លោកអភិបាល អូលីវីយ៉េ៖ ទិវានៃការត្រាស់ហៅ ជាពេលវេលាដើម្បីអធិដ្ឋានរួមគ្នា បង្កើតទំនាក់ទំនងជាមួយព្រះជាម្ចាស់
កាលពីចុងខែមេសា ឆ្នាំ២០២៣កន្លងមកនេះ ព្រះសហគមន៍កាតូលិកកម្ពុជា បានប្រារព្ធទិវានៃការត្រាស់ហៅអន្តរភូមិភាគ ដែលធ្វើឡើងនៅព្រះសហគមន៍សន្តីម៉ារីញញឹមចំការទៀង ខេត្តតាកែវ នៃភូមិភាគភ្នំពេញ ក្រោមប្រធានបទ «ផ្លូវនាំខ្ញុំទៅដល់ព្រះជាម្ចាស់»។ កម្មវិធីនេះមានការចូលរួមជាអធិបតីភាព ពីលោកអភិបាល អូលីវីយ៉េ ជ្មីតហស្លេ អភិបាលនៃព្រះសហគមន៍កាតូលិកភូមិភាគភ្នំពេញ និងលោកអភិបាល សិលា សួន ហង្សលី អភិបាលនៃព្រះសហគមន៍កាតូលិកភូមិភាគកំពង់ចាម រួមជាមួយលោកបូជាចារ្យ លោកឧបដ្ឋាក ក្រុមបព្វជិត បព្វជីតា និងយុវជនចូលរួមប្រមាណជា៤៣០នាក់។ ថ្លែងនៅក្នុងកម្មវិធីនេះ លោកអភិបាលអូលីវីយ៉េ បានលើកឡើងថា ទិវានៃការត្រាស់ហៅកំពុងតែសាបព្រោះព្រះបន្ទូលព្រះជាម្ចាស់សម្រាប់បងប្អូនមានឱកាសដើម្បីជួបជុំគ្នា ស្ដាប់ព្រះបន្ទូល អធិដ្ឋាន ជួបជាមួយបព្វជិតបព្វជិតា ដែលមានអំណោយទានផ្សេងៗពីគ្នា ដែលមានសម្រាប់អ្នកក្រីក្រ សម្រាប់អ្នកជំងឺ សម្រាប់ការសិក្សា សម្រាប់ព្រះសហគមន៍ទូទៅ ដូច្នេះការត្រាស់ហៅត្រូវតែមានវិន័យ ត្រូវមានការលះបង់ ការបូជានឹងស្ដាប់បង្គាប់។ លោកមានប្រសាសន៍ថា ៖ «នេះជាទិវានៃការត្រាស់ហៅលើកទី៦០នៅក្នុងពិភពលោក និងសម្រាប់ព្រះសហគមន៍កាតូលិកក្នុងប្រទេសកម្ពុជាបានប្រមូលយុវជនយុវនារីទាំង៣ភូមិភាគ ជាពេលវេលាដើម្បីអធិដ្ឋានរួមគ្នា បង្កើតទំនាក់ទំនងជាកូនចៅរបស់ព្រះជាម្ចាស់ ជាបុត្រាបុត្រីរបស់ព្រះបិតា»។ លោកឧបដ្ឋាក វី សំណាង ដែលជាគណៈកម្មានៃការរៀបចំកម្មវិធីត្រាស់ហៅអន្តរភូមិភាគ បានលើកឡើងនាឱកាសនោះដែរថា ជារៀងរាល់ឆ្នាំព្រះសហគមន៍កាតូលិកនៅទូទាំងពិភពលោក រួមទាំងព្រះសហគមន៍កាតូលិកក្នុងប្រទេសកម្ពុជានៅអាទិត្យទី៤នៃបុណ្យចម្លងគឺអធិដ្ឋាន ពិសេសសម្រាប់ការត្រាស់ហៅជីវិតជាអ្នកថ្វាយខ្លួន។ លោកបានបន្តថា …
ក្រសួងទេសចរណ៍ទទួលស្គាល់រមណីយដ្ឋានមួយកន្លែងរបស់ព្រះសហគមន៍កាតូលិក
