ​នៅ​ក្នុង​ភូមិ​របស់​យើង។ ក្នុង​ពេល​នោះ​ដែរ លោក​អភិបាល​អូលីវីយេ​ ក៏​បាន​លើក​យក​គំរូ​របស់​លោក​បូជាចារ្យ ឆ្មារ សាឡឹម  ដែល​បាន​បម្រើ​ព្រះសហគមន៍​នៅ​មាត់​ក្រសាស់ ក្នុង​ពេល​ដែល​ប្រទេស​ស្ថិត​ក្នុង​ភាព​វឹកវរ និង​ធ្លាក់​ក្នុង​របប​ប៉ុលពត ដែល​ជា​របប​នៃ​វាល​ពិឃាត។ លោក​អភិបាល​ថ្លែង​ថា៖ «លោក​ឪពុក ឆ្មារ សាឡឹម​បាន​ជំរុញ​ឲ្យ​គ្រីស្ត​បរិស័ទ​រៀប​ចំ​បុណ្យ​ចម្លង​ដោយ​អំណរ​សប្បាយ ទោះ​បីជា​មាន​ទុក្ខ​លំបាក​ដោយ​សារ​សង្គ្រាម។ ក៏​ប៉ុន្តែ​យើង​ជា​គ្រីស្ត​បរិស័ទ​ត្រូវ​តែ​បង្ហាញ​អំណរ​សប្បាយ​នៃ​ជំនឿ​របស់​យើង …

លោកអភិបាលអូលីវីយេ សូមឲ្យគ្រីស្តបរិស័ទចូលរួមកសាងព្រះសហគមន៍និងសង្គម Read More »

ក្រោយ​ពី​បាន​ទទួល​អគ្គសញ្ញាជ្រមុជទឹក ទទួល​ជីវិត​ថ្មី​រួម​ជា​មួយ​ព្រះយេស៊ូ​ក្នុង​ពេល​បុណ្យ​ចម្លង​កន្លង​ទៅ បេក្ខជនចំនួន ១៥ រូប អគ្គសញ្ញាលាបថ្ងាស​បន្តទៀត នៅព្រះវិហារ​សន្តសិលា និងសន្តប៉ូល ភ្នំពេញថ្មី ក្រោម​អធិបតីភាព​លោកអភិបាលអូលីវីយេ និង​មាន​គ្រីស្តបរិស័ទ​ចូល​រួម​យ៉ាង​ច្រើន​កុះករ នា​ព្រឹក​ថ្ងៃទី ១៩ ខែឧសភា ឆ្នាំ២០១៩។ នៅ​ក្នុង​ធម្មទេសនា លោកអភិបាលអូលីវីយេ បាន​ដាស់​តឿន​បេក្ខជន​ទទួល​អគ្គសញ្ញាលាបថ្ងាស​ឲ្យ ថែ​រក្សាមិត្តភាព​ជា​មួយ​ព្រះយេស៊ូ។ ថែ​រក្សា​អំណរ​សប្បាយ និង​យក​ចិត្តទុកដាក់​ធ្វើ​ជាសាក្សី នៃ​សេចក្តីស្រឡាញ់ និង​អំណរសប្បាយ។ លោក​បញ្ជាក់​យ៉ាងនេះ​ថា « សម្រាប់​បងប្អូន​ដែល​ទទួលអគ្គសញ្ញាលាបថ្ងាស់ ត្រូវ​បន្ត​ថែរក្សា​មិត្តភាព​ជា​មួយ​ព្រះយេស៊ូ​ជានិច្ច។ ថែរក្សា​អំណរ​សប្បាយ និង​សេចក្តីស្រលាញ់។ យកចិត្តទុកដាក់ ធ្វើ​ជា​សាក្សី​អំពី​អំណរ​សប្បាយ និង​សេចក្តីស្រលាញ់​ដល់​បងប្អូន​ឯ​ទៀតៗ។ ក្នុង​ពេល​នោះ​លោក​អភិបាល​ក៏​បាន​រំលឹក​ដល់​គ្រីស្តបរិស័ទ​ទាំងអស់ ​ឲ្យ​អនុវត្តតាម ដោយ​ឆ្លាក់​ជាប់​នៅ​ក្នុង​ដួងចិត្ត​នូវ ធម្មវិន័យ​របស់​ព្រះយេស៊ូ “ត្រូវ​ស្រឡាញ់​គ្នា​ទៅវិញ​ទៅ​មក ដូច​ខ្ញុំ​បាន​ស្រឡាញ់​អ្នក​រាល់គ្នាដែរ” ។ អគ្គសញ្ញា​លាប​ថ្ងាស​ជា​អគ្គសញ្ញា​បញ្ជាក់​បន្ថែម​ថា បងប្អូន​ដែល​បាន​កើត​ជា​ថ្មី​ដោយ​ទឹក និង​ព្រះវិញ្ញាណ​ពេលទទួល​អគ្គសញ្ញា​ជ្រមុជទឹក ពេលនេះ​ពេញវ័យ​ក្នុង​ជំនឿ ក្នុង​ពេលនេះ គឺ​គេ​ទទួល​ព្រះវិញ្ញាណ​បន្ថែម ដើម្បី​ផ្តល់​កម្លាំង​ក្នុង​ការ​ចេញ​ទៅ​ប្រកាស​ដំណឹងល្អ និង​រស់នៅ​ជា​សាវ័ក​ព្រះយេស៊ូ​ពេញលក្ខណៈ។ លោកអភិបាល​អូលីវីយេ បាន​ប្រាប់​អ្នកយកព័ត៌មាន​ក្នុង​បទសម្ពាសន៍​ថា «ថ្ងៃ​នេះ​យើង​ពោរពេញ​ដោយ​អំណរ​សប្បាយ ដោយ​សារ​ក្នុង​ព្រះ​សហគមន៍​ភ្នំពេញ​ថ្មី​នេះ មាន​បេក្ខជន ១៦ នាក់​បានទទួល​អគ្គសញ្ញា​លាប​ថ្ងាស មាន​ន័យ​ថា​បាន​ទទួល​ព្រះវិញ្ញាណ​ដ៏វិសុទ្ធ …

