ពត៌មាន

នាថ្ងៃទី២៤ ខែមករា ឆ្នាំ២០២១ នៅព្រះសហគមន៍ព្រះត្រៃឯកគិរីវង់ ក្នុងមណ្ឌលសកម្មភាពតាកែវ ភូមិភាគភ្នំពេញ យុវជននិង​យុវតី​​ចំនួន២១រូប បានសុំចូលព្រះសហគមន៍ ជាជំហានដំបូងមុននឹងក្លាយជាគ្រីស្តបរិស័ទ។ ពិធីនេះមានការអញ្ជើញចូលរួមពីតំណាងគ្រីស្តបរិស័ទក្នុងមណ្ឌលសកម្មភាពតាកែវ បងប្រុសបងស្រី និងបងប្អូនគ្រីស្តបរិស័ទជាច្រើននាក់ ដោយមានលោកអភិបាល អូលីវីយ៉េ ជាអធិបតី។ នៅក្នុងកម្មវិធីនោះផងដែរ លោកអភិបាល អូលីវីយ៉េ អភិបាលព្រះសហគមន៍កាតូលិកភូមិភាគភ្នំពេញ បានលើកឡើងថា ថ្ងៃនេះជាថ្ងៃពិសេសសម្រាប់ព្រះសហគមន៍គិរីវង់ ដែលបានអញ្ជើ​ញគ្រប់ព្រះសហគមន៍នៅក្នុងមណ្ឌលសកម្មភាពតាកែវ ដើម្បីចូលរួមអធិដ្ឋានអបអរសាទរយុវជនយុវនារី២១នាក់ ដែលយើងបានស្វាគមន៍ជាផ្លូវការនិងយ៉ាងឱឡារិកនៅក្នុងព្រះសហគមន៍យើង។ លោកអភិបាលបានមានប្រសាសន៍ថា ៖ «តាមពិតប្អូនៗមួយចំនួនជាកូនកាយរឹទ្ធិរបស់យើងយូរឆ្នាំមកហើយ ដូច្នេះដល់ពេលវេលាធ្វើពិធីមួយដើម្បីស្វាគមន៍ពួកគាត់»។ លោកថា ជំហានទីមួយ ជាទូទៅសម្រាប់យុវជន ចាំរហូតដល់គាត់មានអាយុ១៨ ឬ១៩ឆ្នាំ ប៉ុន្តែសម្រាប់កូនក្មេងបើចាំយូរពេកគេក៏ចង់មានសញ្ញាមួយដែរ។ថ្ងៃនេះពួកគេបានទទួលព្រះ​ពរពីព្រះជាម្ចាស់ ថ្ងៃនេះគេបានទទួលមេដៃសន្តីតេរេសា ថ្ងៃនេះគេបានទទួលគម្ពីរដំណឹងល្អដើម្បីទៅជាព្រះបន្ទូលចិញ្ចឹមជីវិតរបស់គេចាប់ពីពេលនេះតទៅ។ លោកបូជាចារ្យ ហ្វេសរ៉ាណាន់ដូ ដែលជាបូជាចារ្យទទួលខុសត្រូវព្រះសហគមន៍ក្នុងមណ្ឌលសកម្មភាពតាកែវ ក៏បានថ្លែងផងដែរ ថាសម្រាប់ប្អូនៗដែលបានសុំចូលព្រះសហគមន៍ថ្ងៃនេះ ពួកគាត់ខ្លះបានទទួលការ​អប់រំជំនឿអស់រយៈពេលពីរឆ្នាំ ខ្លះទៀត៣ឆ្នាំហើយ។ លោកបូជាចារបាន​មានប្រសាសន៍ថា ៖ «ដូច្នេះ ព្រះសហគមន៍ក៏បានសម្រេចចិត្តឲ្យបេក្ខជនទាំងនោះចូលនៅក្នុងព្រះសហគមន៍ជាផ្លូវការ ដើម្បីបញ្ជាក់ថា គាត់ចូលកាន់តែជិតស្និទ្ធរួមជា​មួយគ្រីស្តបរិស័ទនៅក្នុងព្រះសហគមន៍ និងបញ្ជាក់ថា ចាប់ពីពេលនេះតទៅបងប្អូនចាប់ផ្តើម​មើលឃើញផ្លូវនិងមាគ៌ារបស់ព្រះជាម្ចាស់កាន់តែច្បាស់ឡើង»។ លោកបន្តទៀតថា ពួកគាត់កំពុងតែតម្រែតម្រង់ចិត្តគំនិតឆ្ពោះទៅព្រះជាម្ចាស់ ដើម្បីក្លាយទៅជាគ្រីស្តបរិស័ទនៅពេលខាងមុខ។ លោកបូជាចារ្យ …

យុវជនយុវនារី២១នាក់ ត្រូវបានស្វាគមន៍ជាផ្លូវការ ក្នុងសញ្ញាដំបូងមុនក្លាយជាគ្រីស្តបរិស័ទ Read More »

