ពត៌មាន

តាកែវ៖ ថ្ងៃចន្ទ ទី១៧ ខែវិច្ឆិកា ឆ្នាំ២០២៥៖ ថ្ងៃនេះ សាលាសន្តហ្វ្រង់ស្វ័រ (St. François School) កម្រិតបឋមសិក្សា ដល់ វិទ្យាល័យ បានប្រារព្ធពិធីបើកបវេសនកាលឆ្នាំសិក្សាថ្មី ២០២៥-២០២៦ យ៉ាងអធិកអធម ដោយមានការចូលរួមពីសំណាក់សិស្សានុសិស្ស ជាង ៥០០ នាក់។ ក្នុងឱកាសដ៏សំខាន់នោះ លោកអភិបាល អូលីវីយ៉េ អភិបាលព្រះសហគមន៍កាតូលិកភូមិភាគភ្នំពេញ និងជាស្ថាបនិកសាលា បានណែនាំគម្រោងការសម្រាប់ឆ្នាំសិក្សាថ្មីនេះ ដោយផ្តោតសំខាន់លើការបណ្តុះបណ្តាលសិស្សានុសិស្សឲ្យក្លាយជា អ្នកកសាងសន្តិភាព។ ដោយយកចិត្តទុកដាក់លើ ការអភិវឌ្ឍការអប់រំ ការរួមរស់ជាមួយគ្នា ការគោរពគ្នា និង ការសន្ទនាគ្នា និងការទទួលស្គាល់ អំពីភាពខុសគ្នារវាងគ្នានិងគ្នា។

តាកែវ ថ្ងៃទី ១៦ ខែវិច្ឆិកា៖ លោកអភិបាល អូលីវីយ៉េ បានអញ្ជើញទៅសួរសុខទុក្ខ និងថ្វាយអភិបូជាដ៏ពិសិដ្ឋនៅ ព្រះសហគមន៍កាតូលិកចំការទៀង ដោយមានការចូលរួមពីសំណាក់គ្រីស្តបរិស័ទមកពីគ្រប់ព្រះសហគមន៍នៅក្នុង មណ្ឌលសកម្មភាពតាកែវ ទាំងមូល។ ក្នុងអំឡុងពេលធម្មទេសនាលោកអភិបាលបានក្រើនរំលឹកដល់គ្រីស្តបរិស័ទទាំងអស់ឲ្យយកចិត្តទុកដាក់ ថែរក្សាជីវិតក្នុងសេចក្តីសង្ឃឹម និង ចេះស៊ូទ្រាំជានិច្ច។ លោកបានសង្កត់ធ្ងន់ថា៖ “ជីវិតរបស់យើងតែងជួបប្រទះនឹងបញ្ហា និងការលំបាក ប៉ុន្តែយើងមានជំនឿលើ ព្រះយេស៊ូដែលមានព្រះជន្មរស់ឡើងវិញ គង់នៅជាមួយយើង។ ជំនឿនេះហើយដែលនាំឲ្យយើងអាចឈ្នះការលំបាកទាំងអស់នោះបាន…។ ព្រះជាម្ចាស់ស្រឡាញ់យើង ហើយព្រះអង្គក៏មិនចោលយើងឡើយ។”                                          

ភ្នំពេញ៖ នៅព្រឹកថ្ងៃទី ១៥ ខែសីហា ឆ្នាំ ២០២៥ នេះ លោកអភិបាល អូលីវីយ៉េ ជ្មីតហស្លេ អភិបាលព្រះសហគមន៍កាតូលិកភូមិភាគភ្នំពេញ បានចូលថ្វាយបង្គំគាល់ សម្តេចព្រះអភិសិរីសុគន្ធាមហាសង្ឃរាជាធិបតី កិត្តិឧទ្ទេសបណ្ឌិត បួរ គ្រី សម្តេចព្រះមហាសង្ឃរាជ នៃគណៈធម្មយុត្តិកនិកាយនៃព្រះរាជាណាចក្រកម្ពុជា នៅពុទ្ធិកសាកលវិទ្យាល័យព្រះសីហមុនីរាជា រាជធានីភ្នំពេញ។ គោលបំណងនៃការចូលគាល់នេះ គឺដើម្បីអារាធនាយាងសម្តេចចូលរួមជា