បេក្ខជន ១៦ នាក់ទទួលអគ្គសញ្ញា​លាប​ថ្ងាស​នៅព្រះវិហារ សន្តសិលា និងសន្តប៉ូល Read More »

លោកអូលីវីយេ អភិបាលព្រះសហគម៍កាតូលិកបាន លើកឡើង ១០ចំណុចសំខាន់ៗដើម្បី រំលែក ដល់ អស់លោកបូជាចារ្យទាំងអស់ នៅក្នុងប្រទេសកម្ពុជា ក្នុងពិធី អភិបូជា ប្រសិទ្ធីពរ លើប្រេង   ដែលបាននាល្ងាចថ្ងៃទី៩ ខែមេសា ឆ្នាំ២០១៩ នៅព្រះវិហារសន្ត​សិលា​និងសន្តប៉ូល ភ្នំពេញថ្មី។ អភិបូជាប្រសិទ្ធីពរលើប្រេង ជាពិធីយ៉ាង ឧ៝ឡារិកប្រារព្ធ ដើម្បីបង្ហាញ ភាព ជាធ្លុងតែមួយរបស់លោក បូជាចារ្យ និងលោកអិបាល ព្រះសហគមន៍។ ពិធីនេះក៏ជាពេលដែល អស់លោកបូជាចារ្យ ត្រូវប្រកាសពាក្យសច្ចារ្យ របស់ខ្លួនឡើងវិញ​នៅចំពោះមុខលោកអភិបាល និងព្រះសហគមន៍ទាំងមូល។នៅក្នុងធម្មទេសនា​លោកអភិបាល​អលីវីយេមានប្រសាសន៍ទៅកាន់អស់លោកបូជាចារ្យ ដែលជាគង្វាលព្រះសហគមន៍ នូវចំណុច សំខាន់ៗដូចជា៖ ទីមួយ៖ យកចិត្ត ទុកដាក់ថែរក្សាជីវិត ខាងផ្លូវវិញ្ញាណ។ ទីពីរ៖ ការពារថែរក្សាអង្គតែមួយ គឺសំខាន់ណាស់ ដោយមើលគំរូព្រះបិតា ព្រះបុត្រា និងព្រះវិញ្ញាណ ដ៏វិសុទ្ធ ដើម្បីស្រឡាញ់​គ្នាជាធ្លុងតែមួយ នៅក្នុងព្រះសហគមន៍។ ទីបី៖ ធ្វើបរិយាបន្ន គឺធ្វើយ៉ាងម៉េចដើម្បី​ឲ្យមនុស្ស​ទាំងអស់​ចូលរួមជាមួយគ្នាបានដូចនៅក្នុងគ្រួសារតែមួយ។ ទីបួន ៖ លើកលែងទោស ដើម្បីចូល​ឲ្យ​ជ្រៅនៅក្នុងព្រះហឫទ័យប្រណីសន្តោសរបស់ព្រះបិតា។ …