កុមារ៤រូបទទួលអគ្គសញ្ញាជ្រមុជទឹក និងកុមារ៤រូបផ្សេងទៀតទទួលព្រះកាយព្រះគ្រីស្តលើកដំបូង ក្រោមអធិបតីភាព លោកអូលីវីយ៉េ ជ្មិតហស្លេរ អភិបាលព្រះសហគមន៍កាតូលិកភូមិភាគភ្នំពេញ រួមនិងលោកបូជាចារ្យទទួលខុសត្រូវ ធ្វើនៅព្រះវិហារសន្តីម៉ារីញញឹមចំការទៀង នាព្រឹកថ្ងៃទី១០ មករា ២០២០ ដែលត្រូវនឹងថ្ងៃ បុណ្យរំឭកដល់ព្រះយេស៊ូទទួលពិធីជ្រមុជទឹកនៅទន្លេយ័រដាន់។ ក្នុងឱកាសនោះលោកអភិបាលអូលីវីយ៉េ បានជម្រុញឲ្យឪពុកម្ដាយ និងព្រះសហគមន៍យកចិត្តទុកដាក់អប់រំនិងណែនាំកូនៗរបស់ខ្លួនជារៀងរាល់ថ្ងៃ ដើម្បីឱ្យពួកគេស្គាល់ព្រះយេស៊ូ ដូចព្រះនាងម៉ារី និងលោកយ៉ូសែប ដែលបានធ្វើដំណើរបន្តិចម្ដងៗជាមួយព្រះយេស៊ូ ដើម្បីស្គាល់ព្រះជាម្ចាស់។ ពិធីជ្រមុជទឹក គឺបេក្ខជនទទួលជីវិតថ្មីនៅក្នុងព្រះនាម ព្រះបិតា ព្រះបុត្រា និងព្រះវិញ្ញាណដ៏វិសុទ្ធ។ នៅក្នុងព្រះវិញ្ញាណដ៏វិសុទ្ធ បេក្ខជនទទួលអត្តសញ្ញាណថ្មី គឺសេចក្ដីពិតដោយភ្ជាប់ជាមួយព្រះជាម្ចាស់អស់មួយជីវិត។ នេះបើតាមការបញ្ជាក់របស់លោកអភិបាល។ លោកបានក្រើនរំឭកដល់គ្រីស្តបរិស័ទឲ្យយកចិត្តទុកដាក់ស្រឡាញ់ព្រះជាម្ចាស់ អនុវត្តតាមក្រឹត្យវិន័យរបស់ព្រះជាម្ចាស់ និងថែរក្សាសេចក្ដីស្រឡាញ់ដែលទទួលបានពី ព្រះជាម្ចាស់។ ក្រោយពីបញ្ចប់ធម្មទេសនា ព្រះសហគមន៍ប្រកាសហៅក្រុមគ្រួសារនាំកុមារដែល នឹងទទួលអគ្គសញ្ញាជ្រមុជទឹក ដើម្បីសួរបញ្ជាក់ពីជំនឿឡើងវិញ។ បន្ទាប់ពីកុមារទាំងនោះបានទទួលអគ្គសញ្ញាជ្រមុជទឹក លោកអភិបាលបានលាបប្រេងគ្រីស្មា ដើម្បីផ្ដល់កម្លាំង នៃជំនឿដល់កុមារទាំងនោះ ហើយព្រះសហគមន៍បានបំពាក់កន្សែងសដល់កុមារ ដែលជានិមិត្តរូបបំពាក់ព្រះយេស៊ូនៅក្នុងជីវិតរបស់គ្រីស្តបរិស័ទថ្មីនេះអស់មួយជីវិត និងប្រគល់ទៀន ដែលកំពុងឆេះតំណាងឱ្យព្រះពន្លឺរបស់ព្រះយេស៊ូ ដើម្បីបំភ្លឺដំណើរជីវិតរបស់ពួកគេ។ រីឯកុមារ៤រូបផ្សេងទៀតដែលបានទទួលព្រះកាយព្រះគ្រីស្តលើកដំបូង គឺជាកុមារដែលបានទទួលអគ្គសញ្ញាជ្រមុជទឹកតាំងពីតូច តាមជំនឿរបស់ឪពុកម្ដាយ។ ជាទូទៅកុមារគ្រីស្តបរិស័ទអាចទទួលអគ្គសញ្ញានេះបាន នៅអាយុ៧ឆ្នាំឡើងទៅ។ បន្ទាប់ពីពិធីទាំងពីនេះបញ្ចប់ លោកអភិបាល លោកបូជាចារ្យ …

កុមារ៨នាក់ទទួលអគ្គសញ្ញាជ្រមុជទឹក និងអគ្គសញ្ញាព្រះកាយព្រះគ្រីស្ត Read More »

