ពត៌មាន

ថ្លែងនៅ​ក្នុងពិធី​បុណ្យ​ឱឡារិក​គោរព​សន្ត​យ៉ូសែប ដែលជាឧបការី​ព្រះសហគមន៍នៅសែនសុខនៃ​ព្រះវិហារ​សន្ត​យ៉ូសែប ក្នុង​ខណ្ឌ​សែនសុខ រាជធានី​ភ្នពេញ លោក​អភិបាលព្រះសហគមន៍ភូមិភាគ​ភ្នំពេញ អូលីវីយ៉េ ជ្មីត​ហស្លេ មាន​ប្រសាសន៍​ថា ថ្ងៃនេះព្រះសហគមន៍​ឱ្យយើងគោរពសន្តយ៉ូសែប ដែលជាគំរូសម្រាប់យើងទាំងអស់គ្នា ដោយសន្តយ៉ូសែប ជាមនុស្សសុចរិត។ តាំងពីដើមរៀងមកបានដើរតាមព្រះជាម្ចាស់។ ពិធិបុណ្យ​គោរព​នេះ បាន​ធ្វើ​ឡើង​​នៅ​រៀង​រាល់​ថ្ងៃទី​១៩ មីនា ជា​រៀង​រាល់​ឆ្នាំ​ តាម​ប្រតិទិន​របស់​ព្រះសហគមន៍កាតូលិក​សកល។ លោក​យ៉ូសែប គឺជា​បិតា​របស់​ព្រះយេស៊ូ ត្រូវ​ជា​ស្វាមី​របស់​ព្រះនាង​ម៉ារី។ នៅលើរូប​សំណាក​របស់​លោក​យ៉ូសែប មាន​ផ្កាលីលីពណ៌ស ជាតំណាង សុចរិតរបស់​លោក​។ លោកអភិបាល​អូលីវីយ៉េ បញ្ជាក់​ថា ភាពសុចរិតរបស់​លោក​ គឺបានមកពីព្រះជាម្ចាស់ផ្ទាល់។ លោក​បាន​ឲ្យ​គ្រីស្ត​បរិស័ទដែល​បាន​ចូលរួម​ទាំង​អស់ រិះគិតអំពី​សុចរិត​ភាព​របស់​ខ្លួន និង​យក​លោក​យ៉ូសែប​ជា​គំរូនៃ​ជំនឿ។ លោក​អភិបាល​រំឭកថា ព្រះជាម្ចាស់មានគម្រោងការដោយបំភ្លឺលោកយ៉ូសែប និងលោកយ៉ូសែបមានជំនឿ និងទុកចិត្តព្រះជាម្ចាស់ បានប្ដូរគម្រោងការរបស់គាត់​ដោយ​ព្រម​ទទួលព្រះនាង​ម៉ារី និងព្រះកុមារយេស៊ូជាគ្រួសាររបស់គាត់។​ ជាមួយគ្នានេះ លោកអភិបាល​​ក៏បាន​លើកទឹកចិត្ត​ឲ្យ​គ្រីស្ត​បរិស័ទ​​ព្រម​ចូលរួម​ក្នុងគម្រោងការ​របស់​ព្រះជាម្ចាស់ «ដោយដឹងថាព្រះជាម្ចាស់មិនបោះបង់យើង និងយើងជាគ្រីស្តបរិស័ទ យើងមានជំនឿ និងសេចក្ដីសង្ឃឹមថែមទៀត។»  លោកអភិបាល​រំលឹកថា សូមសម្លឹងមើលសន្តយ៉ូសែបជាឪពុក។ លោកយ៉ូសែប បានយកចិត្តទុកដាក់ចិញ្ចឹមគ្រួសារ និងអប់រំកូនឱ្យចេះមានទំនាក់ទំនងនិងមានជំនាញ។ «ជំនឿរបស់យើងជាគ្រីស្តបរិស័ទយកចិត្តទុកដាក់លើតួនាទីរបស់យើងខ្ពស់ ដោយធ្វើដំណើរទៅមុខ។​ ចូរ​យើងទូលអង្វរតាមរយៈសន្តយ៉ូសែប ឱ្យរកឃើញសេចក្ដីសង្ឃឹម សុខសន្តិភាព។» យុវជន […]

ឯកឧត្តម បណ្ឌិតសភាចារ្យ ច័ន្ទ សារុន តំណាងរាស្រ្តមណ្ឌលខេត្តតាកែវ បាន​បំពាក់​មេដាយ​ស្ថាបនាជាតិ​ជូន​ដល់​លោក​អភិបាល​អូលីវីយ៉េ ជ្មីតហស្លេ អភិបាល​ព្រះសហគមន៍កាតូលិក​ភូមិភាគ​ភ្នំពេញ​​ដែល​បាន​ជួយ​កសាង​និង​ឧត្ថម្ភ​សម្ភារ​មួយ​ចំនួន​ដល់​វិទ្យាល័យសម្ដេចក្រុមព្រះ និងព្រះអង្គម្ចាស់ក្សត្រិយនរោត្ដម ម៉ារីរណឫទ្ធិ អង្គរនាប ស្ថិត​នៅ​ក្នុង​ស្រុកត្រាំកក់ ខេត្តតាកែវ នាព្រឹកថ្ងៃទី ២៤ មីនា ២០២២។ ថ្លែង​នៅ​ក្នុងអង្គ​ពិធី ក្នុងទីតាំង​របស់​សាលាវិទ្យាល័យ​ ឯកឧត្តមបណ្ឌិតសភាចារ្យ ច័ន្ទ សារុន ថ្លែង​កោតសរសើរ​លោកអភិបាល​ព្រះសហគមន៍​អូលីវីយ៉េ ដែលបានជួយអភិវឌ្ឍច្រើននៅក្នុងខេត្តតាកែវនេះ។ ឯកឧត្តម សំណូមពរដល់លោកអភិបាលអូលីវីយ៉េ ដើម្បីពិនិត្យ ពិចារណាជួយដល់កុមារគថ្លង់ និងពិការភ្នែកនៅក្នុងខេត្តតាកែវនេះ ឱ្យបានចូលរៀននិងក្លាយទៅជាពលរដ្ឋដែលមានសមត្ថភាពពេញលេញ។ លោកថា «ខ្ញុំមើលឃើញថា មានតែលោកអូលីវីយ៉េមួយទេដែលមានលទ្ធភាពអាចជួយបាន។» លោក អ៊ូ ហេង នាយកវិទ្យាល័យ មាន​ប្រសាសន៍ថា សមិទ្ធផល​ដែល​លោក​អភិបាល​អូលីវីយ៉េបាន​ជួយកន្លង​មក​នេះ​មាន​សាលា​រៀន​ដែល​មាន​១០​បន្ទប់​ ដែល​សហការជាមួយ​អង្គការ​កុមារ​មេគង្គ​កម្ពុជា​ និង​២០២០កន្លងទៅនេះ ​លោក​បាន​ជួសជុល​សាលា​ដែល​មាន​ទំហំ​ទឹក​ប្រាក់​ប្រមាណជា​មួយ​ម៉ឺន​ដុល្លារអាមេរិក​បូករួម​ទាំង​ឡាបូ​លាង​សម្អាតដៃនិង​រោង​ដំណាំផងដែរ។ លោកនាយក​សាលា​រូប​នេះ បាន​ឲ្យ​ដឹងទៀតថា លោកអភិបាល​ក៏​បាន​ឧត្ថម្ភ​នូវ​​ ​កុំ​ព្យូទ័រ​ដល់​​សិស្ស​និងលោក​​គ្រូ​អ្នក​គ្រូនៅ​ក្នុង​សាលា​ផងដែរ។ លោក​បញ្ជាក់​ថា  «សម្រាប់​នៅ​តំបន់​ជនបទសាលាមួយ​ចំនួន​មិន​ងាយ​មានកុំ​ព្យុទ័រ​បង្រៀន និង​រៀន​ទេ។ នេះជាឱកាស​មួយ​ដ៏ល្អ​ប្រពៃ និង​ក្នុង​នាម​ជានាយក​សាលា និង​អាជ្ញាធរដែនដី​សូម​ថ្លែង​អំណរគុណដ៏ជ្រាល​ជ្រៅ​បំផុតសម្រាប់​ទឹក​ចិត្ត​សប្បុរសធម៌​របស់​លោក​អភិបាល​អូលីវីយ៉េ។» លោកអ៊ូ ហេង បន្ថែម​ទៀតថា

ព្រះសហគមន៍កាតូលិកភូមិភាគភ្នំពេញ ដឹកនាំដោយលោកអភិបាល អូលីវីយ៉េ ជ្មីតហស្លេ ទូលអង្វរព្រះជាម្ចាស់តាមរយៈព្រះនាងម៉ារីសម្រាប់សុខសន្តិភាពប្រទេសអ៊ុយក្រែន និងរុស្ស៊ី ព្រមទាំងពិភពលោកទាំងមូល ដោយសូត្រផ្គាំ(អធិដ្ឋានតាមមាលា) រួមជាមួយសម្ដេចប៉ាបហ្វ្រង់ស៊ីស្កូក្នុងថ្ងៃបុណ្យទេវទូតជូនដំណឹងអំពីកំណើតព្រះយេស៊ូដល់ព្រះនាងម៉ារី នារសៀលថ្ងៃទី២៥ មីនា ២០២២។ នៅក្នុងការណែនាំពិធីសូត្រផ្គាំដែលធ្វើឡើងនៅព្រះវិហារព្រះមាតានៃសន្តិភាព អរិយក្សត្រ ក្នុងខេត្តកណ្តាល