១០ចំណុចសំខាន់ លោកអភិបាលព្រះសហគមន៍ រំលឹកដល់បូជាចារ្យនៅ ថ្ងៃរំលឹកពាក្យសច្ចា Read More »

គ្រីស្ត​បរិស័ទកាតូលិក​មកពី​ភូមិភាគ​ភ្នំពេញ ​​បាត់ដំបង និង​កំពង់ចាម​​ជាច្រើនរយនាក់ និង​បូ​ជាចារ្យ​កាតូលិក​ទាំងអស់​ នៅ​​កម្ពុជា បាន​ប្រារព្ធអភិបូជា​​ប្រសិទ្ធីពរ​លើ​ប្រេង​ម្រាប់ព្រះសហគមន៍ទាំងអស់​ឲ្យធ្វើជាសាក្សី​នៃ​ព្រះយេស៊ូ ដែ​លជាប្រពៃណី​​ព្រះសហគមន៍កាតូលិក ក្រោម​អធិបតីភាព ​លោក​អភិបាល​នៃព្រះសហគមន៍ទាំងបីភូមិភាគ រួមជាមួយ​អស់លោក​បូជាចារ្យ​ទាំង​អស់​ដែល​នៅក្នុងប្រទេសកម្ពុជា​ នាល្ងាចថ្ងៃទី​៩​ មេសា​ ២០១៩ នៅព្រះវិហារសន្ត​សិលា និសន្តប៉ូល​ ក្នុង​​មណ្ឌលសកម្មភាពភ្នំពេញថ្មី សង្កាត់ភ្នំពេញថ្មី។​ នៅពេល​តំណាង​គ្រីស្តបរិស័ទ និងជា​តំណាង​គណៈកម្មាធិការសំខាន់​ទាំងបី​​មាន​គណៈកម្មការពិធីបុណ្យ គណៈកម្ម​ការ​សង្គហៈ និង​គណៈកម្មការ​អប់រំជំនឿ) នៅក្នុង​ព្រះសហគមន៍​កាតូលិក បាន​ហែថូ​ប្រេង​ទាំងបីប្រភេទ​ចូលមកក្នុងអង្គពិធី ដោយ​មាន​លោក​អភិបាល​នីមួយៗ​ចាំទទួល​ និង​អធិដ្ឋាន​ទូល​អង្វរព្រះជាម្ចាស់​ទៅ​តាមប្រភេទ​នៃប្រេងដែល​ត្រូវប្រើស្របតាម​ប្រពៃណី​នៃព្រះសហគមន៍កាតូលិកផងដែរ​។ លោក​អភិបាល​អូលីវី​យេ បាន​ផ្លុំ​លើ​ប្រេងទាំងនេះ ដើម្បី​បញ្ជាក់​​ថាព្រះវិញ្ញាណ​ដ៏​វិសុទ្ធយាងមក​​ និង​អធិដ្ឋាន​ដោយ​នឹក​ដល់អគ្គសញ្ញានានា