រមណីយដ្ឋានឋានសួគ៌ធម្មជាតិភ្នំវល្លិ៍ត្រូវបានក្រសួងទេសចរណ៍ប្រកាសទទួលស្គាល់នឹងផ្ដល់អាជ្ញាបណ្ណជារមណីយដ្ឋានមួយដែលមានវត្តមានក្នុងខេត្តកំពត-កែប១៤៥គីឡូម៉ែត្រពីរាជធានីភ្នំពេញ។ យោងទៅតាមលិខិតដែលចុះហត្ថលេខាដោយលោកតុប សុភ័ក រដ្ឋលេខាធិការនៃក្រសួងទេសចរណ៍ កាលពីថ្ងៃទី១៧ខែមីនាឆ្នាំ២០២៣ បានឱ្យដឹងថា ក្រសួងបានសម្រេចផ្ដល់អាជ្ញាបណ្ណរមណីយដ្ឋានទេសចរណ៍ មានសុពលភាពប្រើប្រាស់សម្រាប់រយៈពេលមួយឆ្នាំដោយគិតចាប់ពីថ្ងៃទី២៤ ខែកុម្ភៈ ឆ្នាំ២០២៣ ដល់ថ្ងៃទី២៣ ខែកុម្ភៈ ឆ្នាំ២០២៤។ រមណីយដ្ឋានឋានសួគ៌ធម្មជាតិភ្នំវល្លិ៍ជារមណីយដ្ឋានមួយរបស់ព្រះសហគមន៍កាតូលិកដែលមានលោកអភិបាល អូលីវីយ៉េ ជ្មីតហស្លេ អភិបាលព្រះសហគមន៍កាតូលិកកម្ពុជាជាស្ថាបនិក ដែលបានបង្កើតឡើងនៅឆ្នាំ២០២២ ក្នុងអំឡុងពេលមានជំងឺកូវីដ១៩រាតត្បាត។ លោក ប៊ីស ចិន្តា អាយុ៣៣ឆ្នាំ ជាអ្នកគ្រប់គ្រងទូទៅនៅរមណីយដ្ឋានឋានសួគ៌ធម្មជាតិភ្នំវល្លិ៍ ឲ្យដឹងថា លោកអភិបាលអូលីវីយ៉េ មានចក្ខុវិស័យខ្ពស់ពាក់ព័ន្ធជាមួយវិស័យទេសចរណ៍នឹងស្រលាញ់ទេសភាពធម្មជាតិ។ កន្លែងនេះបង្កើតឡើងដើម្បីឱ្យភ្ញៀវទេសចរណ៍មកសម្រាកលំហែបន្ទាប់ពីថ្ងៃសម្រាកការងារនៅចុងសប្ដាហ៍ឬក៏ថ្ងៃបុណ្យទានជាដើម។ លោកបានបន្តថា ដំបូងឡើយនៅទីកន្លែងនេះបានសុំច្បាប់អាជីវកម្មបើកត្រឹមតែភោជនីយដ្ឋានតែប៉ុណ្ណោះប៉ុន្តែនៅក្នុងឆ្នាំ២០២៣ បានផ្លាស់ប្ដូរពីភោជនីយដ្ឋានទៅជារមណីយដ្ឋានដោយសារតែសក្ដានុពលនៃភ្ញៀវទេសចរណ៍មានការកើនឡើងជាលំដាប់ទើបធ្វើឱ្យមន្ទីរទេសចរណ៍នឹងក្រសួងទេសចរណ៍សម្រេចផ្ដល់អាជ្ញាបណ្ណរមណីយដ្ឋានទេសចរណ៍ថ្នាក់កែច្នៃ កាលពីពេលថ្មីៗនេះ។ លោកឲ្យដឹងថា ក្នុងថ្ងៃធម្មតាមានអ្នកមកលេងប្រមាណជា៥០ទៅ៦០នាក់ រីឯថ្ងៃសៅរ៍និងអាទិត្យវិញមានពីចំនួនពី២០០ទៅ៣០០នាក់ បើសរុបស្ថិតិក្នុងមួយខែអាចចូលពី៦ពាន់ទៅ៧ពាន់នាក់។ រមណីយដ្ឋានឋានសួគ៌ធម្មជាតិភ្នំវល្លិ៍ មានសេវាកម្មជិះឡូរី ដែលមានប្រវែងជាង៣គីឡូម៉ែត្រ ហើយភ្ញៀវទេសចរណ៍អាចគយគន់ទេសភាពតាមជួរភ្នំ មើលកសិដ្ឋានចិញ្ចឹមសត្វដូចជាជ្រូកព្រៃ សេះ គោ មាន់ ទា ជ្រូកកាប់សាច់ជាដើម