ពត៌មាន

កម្មករ-កម្មការីនី នៅតំបន់ហានិភ័យខ្ពស់បានសម្តែងចិត្តរីករាយ និងអរគុណដល់ព្រះសហគមន៍កាតូលិកកម្ពុជាភូមិភាគភ្នំពេញ ព្រមទទាំងអង្គការការីតាសកម្ពុជា ដែលបានផ្តល់ជំនួយសង្គ្រោះបន្ទាន់ ទាន់ពេលវេសា ក្នុងពេលដែលពួករស់នៅក្នុងតំបន់បិទខ្ទប់ ឬជាតំបន់ដែលអាជ្ញាធរបានកំណត់ថាជាតំបន់ពណ៌ក្រហម ដែលមានហានិភ័យខ្ពស់ ភូមិទូលពង្រ សង្កាត់ចោមចៅទី១ ខណ្ឌពោធិសែនជ័យ រាជធានីភ្នំពេញ។ អ្នកនាង រិន ភា អាយុ ២៥ឆ្នាំ មានស្រុកកំណើតនៅខេត្តព្រៃវែង ជាកម្មការិនីធ្វើការនៅរោងចក្រ ញូវ៉ាយដ៏ សព្វថ្ងៃស្នាក់នៅភូមិទូលពង្រ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ បាននិយាយរៀបរាប់ថា តំបន់ដែលនាងស្នាក់នៅ គឺអាជ្ញាធរបានបិទខ្ទប់តាំងពីថ្ងៃ១៨ ខែមេសា ២០២១មកម្លេះ។ នាងបន្តថា មានមានស្បៀងខ្លះៗដែលបានទិញមកពីផ្សារមុនថ្ងៃបិទខ្ទប់។ ក្នុងរយៈពេលនេះនាងបានសន្សំសំចៃ មិនហ៊ានញាំច្រើនៗទេ ក្រែងអស់។ ណាមួយរោងចក្រសម្រាក មិនទាន់បើកប្រាក់ខែទៀត។ នាងថា «ខ្ញុំមិនហ៊ាន ញាំច្រើនទេ ក្រែអស់ស្បៀង»។ នាងរំភើប និងសប្បាយចិត្តខ្លាំង ពេលទទួលដំណឹងថានាងត្រូវទទួលជំនួយឧបត្ថម្ភ ស្បៀងពីព្រះសហគមន៍កាតូលិកភូមិភាគភ្នំពេញ និងពីអង្គការការីតាសកម្ពុជា។ សូមអរគុណច្រើនសម្រាប់ស្បៀងទាំងអស់នោះ។ ចំណែកកញ្ញា ទីសៅសារី វ័យ២១ឆ្នាំ មានស្រុកកំណើតមកពីខេត្តព្រៃវែង ធ្វើការនៅរោងចក្រញូវ៉ាយដ៍ និងស្នាក់ក្នុងភូមិដូច អ្នកនាង រិនភា […]

អភិបាលភូមិភាគភ្នំពេញ លោកអូលីវីយ៉េ បានរៀបចំបន្លែ ស៊ុត អង្ករ និងសាច់ សម្រាប់ផ្ញើជូននិងចែកទៅដល់ប្រជាពលរដ្ឋនៅក្នុងរាជធានីភ្នំពេញ ដែលកំពុងតែមានការពិបាកនិងជួបនូវការខ្វះខាតក្នុងជីវភាពប្រចាំថ្ងៃ អំឡុងពេលនៃការបិទខ្ទប់ដើម្បីបង្ការនូវការរីករាលដាលនៃវីរុសកូវីដ១៩។ លោកអភិបាលទទួលបានពីកសិដ្ឋានភ្នំវល្លិ៍ ដូចជាជ្រូកចំនួន៥ក្បាល បន្លែធម្មជាតិចម្រុះចំនួន១២០គីឡូក្រាម និងអំពៅទទួលបានពីកសិដ្ឋានសន្តហ្វ្រង់ស្វ័រចំណេះទូទៅ ពងមាន់ចំនួន៨០០គ្រាប់ដែលទទួលបានពីកសិដ្ឋានសន្តហ្វ្រង់ស្វ័របច្ចេកទេស ពីព្រះសហគមន៍ព្រៃកប្បាស រួមនឹងការផ្តល់ជូនពរព្រះសហគមន៍តាកែវដែលមានបន្លែ ពងទាជាច្រើនរយគ្រាប់ផងដែរ។ លោកអូលីវីយ៉េ បានមានប្រសាសន៍ថា៖ «ខ្ញុំសូមអរគុណដល់កសិដ្ឋានរបស់យើងទាំងអស់ដែលបន្តធ្វើការ បន្តដាំ និងចិញ្ចឹមសត្វដើម្បីជួយដល់បងប្អូនយើងដែលកំពុងជួបនូវទុក្ខលំបាក។ យើងសូមចែកដល់ពួកគាត់ដោយអំណរសប្បាយ ដែលជាសញ្ញានៃព្រះសហគមន៍របស់យើង បង្ហាញពីសេចក្តីស្រលាញ់របស់ព្រះជាម្ចាស់នៅក្នុងគ្រួសារតែមួយ»។លោកអភិបាលក៏បានទិញស្រូវស្តុកទុក ដែលសព្វថ្ងៃនេះ ព្រះសហគមន៍មានស្រូវចំនួន១៥តោន ហើយនៅពេលដែលមានសេចក្តីត្រូវការនៅភ្នំពេញ លោកនឹងកិនសម្រាប់ផ្តល់ជូនបងប្អូនខ្វះខាតផងដែរ៕