នឹកដល់ឫទ្ធិបារមីនៃប្រេង​ពិសិដ្ឋ​នៅក្នុង​សម្ពន្ធមេត្រីចាស់​ ​នឹក​ដល់​ព្រះ​យេស៊ូ​​​​ដែល​បំពេញ​បេសកម្មសង្គ្រោះ​មនុស្សលោក​ ហើយ​ទូលអង្វរ​ព្រះ​ជាម្ចាស់​​ដល់ព្រះ​សហគមន៍​ ដើម្បី​បន្ត​បេសកម្ម​តាម​រយៈ​ប្រេងពិសិដ្ឋនេះ​ ដើម្បី​ឲ្យ​មនុស្ស​លោក​​​បាន​ទទួលព្រះ​ពរ ​និង​ទៅជាបុត្រធីតា​របស់​ព្រះជាម្ចាស់ដែល​បាន​កើតជាថ្មី​ដោយ​អគ្គ​សញ្ញាជ្រមុជទឹក និងអគ្គសញ្ញានានា​ដែល​បាន​ប្រើដោយ​ប្រេងនេះ។ លោក​អភិបាលទាំងបី រួមជាមួយ​​អស់​លោក​បូជាចារ្យ​ទាំងទ្រាបដៃលើ​ប្រេង​ ​ទូលអង្វរ​ព្រះជាម្ចាស់ និង​ដោយ​ឫទ្ធានុភាពនៃ​ព្រះ​វិញ្ញាណ​ដ៏វិសុទ្ធ ដើម្បីឲ្យ​ប្រេង​ដែល​លាយជាមួយ​គ្រឿង​ក្រអូប​ទាំង​នេះ​ បាន​ទៅជា​អគ្គសញ្ញា​បង្ហាញ​ពី​ព្រះ​ហឫទ័យ​មេត្តាករុណារបស់​ព្រះជាម្ចាស់ និង​សូម​ឲ្យ​ប្រេងទាំងនេះ​ពោរពេញ​ដោយព្រះវិញ្ញាណដ៏វិសុទ្ធដើម្បី​ឲ្យ​អស់អ្នក​ដែល​ទទួលប្រេងនេះបាន​សេចក្តីសុខសាន្ត​។​ តាមប្រសាសន៍​របស់​លោក​អភិបាល​អូលីវីយេ​បាន​បញ្ជាក់ថា ប្រេង​ដែល​បាន​ធ្វើ​​ប្រសិទ្ធីពរ​​នោះ​មាន​បីយ៉ាង គឺ៖ ១)​ ប្រេង​សម្រាប់​លាប ដើម្បី​ផ្តល់កម្លាំង​ឲ្យ​អ្នក​ជម្ងឺ ចាស់ជរា ជនពិការ និងអស់អ្នកដែលរងទុក្ខលំបាក។ ២) ប្រេងសម្រាប់​អ្នករៀប​ចំខ្លួន​ទទួល​អគ្គសញ្ញា​ជ្រមុជ​ទឹក និងអស់អ្នក​ដែល​មិនទាន់ស្គាល់ព្រះយេស៊ូ​។​ …

ប្រសិទ្ធីពរលើប្រេងនៃព្រះសហគមន៍កាតូលិកកម្ពុជា Read More »