លោកអភិបាលមានប្រសាសន៍ថា ថ្ងៃនេះ សម្ដេចប៉ាបហ្វ្រង់ស៊ីស្កូ អញ្ជើញព្រះសហគមន៍នីមួយៗក្នុងពិភពលោក ចួបជុំគ្នានៅវិសាលវិហារឬកន្លែងដែលគោរពព្រះនាងម៉ារី ដើម្បីអធិដ្ឋានសូមសុខសន្តិភាពនៅក្នុងពិភពលោក និងដើម្បីថ្វាយប្រទេសអ៊ុយក្រែន និងរុស្ស៊ីក៏ដូចជាប្រទេសនានាក្នុងពិភពលោកដែលកំពុងមានសង្គ្រាម ទៅក្នុងព្រះបេះដូងដ៏និមលរបស់ព្រះនាងម៉ារី ដែលជាម្ចាស់ក្សត្រីយ៍នៃសន្តិភាព។ក្រោយបញ្ចប់ពិធីសូត្រផ្គាំ ព្រះសហគមន៍បានបន្តដោយមានអភិបូជា។ នៅក្នុងធម្មទេសនា លោកអភិបាលរំលឹកបន្ថែមថា ថ្ងៃនេះយើងនឹករឮកថ្ងៃព្រះយេស៊ូចាប់កំណើតនៅក្នុងផ្ទៃពោះព្រះនាងម៉ារី។ ទេវទូតនិយាយទៅកាន់ព្រះនាងម៉ារីថា «គ្មានការអ្វីដែលព្រះជាម្ចាស់ធ្វើមិនកើតឡើយ។»លោកអភិបាលបន្ថែមថា ព្រះនាងម៉ារីនៅលើផែនដីនេះជាសញ្ញាសម្គាល់នៃស្ថានបរមសុខ ដោយព្រះនាងម៉ារីណែនាំឱ្យមានសុខដុមរនាដែលយើងត្រូវការ នាំឱ្យអំពើហិង្សា ការស្អប់គ្នារលត់បាត់ និងកាត់បន្ថយការសងសឹកនិងចេះលើកលែងទោស។ លើសពីនេះព្រះនាងម៉ារីរំដោះ និងថែរក្សាពិភពលោកពីសង្គ្រាម។លោកអភិបាលអូលីវីយ៉េ បន្តថា នៅពេលដែលយើងអធិដ្ឋានផ្គាំ ឬអធិដ្ឋានតាមមាលា នាំឲ្យយើងមើលឃើញនូវអាថ៌កំបាំងរបស់ព្រះនាងម៉ារីនិងព្រះយេស៊ូ ដោយចូលនៅក្នុងជីវិតរបស់ព្រះជាម្ចាស់ទាំងអំណរសប្បាយ ពន្លឺ សិរីរុងរឿងនិងទុក្ខលំបាក ដែលនាំឱ្យយើងមើលឃើញផ្លូវដើម្បីទទួលស្គាល់ថា ពិតមែនយើងជាបងប្អូនគ្នា និងជាព្រះមហាក្សត្រីយ៍នៃក្រុមគ្រួសារទាំងមូលនៅក្នុងពិភពលោក។ «ព្រះនាងម៉ារីជាម្ចាស់ក្សត្រីនៃសុខសន្តិភាព»។លោកអភិបាលបន្ថែមថា ទាំងនេះនាំឱ្យយើងយល់ថា គ្មានការណ៍អ្វីដែលព្រះជាម្ចាស់ធ្វើមិនបាននោះទេ និងគម្រោងការនោះកើតមានឡើងលុះត្រាតែយើងទុកចិត្តលើព្រះជាម្ចាស់។ ដោយ៖ ដាលីស រូបភាពបន្ថែមទៀត

រដ្ឋាភិបាល​នៃសារធារណរដ្ឋឥណ្ឌា និងអង្គការ​ការីតាស​កម្ពុជា​ បាន​ចុះ​អនុស្សរណៈ​ យោគយល់​គ្នា សម្រាប់​កុមារ​កំព្រា កុមារ​ងាយរងគ្រោះ តាមរយៈសេវា​គ្លីនិកចល័តនៅកម្ពុជានៅឯមន្ទីរពេទ្យជ័យជំនះ ខេត្តកណ្តាល កាលពី​ថ្ងៃទី​១៨ ខែ​មីនា ឆ្នាំ​២០២២។ កម្មវិធី​ចុះ​អនុស្សរណៈ​នេះ ធ្វើ​ឡើង​ដោយ​មាន​លោក​គីម រតនា​ នាយក​ប្រតិបត្តិនៃអង្គការការីតាស​កម្ពុជា និង​លោកជំទាវបណ្ឌិត