រហូតដល់​សព្វថ្ងៃ​ ​រដ្ឋាភិបាល​ត្រូវ​ការប្រើអំណាច​យ៉ាង​ខ្លាំង​ ​ដើម្បី​ឱ្យ​ប្រជាជន​យល់​ ​ដើម្បី​ឱ្យ​ប្រជា​​ជន​យកចិត្តទុកដាក់​ ហើយ​ការ​ទទួល​បាន​ជោគជ័យលើវីរុសកូវីដ១៩​នេះ​មិន​មែន​អាស្រ័យ​លើក្រសួងសុខាភិបាល​ ឬរដ្ឋាភិបាល ឬអាជ្ញាធរ​ ​ប៉ុន្តែគឺ​លើ​​បុគ្គល​ម្នាក់ៗ​ដែល​​ត្រូវតែ​យកចិត្តទុកដាក់​។​ នេះជាការ​ថ្លែងឡើង​របស់ លោកអភិបាល ​អូ​លី​វី​យ៉េ ​ជី​ត​ហ​រ​ស្លេ ​អភិបាល​ព្រះ​សហគមន៍​កាតូលិក​ភូមិភាគ​ភ្នំពេញ​។ លោក​បានលើកឡើងដូចនេះ​ក្នុង​អភិបូជា​ស​ប្តាហ៍ទីបី​នៃ​រដូវ​បុណ្យ​ចម្លង​ ​ពី​ព្រះ​សហគមន៍​សន្តី​ម៉ា​រី​ញញឹម​ ​ចំការ​ទៀង​ថ្ងៃ​ទី​១​៨​ ​ខែ​មេសា​ ​ឆ្នាំ​២​០​២​១ «​គ្រី​ស្ត​បរិស័ទ​ម្នាក់​ជា​សង្គហៈ​មួយ​រូប​»។លោកអភិបាល អូលីវីយ៉េ​ថ្លែងថា ​ដូច​យើង​បាន​ស្តាប់​អត្ថបទ​ទីពីរ​ ​តាមរយៈ​សន្ត​យ៉ូ​ហាន​ព្រះ​យេស៊ូ​បាន​រំលឹក​អំពី​ធម្ម​វិ​ន័យ​ ​ធម្ម​វិ​ន័យ​ ​របស់​ព្រះអង្គ​គឺ​ឱ្យ​យើង​ធ្វើ​ដូចម្តេច​ដើម្បី​រស់នៅ​ក្នុង​ធម្ម​វិ​ន័យ​នេះ​។ លោកថា៖ «​មានន័យ​ថា​ យើង​ស្រឡាញ់​គ្នា​ទៅ​វិញ​ទៅមក​ដូច​ព្រះ​យេស៊ូ​បាន​ស្រឡាញ់​យើង​។ ​ប្រសិនបើ​មាន​អ្នកណា​ពោលថា​ខ្ញុំ​ស្គាល់​ព្រះអង្គ​ហើយ​ ​តែ​មិន​កាន់​តាម​ធម្ម​វិ​ន័យ​របស់​ព្រះអង្គ​ ​អ្នកនោះ​និយាយ​កុហក​ ​ហើយ​សេចក្តីពិត​មិន​ស្ថិតនៅ​​ក្នុង​ខ្លួន​គេ​ទេ​»​។​  លោកថា ​ព្រះ​យេស៊ូ​មិន​ប្រើអំណាច​​ដើម្បី​ឱ្យ​យើង​ដើរតាម​ធម្ម​វិ​ន័យ​របស់​ព្រះអង្គ​ ​ប៉ុន្តែ​​ព្រះ​យេស៊ូ​ដូចជា​មាន​របៀប​មួយ​ដែរ​ ​ដើម្បី​ឱ្យ​យើង​ភ្ញាក់ស្មារតី​។ ​ប្រសិនបើ​យើង​មិន​ដើរតាម​ធម្ម​វិ​ន័យ​របស់​ព្រះ​យេស៊ូ​ ​យើង​ត្រូវតែ​ស្ថិតនៅ​ក្នុង​ទុក្ខ​លំបាក​និង​វេទនា។​ ​ផ្ទុយទៅវិញ​ប្រសិនបើ​យើង​ ​ដើរតាម​ធម្ម​វិ​ន័យ​របស់​ព្រះ​យេស៊ូ​ ​យើង​ស្ថិត​ក្នុង​សេចក្តី​សុខ​ ​និង​សេចក្តីសង្ឃឹម​ ​ដោយ​ដឹង​​ថា​ព្រះជាម្ចាស់​ ​និង​សេចក្តី​ស្រឡាញ់​របស់​ព្រះជាម្ចាស់​ ភ្ជាប់នឹង​យើង​។​លោក​អភិបាល​ ​អូ​លី​វី​យ៉េ  បាន​ធ្វើ​ការ​​ប្រៀបធៀប​នឹង​បញ្ហា​ដែល​កើតឡើង​សព្វថ្ងៃ​ក្នុង​ប្រទេស​កម្ពុជាដែរ​​ ដោយ​​តាមពិត​វិ​ន័យ​ ​ច្បាប់​ ​មិន​ត្រូវតែ​អនុវត្ត​ន៍​ដោយសារ​គេ​​គំរាម​ ​ឬ​ដោយសារ​គេ​បង្ខំ​ ​ប៉ុន្តែ​វាជា​ធម្មជាតិ​របស់​​ពលរដ្ឋ​ម្នាក់ៗ​។​  លោក​បានមានប្រសាសន៍ថា ៖ «​ច្បាប់​ដែល​យើង​ ​មាននៅ​ក្នុង​ប្រទេស​នីមួយៗ​ ​មិនមែន​ដើម្បី​ធ្វើបាប​ប្រជា​រា​ស្រ្ត ​ច្បាប់​នីមួយៗ​គឺ​ដើម្បី​ឱ្យ​ប្រជារាស្ត្រ​​រស់នៅ​ក្នុង​សេចក្តី​សុខ​ ​រស់នៅ​ក្នុង​សុខដុម​រម​នា​ ​លុះត្រាតែ​ប្រជាជន​ម្នាក់ៗ​យកចិត្តទុកដាក់​ ​គោរពច្បាប់​ហ្នឹង»​។​  ​នៅ​ក្នុង​រដូវ​កូ​វី​ដ​-​១​៩​នេះ​ ​រដ្ឋាភិបាល​បាន​បង្កើត​ច្បាប់​ថ្មីៗ​ ​ប៉ុន្តែ​ច្បាប់​ថ្មីៗ​ទាំង​ ​នេះ​មិនមែន​ដើម្បី​ដាក់​ពិន័យទេ​​ ប៉ុន្តែ​​ពិន័យ​ប្រសិនបើ​យើង​មិនបាន​អនុវត្តន៍​មែន​។​​ប្រសិនបើ​បុគ្គល​​ម្នាក់​មាន​ការទទួ​លខុសត្រូវ​ខ្ពស់​ ​នៅ​ក្នុង​ការ​អនុវត្ត​វិ​ន័យ​និង​ច្បាប់​ដែល​យើង​មាន​សព្វថ្ងៃ​ ​យើង​ដឹង​ថា​ប្រហែល​យើង​អាច​ទៅមុខ​បាន​។ បើ​ម្នាក់ៗ​​មិន​គោរពច្បាប់ឬវិន័យនេះទេ​ វានឹង​​ជះ​ឥទ្ធិពល​ដល់​ប្រទេស​យើង​ទាំងមូល​ ​មិនមែន​តែ​សម្រាប់​ទី​ក្រុងភ្នំពេញ​ប៉ុណ្ណោះទេ​។​  ​លោក​អភិបាលរូប​នេះ​បាន​បន្ថែមថា បុគ្គលគ្រប់​រូប​ត្រូវ​​គិតពិចារណា​អំពី​របៀប​ដែល​យើង​ត្រូវតែ​ធ្វើ​រហូតដល់​សព្វថ្ងៃ​ដើម្បី​ឱ្យ​យើង​ស្តាល់​ច្បាប់​ថ្មីៗ​ ​ដែល​ទើប​តែ​បង្កើត​ឡើង និង​​ត្រូវតែ​ចាប់​អ្នក​ដែល​ល្មើស​។​ ​ដូច​យើង​បានឃើញ​នៅ​ទី​ក្រុងភ្នំពេញ​ ​យើង​មាន​ទាហាន​ ​ប៉ូលីស​ ​ច្រើន​ណាស់​ ​ដើម្បី​ចាប់​ប្រជាជន​ដែល​មិនបាន​អនុវត្តន៍​​និង​គោរព​តាម​ ​ច្បាប់​ថ្មីៗ​នោះ​។​  លោកថា ៖ «​យើង​កុំ​គិតថា​យើង​អាច​គេច​ខ្លួន​បាន​ ​មិន​មាន​មនុស្ស​ណា​​ម្នាក់​ដែល​មានអំណាច​អាច​នៅ​លើ​ច្បាប់​បានទេ​_​ច្បាប់​ណែនាំ​ឱ្យ​យើង​រស់នៅ​ក្នុង​ក្តី​សុខដុម​រម​នា​ ​រស់​​នៅ​ក្នុង​សេចក្តី​សុខ​។​ ​ដូច​ព្រះ​យេស៊ូ​មាន​ព្រះបន្ទូល​ថ្ងៃនេះ​ ​ធម្ម​វិ​ន័យ​របស់​ព្រះ​យេស៊ូ​គឺ​បាន​ណែនាំ​ឱ្យ​យើង​ ​មាន​សេចក្តី​សុខ​ ​លុះត្រាតែ​យើង​គោរព​ធម្ម​វិ​ន័យ​ហ្នឹង»​។​  លោកអភិបាល​ ​អូ​លី​វី​យ៉េ  ថា ៖ «​ព្រះ​យេស៊ូ​មិនបាន​ប្រើអំណាច​ ​ប៉ុន្តែ​ប្រសិនបើ​យើង​ចាប់អា​រម្មណ៍​ ​ព្រះ​យេស៊ូ​បាន​គំរាម​យើងដែរ។ ​អ្នកណា​មិន​ធ្វើតាម​ធម្ម​វិ​ន័យ​ ​អ្នកនោះ​ត្រូវតែ​វេទនា​ ​អ្នកណា​មិន​គោរព​តាម​ធម្ម​វិ​ន័យ​ ​អ្នកនោះ​ជា​​អ្នក​ដែល​និយាយ​កុហក​ ​និង​ឥតមាន​សេចក្តីពិត​ស្ថិតស្ថេរ​ទេ​»។​ លោកថា ​ប្រសិនបើ​បងប្អូន​ទាំងអស់គ្នា​ ​ចង់​មាន​សេចក្តី​សុខ​ ឱ្យ​យើង​យកចិត្តទុកដាក់​រួម​ជាមួយគ្នា​ ​ជាពិសេស​យើង​ដែល​ជា​គ្រី​ស្ត​បរិស័ទ​ ​នៅ​ក្នុង​ភូមិភាគ​ភ្នំពេញ​ទាំងមូល​ ​ដើម្បី​ធ្វើតាមច្បាប់​របស់​រដ្ឋ​ ​ដើម្បី​ផលប្រយោជន៍​រួម​ ​និង​ឱ្យ​យើង​​ធ្វើតាម​ធម្ម​វិ​ន័យ​របស់​ព្រះ​យេស៊ូ​ ​ដែល​អញ្ជើញ​យើង​ឱ្យ​យើង​ចេះ​ស្រឡាញ់​គ្នា​ទៅវិញទៅមក​ដូច​ ​ព្រះ​យេស៊ូ​បាន​ស្រឡាញ់​យើង​៕

តំណាងគ្រីស្តបរិស័ទព្រះវិហារព្រះកុមារយេស៊ូ បឹងទំពុនបាន​​ផ្ដល់នូវគ្រឿងឧបភោគបរិភោគ​ដល់សាលាសង្កាត់បឹងទំពុនទី២ ខណ្ឌមានជ័យ រាជធានីភ្នំពេញ កាលពី​ព្រឹកថ្ងៃចន្ទ ទី​២៤ ខែ​មេសា ដែលជា​ការ​ចូលរួមចំណែកជួយដល់អ្នកក្រីក្រដែលកំពុងតែខ្វះខាត និងក្រុមគ្រួសារដែលកំពុងធ្វើចត្តាឡឺស័ក។ ការ​នាំយក​គ្រឿ​ងឧបភោគបរិភោគនេះ​ ដឹកនាំ​ដោយលោកបូជាចារ្យ ដាមីញ៉ាំង ហ្វានឺ ដែលជាអ្នក​ទទួលបន្ទុកមណ្ឌលសកម្មភាពភ្នំពេញខាងត្បូង តបតាម​ការ​ស្នើ​សុំ​របស់​​អាជ្ញាធរមូលដ្ឋាន