កន្លែងចិញ្ចឹមសត្វស្លាបមួយចំនួន ដំណាំហូបផ្លែ និងបន្លែបង្ការជាច្រើនមុខ។ ហើយម៉្យាងវិញទៀតរមណីយដ្ឋានមានទទួលសេវកម្មម្ហូបអាហារដែលសាច់នឹងបន្លែដាំនៅក្នុងកសិដ្ឋានផ្ទាល់តែម្ដង។ នេះជាការបញ្ជាក់បន្ថែមរបស់លោក ប៊ីស ចិន្ដា។ រមណីយដ្ឋានឋានសួគ៌ធម្មជាតិភ្នំវល្លិ៍ មានចម្ងាយប្រមាណជា២៥គីឡូម៉ែត្រពីទីរួមខេត្តកែប …
ក្រសួងទេសចរណ៍ទទួលស្គាល់រមណីយដ្ឋានមួយកន្លែងរបស់ព្រះសហគមន៍កាតូលិក Read More »
លោកអភិបាល អូលីវីយ៉េ៖ ការប្រយុទ្ធរបស់យើង ជាការប្រយុទ្ធដើម្បីសិទ្ធិសេរីភាព និងរំដោះមនុស្សលោក
«ពិតមែនយើងជាអ្នកចម្បាំងការពារពន្លឺ ដែលការប្រយុទ្ធរបស់យើង ជាការប្រយុទ្ធដើម្បីសិទ្ធិសេរីភាព និងរំដោះមនុស្សលោកឱ្យរកឃើញផ្លូវនៃជីវិតអស់កល្បជានិច្ច»។ នេះជាសារដែលថ្លែងឡើងដោយលោកអភិបាលព្រះសហគមន៍ភូមិភាគភ្នំពេញ អូលីវីយ៉េ ជ្មីតអ៊ីស្លេរ។ លោកអភិបាលបានលើកឡើងដូចនេះ កាលពីថ្ងៃទី២៩ ខែមីនា ឆ្នាំ២០២៣ កន្លងទៅថ្មីៗនេះ ដើម្បីជាការក្រើនរំឭកដល់លោកបូជាចារ្យដែលបានចូលរួមប្រមាណជាជិត៩០អង្គ នៅក្នុងឱកាសពិធីបុណ្យអភិបូជាប្រកាសពាក្យសន្យាជាថ្មីរបស់លោកបូជាចារ្យចំពោះមុខព្រះសហគមន៍ និងពិធីប្រសិទ្ធិពរលើប្រេង នាព្រះវិហារសន្តសិលា និងសន្តប៉ូល នៃមណ្ឌលសកម្មភាពភ្នំពេញថ្មី។ ក្នុងពិធីនោះ លោកអភិបាល អូលីវីយ៉េ មានប្រសាសន៍ថា ៖ «យើងមិនមែនជាអ្នកចម្បាំង ដើម្បីបំផ្លាញ ដើម្បីណែនាំឱ្យមានភាពស្អប់គ្នា ប៉ុន្តែចម្បាំងដើម្បីចូលក្នុងការប្រយុទ្ធរបស់ព្រះជាម្ចាស់ ដើម្បីឱ្យពន្លឺ និងសេចក្តីពិតឈ្នះគ្រប់ពេលវេលា គ្រប់កាលៈទេសៈ»។ នៅក្នុងធម្មទេសនាដដែលនេះ លោកក៏បានរំឭកពីអត្ថន័យនៃការចូលក្នុងសប្តាហ៍ពិសិដ្ឋខាងមុខនេះ ដែលជាការចូលនៅក្នុងការប្រយុទ្ធចុងក្រោយបំផុតរបស់ព្រះយេស៊ូ ដើម្បីឈ្នះអំពើហិង្សាឈ្នះអំពើបាប និងឈ្នះការស្អប់គ្នានៅលើផែនដីទាំងមូល។ លើសពីនេះទៅទៀត លោកអភិបាលភូមិភាគភ្នំពេញរូបនេះ ក៏បានថ្លែងលើកទឹកចិត្តលោកបូជាចារ្យដែលជាអ្នកចម្បាំងការពារពន្លឺឱ្យឈរឡើង កុំភ័យខ្លាច ព្រោះមានព្រះជាម្ចាស់ជាខែលនៅក្នុងការប្រយុទ្ធប្រឆាំងនឹងភាពងងឹតនេះ។ លោកមានប្រសាសន៍ថា ៖ «អស់លោកបូជាចារ្យ ត្រូវការរស់នៅក្នុងសេចក្ដីស្រឡាញ់ដ៏ពិសេសរបស់ព្រះជាម្ចាស់ រស់នៅក្នុងទំនាក់ទំនងដ៏ពិតប្រាកដ ដោយមិនវង្វេងទៅនឹងស្ថានភាពសិប្បនិម្មិតរបស់ពិភពលោក»។ ដើម្បីធ្វើជាអ្នកចម្បាំងការពារពន្លឺនេះដែរ បូជាចារ្យទទួលខុសត្រូវព្រះសហគមន៍មណ្ឌលសកម្មភាពព្រះសីហនុ លោក តាវ៉ូឡា យ៉ាំងលូកា បានលើកឡើងដែរថា ៖ «ខ្ញុំយល់ថាយើងជាបូជាចារ្យត្រូវការផ្ដល់សេចក្ដីសង្ឃឹមឱ្យបងប្អូន …
កម្មវិធីបូជនីយចរសម្រាប់យុវជន ត្រូវបានរៀបចំឡើងរយៈពេល៣ ថ្ងៃ នាព្រះសហគមន៍កំពង់សោម
កម្មវិធីបូជនីយចរសម្រាប់យុវជន ត្រូវបានរៀបចំឡើងដោយការិយាល័យយុវជន ជំទង់ និងកុមារភូមិភាគភ្នំពេញ កាលពីថ្ងៃទី២៤ ដល់២៦ ខែមីនា ឆ្នាំ២០២៣ កន្លងទៅនេះ នៅព្រះសហគមន៍កំពង់សោម ក្នុងខេត្តព្រះសីហនុ។ កម្មវិធីនេះធ្វើឡើងក្រោមប្រធានបទ «នៅគ្រានោះនាងម៉ារីក្រោកឡើងប្រញាប់ប្រញាល់ធ្វើដំណើរទៅកាន់ភូមិមួយនៅតំបន់ភ្នំក្នុងស្រុកយូដា» ដោយមានការចូលរួមរពីលោក អូលីវីយ៉េ ជ្មីតហស្លេ អភិបាលនៃព្រះសហគមន៍កាតូលិកភូមិភាគភ្នំពេញ រួមជាមួយនឹងលោកបូជាចារ្យ លោកឧបដ្ឋាក បងប្រុស បងស្រី និងយុវជនជាង ២៦០នាក់។ លោកអភិបាល អូលីវីយ៉េ បានថ្លែងនាឱកាសនោះដោយលោកបានសុំឱ្យបងប្អូននឹកឃើញដល់ព្រះវិញ្ញាណដ៍វិសុទ្ធដែលជាដង្ហើមរបស់ព្រះជាម្ចាស់បានណែនាំឱ្យបងប្អូនបន្តធ្វើដំណើរដោយមានព្រះវិញ្ញាណដ៍វិសុទ្ធដែលជំរុញនឹងមានព្រះវិញ្ញាណដ៍វិសុទ្ធដែលបំភ្លឺឱ្យបងប្អូនមើលឃើញ ប៉ុន្តែមិនមែនគ្រាន់តែឱ្យមើលឃើញនោះទេ តែឱ្យបងប្អូនទៅជាពន្លឺមួយនៅក្នុងពិភពលោក។ លោកបានសង្កត់ធ្ងន់ថា៖ «មុនពេលក្លាយជាពន្លឺត្រូវតែទទួលពន្លឺជាមុនសិន ដោយនៅថ្ងៃនេះយើងទទួលពន្លឺក្នុងព្រះវិញ្ញាណដ៍វិសុទ្ធដើម្បីក្លាយជាយុវជនយុវនារីដែលពោរពេញដោយកម្លាំងក្នុងការបំពេញបេសកកម្មមួយថ្មី ជាអ្នកចម្បាំងដើម្បីការពារពន្លឺនៅក្នុងពិភពលោក ជាអ្នកចម្បាំងដើម្បីបង្ហាញពីសេចក្ដីពិត បង្ហាញពីផ្លូវដែលព្រះជាម្ចាស់បានបំភ្លឺដើម្បីបំភ្លឺដល់បងប្អូនឯទៀតៗ»។ នាឱកាសនោះដែរ លោកអភិបាលក៏បានអំពាវនាវសុំឱ្យបងប្អូននឹកឃើញដល់ជីវិតថា តើធ្វើដូចម្ដេចដើម្បីភា្ជប់ជាមួយព្រះជាម្ចាស់បន្ថែមទៀត នៅក្នុងការអធិដ្ឋានហើយថ្ងៃនេះជាថ្ងៃមានអំណរសប្បាយដោយសារទាំងអស់រួមគ្នា ដែលអាចទៅជាក្រុមទ័ពមួយដ៍ធំជាអ្នកចម្បាំងការពារពន្លឺ។ ជាមួយគ្នានោះដែរ លោក ស៊ាន់ សារឿន អ្នកទទួលខុសត្រូវការិយាល័យយុវជន ជំទង់ និងកុមារភូមិភាគភ្នំពេញបានថ្លែងឱ្យដឹងដែរថា ការិយាល័យបានរៀបចំកម្មវិធីបូជនីយចរ យុវជនភូមិភាគភ្នំពេញ ជារៀងរាល់ឆ្នាំរហូតមកដល់ពេលនេះអស់រយៈពេល១១លើកហើយ។ លោកបានបន្តថា កម្មវិធីបូជនីយចរ មានគោលបំណងតែមួយ ចង់ឱ្យយុវជនមានឱកាសក្នុងការដើររួមគ្នាជាលក្ខណៈគ្រួសារ ដើម្បីអាចមានពេលវេលារិះគិតពីជីវិត ជំនឿ …
កម្មវិធីបូជនីយចរសម្រាប់យុវជន ត្រូវបានរៀបចំឡើងរយៈពេល៣ ថ្ងៃ នាព្រះសហគមន៍កំពង់សោម Read More »
“អ្នកចម្បាំងការពារពន្លឺ”
អភិបូជាពិធីប្រសិទ្ធីពរលើប្រេងពិសិដ្ឋ នៅព្រះសហគមន៍សន្តសិលា និងសន្តប៉ូល ភ្នំពេញថ្មី ភ្នំពេញថ្មី ថ្ងៃទី២៩ ខែមីនា ឆ្នាំ២០២៣ កាលពីដើមដំបូងបង្អស់ ព្រះជាម្ចាស់បានបង្កើតផ្ទៃមេឃ និងផែនដី។ នៅគ្រានោះ ផែនដីគ្មានរូបរាង និងនៅទទេ មានតែភាពងងឹតពីលើទីជម្រៅទឹក ហើយព្រះវិញ្ញាណរបស់ព្រះជាម្ចាស់នៅរេរាពីលើផ្ទៃទឹក។ ព្រះជាម្ចាស់មានព្រះបន្ទូលថា៖ «ចូរមានពន្លឺ!» ពន្លឺក៏កើតមានឡើង។ ព្រះជាម្ចាស់ទតឃើញថា ពន្លឺនោះល្អប្រសើរហើយ ព្រះអង្គក៏បានញែកពន្លឺចេញពីភាពងងឹត។ ព្រះជាម្ចាស់ហៅពន្លឺថា “ថ្ងៃ” និងហៅភាពងងឹតថា “យប់”។ កណ ១,១-៥ លោកអភិបាល លោកឪពុក បងប្អូនជាទីស្រឡាញ់ អំបាញ់មិញ ខ្ញុំបានអានកំណើតពិភពលោកនៅពេលព្រះជាម្ចាស់បានបង្កើតពិភពលោក ដើមដំបូងនៃពិភពលោកព្រះជាម្ចាស់បានបង្កើតពន្លឺ នៅពេលនេះយើងឃើញព្រះអាទិត្យកំពុងត្រៀមលិច។ ថ្ងៃនេះ ពិតមែនយើងមានអំណរសប្បាយជួបជុំគ្នា នេះជាលើកទីមួយដែលលោកឧបដ្ឋាកបានចូលក្នុងអភិបូជាប្រសិទ្ធីពរលើប្រេងពិសិដ្ឋក្នុងតួនាទីនេះ។ លោកបូជាចារ្យមួយចំនួនក៏ជាលើកទីមួយដែរ ដែលបានចូលជាមួយយើង នៅក្នុងព្រះសហគមន៍កម្ពុជា