Month: October 2020
លោកអភិបាល អូលីវីយ៉េ បានដឹកនាំការប្រជុំនៅព្រះសហគមន៍សន្តហ្វ្រង់ស្វ័រ សាវីយ៉េ នាព្រឹកថ្ងៃទី១៥ ខែតុលា ឆ្នាំ២០២០នេះ(ចំប៉ា)
នាព្រឹកថ្ងៃទី១៥ ខែតុលា ឆ្នាំ២០២០នេះ លោកអភិបាល អូលីវីយ៉េ បានដឹកនាំការប្រជុំនៅព្រះសហគមន៍សន្តហ្វ្រង់ស្វ័រ សាវីយ៉េ (ចំប៉ា) ដែលមានការចូលរួមពីលោកបូជាចារ្យ បងប្រុសបងស្រី និងគណ:កម្មការតាមព្រះសហគមន៍កាតូលិកក្នុងមណ្ឌលសកម្មភាពទន្លេមេគង្គនិងទន្លេបាសាក់ ប្រហែលជិត៤០នាក់។ ក្នុងកិច្ចប្រជុំនេះ លោកអភិបាលបានរំលឹកដល់លោកបូជាចារ្យ បងប្រុសបងស្រី និងគណៈកម្មការទាំងអស់ ឲ្យរិះគិតអំពីសារលិខិតរបស់សម្តេចប៉ាប ហ្វ្រង់ស៊ីស្កូ និងរកមធ្យោបាយក្នុងជួយបងប្អូនដែលរងគ្រោះដោយសារវិបត្តិនៃជំងឺកូវីដ១៩ វិបត្តិនៃទឹកជំនន់ និងវិបត្តិនៃជំងឺគ្រុនឈិក នៅក្នុងតំបន់ ដើម្បីឲ្យព្រះសហគមន៍ចូលរួមយ៉ាងសកម្មក្នុងជីវិតរបស់ប្រជាជនកម្ពុជា៕
សំណាក់ធម៌ និងប្រជុំលោកបូជាចារ្យ ព្រះសហគមន៍កាតូលិក ភូមិភាគភ្នំពេញ នាព្រឹកថ្ងៃទី១៤ ខែតុលា ឆ្នាំ២០២០
សំណាក់ធម៌ និងប្រជុំលោកបូជាចារ្យ ព្រះសហគមន៍កាតូលិក ភូមិភាគភ្នំពេញ ធ្វើនៅ ព្រះសហគមន៍សន្តសិលា និងសន្តប៉ូល ភ្នំពេញថ្មី នាព្រឹកថ្ងៃទី១៤ ខែតុលា ឆ្នាំ២០២០។
អភិបូជាបើកឆ្នាំសិក្សាថ្មីរបស់ទេវវិទ្យាល័យ នាល្ងាចថ្ងៃទី១៣ ខែតុលា ឆ្នាំ២០២០
អភិបូជាបើកឆ្នាំសិក្សាថ្មីរបស់ទេវវិទ្យាល័យ ក្រោមអធិបតីភាពលោកអភិបាលព្រះសហគមន៍កាតូលិកទាំងបីភូមិភាគ ដោយមានលោកបូជាចារ្យ បងប្រុសបងស្រី និងបងប្អូនគ្រីស្តបរិស័ទមួយចំនួនបានចូលរួម ដើម្បីលើកទឹកចិត្តដល់និស្សិតទេវវិទ្យាល័យ នាល្ងាចថ្ងៃទី១៣ ខែតុលា ឆ្នាំ២០២០ ធ្វើនៅព្រះសហគមន៍សន្តសិលានិងសន្តប៉ូល ភ្នំពេញថ្មី៕
ព្រះសហគមន៍កាតូលិកយកចិត្តទុកដាក់លើជនរងគ្រោះដោយសារទឹកជំនន់