អធិបតីកិត្តិយស ក្នុងពិធីបុណ្យអគ្គសញ្ញាតែងតាំងលោកអភិបាល សិលា សួន ហង្សលី ជាអភិបាលឧបត្ថម្ភកៈនៃព្រះសហគមន៍កាតូលិកភូមិភាគភ្នំពេញ។ នៅក្នុងឱកាសនោះ លោកអភិបាល អូលីវីយ៉េ បានទូលថ្វាយសម្តេចថា ថ្មីៗនេះ សម្តេចប៉ាប ឡេអូ ១៤ (Leo XIV) បានជ្រើសតាំងកូនខ្មែរមួយរូបជាអភិបាលឧបត្ថម្ភកៈ ដែលនឹងអាចបន្តភារកិច្ចជាអភិបាលព្រះសហគមន៍កាតូលិកភូមិភាគភ្នំពេញ នៅពេលលោកចូលនិវត្តន៍។ លោកអភិបាលអូលីវីយ៉េក៏បានរំលឹកពីប្រវត្តិសាស្ត្រសំខាន់ថា ព្រឹត្តិការណ៍នេះកើតឡើង ៥០ ឆ្នាំបន្ទាប់ពីសម្តេចប៉ាបបានតែងតាំង លោកយ៉ូសែប ឆ្មារ សាឡាស់ ជាអភិបាលឧបត្ថម្ភកៈព្រះសហគមន៍ភូមិភាគភ្នំពេញ តែប៉ុន្មានថ្ងៃមុនរបបខ្មែរក្រហមកាន់កាប់រាជធានីភ្នំពេញ និងប្រទេសកម្ពុជាទាំងមូល។ គួរឲ្យសោកស្តាយ លោកអភិបាលយ៉ូសែប ឆ្មារ សាឡាស់

នៅព្រឹកថ្ងៃទី ២៣ ខែកក្កដានេះ វិទ្យាស្ថានសន្តប៉ូល ដឹកនាំដោយ បណ្ឌិត ផុន សុផល នាយកវិទ្យាស្ថាន រួមជាមួយ វិទ្យាល័យចំណេះទូទៅ និងបច្ចេកទេសឯកជន សន្តហ្វ្រង់ស្វ័រ ដឹកនាំដោយ លោក យុន សំអាត នាយកវិទ្យាល័យ បានរៀបចំវេទិកាផ្សព្វផ្សាយកម្មវិធីសិក្សា និងអាហារូបករណ៍សម្រាប់ឆ្នាំសិក្សាថ្មី។ ព្រឹត្តិការណ៍ដ៏សំខាន់នេះ បានប្រារព្ធឡើងនៅក្នុងសាលប្រជុំវិទ្យាស្ថានសន្តប៉ូល ក្រោមអធិបតីភាពដ៏ខ្ពង់ខ្ពស់របស់ លោក កេត ម៉ៅ អភិបាលស្រុកត្រាំកក់ ខេត្តតាកែវ។   គោលបំណងចម្បងនៃវេទិកានេះ គឺដើម្បីផ្សព្វផ្សាយព័ត៌មានលម្អិតអំពីកម្មវិធីសិក្សាដ៏សម្បូរបែប និងឱកាសអាហារូបករណ៍ជាច្រើន ដែលផ្តល់ជូនដោយស្ថាប័នអប់រំទាំងពីរ ដល់សិស្សានុសិស្សនៅក្នុងមូលដ្ឋានស្រុកត្រាំកក់។ អង្គពិធីនេះមានការចូលរួមពីថ្នាក់ដឹកនាំស្រុកត្រាំកក់ លោកគ្រូអ្នកគ្រូនាយកសាលាវិទ្យាល័យទាំង ៧ លោកមេឃុំ និងក្រុមប្រឹក្សាឃុំទាំង ១៥ ក្នុងស្រុកត្រាំកក់។   ក្នុងឱកាសនោះ បណ្ឌិត ផុន សុផល និងលោក យុន សំអាត បានធ្វើបទបង្ហាញអំពីជំនាញសិក្សាដែលឆ្លើយតបនឹងតម្រូវការទីផ្សារបច្ចុប្បន្ន ក៏ដូចជាគុណភាពអប់រំដែលផ្តោតលើការអនុវត្តជាក់ស្តែង ដើម្បីត្រៀមខ្លួនសិស្សនិស្សិតឱ្យក្លាយជាធនធានមនុស្សប្រកបដោយសក្ដានុពល។ លើសពីនេះ បណ្ឌិត ផុន