ឌីវីយ៉ានី ខប្រាហ្គេដ (Dr. Devyani Khobragade)  ឯកអគ្គរាជទូត​នៃសាធារណរដ្ឋឥណ្ឌាប្រចាំនៅកម្ពុជា និង​មាន​តំណាង​ពីក្រសួង​សុខាភិបាលនិងមន្ត្រីខេត្តកណ្តាល​ចូលរួម​ផងដែរ។ ថ្លែងក្នុងឱកាសនោះ លោក គីម រតនា បានថ្លែងអំណរគុណចំពោះរដ្ឋាភិបាលឥណ្ឌា ដែលបានផ្តល់ជំនួយសម្រាប់គម្រោងនេះ ដែលផ្តល់អត្ថប្រយោជន៍ដល់កុមារកំព្រា កុមារងាយរងគ្រោះ កុមារមាន​ពិការភាពផ្លូវចិត្ត និងកុមារ​ដែល​គេ​បោះ​បង់ចោល។ លោក រតនា បានថ្លែងអំណរគុណជាពិសេសចំពោះលោកជំទាវឯកអគ្គរដ្ឋទូតសម្រាប់ការគាំទ្រ និងកិច្ចសហប្រតិបត្តិការជាបន្តបន្ទាប់របស់លោកជំទាវ ដែលបានបន្តដល់ មជ្ឈមណ្ឌលផ្លូវចិត្តកុមារនិង​យុវជន(CCAMH) នៃ​អង្គការ​ការីតាសកម្ពុជា​​ ក្នុងរយៈពេលជាច្រើនឆ្នាំកន្លងមកនេះ។ នៅក្នុងសុន្ទរកថាស្វាគមន៍របស់លោកវេជ្ជបណ្ឌិត ប៊ូមីកុមារ ជេហ្គាន់ណាថាន់​ (Bhoomikumar JEGANNATHAN) អ្នកទទួល​ខុស​ត្រូវ ​CCAMH​​ បានគូសបញ្ជាក់ពី ភាពពាក់ព័ន្ធតាមបរិបទនៃគម្រោងនេះ ដោយសារវាមានគោលបំណងដើម្បីទៅដល់កុមារដែលមានពិការភាពផ្នែកប្រព័ន្ធប្រសាទ និងផ្លូវចិត្តផ្សេងទៀតដែលមិនអាចទទួលបានសេវាថែទាំសុខភាពដោយសារជំងឺរាតត្បាតកូវីដ-១៩។ លោកជំទាវ បណ្ឌិត ឌីវីយ៉ានី

គ្រីស្តបរិស័ទជាច្រើនកុះករ​ បាន​នាំគ្នាប្រារព្ធខួប៧៦ឆ្នាំនៃមរណភាពរបស់លោកបូជាចារ្យ ទ្រឿង ប៊ូយៀប ក្រោមអធិបតីភាព លោកអូលីវីយ៉េ ជ្មីតហស្លេអភិបាលព្រះសហគមន៍ភូមិភាគភ្នំពេញ នាថ្ងៃ ១២ មីនា ២០២២​ នៅព្រះវិហារព្រះបេះដូងព្រះយេស៊ូ នៃមណ្ឌលសកម្មភាពទន្លេមេគង្គ ស្ថិត​ក្នុងខេត្តកណ្ដាល។ ក្នុងធម្មទេសនានាឱកាសនេះ លោកអភិបាលអូលីវីយ៉េបានមានប្រសាសន៍ថា ទឹកដី​ផ្លូវ​ត្រី ជា​តំបន់មួយ​ដែល​ជា​ប្រវត្តិសាស្ត្រ​របស់​ព្រះសហគមន៍ ដែលមានគ្រីស្តបរិស័ទពីដើម​បានសាបព្រោះនៅលើទឹកដីនេះ ដើម្បីណែនាំឱ្យជីវិតបានរីកចម្រើនពីមួយថ្ងៃទៅមួយថ្ងៃ និងដើម្បីឱ្យព្រះបន្ទូលរបស់ព្រះជាម្ចាស់អាចមានផ្លែដ៏ពិតប្រាកដ។ លោកអភិបាលព្រះសហគមន៍រំឭកថា ព្រះសហគមន៍តំបន់ខាងកើតទន្លេមេគង្គ ជា​ទឹកដី​នៃ​មរណសាក្សី​ ដែល​នៅ​ផ្លូវ​ត្រី មាន​លោក​ប៊ូយៀប នៅ​ពោធិ៍ធំជាទឹកដីកំណើត​របស់​លោក​ឆ្មារ សាឡាស់ និង​ឆ្មារ សាឡឹម។ ជីវិតពួកគាត់គឺជាគ្រាប់ពូជធ្លាក់នៅក្នុងដីដើម្បីឲ្យមានផលផ្លែជាច្រើន។ ក្នុងឱកាសនេះដែរលោកអភិបាលរំឭកនិងផ្ដាំផ្ញើដល់គណ:កម្មការមរណសាក្សីថា «គួរគិតដល់កន្លែងពោធិ៍ធំ សូមឱ្យមានកន្លែងខ្លះដើម្បីនឹករឭកដល់មរណសាក្សីនៅខ្មែរយើង។» តាម​ប្រសាសន៍​របស់​លោកអភិបាល​អូលីវីយ៉េ​បាន​ឲ្យដឹង​ទៀត​ថា លោកយៀបបានធ្វើការអស្ចារ្យជាច្រើនសម្រាប់ប្រជាជនមួយចំនួន ទាំងពុទ្ធបរិស័ទ ទាំងគ្រីស្តបរិស័ទ។ កម្រងរូបភាព

រាជរដ្ឋាភិបាល​កម្ពុជា​​ តាមរយៈលោក សាយ សំអាល់ រដ្ឋមន្រ្តីក្រសួងបរិស្ថាន បាន​​បំពាក់​មេដាយ​ថ្នាក់ «ជាតូបការ» ជូន​លោក​អភិបាល​ព្រះសហគមន៍ភូមិភាគភ្នំពេញលោក ​អូលីវីយ៉េជ្មិត​ហស្លេរ ដើម្បី​តបស្នង​ទៅ​នឹង​កិច្ចការ​ដែល​លោក​បាន​ជួយ​អភិវឌ្ឍស្ទើរគ្រប់​វិស័យ​ទាំងអស់​នៅ​ក្នុង​ខេត្ត​តាកែវ កាល​ពី​ថ្ងៃទី​​៨ ខែមីនា ឆ្នាំ២០២២ នា​វិទ្យាស្ថាន​សន្ត​ប៉ូល ក្នុង​ភូមិអង្គគគី ស្រុក​ត្រាំកក់។ ថ្លែង​ប្រាប់​សារព័ត៌មាន លោក​ អូលីវីយ៉េ បាន​ឱ្យ​ដឹងថា នេះជាមេដាយជាតូបការ ហើយនេះជាអ្វីដែលជាសមិទ្ធិផលក្នុង​ការ​ប្រមូលនូវ​គ្រប់ស្នាដៃក្នុង​ព្រះសហគមន៍ តាំងពីឆ្នាំ ២០១០ រហូតដល់ ២០២២ នៅក្នុងខេត្តតាកែវនេះ។ លោក​មានប្រសាសន៍ថា ៖ «យើងបានជួយអភិវឌ្ឍទៅលើវិស័យជាច្រើន ទាំងវិស័យអប់រំ វិស័យសង្គម ការជួយ​ជនពិការ សិប្បកម្ម សិល្បៈ សុខភាព និង​វិស័យ​សាសនា ដែលណែនាំឱ្យមនុស្សនានាដែលអស់សង្ឃឹមឱ្យមានសង្ឃឹមឡើងវិញ។  ដូចនេះអ្វីៗទាំងអស់បានធ្វើឲ្យរាជរដ្ឋាភិបាលទទួលស្គាល់»។ ទាក់ទងនឹង​សមិទ្ធិផលដែល​លោកទទួល​បាននេះដែរ លោកអភិបាលក៏​បានបញ្ជាក់ផងដែរថា ទាំងអស់នេះមិនមែនស្នាដៃលោកផ្ទាល់តែឯងនោះទេ ប៉ុន្តែជាស្នាដៃរបស់ព្រះសហគមន៍កាតូលិក ជាពិសេសនៅក្នុងខេត្តតាកែវតែម្តង។ លោកអូលីវីយ៉េ បាន​ថ្លែងថា ៖ «ខ្ញុំសូមអរគុណដល់សហការីរបស់ខ្ញុំទាំងអស់ ដែលបានធ្វើឱ្យគ្រប់ស​កម្មភាពរបស់យើង ទាំងការអប់រំ ទាំងការអភិវឌ្ឍ និងទាំងសិល្បៈ ដែលទទួលជោគជ័យបាននេះ។ នេះជាការអស្ចារ្យនិងជោគជ័យសម្រាប់យើងទាំងអស់ និង​ជាកម្លាំង​មួយ​ពិសេស​ថ្មី​ដើម្បី​ឱ្យ​យើង​ទៅមុខទៀត»។