ព្រឹកថ្ងៃទី១២ ខែតុលា ឆ្នាំ២០២០នេះ លោកអភិបាលព្រះសហគមន៍ភូមិភាគភ្នំពេញ អូលីវីយេ ជ្មីតអ៊ីស៊ែ្ល បានចេញសេចក្ដីអំពាវនាវដល់គ្រីស្តបរិស័ទភូមិភាគភ្នំពេញឱ្យអធិដ្ឋានសម្រាប់មនុស្សទាំងអស់ ដែលរងផលប៉ះពាល់ដោយទឹកជំនន់ និងត្រៀមខ្លួនដើម្បីដើម្បីបញ្ចេញសកម្មភាពមេត្តាករុណាទៅតាមតំបន់នីមួយៗ។ លោកអភិបាល « ចូរយើងអធិដ្ឋានសម្រាប់មនុស្សទាំងអស់ដែលរងផលប៉ះពាល់ដោយសារទឹកជំនន់នៅក្នុងប្រទេសកម្ពុជា។ សូមត្រៀមខ្លួនដើម្បីបញ្ចេញសកម្មភាពផងដែរ។» នៅក្នុងថ្ងៃនេះដែរ លោកអភិបាលអូលីវីយេបានធ្វើជាគំរូន័យការអធិដ្ឋាននេះ ដោយលោកបានថ្វាយអភិបូជានៅព្រះសហគមន៍តាំងគោក ក្នុងខេត្តកំពង់ធំដែលជាទឹកដីមរណសាក្សីនៃគ្រីស្តបរិស័ទកាតូលិកក្នុងប្រទេសកម្ពុជា ដើម្បីទោះអង្វរព្រះជាម្ចាស់សម្រាប់មនុស្សដែលរងគ្រោះដោយសារទឹកជំនន់និងសម្រាប់ការិយាល័យទាំង ៩ របស់ព្រះសហគមន៍កាតូលិកភូមិភាគភ្នំពេញផងដែរ។ ព្រះសហគមន៍កាតូលិក តែងតែយកចិត្តទុកដាក់លើអ្នកតូចតាច និងជនងាយរងគ្រោះ តាមរយៈគណៈមក្មការព្រះសហគមន៍ផ្ទាល់ ក៏ដូចជាតាមរយៈអង្គការនានារបស់ព្រះសហគមន៍កាតូលិកផងដែរ។ តាមសេចក្តីជូនដំណឹងរបស់កហក្រសួងធន់ធានទឹក និងឧត្តុនិយម បានឲ្យដឹងថា ថ្ងៃទី១១ និង១២ ខែតុលា កន្លងមក ប្រទេសកម្ពុជាបានទទួលរងនូវសម្ពាធព្យុះទី១៥ ដែលមានឈ្មោះថា “លីនហ្វា” បានបង្កឲ្យមានទឹកជំនន់ជាច្រើនកន្លែងនៅក្នុងប្រទេសកម្ពុជាជាពិសេសបែកប៉ែកខាងពាយ័ព្យនៃរាជាណាចក្រកម្ពុជា។ តាមបាយការណ៍របស់ អាជ្ញាធរជាតិគ្រោះមហន្តរាយ ព្រឹកថ្ងៃទី១២នេះ ទឹកជំនន់ដែលបង្កឡើងដោយព្យុះទី ១៥នេះ បានធ្វើឲ្យប៉ះពាល់ដល់១៦ ខេត្ត រាជធានី មានស្រុកចំនួន៥៣ ឃុំចំនួន១៨៨ និង មនុស្ស២៧២៩០គ្រួសារ ហើយក្នុងនោះប្រជាជនដែលត្រូវបានជម្លៀសមានចំនួន ២៤០១គ្រួសារ នឹងធ្វើឲ្យប៉ះពាល់ផ្ទះចំនួន២៤៩៣៦ខ្នង។ គ្រោះមហន្តរាយនេះបាទធ្វើឱ្យខូចខាតផ្ទះចំនួន១៦ខ្នង ប្រជាជន ៩នាក់ត្រូវបាត់បង់ជីវិត និងរងរបួសចំនួន២នាក់ផងដែរ។ …
ព្រះសហគមន៍កាតូលិកយកចិត្តទុកដាក់លើជនរងគ្រោះដោយសារទឹកជំនន់ Read More »