ព្រះសហគមន៍ភូមិភាគភ្នំពេញ ប្រារព្ធពិធីបុណ្យព្រះយេស៊ូសម្ដែងព្រះអង្គ ដែលជាប្រពៃណីរបស់ព្រះសហគមន៍កាតូលិកបន្ទាប់ពីបុណ្យព្រះយេស៊ូប្រសូត្រ នៅព្រះវិហារព្រះកុមារយេស៊ូបឹងទំពុន ដោយបន្តអនុវត្តតាមការណែនាំរបស់ក្រសួងសុខាភិបាល នាព្រឹកថ្ងៃទី ៣ មករា ២០២០ ក្រមុំធិបតីភាពអភិបាលព្រះសហគមន៍ភូមិភាគភ្នំពេញ អូលីវីយ៉េ ជ្មីតអ៊ីស្ល៊ែរ។ នៅក្នុងឱកាសនេះដែរ លោកអភិបាលបានមានប្រសាសន៍នៅក្នុងធម្មទេសនាទៅកាន់គ្រីស្តបរិស័ទទាំងអស់ ឱ្យយកចិត្តទុកដាក់អំពីទំនាក់ទំនងតាមរបៀបថ្មី។ លោកក៏បានរំឭកផងដែរថា សព្វថ្ងៃយើងមានអ៊ីនធឺណែតរហូតដល់ ៥G យើងអាចចែករំលែកច្រើនជាមួយមនុស្សរហូតដល់រាប់ម៉ឺននាក់ គឺទៅដល់មនុស្សដែលយើងមិនស្គាល់ មិនមានទំនាក់ទំនងផ្ទាល់។ ប៉ុន្តែព្រះយេស៊ូប្រសូតតាមរបៀបស្ងៀមស្ងាត់ តែព្រះជាម្ចាស់យាងមកផ្ទាល់ មានទំនាក់ទំនងផ្ទាល់ជាមួយមនុស្សយើង ដែលនាំឱ្យយើងអាចមើលឃើញកាន់តែជ្រៅនៅក្នុងជីវិតនៃសេចក្ដីសង្ឃឹម។ លោកបន្ថែមថារបៀបដែលព្រះជាម្ចាស់ផ្សព្វផ្សាយជារបៀបស្ងៀមស្ងាត់តាំងពី២០០០ឆ្នាំមុនមានឥទ្ធិពលមកដល់បច្ចុប្បន្ននិងដល់ថ្ងៃអនាគត ហើយអ្វីដែលមនុស្សយើងផ្សព្វផ្សាយនឹងមិនមានឥទ្ធិពលដូចព្រះជាម្ចាស់ដែលមានទំនាក់ទំនងផ្ទាល់ជាមួយមនុស្សលោកដែរ។ លោកអភិបាលព្រះសហគមន៍ភូមិភាគភ្នំពេញ ទទូចស្នើឱ្យគ្រីស្តបរិស័ទកុំភ្លេចអំពីបេសកកម្មរបស់យើងដែលជាគ្រីស្តបរិស័ទគឺប្រកាសដំណឹងល្អដល់មនុស្សទាំងអស់ ឱ្យមានសិទ្ធិទទួលមរតកដែលជាបុត្រធីតារបស់ព្រះជាម្ចាស់។ ពិសេសជាងនេះទៅទៀតគឺ សូមឱ្យយើងបង្ហាញពីភាពជិតស្និទ្ធរវាងគ្នានិងគ្នាតាមរបៀបផ្លូវវិញ្ញាណដោយយកចិត្តទុកដាក់ចំពោះគ្នាទាំងការអធិដ្ឋាននិងទាំងការរស់នៅក្នុងជីវិតប្រចាំថ្ងៃ ព្រមទាំងរិះគិតអំពីទំនាក់ទំនងតាមរបៀបថ្មីនៅក្នុងបរិបទសង្គមបច្ចុប្បន្ន។ ក្រៅពីទំនាក់ទំនងតាមរបៀបថ្មី លោកអូលីវីយ៉េជូនពរដល់គ្រីស្តបរិស័ទទាំងអស់នៅក្នុងឱកាសឆ្នាំ ២០២១ ថ្ងៃ នេះ ឱ្យពោរពេញទៅដោយ៖ ១) ព្រះ ពរ ដ៏ពេញលក្ខណៈពីព្រះជាម្ចាស់ សម្រាប់ ផ្ទាល់ ខ្លួន និងសម្រាប់ក្រុមគ្រួសារ។ ២) ស្ដាប់ និង យកចិត្តទុកដាក់ ព្រះ បន្ទូល របស់ ព្រះ …

“លោកអភិបាលអូលីវីយ៉េ ដាស់តឿនគ្រីស្តបរិស័ទឱ្យយកចិត្តទុកដាក់លើទំនាក់ទំនងផ្ទាល់” Read More »