ក្នុង​ពេលនៃការបិទខ្ទប់រាជធានីភ្នំពេញនិងក្រុងតាខ្មៅនៃខេត្តកណ្តាល​ ដើម្បី​ទប់ស្កាត់​នូវ​ការ​រីករាលដាល​ជំងឺកូវីដ១៩។ អ្នកស្រី ឃុន បុប្ផា ចៅសង្កាត់រង​បឹងទំពុនទី​២ បានថ្លែងអំណរគុណជូនចំពោះ ព្រះសហគមន៍កាតូលិកព្រះកុមារយេស៊ូបឹងទំពន់ និងក្រុមការងារ ដែលបានឆ្លើយតបតាមការស្នើសុំរបស់សាលាសង្កាត់។ អ្នកស្រី បុប្ផា ក៏បាន​ប្រកាសនូវការ​រក្សាចំណងមិត្តភាពរវាងព្រះសហគមន៍ជាមួយនឹងអាជ្ញាធរដែនដីដើម្បីជួយដល់ជនក្រីក្រនៅក្នុងតំបន់បឹងទំពុនទៅមុខទៀត។ លោកស្រី​បាន​មានប្រសាសន៍​នាពេល​នោះថា ៖ «ទឹកចិត្តសប្បុរសធម៌នេះ សូមលោក លោកស្រី ទទួលបាននូវបុណ្យកុសល មានសេចក្តីសុខ សេចក្តីចំរើន ហើយអំណោយទាំងអស់នេះសាលាសង្កាត់បានរៀបចំចាត់ចែងភ្លាមដល់ប្រជាពលរដ្ឋដែលកំពុងខ្វះខាត»។ លោកបូជាចារ្យដាមីញ៉ាំង បានឆ្លើយតបដោយស្នើទៅសាលាសង្កាត់សម្រាប់កិច្ចសហការក្នុងការជួយអ្នកក្រីក្រក្នុងអំឡុងពេលនៃការរីករាលដាលជំងឺឆ្លងសាហាវនេះ។ លោកមានប្រសាសន៍ថា ៖ «ព្រះសហគមន៍កាតូលិកព្រះវិហារព្រះកុមារយេស៊ូបឹងទំពុន រីករាយនឹងសហការជាមួយអាជ្ញាធរ និងផ្ដល់ជូននូវកម្លាំង និងមធ្យោបាយក្នុងការដឹកជញ្ជូនប្រសិនបើអាជ្ញាធរត្រូវការ»។ គ្រឿងឧបភោគ​បរិភោគដែលព្រះសហគមន៍ព្រះកុមារយេស៊ូបាន​ផ្តល់ជូននាពេលនោះមាន មីខ្លាឃ្មុំចំនួន៥០កេស , ត្រីខចំនួន ៥០យួរ, ទឹកដោះគោស្រស់ ៤កេស និងប្រេងឆាចំនួន ១០០ដប៕

លោកបូជាចារ្យ ខ័នរុយ ឃេវិន អ្នកទទួលខុសត្រូវអង្គការម៉ារីណុល និងជាប្រធានកម្មវិធីម៉ារីណុលដើម្បីសុខភាពផ្លូវចិត្ត បាន​លើកឡើងថា សុខភាពផ្លូវចិត្តនៅក្នុងបរិបទកូវីដ១៩នេះ គឺ​ជាកត្តាសំ​ខាន់ដែលកើតមាន​លើ​​បុគ្គលផ្ទាល់ខ្លួន ក៏ដូចជាសង្គមផងដែរ។ លោកបូជាចារ្យ ឃេវិន បាន​ថ្លែងឡើងដូចនេះ​​កាល​ពី​ថ្ងៃទី​១០ ខែមេសា ឆ្នាំ​២០២១ ជាមួយនឹង​ក្រុមការងារការិយាល័យផ្សព្វផ្សាយព័ត៌មានកាតូលិក។ លោក​បានបញ្ជាក់ថា ៖ «ក្នុងអំឡុងនៃការរីករាលដាលជំងឺឆ្លងកូវីដ១៩នេះ អ្វីដែលខ្ញុំបានមើលឃើញ និងមានក្ដីបារម្ភនៅក្នុងសហគមន៍គឺ បញ្ហាសុខភាពផ្លូវចិត្ត ព្រោះកង្វះនូវសេចក្ដីត្រូវការមូលដ្ឋាន (ម្ហូបអាហារ) និងសម្ភារអនាម័យ ជាបញ្ហាចាំបាច់នៅក្នុងសម័យកូវីដ១៩នេះ»។ លោក​បូជាចារ្យរូបនេះ បាន​បន្តថា ប្រជាជនមួយចំនួនធំនៅតាមសហគមន៍មានការព្រួយបារម្ភច្រើនអំពីស្ថានភាពនៃការរីករាលដាលនៃជំងឺកូវីដ១៩ ជាបញ្ហាមួយផ្នែក ហើយមួយផ្នែកទៀតគឺ​ការ​ភ័យបារម្ភ​ ដោយសារការ​ទទួលនូវ​ព័ត៌មានក្លែងក្លាយដែលនាំឱ្យមានភាពច្របូកច្របល់។ លោកថា៖ «ស្ថានភាពដែលកំពុងប្រឈមខ្លាំងគឺធ្លាក់ទៅលើ កម្មកររោងចក្រ ពលករចំណាកស្រុកដែលទើបតែត្រឡប់មកពីក្រៅប្រទេស និងប្រជាជនក្រីក្រ»។ លោកបូជាចារ្យ ឃេវិន បាន​បន្ថែមទៀតថា ចំពោះយុវជន និងកុមារ ការសិក្សាជារឿងចាំបាច់បំផុត ប៉ុន្តែពួកគាត់មិនអាចទៅសាលាបាន ហើយរយៈពេលជាងមួយឆ្នាំមកនេះការសិក្សារបស់សិស្សសាលាមិនទៀងទាត់ រីឯការៀនតាមអនឡាញក៏ផ្ដល់ផលលំបាកចំពោះយុវជន និងកុមារនៅកម្ពុជាផងដែរ។ លោកថា ៖ «កត្តាទាំងនេះហើយ ជា​ផលប៉ះពាល់ ជាសម្ពាធផ្លូវចិត្តចំពោះកុមារ យុវជន និងអាណាព្យាបាលរបស់សិស្ស»។ កញ្ញា គឹម

លោកអភិបាលអូលីវីយ៉េ អភិបាលព្រះសហគមន៍កាតូលិកកម្ពុជាភូមិភាគភ្នំពេញ នាព្រឹកថ្ងៃទី១២ ខែមេសា ឆ្នាំ២០២១ បានកោះហៅប្រជុំបន្ទាន់តាមប្រព័ន្ធផ្សព្វផ្សាយសង្គម   ZOOM ក្នុងនោះ​រួមមាន លោកបូជាចារ្យ ទទួលខុសព្រះសហគមន៍កាតូលិកមណ្ឌលសកម្មភាព ភ្នំពេញខាងជើង ភ្នំពេញខាងត្បូង និងភ្នំពេញថ្មី និង អង្គការការីតាសកម្ពុជា ព្រមទាំងការិយាល័យមួយចំនួនមាន សុខភាព យុវជន និងការិយាល័យផ្សព្វផ្សាយព័ត៌មានកាតូលិកកម្ពុជា រួមទាំង​គណៈកម្មការស្វាគមន៍ភ្នំពេញថ្មី។ កិច្ចប្រជុំនេះ ធ្វើឡើងក្នុងគោលបំណងរិះគិតបន្ទាន់ ដើម្បីឆ្លើយតបចំពោះសេចក្តីត្រូវ​ការរបស់ បងប្អូន ដែលកំពុងរងផលប៉ះពាល់ធ្ងន់ធ្ងរ ដោយសារមេរោគឆ្លងកូវីដ-១៩។ លោកបូជាចារ្យតាមណ្ឌលនីមួយៗបានជំរាបជូនផែនការដែលបានគ្រោងតាមព្រះសហគមន៍នីមួយៗ នៅក្នុងរាជធានីភ្នំពេញ ក្នុងនោះអង្គការការីតាសក៏បានត្រៀមជាស្រេចដែរ​។ ក្នុងអង្គប្រជុំលោកអភិបាលអូលីវីយ៉េ ក៏បានរំឭកបន្ថែម សូមឲ្យលោកបូជាចារ្យ បំពេញកិច្ចការទាំងអស់នេះតាមជាក់ស្តែង ជាពិសេសលើកទឹកចិត្ត គ្រីស្តបរិស័ទគ្រប់រូប ឲ្យបំពេញតួនាទី បំពេញកិច្ចការសង្គហៈ នៅតាមកន្លែងដែលខ្លួនរស់ជាក់ស្តែង «ម្នាក់ៗត្រូវដើរតួនាទីជាសង្គហៈ» និងរស់នៅ ដោយអនុវត្តដូចព្រះសហគមន៍ដើមដំបូង។    សូមជំរាបថា កាលពី​ថ្ងៃទី​១១ មេសា ២០២១  ក្នុងសារពិសេសមួយ ​ផ្ញើជូនលោកបូជាចារ្យ និងគ្រីស្ត​បរិស័ទ​​នៅ​ក្នុង​ភូមិភាគ​​ភ្នំពេញ ​លោក​អភិបាល អូលីវីយ៉េ  មានប្រសាសន៍ថា៖ «ប្រសិនបើយើងនៅស្ងៀមស្ងាត់មានន័យថាយើងមិនអើពើ ប្រសិនបើយើងមិនអើពើ និង​ចាប់អារម្មណ៍

“​សកម្មភាព​អន្តរ​សាសនា​ ជាផ្លូវ​មួយ​យ៉ាង​ពិសេស​​ដើម្បី​កសាង​សន្តិភាព​ និង​សុខដុមរមនា​​នៅក្នុង​សង្គម” នេះជា​របាយការណ៍​ស្តីអំពីសកម្មភាព​​អន្តរសាសនាក្នុងភូមិភាគ​ភ្នំពេញ ដែល​បាន​ចេញ​ផ្សាយ​នា​ថ្ងៃទី​៧ មេសា ២០២០នេះ​។ យោង​តាម​របាយការណ៍ បាន​សរសេរថា សុខដុមរមនា សុខសន្តិភាព កិច្ចសន្ទនា ការ​ចែក​រំលែក​គុណតម្លៃ​នៃ​ជីវិត​ខាង​ផ្លូវវិញ្ញាណ គឺជា​បេសកកម្ម​របស់​យើង​ជា​សាសនទូត​នៅ​ក្នុង​ព្រះរាជាណាចក្រ​កម្ពុជា។ នៅ​ក្នុង​នោះ​ផងដែរ ព្រះសហគមន៍​កាតូលិក​ទទួល​បានបែបបទ​នៃ​ការ​សន្ទនា​ចំនួន​៤ប្រភេទគឺ កិច្ចសន្ទនាតាម​រយៈជីវិត កិច្ចសន្ទនា​តាមរយៈ​​សកម្មភា​ព កិច្ចសន្ទនានៃ​ការផ្លាស់​ប្ដូរទេវវិទ្យា និង​កិច្ចសន្ទនា​នៃការ​ផ្លាស់​ប្ដូរ​បទពិសោធ​​សាសនា។ នៅ​ក្នុង​កិច្ច​សន្ទនាតាមរយៈជីវិត​គឺ​សំដៅ​ដល់​​វិស័យ​អប់រំ​ ដែលផ្តោត​លើភាតរភាព និង​បរិយាបន្ន​អប់រំ​​ ដែល​​​មាន​សាលាមត្តេយ្យ​ចំនួន​២៧​ សាលាបឋមសិក្សា​ចំនួន២ វិទ្យាល័យចំណេះទូទៅ​១ វិទ្យាល័យ​ចំណេះ​ដឹងទូទៅនិង​បច្ចេកទេស​ចំនួន១ និង​វិទ្យាស្ថាន​ចំនួន​១ បាន​ផ្ដល់ឱកាសពិសេសដើម្បធ្វើការ និង​រៀនសូត្ររួមជាមួយគ្នា ​ទាំងពុទ្ធបរិស័ទ​ និង​គ្រីស្ត​បរិស័ទ​កាតូលិក។ ជាមួយ​គ្នានេះ ព្រះសហគមន៍​កាតូលិក​បាន​បង្កើត​ភូមិ​សុខសាន្ត ដែល​ក្នុងនោះ​មាន​មណ្ឌល​ថែរក្សា​កុមារ​ដែល​មាន​ពិការភាព​ ​មជ្ឈមណ្ឌល​សិប្បកម្មដែលមានជន​មានពិការភាព​ ​ក្រុម​គ្រួសារ​អ្នក​រស់នៅជាមួយ​មេរោគអេដស៍ ចាស់ជរា​ដែល​​​ក្រុមគ្រួសារ​បោះបង់ចោល មាន​ទាំងគ្រីស្ត​បរិស័ទ​កាតូលិក មាន​ទាំង​ពុទ្ធសាសនិក​។ ម្យ៉ាង​វិញទៀត កិច្ចសន្ទនា​តាម​រយៈសកម្មភា​ព​ ដែល​សាសនា​ធំៗ​ចំនួន​៣​តែង​ធ្វើ​រួម​គ្នា នៅ​ក្នុង​ឱកាស​បុណ្យ​ព្រះយេស៊ូ​ប្រសូតនៅ​តាម​ពន្ធនាគារនានា​ ការ​ជួប​ជុំ​ជាមួយ​អ្នក​ផ្ទុក​មេរោគ​អេដស៍​និង​ជំងឺ​អេដស៍ ការ​ចុះសួរ​សុខ​ទុក្ខ​គ្នាទៅ​វិញ​ទៅ​មក​រវាង​ព្រះសហគមន៍​និង​វត្ត​នៃ​ព្រះពុទ្ធ​សាសនា និង​ឥស្លាម​សាសនាជាដើម ញ៉ាំង​ឲ្យ​មាន«​បទពិសោធ​​ល្អខាងស្មារតី និងក្នុងសាមគ្គី​ភាពជាក់ស្តែង»រវាង​គ្នានិង​គ្នា និង​បង្កើត​ឲ្យមាន​សន្តិភាព និង​ ​សុខដុម​រមនា​នៅក្នុង​សង្គម​កម្ពុជា​របស់​យើង​សព្វថ្ងៃ។     របាយការណ៍​ដដែល​នោះ បន្ថែម​ទៀតថា

តំណាង​គ្រីស្ត​បរិស័ទ​ព្រះ​សហគមន៍​ចំការ​ទៀង ព្រះ​វិហារ​សន្តី​ម៉ារី​ញញឹម ឃុំគុស​ ស្រុកត្រាំកក់​ ខេត្ត​តាកែវ​  ដឹក​​នាំដោយ​លោកអភិបាល​ អូលីវីយ៉េ​ ជ្មិត​ហស្លេរ​ អភិបាល​​​ព្រះ​សហគមន៍​កាតូលិក​ភូមិ​ភ្នំពេញ​​ បានអញ្ជើញ​ចុះ​សួរ​សុខ​ទុក្ខ​ក្រុម​គ្រួសារ​ដែល​កំពុង​ជាប់​ចត្តាឡីស័ក​​ ចំនួន​ ៦គ្រួសារ​ ​ដែល​ស្ថិត​នៅក្នុងភូមិត្រពាំងព្រីង​ ឃុំគុស​ ស្រុកត្រាំកក់​ ខេត្ត​តាកែវ នា​ថ្ងៃ​ទី​០៦​ ខែមេសា​ ឆ្នាំ២០២១នេះ​។ នៅ​ក្នុង​កិច្ច​ចុះសួរសុខទុក្ខនេះ ​លោកអភិបាល អូលីវីយ៉េ​​ក៏​បាន​ផ្ដល់​អនុសាសន៍​ដើម្បី​លើក​ទឹកចិត្ត​​ និង​ណែនាំ​អំពី​របៀប​រក្សា​អនាម័យ​ ការថែទាំ​សុខភាព​​ និង​ជូនពរ​ដល់​គ្រួសារ​ជាប់​​​ចត្តាឡីស័ក​ទាំង​អស់ ឱ្យជៀសផុតពីជំងឺកូវីត១៩នេះ​ និង​សូម​ទទួល​បាន​សុខភាព​ល្អ​​ ជាពិសេស​សូមព្រះជាម្ចាស់ប្រទានពរដល់ពួកគាត់។ លោក​ តែ មុន្នីរតនា នាយក​ការិយាល័យកសិកម្ម​នៃ​នាយកដ្ឋាន​អភិវឌ្ឍន៍​ក្រសួង​ការពារជាតិ និង​ជា​សមាជិក​ក្រុម​ការងារ​ថ្នាក់ជាតិ​ចុះ​ជួយ​ភូមិគុស និង​ភូមិ​ចំការទៀង មាន​ប្រសាសន៍​សម្ដែង​នូវ​ក្ដី​រំភើប​ ចំពោះ​កិច្ច​ការ​សប្បុរស​របស់​ព្រះសហគមន៍​ចំពោះ​គ្រួសារ​ក្រីក្រ។ លោក​រតនាមាន​ប្រសាសន៍​ថា «នេះ​គឺ​ជា​ការ​លើក​ទឹក​ចិត្ត​ពួកគាត់​ដែល​កំពុង​ធ្វើ​ចត្តាឡឺស័ក​ឱ្យ​កម្លាំង​ចិត្ត