លោកអភិបាលជំរុញឲ្យការិយាល័យក្នុងភូមិភាគភ្នំពេញ រិះគិតអំពីសកម្មភាពការងារ
ព្រះសហគមន៍កាតូលិកភូមិភាគភ្នំពេញ ប្រារព្ធពិធីបុណ្យព្រះយេស៊ូប្រសូតសម្រាប់បុគ្គលិកការិយាល័យនានាក្នុងព្រះសហគមន៍ភូមិភាគភ្នំពេញ ដែលដឹកនាំដោយលោកអភិបាលព្រះសហគមន៍ អូលីវីយ៉េ ជ្មីតហស្លេរ នារសៀលថ្ងៃទី ១៧ ធ្នូ ២០២១ នៅព្រះវិហារសន្តសិលា និងសន្តប៉ូល ភ្នំពេញថ្មី រាជធានីភ្នំពេញ។ លោកអភិបាលជំរុញឲ្យបុគ្គលិកការិយាល័យក្នុងភូមិភាគភ្នំពេញទាំងអស់ យកចិត្តទុកដាក់រិះគិតអំពី ទំនាក់ទំនងជាមួយបូជាចារ្យទទួលខុសត្រូវមណ្ឌលសកម្មភាពនីមួយៗ។ លោកក៏បានជំរុញឲ្យរៀបចំវាយតម្លៃអំពីឥទ្ធិពលនៃការងាររបស់ស្ថាបននីមួយៗដើម្បីអាចរៀបចំផែនការទៅមុខ។ និងស្នើសុំឲ្យប្រធានការិយាល័យរៀបចំរបាយការណ៍ប្រចាំខែផ្ញើជូនទៅលោកដោយផ្ទាល់។ ក្នុងនោះដែរ លោកអភិបាល រំលឹកឲ្យមានកិច្ចប្រជុំប្រចាំខែ និងលើកទឹកចិត្តក្រុមការងារ ដើម្បីទទួលបានលទ្ធផលការងារប្រសើរឡើង។ រៀបចំគណនេយ្យច្បាស់លាស់ តាមម្រោងការណ៍និងបញ្ជូនទៅកាន់ការិយាល័យរបស់លោកដើម្បីត្រួតពិនិត្យជារៀងរាល់មួយឆមាសម្តង។ មានសៀវភៅតាមដានវត្តមានបុគ្គលិក និងវាយតម្លៃការងារប្រចាំថ្ងៃរបស់បុគ្គលិក មានកិច្ចសន្យាការងារច្បាស់លាស់។ លោកអភិបាលក៏ជំរុញឲ្យអង្គភាពនីមួយៗ ចូលរួមឲ្យសកម្មក្នុងកិច្ចការរបស់ព្រះសហគមន៍ក្នុងភូមិភាគភ្នំពេញ។ និងរៀបំពេលវេលាដើម្បីធ្វើពិធីសំណាក់ធម៌ អធិដ្ឋាន ការិះគិតជាក្រុមជាមួយគ្នា។ ជាមួយគ្នានេះដែរ លោកក៏ជំរុញបន្ថែមឲ្យមានវគ្គបំប៉នលើជំនាញការងាររបស់បុគ្គលិកតាមផ្នែកនីមួយៗ ហើយថែរក្សាអគ្គទស្សនៈ ដោយយកចិត្តទុកដាក់យ៉ាងខ្លាំង អំពីសកម្មភាពការងារនិងការចូលរួម។ ក្រៅពីចំណុចខាងលើ លោកអភិបាលក៏បានណែនាំ ឱ្យរិះគិតអំពីវប្បធម៌យកចិត្តទុកដាក់ និងបរិយាបន្នផងដែរ ដោយត្រូវស្វាគមន៍មនុស្សទាំងអស់ ដោយឲ្យយើងទាំងអស់គ្នាមានវត្តមាន ក្នុងព្រះសហគមន៍ ឲ្យព្រះសហគន៍ចូលនៅក្នុងសង្គម និងឲ្យសង្គមចូលក្នុងពិភពលោក។ យើងស្វាគមន៍គេ និងឲ្យយើងធ្វើដំណើរជាមួយគ្នា ដោយនឹកឃើញគ្រប់ពេលវេលាព្រះជាម្ចាស់បង្កើតមនុស្សដែលមានលក្ខណៈដូចព្រះអង្គ។ លោកអភិបាលក៏បានលើកយកគោលលទ្ធិគ្រីស្តសាសនាក្នុងសង្គមមកពន្យល់ ដើម្បីបង្ហាញពីការចូលរួមរបស់ព្រះសហគមន៍នៅក្នុងសង្គម ដោយគិតអំពីផលប្រយោជន៍រួម ដោយមិនគិតតែគ្នាឯង។ ហើយត្រូវគិតអំពីគោលការជំនួស […]
លោកអភិបាលជំរុញឲ្យការិយាល័យក្នុងភូមិភាគភ្នំពេញ រិះគិតអំពីសកម្មភាពការងារ Read More »
