លោកអភិបាល អូលីវីយេ និងគ្រីស្តបរិស័ទចំការទៀង ចូលរួមអបអរសាទរបុណ្យកឋិន
ក្រុមឆៃយុំាបានប្រគុំអបអរសាទរ និងស្វាគមន៍ លោក អូលីវីយេ អភិបាលព្រះសហគមន៍កាតូលិកភូមិភាគភ្នំពេញ និងគ្រីស្តបរិស័ទ ដែលបានអញ្ជើញទៅដល់វត្តអង្គមន្ត្រី ដែលស្ថិតនៅក្នុងឃុំគុស ស្រុកត្រាំកក់ ខេត្តតាកែវ ដើម្បីអបអរសាទរបុណ្យកឋិនទានក្នុងវត្តនេះ និងបានចូលរួមថវិកាមួយចំនួនផងដែរ កាលពីរសៀលថ្ងៃទី១៩ ខែតុលា ឆ្នាំ២០១៩។ ក្នុងពីធីដ៏ឱឡារិកនេះ លោកតាលោកយាយជាច្រើន បានទទួលស្វាគមន៍លោកអភិបាល និងគ្រីស្តបរិស័ទមកពីព្រះសហគមន៍កាតូលិកសន្តីម៉ារីញញឹមចំការទៀង យ៉ាងកក់ក្តៅផងដែរ។ លោកតា ស៊ូ វណ្ណា តំណាងគណៈកម្មាធិការអាចារ្យវត្តអង្គមន្ត្រី បានមានប្រសាសន៍ថា សម្ពន្ធមេត្រីភាពរវាងព្រះសហគមន៍កាតូលិកចំការទៀង និងវត្តអង្គមន្ត្រីបានផ្សារភ្ជាប់គ្នាយ៉ាងស្អិតរមួត ជាច្រើនឆ្នាំកន្លងមកហើយ។ នៅក្នុងនោះព្រះសហគមន៍កាតូលិកចំការទៀង ដែលដឹកនាំដោយលោកអភិបាល អូលីវីយេ បានជួយឧបត្ថម្ភថវិកាជាច្រើនក្នុងការកសាងសមិទ្ធផលនានាក្នុងវត្ត ដូច្នេះតាំងនាមឲ្យព្រះថេរានុត្ថេរៈគ្រប់ព្រះអង្គដែលគង់នៅវត្តអង្គមន្ត្រី ក៏ដូចជាពុទ្ធបរិស័ទទាំងអស់ សូមថ្លែងនូវអំណរអរគុណយ៉ាងជ្រាលជ្រៅ និងសូមប្រសិទ្ធិពរបវរសួស្តីដល់ព្រះសហគមន៍កាតូលិក ដល់លោកអភិបាល និងគ្រីស្តបរិស័ទទាំងអស់។ លោកតា បានបន្តថា តាំងនាមឲ្យវត្តអង្គមន្ត្រីទាំងមូលសូមធ្វើការប្តេជ្ញាចិត្ត រក្សាសម្ពន្ធមេត្រីភាពរវាងព្រះសហគមន៍កាតូលិក និងពុទ្ធសាសនាឲ្យបានគង់វង្សយូរអង្វែងតរៀងទៅ។ ក្នុងឱកាសដ៏វិសេសវិសាលនេះ លោក អភិបាលអូលីវីយេ បានជូនពរដល់ពុទ្ធបរិស័ទទាំងអស់ឲ្យមានសេចក្តីសុខគ្រប់ៗគ្នា។ លោកក៏បានរំឭកដាស់តឿន ដល់លោកយាយលោកតាទាំងអស់ឲ្យយកចិត្តទុកដាក់ ស្តាប់ព្រះសង្ឃទេសនា ដើម្បីអប់រំចិត្ត ហើយឲ្យចេះអប់រំដល់កូនចៅតៗទៅ។លោកថា “កុំឲ្យកូនចៅចេះតែដើរលេងបុណ្យកឋិនដោយមិនដឹងអំពីសីលធម៌ មិនដឹងអំពីជីវិត មិនដឹងអំពីការអប់រំរបស់ព្រះពុទ្ធសាសនា។ …
លោកអភិបាល អូលីវីយេ និងគ្រីស្តបរិស័ទចំការទៀង ចូលរួមអបអរសាទរបុណ្យកឋិន Read More »