គ្រួសារ​ក្រីក្ររ​ចំនួន​១២០ ​ទទួល​អំណោយ​ពី​ព្រះសហគមន៍​សន្តយូសែប​ផ្សារ​តូច នា​ថ្ងៃទី​១០​ ខែមេសា ឆ្នាំ​២០១៩​នេះ ព្រះ​សហគមន៍​សន្តយូសែប​ផ្សាតូច ក្នុង​មណ្ឌល​សកម្មភាព ភ្នំពេញ​ខាង​ជើង។ កម្មវិធី​នេះ​បាន​ធ្វើ​ឡើង​នៅ ភូមិ​ទួលសង្កែ ខណ្ឌ​ឫស្សីកែវ រាជធានី​ភ្នំពេញ ក្រោម​វត្តមាន​របស់​លោក​បូជាចារ្យ ប៉ូល រឿង ឆ័ត្រសិរី ជា​ប្រធាន រួម​ជាមួយ​ក្រុម​សង្គហៈ និង​គ្រីស្ត​បរិស័ទ​មួយ​ចំនួន​ទៀត។ ជាកិច្ច​ចាប់ផ្តើម​លោក​បូជាចារ្យ រឿង ឆ័ត្រសិរី ទទួល​ខុស​ត្រូវ​ព្រះ​សហគមន៍​ផ្សារ​តូច​ផ្ទាល់​បាន​មាន​មតិ​ស្វាគមន៍​បង​ប្អូន​ក្រីក្រ​ទាំង​១២០​គ្រួសារ​ថា៖ ក្នុង​ឱកាស​បុណ្យ​ចម្លង និង​បុណ្យ​ចូល​ឆ្នាំ​ថ្មី​ប្រពៃណី​ខាង​នេះ ព្រះ​សហគមន៍​យើង​បាន​រៀបចំ​ជា​អំណោយ​បន្តិច​បន្តួច​ដល់​បង​ប្អូន ក្នុង​គោលដៅ​ចែក​រំលែក​សេចក្តី​ស្រឡាញ់ និង​ចូលរួម​រំលែក​ការ​លំបាក​ខ្លះៗ​ដល់​បង​ប្អូន។ លោក​បាន​បន្ត​ថា អំណោយ​ក្នុង​ថ្ងៃ​នេះ​មិន​ច្រើន​ទេ​សម្រាប់​គ្រួសារ​ដែល​មាន​សមាជិក​ច្រើន គឺ​ហូប​ត្រឹម​មួយ​អាទិត្យ ឬ​ច្រើន​ជាង​មួយ​អាទិត្យ​គឺ​អស់​ហើយ តែ​អ្វី​ដែល​ជា​គោដៅ​នៅ​ក្នុង​ថ្ងៃ​នេះ​គឺ ព្រះសហគមន៍​យើង​ធ្វើ​តាម​ការ​បង្រៀន​របស់​ព្រះយេស៊ូ ឲ្យ​ចេះ​ចែក​រំលែក ហើយ​ស្រឡាញ់​បង​ប្អូន​គ្រប់​ជាតិ​សាសន៍ ដូច​ឃ្លា​មួយ​បាន​ចែង​ក្នុង​ព្រះគម្ពីរ​ថា បើ​បង​ប្អូន​បាន​ធ្វើ​កិច្ចការ​ល្អ​តូច​មួយ​ចំពោះ​នណា​ម្នាក់ ដូចជា​បាន​ធ្វើ​ចំពោះ​ខ្ញុំ​ដែរ។ អ្នកស្រី ស៊ី ផាន ជា​ប្រធាន​សង្គហៈ​របស់​ព្រះសហគមន៍​សន្តយូសែប​ផ្សារ​តូច បាន​ឲ្យ​ដឹង​ថា អំណោយ​ដែល​ត្រូវ​ចែក​សម្រាប់​គ្រួសារ​នីមួយៗ​ក្នុង​ថ្ងៃ​នេះ​មាន​ដូចជា៖ អង្ករ​២៥​គីឡូក្រាម ទឹក​ត្រី មី អំបិល ប្រេងឆា និង​ត្រីខ។ល។ ហើយ​គ្រឿង​ឧបភាគ​បរិភាគ​ទាំង​នេះ​គឺ​បាន​មក​ពី​បងប្អូន​គ្រីស្ត​បរិស័ទ ក្រុង​ស្រុក និង​ក្រៅ​ស្រុក រួម​ជាមួយ​នឹង​ថវិការ​របស់​ព្រះសហគមន៍​សន្តយ៉ូសែប​ផ្ទាល់។ …

ជនក្រីក្រចំនួន១២០គ្រួសារ ទទួលអំណោយក្នុងឱកាសបុណ្យចូលឆ្នាំថ្មី Read More »