បេក្ខជនចំនួន៤៣នាក់ នៃវិទ្យាល័យចំណេះទូទៅសន្តហ្រ្វង់ស្វ័រ ស្ថិតក្នុងភូមិចំការទៀង ឃុំគូស ស្រុកត្រាំកក់ ខេត្តតាកែវ បានប្រឡងជាប់មធ្យមសិក្សាបឋមភូមិ១០០ភាគរយ នាសម័យប្រឡងថ្ងៃទី១៤ ខែកក្កដា កន្លងទៅថ្មីៗនេះ។ លោក ប៉ិច វិបុល ជានាយកសាលាខាងលើបានរៀបរាប់ឲ្យដឹងថា វិទ្យាល័យចំណេះទូទៅសន្តហ្វ្រង់ស្វ័រ ជាសាលាកាតូលិកមួយក្នុងស្រុកត្រាំកក់ ខេត្តតាកែវ ស្ថិតក្រោមឧបត្ថមត្តមទាំងស្រុងពីព្រះសហគមន៍កាតូលិក ដែលមានលោកអភិបាលព្រះសហគមន៍កាតូលិកភូមិភាគភ្នំពេញ អូលីវីយ៉េ ជ្មីតហស្លេ ជាស្ថាបនិក។ លោកបន្តថា ឆ្នាំសិក្សា២០២៤-២០២៥ មានបេក្ខជនចំនួន៤៣នាក់ ដែលក្នុងនោះមានស្រី២៨នាក់ ចូលរួមប្រឡងសញ្ញាប័ត្រមធ្យមសិក្សាបឋមភូមិទទួលបានលទ្ធល្អជាទីគ្រាប់ចិត្ត។ កម្រិតនិន្ទេសដែលបេក្ខជនរបស់យើងទទួលបាន គឺគ្មានកម្រិតមធ្យមទេ មានតែល្អ និងល្អបង្គួរ។ លោកនាយកសាលារូបនេះបន្តទៀតថា សាលាបានរៀបចំផែនការបង្រៀនដោយច្បាស់លាស់ពីសំណាក់លោកគ្រូអ្នកគ្រូ និងចំពោះម៉ោងសិក្សាក្នុងថ្នាក់ ក៏ដូចជាវិន័យផ្ទៃក្នុងផ្សេងៗ។ ហើយថ្នាក់ដឹកនាំក៏បានតាមដានយ៉ាងយកចិត្តទុកដាក់ចំពោះលទ្ធផលសិក្សាររបស់សិស្សានុសិស្សជាប្រចាំ ក៏ដូចជាតម្រូវឲ្យមានម៉ោងសិក្សារបន្ថែមសម្រាប់សិស្សខ្សោយ។ លោកបន្ថែមថា ក្នុងនោះដែរលោកគ្រូអ្នកគ្រូបានយកចិត្តទុកជាខ្លាំងចំពោះការសិក្សាក្នុងសាលា ក៏ដូចជាបានដាក់លំហាត់ស្រាវជ្រាវឲ្យអនុវត្តជាប្រចាំនៅផ្ទះដើម្បីពង្រឹងសមត្ថភាពសិស្ស។ លោកថា តាំងពីឆ្នាំ២០១១-២០២៥ ការប្រឡងមធ្យមសិក្សាបឋមភូមិរបស់សិស្សគឺជាប់រយភាគរយ។ វិទ្យាល័យចំណេះទូទៅសន្តហ្វ្រង់ស្វ័របង្កើតឡើងក្នុងឆ្នាំ២០០៣ ក្នុងគោលដៅប្រកាសដំណឹងល្អ ក៏ដូចជាផ្តល់ឱកាសឲ្យកូនៗកសិករក្រីក្រទទួលបានកាសិក្សាអប់រំ ដោយមានទាំងក្រមសីលធម៌ សុជីវធម៌ និងជាមនុស្សល្អនៅក្នុងសង្គម ហើយសាលានេះ ត្រូវបានទទួលស្គាល់ដោយក្រសួងអប់រំ យុវជន និងកីឡា ដែលមានពីថ្នាក់ទី៧ដល់ទី១២។ ជាមួយគ្នានេះ