ក៏ដូចជានៅក្នុងក្រុមបូជាចារ្យបម្រើព្រះសហគមន៍នៅកម្ពុជា។ លោកអភិបាល សិលា សួន ហង្សលី ក៏ជាលើកទីមួយដែលបានចូលរួមអភិបូជានេះ ក្នុងតួនាទីជាលោកអភិបាលព្រះសហគមន៍កាតូលិកភូមិភាគកំពង់ចាម លោកអភិបាល គីគេ ជាលើកទី២២ ខ្ញុំជាលើកទី១៤។ យប់នេះ យើងឃើញបងប្អូនមកយ៉ាងច្រើនដើម្បីលើកតម្កើងព្រះជាម្ចាស់ ជាពិសេសនៅថ្ងៃដែលយើងអរព្រះគុណព្រះអង្គសម្រាប់លោកបូជាចារ្យរបស់យើង …
ព្រះសហគមន៍កាតូលិកចូលរួមប្រារព្ធទិវា វប្បធម៌ជាតិ៣មីនា ខួបលើកទី២៥ នាខេត្តតាកែវ
អភិបាល អូលីវីយ៉េ ជ្មីតហស្លេ អភិបាលព្រះសហគមន៍កាតូលិកភូមិភាគភ្នំពេញរួមជាមួយលោកស្រី គា សុភូ អភិបាលខេត្តតាកែវ បានចូលរួមជាអធិបតីភាពក្នុងកម្មវិធីអបអរសាទរទិវាវប្បធម៌ជាតិ៣មីនា ខួបលើកទី២៥ ឆ្នាំ២០២៣ រៀបចំឡើងដោយមន្ទីរវប្បធម៌ និងវិចិត្រសិល្បៈខេត្តតាកែវ នាថ្ងៃទី២១ ខែមីនា ឆ្នាំ២០២៣ ក្រោមប្រធាន «យុវជនដើម្បីវប្បធម៌ជាតិ»។ ពិធីក៏មានការចូលរួមពីព្រះសង្ឃទាំងពីរគណៈ មន្រ្តីនៃមន្ទីរអង្គភាពក្រុង ស្រុក គ្រឹះស្ថានឯកជន សិល្បករសិល្បការិនី អាជីវករ សិស្សានុសិស្ស សរុបប្រមាណជា ៣៥០ នាក់។ ថ្លែងក្នុងពិធីនោះ លោក ជេត ពិសុទ្ធ ប្រធានមន្ទីរវប្បធម៌ និងវិចិត្រសិល្បៈខេត្តតាកែវ បានលើកឡើងថា ការប្រារព្ធទិវាវប្បធម៌ជាតិ៣មីនានេះកម្លាំងយុវជនជាសក្ដានុពលធនធានមនុស្សដ៍សំខាន់ដែលមិនអាចខ្វះបានក្នុងការរួមចំណែក អភិរក្ស អភិវឌ្ឍន៍ជាតិក្នុងបរិបទនៃការរីកចម្រើនបែបឌីជីថល។ លោកបានថ្លែងថា ៖ «ជាការពិតណាស់ ទិវាវប្បធម៌៣មីនាឆ្នាំនេះ ក៏ដូចរៀងរាល់ឆ្នាំកន្លងមកដែលសម្រេចជោគជ័យបាន គឺពិតជាបានមកពីការសហការជិតស្និតរវាងមន្ទីរវប្បធម៌ និងវិចិត្រសិល្បៈជាមួយមន្ទីរអប់រំយុវជន និងកីឡា ជាពិសេសយុវជនមកពីវិទ្យាល័យសន្តហ្វ្រង់ស្វ័រដែលមានលោកអូលីវីយ៉េ ជាអភិបាលព្រះសហគមន៍កាតូលិកភូមិភាគភ្នំពេញជាស្ថាបនិកដែលមិនអាចបំភ្លេចគុណបានឡើយ»។ លោកបានបន្តដោយសង្កត់ធ្ងន់ថា ៖ «សូមឱ្យទិវានេះក្លាយជាទឹកមន្តដ៏សក្តិសិទ្ធដាស់រំលឹកដល់កូនខ្មែរឱ្យស្រលាញ់ថែរក្សា ការពារ និងបណ្ដុះលើកតម្កើងវប្បធម៌ជាតិជារៀងរហូត»។ ក្នុងឱកាសនោះដែរ លោកអភិបាល អូលីវីយ៉េ …