ព្រះ​សហគមន៍​កាតូលិក​ភូមិ​ភាគ​ភ្នំពេញ ប្រាព្ធ​ពិធី​បុណ្យ​អប​អរ​សាទរ​រាត្រី​បុណ្យ​ព្រះ​យេស៊ូ​ប្រសូត​ ​តាម​រយៈ​បណ្ដាញ​សង្គម ដើម្បី​ចូល​រួម​ការពារ​ការរីករាល​ដាលជំងឺ​កូវីដ​១៩ ដែល​បាន​ណែនាំ​ដោយ​ក្រសួង​សុខាភិបាល​។ ពិធី​បុណ្យ​នេះ ត្រូវ​បាន​​​​​ផ្សាយ​ផ្ទាល់ចេញ​ពី​ព្រះ​វិហារ​សន្តី​ម៉ារីញញឹម​(ចំការ​ទៀង​) ដោយគេហទំព័រ​ផ្លូវការណ៍​​នៃការិយាល័យ​ផ្សព្វផ្សាយ​ព្រះសហគមន៍​កាតូលិក នា​រាត្រី​ថ្ងៃ​ទៅ​២៤ ធ្នូ ២០២០ ក្រោម​អធិបតី អភិបាលព្រះសហគមន៍​កាតូលិក អូលីវីយ៉េ ជ្មីត​ហស្ល៊ែរ។ លោក​អភិបាល​អូលីវី​យេ មាន​ប្រសាសន៍ជូន​ពរ​ដល់​គ្រីស្ត​បរិស័ទ និង​អស់​លោក​ដេល​មាន​បន្ទុក​ដឹកនាំ​ព្រះសហគមន៍​ទាំងអស់​​​នៅ​ក្នុង​ឱកាស​រាត្រី​ដ៏​សុខសាន្ត​នេះ សូម​មាន​សេចក្ដី​ស្រឡាញ់ សេចក្ដី​សង្ឃឹម​ ដោយសារ​ព្រះសង្គ្រោះ​ប្រសូត។ លោក​ថា នៅ​ក្នុង​ឆ្នាំ​២០២០​នេះ ជា​ឆ្នាំ​ប្លែក​ មិន​ថា​នៅ​ព្រះសហគមន៍​ប្រទេស​កម្ពុជា​ទេ គឺព្រះសហគមន៍​​នៅ​ទូ​ទាំង​ពិភព​លោកទាំង​មូល បាន​ចូល​នៅក្នុង​ភាព​ងងឹត​ដោយ​សារ​កូវីដ​១៩ និង​រាត្រី​ដ៏​សុខ​សាន្ត​នេះ​ ជារាត្រី​ដែល​យើង​ទទួល​ពន្លឺ ដែល​ជា​សេចក្ដី​សង្ឃឹម​មួយ​យ៉ាង​ប្លែក​។ លោក​អភិបាល​បន្ត​ទៀត​ថា ដោយសារ​កូវីដ​១៩ យើង​តែង​តែ​បិទ​ព្រំ​ដែន បិទ​សកម្មភាព​នានា បិទ​សាលា​​ និង​សព្វថ្ងៃ​​យើង​មិន​អាច​ប្រជុំ​លើស​ពី​២០​នាក់ ដែល​នាំ​ឱ្យ​យើង​ចែក​រំ​លែក​​អំណរ​សប្បាយ​ជាមួយ​បងប្អូន​យ៉ាង​ច្រើន​នៅ​ក្នុង​យប់​ដ៏​សុខ​សាន្ត​នេះ​តាម​រយៈ​ការ​ផ្សាយ​របស់​ការិយាល័យ​ផ្សព្វ​ផ្សាយ​របស់​ព្រះសហគមន៍​កាតូលិក​។​ នៅ​ក្នុងធម្មទេសនា លោក​អភិបាល​ព្រះសហគមន៍​ភូមិភាគ​ភ្នំពេញ​​ ក៏​បាន​លើក​ឡើង​ផង​ដែរ​ថា ​កូវីដ​១៩​នេះ នាំ​ឱ្យ​​យើង​អាច​មើល​ឃើញ​ភាព​ទន់​ខ្សោយ​នៃ​ពិភព​លោក​ នាំ​ឱ្យ​យើង​ឃើញ​ពី​តម្រូវ​ការជាក់​ស្ដែង និង​មាន​ភាតរភាព​រវាង​គ្នានិង​គ្នា។​ លោក​បន្ត​ថា យើង​រស់​នៅ​ក្នុង​ស្ថាន​ភាព​សង្ស័យ​ និង​វិបត្តិ​ដែល​យើង​ជួប​សព្វ​ថ្ងៃ​នេះ​នាំ​ឱ្យ​យើង​រីក​ចម្រើន អាច​ចាក់គ្រឹះ​នៅក្នុង​សេចក្ដី​សង្ឃឹម​ ដោយ​ដឹង​ថា ព្រះជាម្ចាស់​គង់​នៅ​។ ក្នុង​ឱកាស​នេះ​ផង​ដែរ​ លោកអភិ​បាល​ក៏​បាន​ស្នើដល់​បងប្អូន​ទាំង​អស់​ឱ្យ​យក​ចិត្ត​ទុក​ដាក់​ ទោះ​បី​យើង​មិន​អាច​ចែក​រំលែក​អំណរ​សប្បាយ​ និង​សេចក្ដី​សុខដូច​រាល់​ឆ្នាំ​ ប៉ុន្តែ​នៅ​ក្នុង​ចិត្ត​គំនិត​របស់​យើង …