ភ្នំពេញ៖ ថ្ងៃទី ២៨ ខែមិថុនា ឆ្នាំ ២០២៥ — ព្រះសហគមន៍កាតូលិកនៅកម្ពុជាកំពុងទទួលដំណឹងដ៏រីករាយ និងជាប្រវត្តិសាស្ត្រមួយទៀត គឺសម្តេចប៉ាប លេអូ ទី ១៤ បានតែងតាំង លោកអភិបាល សិលា សួន ហង្សលី ជាអភិបាលឧបត្ថម្ភកៈព្រះសហគមន៍កាតូលិកភូមិភាគភ្នំពេញ។ ព្រឹត្តិការណ៍ដ៏សំខាន់នេះកើតឡើង ៥០ ឆ្នាំ បន្ទាប់ពីការតែងតាំងអភិបាលខ្មែរដំបូងបង្អស់ គឺ លោកអភិបាល យ៉ូសែប ឆ្មារ សាឡាស់ កាលពីថ្ងៃទី ៦ ខែមេសា ឆ្នាំ ១៩៧៥។ កេរដំណែលអភិបាលខ្មែរដំបូង និងការរស់ឡើងវិញរបស់ព្រះសហគមន៍ នៅខែមេសា ឆ្នាំ ១៩៧៥ លោកអភិបាល យ៉ូសែប ឆ្មារ សាឡាស់ ត្រូវបានតែងតាំងជាអភិបាលខ្មែរដំបូងបង្អស់ក្នុងប្រវត្តិសាស្ត្រដ៏យូរលង់របស់ព្រះសហគមន៍កាតូលិកនៅកម្ពុជា។ ទោះជាយ៉ាងណា ការតែងតាំងនេះស្របពេលដែលប្រទេសកម្ពុជាបានធ្លាក់ចូលទៅក្នុងរបបខ្មែរក្រហមដ៏ខ្មៅងងឹតបំផុត។ លោកអភិបាល យ៉ូសែប ឆ្មារ សាឡាស់ ក៏បានក្លាយជាជនរងគ្រោះម្នាក់ក្នុងរបបប្រល័យពូជសាសន៍ប៉ុលពត។ លោកបានទទួលមរណភាពនៅឆ្នាំ ១៩៧៧។ បន្ទាប់ពីរបបខ្មែរក្រហមដួលរលំ និងសង្គ្រាមស៊ីវិលបានធូរស្បើយ ព្រះសហគមន៍កាតូលិកបានរស់ឡើងវិញជាបណ្តើរៗ។

រាជធានីភ្នំពេញ៖  ថ្ងៃទី២៥ ខែមិថុនា ឆ្នាំ២០២៥ – លោកអភិបាល អូលីវីយ៉េ អភិបាលព្រះសហគមន៍កាតូលិកកម្ពុជាភូមិភាគភ្នំពេញ  ព្រមទាំងជាស្ថាបនិក និងជាប្រធានក្រុមប្រឹក្សាភិបាល វិទ្យាស្ថានសន្តប៉ូល​(Saint Paul Institute – SPI) បានជួបប្រជុំការងារជាមួយឯកឧត្តមបណ្ឌិត ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ (MPTC) ដើម្បីពិភាក្សាអំពីការពង្រឹងទំនាក់ទំនង និងពង្រីកកិច្ចសហប្រតិបត្តិការលើវិស័យសំខាន់ៗមួយចំនួន នៅទីស្តីការក្រសួង។ ក្នុងជំនួបដ៏មានអត្ថន័យនេះ ចំណុចសំខាន់ៗចំនួនបីត្រូវបានលើកយកមកពិភាក្សា៖ ទី១ លោកអភិបាល អូលីវីយ៉េ បានថ្លែងអំណរគុណ និងបង្ហាញសេចក្តីដឹងគុណយ៉ាងជ្រាលជ្រៅចំពោះក្រសួងប្រៃសណីយ៍ និងទូរគមនាគមន៍ ចំពោះការស្ថាបនាផ្លូវបេតុងប្រវែង ១ គីឡូម៉ែត្រ ទល់មុខវិទ្យាស្ថានសន្តប៉ូល។ ការស្ថាបនាផ្លូវនេះ ត្រូវបានគេមើលឃើញថា បានរួមចំណែកយ៉ាងធំធេងដល់ការសម្រួលការធ្វើដំណើរ និងលើកកម្ពស់ហេដ្ឋារចនាសម្ព័ន្ធក្នុងតំបន់។ ទី២ លោកអភិបាល អូលីវីយ៉េ ក៏បានធ្វើបទបង្ហាញ និងណែនាំអំពីបេសកកម្មរបស់ព្រះសហគមន៍កាតូលិកនៅស្រុកត្រាំកក់ ខេត្តតាកែវ។ បេសកកម្មនេះ គ្របដណ្តប់លើវិស័យចម្រុះជាច្រើន រួមមាន៖ វិស័យអប់រំ ការអភិវឌ្ឍន៍សង្គម មជ្ឈមណ្ឌលសិប្បកម្ម វិស័យសិល្បៈ និងកិច្ចសន្ទនាអន្តរសាសនា។ ការបង្ហាញនេះ

ភ្នំពេញ – លោកអភិបាល អូលីវីយ៉េ អភិបាលព្រះសហគមន៍កាតូលិកកម្ពុជាភូមិភាគភ្នំពេញ បានជំរុញយ៉ាងទទូចដល់គ្រីស្តបរិស័ទទាំងអស់ឲ្យដើរតួនាទីយ៉ាងសកម្មជា “ស្ពាននៃភាតរភាព” និងជា “ទូតនៃសុខសន្តិភាព” នៅក្នុងសង្គម។ ការអំពាវនាវនេះបានធ្វើឡើងក្នុងឱកាសថ្ងៃបុណ្យគោរពព្រះកាយព្រះគ្រីស្ទ កាលពីថ្ងៃទី២២ ខែមិថុនា ឆ្នាំ២០២៥ នៅព្រះសហគមន៍ព្រះកុមារយេស៊ូ បឹងទំពុន។ លោកអភិបាលបានមានប្រសាសន៍ថា ព្រះជាម្ចាស់ត្រូវការមនុស្សនៅលើផែនដីនេះ ដើម្បីកសាងស្ពាននៃភាតរភាព និងជាទូតនៃសុខសន្តិភាព។ លោកអភិបាល អូលីវីយ៉េ បានពន្យល់ថា ការធ្វើជាស្ពាននៃភាតរភាព គឺថាយើងទាំងអស់គ្នាជាបងប្អូន។ លោកបានសង្កត់ធ្ងន់ថា យើងមិនត្រូវការជីកដីដើម្បីធ្វើត្រង់សេ យើងមិនចាំបាច់រៀបចំព្រំដែន ឬបិទទ្វារដាក់គ្នាទៅវិញទៅមកនោះទេ។ ផ្ទុយទៅវិញ យើងត្រូវរកវិធីដើម្បីនឹកឃើញថាយើងជាបងប្អូន ដោយមិនប្រកាន់សញ្ជាតិ ឬប្រភពដើម។ លោកអភិបាលបានបន្ថែមថា៖ «យើងដឹងថា យើងជាប្រជារាស្រ្តរបស់ព្រះជាម្ចាស់ យើងជាមនុស្សដែលរស់នៅលើផែនដីនេះ យើងមានព្រះបិតាតែមួយ ដែលស្រឡាញ់យើង ដែលបានបង្កើតយើងឲ្យរស់នៅជាក្រុមគ្រួសារ»។ លោកបានលើកឡើងថា បេសកកម្ម និងតួនាទីរបស់គ្រីស្តបរិស័ទ គឺត្រូវបង្កើតភាតរភាពនៅកន្លែងដែលខ្លួនរស់នៅ។ លោកបានរិះគន់ចំពោះទង្វើនិយាយដើម បង្កើតរឿង ឬស្អប់គ្នាទៅវិញទៅមក ដែលមិនបានជួយអ្វីឡើយ។ លោកអភិបាលបានសង្កត់ធ្ងន់ថា ទោះបីជាមានការមើលងាយ ការនិយាយដើម ឬការចង់ធ្វើបាបក៏ដោយ ក៏ត្រូវប្រកាន់ខ្ជាប់នូវព្រះបន្ទូលរបស់ព្រះយេស៊ូដែលថា៖ «ស្រឡាញ់ និងស្រឡាញ់ទៀត