កាត់​បន្ថយ​ការ​ភ័យ​ខ្លាច និង​មាន​សេចក្ដី​សង្ឃឹម​ឡើងវិញ ព្រោះ​អ្នក​ទាំងនោះ​សុទ្ធ​តែជាអ្នក​ក្រីក្រ​»។ លោក​បន្ថែម​ថា ក្នុង​អំឡុង​ពេល​ធ្វើ​ចត្តាឡីស័កប៉ុន្មាន​ថ្ងៃ​មុន​នេះ លោក​អភិបាល​ខេត្ត​​ក៏​បាន​ចុះ​មកសួរសុខទុក្ខ​និងបាន​នាំ​យក​អំណោយ​មក​ជូន​ពួកគាត់​ដែរ។   សម្ភារ​ដែល​ព្រះសហគមន៍​បាន​ជូន​ដល់​គ្រួសារ​នីមួយៗ រួមមាន អង្ករ​៥០គីឡូក្រាម​ មាន់​២ក្បាល​ និងសាច់​ជ្រូក មី​១កេស​ ត្រីខ​១យួរ ស្វាយ​១០គីឡូក្រាម ទឹកសុទ្ធ​១កេស ពងមាន់​

លោក​អភិបាល​ព្រះសហគមន៍​ភូមិភាគ​ភ្នំពេញ បាន​អំពាវនាវ​​ឱ្យ​គ្រីស្ត​បរិស័ទនៅ​ភូមិ​ភាគ​ភ្នំពេ​ញ​ទាំងមូលរួប​​​រួម​គ្នា​អធិដ្ឋាន​ផ្គាំ​ព្រះ​មាលា​ ជាមួយ​ក្រុម​គ្រួសារ​សាឡេស៊ាន​ដុន​បូស្កូ នា​ថ្ងៃ​ទី​៣១ ខែមីនា ឆ្នាំ២០២១​នេះ​ ដើម្បី​អធិដ្ឋាន​សម្រាប់​ប្រទេស​ភូមាដែល​កំពុង​រង​ទុក្ខលំបាក​យ៉ាង​ខ្លាំង។ លោក​អភិបាលថា ការអធិដ្ឋាន​ដោយ​ទូល​អង្វរ​ព្រះជាម្ចាស់​​បំភ្លឺ​អ្នក​ដឹក​នាំ​ប្រទេ​ស​​​ភូមា ​អាច​រក​ឃើញ​សេចក្ដី​សុខសាន្ត​ដ៏ពិត​ប្រាកដ។​ នៅក្នុង​សេចក្ដី​អំពាវនាវ​នេះ​ដែរ លោកអូលីវីយ៉េបាន​ណែនាំ​ថា ៖ «យើង​អធិដ្ឋាន​សម្រាប់​ព្រះ​សហ​គ​មន៍​នៅ​ប្រទេស​ភូមា​ដែល​ខិត​ខំ​ធ្វើ​ដំណើរ​រួម​ជាមួយ​ប្រជា​ជន​ ឱ្យ​ប្រជាជន​មានជីវិត​ហើ​យ​ជា​​ជីវិត​ដ៏​បរិបូរណ៌​ដែលបាន​មកពី​ព្រះ​យេស៊ូ​ផ្ទាល់​»។ នៅក្នុង​ឱកាស​​ស្នើ​ឱ្យ​គ្រីស្ត​បរិស័ទ​អធិដ្ឋានផ្គាំ​ព្រះ​មាលា​​នេះ​ដែរ យុវជន​ សាខន ស៊ីម៉ូន បាន​និ​យា​យថា ការ​អធិដ្ឋាន​ផ្គាំព្រះមាលា គឺជា​វិធី​មួយ​ដែល​លោក​ចូល​ចិត្ត ព្រោះ​ការធិដ្ឋាន​​​តាម​របៀ​ប​​នេះ​​នឹង​​ជួយ​​សម្រួលក៏​ដូចជា​ជួយ​ផ្សះផ្សារផ្លូវចិត្ត​។ លោក ស៊ីម៉ូន​បន្តថា ៖ «សព្វថ្ងៃ​យើង​ដឹង​ហើយ​ថា​ប្រជាជន​ភូមា​ត្រូវ​បានពួក​យោធា​​សម្លាប់​រាប់​រយនាក់ ដូច្នេះ​ការអធិដ្ឋាន​នេះ​សង្ឃឹម​ថា​ជួយ​ឱ្យ​ថ្នាក់​ដឹកនាំ​ភូមា​មាន​ការ​កែ​ប្រែ​ចិត្ត»។ គ្រីស្ត​បរិស័ទ​​មកពី​ខេត្ត​មណ្ឌលគីរី​​រូបនេះ បាន​បន្ថែម​ថា ​​ក្នុង​​នាម​ជា​គ្រីស្ត​បរិស័ទ​លោក​មិន​អាច​ទ្រាំមើល​ទង្វើ​របស់​រដ្ឋា​ភិបាល​ភូមា​ដែល​ធ្វើ​ឱ្យ​មាន​មនុស្ស​ស្លាប់​ ​ហើយដូច​​ការ​មើល​ឃើញ​រប​ស់​​យើង ព្រះនាង​ម៉ារី ជាមាតា​នៃ​សន្តិភាព ដូច្នេះ​ការ​អធិដ្ឋាន​ផ្គាំ​ក៏​ជាវិធីមួយ​ទូលសូម​សន្តិ​ភាព​ដែរ។ យុវជន​ស៊ីម៉ូន បាន​បញ្ជាក់​ថា ៖ «ក្រៅ​ពី​ការ​អង្វរ​សូម​សន្តិភាព​សម្រាប់​ភូមា ការអធិដ្ឋាន​ផ្គាំ​ដោ​យ​សូត្រ​ធម៌​ព្រះនាង​ម៉ារី​ដដែល​ៗ​​​ច្រើន​លើក​ច្រើន​សារ​ គឺ​បង្រៀន​ឱ្យ​ខ្ញុំ​ចេះ​អត់​ធ្មត់​ថែមទៀត​ដែ​ល​​ធ្វើ​ឱ្យ​ចិត្ត​យើង​ស្ងប់ដូច​ធ្វើ​សម្មាធិដែរ​»។ ព្រះសហគមន៍​ភូមិភាគ​ភ្នំពេញ តែង​តែ​យក​ចិត្ត​ទុកដាក់​ចំពោះ​ស្ថាន​ភាព​នានា​ដែល​បាន​​​កើត​មាន​ឡើង​ចំពោះ​សង្គម ព្រះសហគមន៍ ក៏​ដូចជា​ពិភព​លោក​ទាំងមូល ជាពិសេស​ចំពោះ​​​អ្នក​តូច​តាច។ ជាពិសេស​ក្នុង​ស្ថានភាព​បច្ចុប្បនេះ​ដែល​ប្រជាជន ក៏ដូចជា​ព្រះសហគមន៍​​​នៅ​​ប្រទេ​សភូមា​កំពុង​ជួប​នូវ​ទុក្ខ​លំបាក​យ៉ាងធ្ងន់​ធ្ងរ៕