ព្រះសហគមន៍កាតូលិកចូលរួមប្រារព្ធទិវា វប្បធម៌ជាតិ៣មីនា ខួបលើកទី២៥ នាខេត្តតាកែវ Read More »
គ្រីស្តសាសនា និងពុទ្ធសាសនា រួមគ្នាផ្សព្វផ្សាយពីការសម្រេចចិត្តក្នុងផ្លូវត្រឹមត្រូវ
សិក្ខាសាលាស្តីពី «សម្មាសង្កប្បៈ» ត្រូវបានរៀបចំឡើងកាលពីថ្ងៃទី១៤ ខែមីនា ឆ្នាំ២០២៣នាវិទ្យាស្ថានសន្តប៉ូល ក្នុងស្រុកត្រាំកក់ ខេត្តតាកែវ ដោយមានការចូលរួមពីសំណាក់គណៈគ្រប់គ្រង បុគ្គលិក និស្សិត និងតាមប្រព័ន្ធZoom សរុបប្រមាណជា១៧៥នាក់។ សិក្ខាសាលានេះក៏មានការចូលរួមជាវាគ្មិនកិត្តិយសពីសំណាក់ ព្រះភិក្ខុវជិរប្បញ្ញោ សាន សុជា និងលោកបូជាចារ្យ គង់ វៀល ជាបូជាចារ្យព្រះសហគមន៍កាតូលិក និងជាអ្នកសម្របសម្រួលនៃគេហទំព័រវិគីភីឌាក្នុងស្រុកជាភាសាខ្មែរ។ ថ្លែងបើកអង្គសិក្ខាសាលា លោក ផុន សុផល នាយកនៃវិទ្យាស្ថានសន្តប៉ូល បានឱ្យដឹងថា កម្មវិធីនេះបង្កើតឡើងមានគោលបំណងមួយ ដើម្បីជួយដល់និស្សិតឆ្នាំទី១ ឆ្នាំទី២ និងអ្នកដែលចូលរួមទាំងអស់ យល់ពីការសម្រេចចិត្តក្នុងផ្លូវត្រឹមត្រូវដោយផ្អែកលើព័ត៌មាន ឬមូលដ្ឋានសម្រេចចិត្តជាក់លាក់ហើយ និងចេះទទួលខុសត្រូវចំពោះការសម្រេចចចិត្តរបស់ខ្លួនផ្ទាល់។ លោកបានបន្តថា គោលបំណងនៃសិក្ខាសាលានេះ ធ្វើឡើងដើម្បីឱ្យយល់ពីការចេះសម្រេចចិត្តដោយ ផ្ដោតទៅលើច្បាប់ សីលធម៌ គុណធម៌ ទំនាក់ទំនង និងក្រមសីលធម៌របស់មនុស្សដែលរស់ប្រចាំថ្ងៃ,មូលដ្ឋាននៃការសម្រេចចិត្តជាក់លាក់ដែលសិក្ខាសាលានេះអាចធ្វើឱ្យមនុស្សម្នាក់ៗរកមូលដ្ឋានជាក់លាក់ក្នុងកម្រិតណាមួយទៅតាមតួនាទី តាមឋានៈ តាមការរស់នៅ នឹងតាមរបៀបក្នុងការទំនាក់ទំនង។ លោក ផុន សុផល បានបន្ថែមថា ចំណែកគោលបំណងទី៣ គឺការចេះទទួលខុសត្រូវជាមួយការសម្រេចចិត្តរបស់ខ្លួន ពីព្រោះការសម្រេចចិត្តរបស់មនុស្សម្នាក់ៗអាចមានការសម្រេចក្នុងផ្លូវល្អ និងផ្លូវអាក្រក់។ លោកបានបញ្ជាក់ថា ៖ …
គ្រីស្តសាសនា និងពុទ្ធសាសនា រួមគ្នាផ្សព្វផ្សាយពីការសម្រេចចិត្តក្នុងផ្លូវត្រឹមត្រូវ Read More »