ព្រះសហគមន៍ កាតូលិកភូមិភាគភ្នំពេញ ប្រារព្ធបុណ្យ ព្រះយេស៊ូ ប្រសូតតាមបណ្ដាញសង្គម Read More »

“ប្រសិនបើដំណឹងល្អមិនចូលក្នុងវប្បធម៌ទេ នោះអ្វីៗដែលយើងប្រកាសមិនចូល​ទៅក្នុងចិត្ត​របស់មនុស្សទេ។ ការប្រកាសដំណឹងល្អអាចជោគជ័យលុះត្រាតែ មនុស្សដែលជាសមាជិក​នៅក្នុងសង្គម​ឬសហគមន៍ ទទួលព្រះបន្ទូលរបស់ព្រះជាម្ចាស់នៅក្នុងជីវិត និងណែនាំឱ្យ​ព្រះបន្ទូល​នេះមាន​ផលផ្លែ​នៅក្នុងជីវិតឬបស់ពួកគាត់ដែរ”។ លោកអភិបាល​មានប្រសាសន៍ដូច្នេះ​នៅក្នុងអង្គប្រជុំបូជាចារ្យ​ភូមិភាគភ្នំពេញ នារសៀលថ្ងៃទី១៧ វិច្ឆិកា ២០២០ នៅព្រះវិហារសន្តសិលា និងសន្តប៉ូល នៅភ្នំពេញថ្មី។ លោកអូលីវីយេ បានក្រើនរំឭកអស់លោកបូជាចារ្យ ឱ្យមើលពីរបៀបដែលសម្ដេចប៉ាបប៉ូលទី១៦ សរសេរ​អំពីការប្រកាសដំណឹងល្អ គឺត្រូវប្រកាសដោយគុណធម៌ សីលធម៌ ប្រកាសដោយចូលទៅក្នុងការរស់នៅ គឺចូលទៅក្នុងវប្បធម៌ និងអរិយធម៌តាមតំបន់នីមួយៗ។ លោកអភិបាលបញ្ជាក់ទៀតថា នៅពេលយើងប្រកាសដំណឹងល្អនៅក្នុងវប្បធម៌មួយ ព្រះបន្ទូល​របស់ព្រះជាម្ចាស់បង្ហាញពីអ្វីដែលអស្ចារ្យនៅក្នុងវប្បធម៌នីមួយៗ ដែលអាចទៅជាប្រភពនៃជីវិតថ្មីផង និងជាគំរូសម្រាប់ជីវិតមនុស្សលោកផង ដោយដឹងថាដំណឹងល្អចូលទៅក្នុងសង្គមមនុស្ស។ លោកបន្ថែមថា នៅពេលយើងប្រកាសដំណឹងល្អនៅក្នុងវប្បធម៌មួយ ព្រះបន្ទូលរបស់ព្រះជាម្ចាស់​បង្ហាញ​អំពីភាពអស្ចារ្យ និងសេចក្ដីពិត ព្រមទាំងតម្លៃដែលវប្បធម៌នីមួយៗមាន និងជារបៀបថ្មី​ដែល​ព្រះបន្ទូល​បង្ហាញខ្លួន។ ទាក់ទងទៅនឹងការប្រកាសដំណឹងល្អនៅក្នុងវប្បធម៌នេះដែរ លោកអភិបាលអូលីវីយេ លើកទឹកចិត្តដល់​ក្រុមសាសនទូតទាំងអស់ឱ្យប្រកាសដំណឹងល្អចូលក្នុងវប្បធម៌ខ្មែរ ដោយមិនត្រឹមតែរៀន​ភាសាខ្មែរប៉ុណ្ណឹងទេ ប៉ុន្តែចូលទៅគ្រប់ទំនាក់ទំនង គ្រប់សកម្មភាព ដោយធ្វើដំណើរនៅក្នុងពន្លឺជានិច្ច៕