ក្នុង​ពិធីប្រសិទ្ធិពរលើតុសក្ការៈថ្មី និងអរព្រះគុណព្រះជាម្ចាស់ខួប ៦០ ឆ្នាំរបស់ព្រះសហគមន៍សន្តមីកាអែល នៅក្រុងព្រះសីហនុ លោកអភិបាល​អូលីវីយ៉េ ជ្មីតហស្លេ អភិបាល​ព្រះសហគមន៍​កាតូលិក​ភូមិភាគ​ភ្នំពេញ​ ជំរុញ​ឲ្យ​គ្រីស្តបរិស័ទ​យកគំរូ​តាម​អ្នក​មាន​សុភមង្គល​កាឡូស​អាគូទីស ដែល​អធិធាតុរបស់​គាត់​ត្រូវ​បាន​បញ្ចុះ​ក្នុង​តុអាសនៈថ្មី​នាថ្ងៃទី៧ ខែមិថុនា ឆ្នាំ២០២៥នេះ។ លោកអភិបាល​អូលីវីយ៉េ បញ្ជាក់ថា គ្រប់​ពេល​វេលា​ដែលយើង​ចូល​ក្នុងអភិបូជា​ យើងត្រូវ​នឹកឃើញ​អំពីជីវិត​របស់​យើង​ដែល​ទទួល​កម្លាំង​និង​ព្រះពរ​ពី​ព្រះកាយព្រះគ្រីស្ត ដែល​ជា​កំពូលនិង​ជា​ប្រភព​នៃ​ជីវិត​របស់​យើង​។ លោក​អភិបាល​បាន​និយាយ​ពី​ កាឡូស​អាគូសទីស ជា​យុវជន​ម្នាក់​ដែលកើត​​ក្នុង​ឆ្នាំ​១៩៩១ ហើយ​បាន​ស្លាប់​នៅ​ក្នុង​ឆ្នាំ​២០០៦ មាន​គុណធម៌​ចំនួន​៥​ដែល​យើង​ជា​គ្រីស្ត​បរិស័ទត្រូវ​អនុវត្ត​តាម។ ​ទី១ លោក​ថា រៀងរាល់ថ្ងៃ​ កាឡូស​ទទួល​ព្រះកាយព្រះគ្រីស្តនិង​នៅក្បែ​ព្រះអង្គ​ដោយ​នមស្កា​ព្រះកាយព្រះគ្រីស្ត​ក្នុង​ពេល​អភិបូជា។ «គាត់តែ​ងនិយាយថា​ ព្រះកាយព្រះគ្រីស្ត​ប្រៀបដូចជា​ផ្លូវល្បឿនលឿន​ដើម្បី​ចូល​ស្ថាន​បរមសុខ» លោកអភិបាល​បញ្ជាក់។ មាន​ប្រសាសន៍ទៅកាន់​គ្រីស្តបរិស័ទ​ជាច្រើន​កុះករ លោកអភិបាល​បន្តថា ទោះ​បី​ជាកាឡូស កើត​​ជំងឺ​មហារីកឈាម គាត់​នៅតែ​មាន​អំណរសប្បាយ​ ដោយ​និយាយថា «ជារៀងរាល់ថ្ងៃ​ខ្ញុំជាប់ជាមួយព្រះយេស៊ូ» ដែល​នេះ​ជា​ចំណុច​មួយទៀត​ដែលគ្រីស្តបរិស័ទ​​រៀន​ពី​យុវជន​រូបនេះ។ លោកគង្វាល​ព្រះសហគមន៍​បន្ថែម​ថា ក្នុងសម័យ​អ៊ីនធឺណេត ឲ្យ​គ្រីស្តបរិស័​ទ​ត្រូវ​ប្រើ​វា​ដើម្បី​ប្រកាសដំណឹងល្អ ដូច​កាឡូស​ដែរ។ លោក​អភិបាល​បញ្ជាក់ «គាត់​មិន​ប្រើ​វា​ដើម្បី​សប្បាយៗ លេង​ហ្គេម ទៅណាទីណីទេ។ គាត់​បាន​យក​អ៊ីនធឺណេត ដើម្បី​ផ្សព្វ​ផ្សាយ​ដំណឹងល្អ​អំពីការអស្ចារ្យ​​នៃព្រះកាយព្រះគ្រីស្ត» ហើយ​ការស្រាវជ្រាវនេះ បាន​នាំ​ឲ្យ​យុវជន​ជាច្រើនទទួល​ព្រះយេស៊ូគ្រីស្ត​ជា​អម្ចាស់​។ ទី២ យុវជន​នេះ​ណែនាំ​ឲ្យយើង​យល់ថា ជីវិត​ជា​សន្ត​បុគ្គល​គឺ​សម្រាប់​មនុស្ស​ទាំងអស់​។ លោកអភិបាល​បញ្ជាក់ «ទោះ​បី​យើង​ជា​កូនក្មេង ជា​យុវជនក៏ដោយ