«សាលាអប់រំពិសេស» ជាកម្មវិធីមួយផ្នែករបស់ព្រះសហគមន៍កាតូលិកព្រះវិហារព្រះកុមារយេស៊ូ បឹង​ទំពុន ដើ​ម្បីជួយដល់កុមារដែលខ្សោយលើផ្នែកសតិបញ្ញា ។ សាលា​នេះ​​ជាកម្ម​វិធី​​មួយ​ផ្នែក​ ​​របស់​​ព្រះសហគមន៍​កាតូលិក ព្រះ​វិហារ​ព្រះ​កុមារ​យេស៊ូបឹង​ទំពុន​ ដើម្បី​ជួយ​​ដល់​កុមារ​ដែល​ខ្សោយ​លើ​ផ្នែក​សតិ​បញ្ញា ​ឱ្យ​​មាន​សកម្មភាព​ប្រតី​ និង​ការ​គិត​ដូច​កុមារធម្មតា​​ឯទៀតៗ​ឡើង​វិញ។​ អ្វី​ដែល​គួរ​ឱ្យ​ចាប់​អារម្មណ៍ គឺ​កុមារ​ទាំង​នោះ​​មាន​លក្ខណៈពិសេស ​ដោយ​សិស្ស​ទាំង​អស់​​​​សុទ្ធ​តែ​ជាកុមារ​ដែល​មាន​ពិការភាព​ផ្នែក​សតិ​បញ្ញា មិន​អាច​សម្រប​ខ្លួន​ទៅ​នឹង​បរិបទ​នៃការ​សិក្សា​សម័យ​កូវីដ១៩ ដែល​​សិក្សា​តាម​រយៈ​​​អនឡាញ​ (បណ្ដាញសង្គម) ដូច​ក្រសួង​អប់រំ ​យុវជន និង​កីឡា​បាន​កំណត់​នោះ​ទេ។​ អ្នក​ស្រី​ភោគ ម៉ានី នាយិកា​សាលា​អប់​រំពិសេស​ បាន​ឱ្យដឹង​ថា ការ​សិក្សា​ចំពោះ​ក្មេង​​​​អូទី​សហ្សឹ​ម​​ក្នុង​សម័យ​កូ​វីដនេះជា​រឿង​ថ្មី​ ដោយសារការសិក្សា​​ពី​ចម្ងាយ​តាម​រយៈ​បណ្ដាញ​សង្គម​​​ ​ជារឿង​មួយ​ដែល​កុមារ​អូទីសហ្សឹម​មិន​អាច​ធ្វើ​បាន​ទេ។ អ្នក​ស្រីថ្លែង​ថា ៖ «​សាលា​យើង​ធ្វើ​ការ​បង្រៀន​​តាម​រយៈ​អាណាព្យាបាល​កុមារ​ ដោយ​ផ្ញើឯក​សា​រ​ និង​វីដេអូ​លំហាត់​ខ្លះៗ​​​ដែល​ពួក​គាត់​អាច​ធ្វើ​ជាមួយ​កូនៗ​បាន​»។ តាម​ការ​ឱ្យ​ដឹង​បន្ថែម​ អ្នក​ស្រី​ម៉ានី​ បញ្ជាក់​ថា សម្រាប់​ការ​សិក្សា​របស់​កុ​មារ​អូទីសហ្សឹម​ មិន​មាន​ការ​ប្រឡងប្រចាំ​ខែ ឬ​ឆមាស​ដូច​កុមារ​ធម្មតា​​នោះទេ គឺ​សាលា​ផ្ដោត​សំខាន់​ទៅ​លើ​ការ​រីក​ចម្រើន​របស់​កុមារ​ទៅវិញ​ ទោះ​បីជា​កុមារ​ដែល​រៀន​នៅ​កម្រិត​ខ្ពស់​អាច​និយាយ​បាន និង​មាន​​អកប្បកិរិយាល្អ​យ៉ាង​ណាក៏​ដោយ។​ ងាក​មក​មើល​សម្ភារៈ​ក្នុង​ការ​បង្រៀន​កុមារ​អូទីសហ្សឹម​នេះ​វិញ អ្នក​ស្រី​នាយិកាបញ្ជាក់​ថា៖ «ការ​​បង្រៀន​នេះ​គឺ​ព្យាយាម​ធ្វើ​អ្វី​ៗ​ដែល​ឪពុក​ម្ដាយ​អាច​មាន​នៅ​ផ្ទះ​ ដើម្បី​ងាយ​ស្រួល​ដល់​ពួក​គាត់​ ​ហើយ​ភាគ​ច្រើន​ការ​រៀន​គឺ​តាម​រយៈ​ការលេង​ល្បែង​នីមួយៗ​អាច​ជួយ​ពង្រឹង​ទៅ​ផ្នែក​ផ្សេ​ងៗសម្រាប់​កុមារ ដូចជា​ចលនា​ដៃ ភ្នែក … ជាដើម»។ ដោយ​ឡែក​ចំពោះ​អាណាព្យាបាល​វិញ ទោះ​បីជា​​ត្រូវ​បង្រៀន​កូន​ដោយ​ផ្ទាល់​នៅ​ផ្ទះ​ក៏​ដោយ ប៉ុន្តែ​ពួក​គាត់​យល់​ថា​​តម្លៃ​សិក្សា​របស់​កូនៗ​របស់​ពួកគាត់​​​មាន​កម្រិត​ទាប​ ដូច្នេះ​អា​ណាព្យាបា​ល​​ទាំងអស់​នៅ​តែ​បន្ត​​បង់​ថ្លៃ​សិក្សា​ពេញដដែល។​ សាលាអប់រំពិសេសបានចាប់ផ្ដើមដំណើរ