“ជីវិតរបស់យើងត្រូវត្រៀមជានិច្ចដូចស្រ្តីមានប្រាជ្ញា គឺត្រូវពោរពេញដោយព្រះវិញ្ញាណដ៏វិសុទ្ធ និងព្រះវិញ្ញាណដ៏វិសុទ្ធ ណែនាំយើងឱ្យមានជំនឿ មានសេចក្ដីស្រឡាញ់ ដឹងខុសដឹងត្រូវ ស្គាល់សេចក្ដីពិត មានចិត្តស្លូតបូត ចេះលើកលែងទោស និងគោរពកោតខ្លាចព្រះជាម្ចាស់ជានិច្ច”។ នេះជាប្រសាសន៍ របស់លោក អូលីវីយេ ជ្មីតអីស្ល៊ែរ អភិបាលព្រះសហគមន៍កាតូលិកភូមិភាគភ្នំពេញ បានថ្លែងនៅក្នុង ធម្មទេសនារបស់លោកក្នុងអភិបូជានៅព្រះវិហារសន្តីម៉ារី ម៉ាដាឡា នៃមណ្ឌល សកម្មភាព ភ្នំពេញ ខាង ជើង កាលពីថ្ងៃទី៨ វិច្ឆិកា ២០២០នេះ។ លោកអូលីវីយេបញ្ជាក់ទៀតថា អត្ថបទគម្ពីរណែនាំឱ្យយើងប្រុងស្មារតីនឹងស្ថានភាពបច្ចុប្បន្ន។ តាមពិតជីវិតរបស់យើងត្រូវរៀបចំជានិច្ច។ ក្នុងរដូវកាលកូវីដ១៩នេះ ណែនាំឱ្យយើងភ្ញាក់ស្មារតីផងដែរ ដែលជាហេតុនាំឱ្យយើងប្រុងប្រយ័ត្ន និងយកចិត្តទុកដាក់ធ្វើតាមការណែនាំរបស់ក្រសួងសុខាភិបាល។ លោកបន្តថា យើងជាគ្រីស្តបរិស័ទ យើងត្រូវរៀបចំជីវិតរបស់យើងជានិច្ច ត្រៀមខ្លួនជានិច្ច ដើម្បីស្វាគមន៍ព្រះយេស៊ូដែលចង់ជួបយើងនៅថ្ងៃណាមួយ។ លោកបន្ថែមថា កូវីដ១៩ នាំឱ្យសេដ្ឋកិច្ចធ្លាក់ចុះ ដែលជាពេលវេលាមួយដើម្បីឱ្យយើងភ្ញាក់ស្មារតី ធ្វើដូចម្ដេចដើម្បីអាចចូលរួមយ៉ាងសកម្មនៅក្នុងជីវិតរបស់យើង នៅក្នុងនយោបាយ សេដ្ឋកិច្ច វប្បធម៌ ដើម្បីឱ្យជីវិតរបស់យើងអាចបំភ្លឺបងប្អូនឯទៀតៗ។ ក្នុងពេលនេះដែរ លោកអភិបាលអូលីវីយេ ក៏បានលើកឡើងផងដែរអំពីបន្ទូលរបស់សម្ដេចប៉ាបថា “នៅលើផែនដីនេះ យើងជាបងប្អូន ជាគ្រួសារតែមួយ ជាបុត្រាបុត្រីរបស់ព្រះជាម្ចាស់តែមួយ”។ ក្នុងអត្ថន័យនេះ …

លោកអភិបាល អូលីវីយេ ស្នើឱ្យគ្រីស្តបរិស័ទត្រៀមខ្លួនជានិច្ច Read More »

នាព្រឹកថ្ងៃទី១៥ ខែវិច្ឆិកា​ ឆ្នាំ​២០២០​ ​លោកអភិបាល​ អូលីវីយ៉េ​ ថ្លែង​ក្នុង​ធម្មទេសនា​ដល់គ្រីស្តបរិស័ទនៃព្រះសហគមន៍សន្តយ៉ូសែបផ្សារតូច ក៏ដូចជា​សម្រាប់​គ្រីស្តបរិស័ទ​ទាំងអស់​ថា៖ ព្រះសហគមន៍​បាន​ណែនាំ​ឲ្យយើត្រៀមខ្លួន ដើម្បី​ទទួល​ស្វាគមន៍​ព្រះយេស៊ូ​គ្រីស្ត​ និង​ជា​ពេល​វេលា​មួយ​ ដើម្បី​ឲ្យ​គិត​ យើង​ជា​គ្រីស្តបរិស័ទ​ យើង​ជា​ព្រះសហគមន៍​ យើង​ជា​ប្រជា​រាស្ត្រ​របស់​ព្រះជាម្ចាស់​ យើងជាព្រះកាយព្រះគ្រីស្ត តើ​យើង​មាន​បេសកកម្ម​ និង​មាន​តួនាទី​អ្វី​ខ្លះ​នៅ​ក្នុង​ពិភព​លោក​នេះ? ជាពិសេស​អំឡុង​ពេល​នៃ​ការ​រាតត្បាត​ជំងឺ​កូវីដ​១៩ ជាសញ្ញាដែលណែនាំឲ្យយើងភ័យខ្លាច។តួនាទី​របស់​យើង​ជា​គ្រីស្ត​បរិស័ទ​គឺ​​បង្ហាញ​អំពី​ព្រះរាជ្យរបស់ព្រះជាម្ចាស់​ដែល​កំពុង​យាងមកដោយ៖ – យកចិត្ត​ទុកដាក់​នៅក្នុង​ការ​ងារប្រចាំថ្ងៃរបស់យើងដោយទទួលខុសត្រូវជាន់ខ្ពស់ – មានចិត្តមេត្តាករុណា ដោយ​អនុវត្ត​ព្រះបន្ទូល​របស់​ព្រះយេស៊ូ​ “សូម​អ្នក​រាល់គ្នា​ស្រឡាញ់​គ្នា​ទៅ​វិញ​ទៅ​មក​ដូច​ខ្ញុំ​បាន​ស្រឡាញ់​អ្នក​រាល់គ្នា” – ឲ្យ​យើង​ទទួល​ខុស​ត្រូវ​នៅក្នុង​ការស្រឡាញ់​បងប្អូន​ឯទៀត​ៗយ៉ាង​ជាក់​ស្តែង​- យើង​ជាប្រជារាស្ត្ររបស់ព្រះជាម្ចាស់ ដែល​ស្ថិត​នៅក្នុងពន្លឺរបស់ព្រះអង្គ – បង្ហាញ​វត្តមាន​របស់​ព្រះជាម្ចាស់​នៅ​ក្នុង​ជីវិត​ប្រចាំថ្ងៃ​ និងនៅក្នុងសង្គមបច្ចុប្បន្ននេះ – យើង​រស់​នៅ​ក្នុង​ពន្លឺ​មែន​ ប៉ុន្តែ​ឲ្យ​យើង​ខិតខំ​អស់​ពី​សមត្ថភាព​ ពេល​យើង​បាន​ទទួល​ប៉ុន្មាន​ឲ្យយើងខិតខំយកចិត្តទុកដាក់ដើម្បីបានបន្ថែមទៀត សំខាន់កុំឲ្យយើងបូកជាមួយសូន្យ – ឲ្យយើងប្រុង​ស្មារតី​ជានិច្ច​ ឲ្យយើងភ្ញាក់ស្មារតីដើម្បីរស់នៅនៅក្នុងជីវិតរបស់យើង ជាគ្រីស្តបរិស័ទដ៏ពិតប្រាកដមែន។ហេតុ​នេះ​ហើយ​ យើង​មិន​ត្រូវ​ដេកលក់​ដូច​អ្នក​ឯទៀត​ៗឡើយ ផ្ទុយទៅវិញ​ចូរប្រុងស្មារតីជានិច្ច៕