មនុស្សជាច្រើន អធិដ្ឋានសូមព្រះពរតាមរយៈមរណសាក្សី ត្រឿង ប៊ូយៀប
នាថ្ងៃទី១៨ ខែមីនា ឆ្នាំ២០២៣ ក្នុងឱកាសព្រះសហគមន៍ផ្លូវត្រីព្រះវិហារ ព្រះបេះដូង ព្រះយេស៊ូ ប្រារព្ធខួបនឹករលឹកដល់មរណភាពរបស់លោកបូជាចារ្យ ត្រឿង ប៊ូយៀប មានមនុស្សជាច្រើនបានប្រមូលផ្តុំគ្នាធ្វើការអធិដ្ឋានរួមគ្នានៅខាងមុខរូបសំណាក់របស់លោក។ ការធ្វើការអធិដ្ឋាននេះ ដើម្បីទទួលព្រះពរពីព្រះជាម្ចាស់តាមរយៈលោកបូជាចារ្យ ប៊ូយៀប ក្រោមអធិបតីភាពលោកអភិបាលព្រះសហគមន៍ភូមិភាគភ្នំពេញ អូលីវីយ៉េ ជ្មីតអីស្លែរ។ ចម្រៀងសរសើរលើកតម្កើងព្រះជាម្ចាស់លាន់ឮកងរំពង ស្របពេលមនុស្សទាំងនោះទទួលទឹកព្រះពរពីលោកអភិបាលព្រះសហគមន៍ អូលីវីយ៉េ នៅពេលចាប់ផ្ដើមកម្មវិធីអភិបូជាដ៏សក្ការៈនេះ។ លោកអភិបាលអូលីវីយ៉េ បានលើកឡើងថា នេះជាថ្ងៃដ៏ឱឡារឹកសម្រាប់ព្រះសហគមន៍នៅក្នុងភូមិភាគភ្នំពេញដើម្បីនឹករលឹកដល់លោកឪពុក ប៊ូយៀប ដែលធ្លាប់ទទួលខុសត្រូវនៅទីនេះក្នុងឆ្នាំ ១៩២៤ ចូលឆ្នាំ ១៩២៧។ លោកអភិបាលក៏បានរំឭកពីការរៀបចំកន្លែងនេះឱ្យទៅជាបូជនីដ្ឋាន ដើម្បីឱ្យបូជនីចរទាំងអស់អាចធ្វើបូជនីយេស៍ពីព្រះសហគមន៍ផ្សារតូច ដែលជាកន្លែងនឹករលឹកមរណសាក្សីនៅលើទឹកដីនៅកម្ពុជា បន្ទាប់មកនៅព្រះសហគមន៍អរិយក្សត្រ ដែលជាកន្លែងគោរពព្រះនាងម៉ារី ជាព្រះមហាក្សត្រីនៃសុខសន្តិភាព។ លោកមានប្រសាសន៍ថា ៖ «យើងនឹងបន្តធ្វើដំណើរដល់កន្លែងនេះ ដែលជាផ្លូវមួយយ៉ាងពិសេសក្នុងការរៀបចំនៅក្នុងភូមិភាគភ្នំពេញ ដើម្បីគោរពនៅតាមកន្លែងសក្ការៈបំផុត ដើម្បីទៅជាកម្លាំងនៅក្នុងជំនឿរបស់យើងជាពិសេស»។ លោកអភិបាលក៏បានណែនាំគ្រីស្តបរិស័ទឱ្យត្រឡប់មកវិញមកគោរពព្រះជាម្ចាស់ និងសូមព្រះពរព្រះអង្គតាមរយៈមរណសាក្សី ប៊ូយៀប ដោយអធិដ្ឋានអធិដ្ឋានសូមព្រះអង្គប្រទានពរឱ្យទៅជាមនុស្សពេញលក្ខណៈដោយមានសេចក្ដីសុខនៅក្នុងដួងចិត្ត។ កញ្ញា ហ៊ន ចាន់ណា មកពីកោះនរាហ៍ ដែលបានមកចូលរួមពិធីនេះ បានប្រាប់ថា ៖ «ខ្ញុំមកទីនេះដើម្បីអធិដ្ឋានសុំសេចក្ដីសុខនៅក្នុងក្រុមគ្រួសារ»។ …
មនុស្សជាច្រើន អធិដ្ឋានសូមព្រះពរតាមរយៈមរណសាក្សី ត្រឿង ប៊ូយៀប Read More »