អស់លោកបូជាចារ្យទាំងអស់ដែលបម្រើព្រះសហគមន៍នៅក្នុងភូមិភាគភ្នំពេញ បានចូលរួមនៅក្នុងអង្គប្រជុំអំពីរដូវរង់ចាំនាពេលខាងមុខនេះ ដែលដឹកនាំដោយលោក អូលីវីយេ ជ្មីតអីស្លែរ អភិបាលព្រះសហគមន៍ភូមិភាគភ្នំពេញ នាព្រឹកថ្ងៃទី ១៧ រហូតដល់ថ្ងៃទី ១៨ វិច្ឆិកា ២០២០ នៅព្រះវិហារសន្តសិលា និងសន្តប៉ូលភ្នំពេញថ្មី។ ក្នុងអង្គប្រជុំនេះដែរ លោកអភិបាលបានរំឭកអំពីស្ថានភាពកូវីដ១៩ ដែលកំពុងរាលដាលក្នុងពិភពលោកយើងនេះ ក៏ដូចជាការប្រឈមរបស់ព្រះសហគមន៍នៅកម្ពុជាផងដែរ។ ក្នុងឱកាសនេះ លោកអភិបាលបានសូមឱ្យលោកបូជាចារ្យ រិះគិតរួមគ្នា អំពីស្ថានភាពកូវីដ១៩ នៅក្នុងសង្គម និងព្រះសហគមន៍បច្ចុប្បន្ននេះ អំពីការប្រឈមរបស់យុវជន និងអំពីមូលដ្ឋានគ្រឹះរបស់ព្រះសហគមន៍ភូមិភាគភ្នំពេញ។ និយាយអំពីយុវជន លោកអភិបាលសូមឱ្យលោកបូជាចារ្យ ជួយយុវជនឱ្យអភិវឌ្ឍខ្លួន ព្រោះពួកគាត់ជាអ្នកប្រកាសដំណឹងល្អរួមជាមួយព្រះសហគមន៍។ លោកមានប្រសាសន៍ថា “យើងមិនអាចមានត្រឹមតែគ្រីស្តបរិស័ទដែលយើងមានស្រាប់ហើយ ប៉ុន្តែត្រូវការបន្ថែមទៀតដើម្បីឱ្យអ្នកទាំងអស់នោះចូលក្នុងព្រះរាជ្យរបស់ព្រះជាម្ចាស់” ហើយឱ្យយុវជនដឹងថា ពួកគេមានតួនាទីមួយក្នុងព្រះសហគមន៍ ដើម្បីប្រកាសដំណឹងល្អ។ លោកមានប្រសាសន៍បន្តថា នេះជាការថែរក្សារបស់យើងនៅក្នុងព្រះកាយព្រះគ្រីស្តសម្រាប់ពិភពលោកដោយសារសម្ដេចប៉ាបដឹកនាំព្រះសហគមន៍ទាំងមូលនៅក្នុងធម៌មេត្តាករុណា។ ដូច្នេះសូមគិតបន្ថែមទៀតដល់មូលដ្ឋាននៃព្រះសហគមន៍របស់យើងនៅក្នុងភូមិភាគភ្នំពេញនិងគិតអំពីក្ដីសុបិន្តរបស់យើងបន្ថែមទៀតផងដែរ។ ក្រោយពីការរៀនគិតនេះ អស់លោកបូជាចារ្យទាំងអស់បានចែកគ្នាជាក្រុមតូចចំនួនបួនក្រុម ដើម្បីរិះគិតអំពីការជម្នះការប្រឈមរបស់ព្រះសហគមន៍ភូមិភាគភ្នំពេញសព្វថ្ងៃ៕

ការិយាល័យសិល្បៈនៃព្រះសហគមន៍កាតូលិកភូមិភាគភ្នំពេញ រៀបចំសិក្ខាសាលាស្ដីអំពី សិល្បៈ និងតន្ត្រី រយៈពេល៤ថ្ងៃ គិតចាប់ពីថ្ងៃទី២៩ តុលា ដល់ថ្ងៃ១ វិច្ឆិកា ២០២០ ដើម្បីជួយលើកកម្ពស់វប្បធម៌ខ្មែរនៅតាមព្រះសហគមន៍ និងអាចប្រកាសដំណឹងល្អតាមរយៈសិល្បៈ។ អង្គសិក្ខាសាលានេះ ប្រព្រឹត្តទៅនៅភូមិចំការទៀង ក្នុងព្រះវិហារសន្តីម៉ារីញញឹម នៃមណ្ឌលសកម្មភាពតាកែវ ដោយមានសិក្ខាកាមសរុបចំនួន៦៧នាក់ មកពីមណ្ឌលសកម្មភាពទាំង ៩ នៃព្រះសហគមន៍ភូមិភាគភ្នំពេញ។ ក្នុងឱកាសនេះដែរ លោកអូលីវីយេ ជ្មិតហស្លេរ៍អភិបាលព្រះសហគមន៍កាតូលិកភូមិភាគភ្នំពេញ បានមានប្រសាសន៍នៅក្នុងពិធីបិទសិក្ខាសាលានេះថា សូមឲ្យសិក្ខាកាមទាំងអស់ឱ្យយកចិត្តទុកដាក់ប្រកាសដំណឹងល្អតាមរយៈសិល្បៈ ព្រោះសិល្បៈបានចូលយ៉ាងជ្រៅនៅក្នុងដួងចិត្តប្រជាជនខ្មែរ។ ក្នុងនោះ លោកអភិបាលបានណែនាំ២ចំណុចដល់សិក្ខាកាម និងគ្រីស្តបរិស័ទទាំងអស់ ឱ្យចេះទទួលយកសេចក្ដីស្រឡាញ់របស់ព្រះជាម្ចាស់ និងចែករំលែកដល់បងប្អូនឯទៀតៗឲ្យដូចទុយោបង្ហូរទឹក ហើយចេះរស់នៅក្នុងសេចក្ដីសង្ឃឹម ដោយជម្រះចិត្តគំនិតរបស់ខ្លួនដោយយកព្រះគ្រីស្តជាគំរូ និងរស់នៅដោយស្រឡាញ់គ្នាទៅវិញទៅមក ដូចព្រះយេស៊ូបានស្រឡាញ់មនុស្សលោក។ លោក អ៊ុំ សាមាន ជាប្រធានការិយាល័យសិល្បៈភូមិភាគភ្នំពេញ បានឱ្យដឹងថា ទិសដៅនៃការធ្វើសិក្ខាសាលាសិល្បៈនេះគឺ ចង់ឱ្យព្រះសហគមន៍ទាំងអស់នៅភូមិភាគភ្នំពេញ ជាពិសេសគឺក្រុមយុវជនចេះរបាំបុរាណ ប្រពៃណី និងយីកេ។ លោកបញ្ជាក់ថា យើងសម្រេចជ្រើសរើសយីកេមកបង្ហាត់ រីឯរបាំប្រជាប្រីយ៍ យើងបានលើកយករបាំនេសាទមកបង្ហាត់ ហើយរបាំបុរាណយើងមានរបាំជូនពរ និងចុងក្រោយគឺរបាំឱ!ដួងចន្ទ។ លោកសាមានបន្ថែមថា ដោយសានៅក្នុងឆ្នាំនេះទាំងព្រះសហគមន៍ និងក្រសួងសិល្បៈផ្ដោតទៅលើល្ខោនយីកេ។ លោកសង្ឃឹមថាសិក្ខាកាមនឹងអាចបង្រៀនបន្តនូវចំណេះដឹងនេះដល់យុវជនដទៃទៀត …

ព្រះសហគមន៍ភូមិភាគភ្នំពេញយកចិត្តទុកដាក់លើសិល្បៈ Read More »