សំឡេងទះដៃអបអរសាទរយ៉ាងឱឡារិករបស់​និស្សិត​ និង​សាស្ត្រាចារ្យ នៃវិទ្យាស្ថាន​សន្ត​ប៉ូល ដើម្បី​ទទួល​បវេសនកាលឆ្នាំសិក្សា​ថ្មី​ “ឆ្នាំ​ពណ៌បៃតង” ជាផ្លូវការដែល​បាន​ប្រកាស​ដោយ ​ លោក​ អូលីវីយ៉េ ជ្មីហស្លេរ ស្ថាបនិក​វិទ្យាស្ថាន​សន្ត​ប៉ូលនិង​ជាអភិបាលព្រះសហគមន៍កាតូលិក​ភូមិភាគ​ភ្នំពេញ​ នៅក្នុងពិធី បើកបវេសនកាល ឆ្នាំសិក្សា ២០២២ -២០២៣ និងចែកសញ្ញានិស្សិត​សញ្ញាបត្រ​បរិញ្ញាបត្ររង និង​បរិញ្ញាបត្រ​ ដល់និស្សិតបានបញ្ចប់​ការសិក្សាចំនួន​១១៤នាក់  ក្រោម​អធិបតីភាព​ ​លោក សាយ សំអាល់ រដ្ឋមន្ត្រីក្រសួង​បរិស្ថាន​ នាព្រឹក​ថ្ងៃទី​៨ មីនា ២០២២ នៅ​វិទ្យាស្ថាន​សន្ត​ប៉ូល ក្នុង​ភូមិអង្គគគី ស្រុក​ត្រាំកក់ ខេត្ត​តាកែវ។ លោក អភិបាល អូលីវីយ៉េ​ បញ្ជាក់​ថា ឆ្នាំនេះ​ខ្ញុំ​បាន​ប្រកាសជា «​ឆ្នាំ​បៃតង» ​ពណ៌​បៃតង​ជាពណ៌​នៃ​សេចក្ដី​សង្ឃឹម​។ ដូច្នេះ​នៅក្នុង​ឆ្នាំ​បៃតង​នេះ​ឱ្យ​យើង​មើល​គ្រប់វិស័យ សូម​ឱ្យ​ការ​សិក្សា​ជោគជ័យ មាន​ទំនាក់​ទំនង​ប្រាកដ​មិនមែន​តាម​ហ្សូម និង​អនឡាញ ប៉ុន្តែ​ឱ្យ​​ខិតខំ​ការពារថែរក្សា​បរិស្ថាន ដាំ​បន្លែ យក​ចិត្ត​ទុកដាក់នឹងសុខភាព​ក៏​ដូចជាទេពកោសល្យ​ដើម្បី​ឱ្យ​យើង​ទៅជាមនុស្ស​ដ៏ពេញ​លក្ខណៈ។ នៅពេល​និយាយពីពណ៌បៃតង ជាពណ៌​ដែល​មើលពីអនាគត​ និង​ក្ដីសង្ឃឹម​របស់​យើង។ លោកអភិបាល​សង្ឃឹម​ថានិស្សិតទាំងអស់​ឈ្នះ​បញ្ហានានា និង​អាច​រៀប​ចំ​អនាគត​របស់ពួកគេបាន។​ សម្រាប់​និស្សិត​ទាងអស់ លោកមាន​ពាក្យ​មួយ​គឺ​ “​តស៊ូ​ និង​យក​ចិត្ត​ទុកដាក់” សម្រាប់​ឆ្នាំ​ទី​មួយ។

តាមរយៈសាររបស់សម្តេចប៉ាប បានស្នើឲ្យគ្រីស្តបរិស័ទ្ធនៅទូទាំងពិភពលោក យកថ្ងៃទី០២ ខែមីនា ជា ថ្ងៃបុណ្យរោយផេះ ដើម្បីរួមគ្នាអធិដ្ឋានដើម្បីសន្តិភាពសម្រាប់ប្រទេសអ៊ុយក្រែន។ ក្នុងនោះការិយាល័យយុវជន ជំទង់ និងកុមាតូច ក៏បានរៀបចំអធិដ្ឋានតេហ្សេ ដោយបានអញ្ជើញបងប្អូនគ្រីស្តបរិស័ទ្ធប្រមាណ៣០នាក់មកចូលរួមនៅព្រះវិហារសន្តប៉ូល និងសន្តសិលា ភ្នំពេញថ្មី។ លោក ស៊ាន់ សារឿន ជាអ្នកទទួលខុសត្រូវការិយាល័យយុវជន ជំទង់ និងកុមារ បានឱ្យដឹងថា ដោយសារតែក្នុងប្រទេសអ៊ុយក្រែននិងប្រទេសរុស្សី កំពុងតែមានសង្គ្រាម ជាពិសេសនៅប្រទេសអ៊ុយក្រែនមានប្រជាជនជាច្រើនដែល​ត្រូវជំលៀស ប្រជាជនជាច្រើនដែលបានបាត់បង់ផ្ទះសំបែង និងជាប្រទេសដែររងគ្រោះដោយសារការឆ្លានពានពីប្រទេសរុស្ស៉ី។ លោកបានបន្តថា ៖ «ការរៀបចំអធិដ្ឋានតេហ្សេនេះគឺដើម្បីឲ្យបញ្ឈប់សង្គ្រាម និងឲ្យអ្នកដឹកនាំរកវិធីសាស្រ្តដើម្បីផ្សៈផ្សារដោះស្រាយ ចរចារ តាមរយៈការសុំទូលអង្វររបស់យើងទៅព្រះជាម្ចាស់»។ លោក សាន់ សារឿន ឲ្យដឹងទៀតថា ៖ «យើងជាគ្រីស្តបរិស័ទ្ធដែលមានជំនឿលើព្រះជាម្ចាស់គឺយើងចង់បានសុខសន្តិភាព សេចក្តីសុខ សេរីភាពក្នុងការរស់នៅ ដូច្នេះអ្វីដែលប្រទេសរុស្ស៉ីកំពុងតែធ្វើទៅលើប្រទេសអ៊ុយក្រែនវាមិនស្របតាមព្រះសហឬទ័យនៃសេចក្តីស្រឡាញ់របស់ព្រះជាម្ចាស់»។ លោក សារឿន បានបញ្ជាក់ថា លោកសង្ឃឹមថានឹងមានសន្តិភាពនិងបញ្ឈប់សង្គ្រាមជាបន្ទាន់នៅប្រទេសអ៊ុយក្រែនតាមរយៈការអធិដ្ឋានថ្ងៃទី២ មីនានេះ។ លោក សាន់ សារឿន គ្រោងនឹងធ្វើការអធិដ្ឋានទូលសុំអង្វរព្រះជាម្ចាស់ ជារៀងរាល់សប្តាហ៍សម្រាប់សុខសន្តិភាពនៅប្រទេសអ៊ុយក្រែនដរាបណាសង្គ្រាមនៅតែមិនទាន់បញ្ចប់។ លោកថា ការអធិដ្ឋាននេះបញ្ជាក់ពីការចូលរួមចំណែ​ក រួបរួមគ្នាសុំសន្តិភាព និងបញ្ឈប់សង្គ្រាម

ក្នុងសំលៀកបំពាក់អាវស និងសំពត់ឬខោពណ៌ខ្មៅឬខៀវ ឈរតម្រង់ជាពីរជួរនៅមុខព្រះវិហារសន្តសិលានិងសន្តប៉ូលដែលមានទ្វារបិទជិត បេក្ខជនពេញវ័យចំនួន១៥នាក់បាន គោះទ្វារព្រះវិហារ។ លោកបូជាចារ្យសិលា សួន ហង្សលី បូជាចារ្យទទួលខុសត្រូវព្រះវិហារនិងជាប្រធានមណ្ឌលសកម្មភាពភ្នំពេញថ្មី បានស្រែកសួរពីចម្ងាយថា «តើអ្នកមករកអ្វី?» បេក្ខជនទាំងអស់បានឆ្លើយព្រមគ្នាថា «ខ្ញុំមកសុំចូលព្រះសហគមន៍»។ លោកបូជាចារ្យបានស្វាគមន៍ពួកគេ ដោយបើកទ្វារឲ្យចូលក្នុងព្រះវិហាររួមជាមួយគ្រីស្តបរិស័ទនានា។ នេះជាកម្មវិធីមួយដែលព្រះសហគមន៍កាតូលិកនៅកម្ពុជាបានធ្វើឡើង សម្រាប់អស់អ្នកមកឈ្វេងយល់ជំនឿ ដែលជាដំណាក់កាលដំបូងមុនពេលទទួលអគ្គសញ្ញាជ្រមុជទឹក គឺជាពិធីសុំចូលព្រះសហគមន៍ ឬហៅថា ជំហានទី១។ កម្មវិធីនេះបានធ្វើឡើងនៅថ្ងៃទី២០ ខែកុម្ភៈ ឆ្នាំ២០២២ នៅព្រះវិហារសន្តសិលានិងសន្តប៉ូល ស្ថិតនៅក្នុងភូមិក្រាំងអង្ក្រង សង្កាត់ក្រាំងធ្នង់ ខណ្ឌពោធិ៍សែនជ័យ រាជធានីភ្នំពេញ។ លោកសោម លោកា អាយុ៣៦ឆ្នាំបានឲ្យដឹងថា គាត់ស្គាល់ព្រះសហគមន៍តាមរយៈបងប្អូនរបស់គាត់ និងតាមរយៈការងារដែលគាត់កំពុងធ្វើសព្វថ្ងៃនេះ។ លោកា មានស្រុកកំណើតមកពីខេត្តប៉ៃលិន ដែលមានចម្ងាយ៣៦៧គីឡូម៉ែត្រពីទីក្រុងភ្នំពេញ គឺជាបុគ្គលិកម្នាក់កំពុងបម្រើការងារជាងមួយឆ្នាំហើយនៅក្នុងផ្នែកទទួលស្វាគមន៍ភ្ញៀវរបស់មណ្ឌលសកម្មភាពភ្នំពេញថ្មី។ លោកលោកា និយាយថា «ខ្ញុំឃើញពីភាពទំនាក់ទំនងនៅក្នុងសហគមន៍ ក៏ដូចជាការជួយផ្សេងៗរបស់ព្រះសហគមន៍ មានកិច្ចការល្អជាច្រើនដែលជួយដល់សង្គមរបស់យើង។» លោកលោកា បានបញ្ជាក់ថា «ខ្ញុំបានចូលរួមញឹកញាប់ជាមួយសកម្មភាពរបស់ព្រះសហគមន៍ ជាពិសេសគឺកម្មវិធីសប្បុរសធម៌។ ខ្ញុំសប្បាយចិត្ត និងរំភើបមែនទែន ទោះបីខ្ញុំជួយបានត្រឹមតែកម្លាំង ប៉ុន្តែខ្ញុំមានអារម្មណ៍រំភើបនៅពេលឃើញព្រះសហគមន៍មានទឹកចិត្ត សប្បុរសធម៌សម្រាប់បងប្អូនរបស់យើង។» ដោយសារចំណុចនេះ បានជំរុញឲ្យលោកសោម លោកា

សំឡេង​ចម្រៀង​លើក​តម្កើង​ព្រះជាម្ចាស់​បាន​លាន់ឮ​ឡើង​ ដោយ​មាន​មនុស្ស​ជា​ច្រើន​ដើរ​ប្រទ​ក្សិណបីជុំ​នៅ​ជុំ​វិញ​ព្រះវិហារ​ថ្មីមួយ ដែលមានបណ្ដោយ២២ម៉ែត្រ និងទទឹង៩ម៉ែត្រ។ «វិហារនេះមិនមែនជាកន្លែងធម្មតា តែជាព្រះដំណាក់ព្រះជាម្ចាស់។» នេះ​ជា​ប្រសាសន៍​របស់​លោក​អភិបាល​អូលីវីយ៉េ ជ្មិតហស្លេ អភិបាលនៃព្រះសហគមន៍កាតូលិក​ភូមិភាគ​ភ្នំពេញ មាន​ប្រសាសន៍​ក្នុងពិធី​សម្ពោធ​ព្រះវិហារ​សន្ត​យ៉ូសែប និង​ជើង​ជួងព្រះនាងម៉ារី នៅ​ព្រះសហគមន៍សំប៉ាន ក្នុង​ខេត្តកណ្តាល។ លោកអភិបាលមានប្រសាសន៍នៅក្នុងធម្មទេសនាថា ថ្ងៃនេះ ជាពេលវេលាមួយពិសេសសម្រាប់ព្រះសហគមន៍ភូមិភាគភ្នំពេញទាំងមូល ជាសេចក្ដីស្រឡាញ់សម្រាប់ព្រះសហគមន៍ សម្រាប់ព្រះជាម្ចាស់។ លោកអភិបាល​បន្ថែមថា ពិធីឆ្លងព្រះវិហារថ្មី យើងបានដើរ៣ជុំដើម្បីយល់ថា «ជាកន្លែងមួយពិសេស ជាកន្លែងសក្ការ: ចេញពីជីវិតលោកីយ៍ចូលមកកន្លែងសក្ការ: ជាកន្លែងដែលមានវត្តមានព្រះជាម្ចាស់»។ តាមការ​ឲ្យ​ដឹងពី​លោក ដេវ ទៀង ព្រះវិហារនេះសាងសង់នៅថ្ងៃ២២ កក្កដា ២០២០ និងបញ្ចប់នៅថ្ងៃ២២ កក្កដា ២០២១។ ព្រះវិហារថ្មីនេះកសាងឡើងដោយមានការចូលរួមសហការពីសំណាក់គ្រីស្តបរិស័ទដោយរៃអង្គាសថវិកាគ្នាទាំងក្នុងនិងក្រៅប្រទេស។ លោក​ដេវ ទៀង​ឲ្យ​ដឹងថា «ខ្ញុំសប្បាយដោយមានព្រះវិហារថ្មី និងពេលធ្វើព្រះវិហារនេះគឺយើងវេទនា ព្រោះយើងធ្វើក្នុងពេលមានជំងឺកូវីដ១៩ តែយើងអធិដ្ឋានទូលអង្វរព្រះជាម្ចាស់ ពឹងផ្អែក និងទុកចិត្តលើព្រះជាម្ចាស់ទាំងស្រុង។» ព្រះវិហារ​ថ្មីនេះ មានឈ្មោះ​ជា​ផ្លូវការ​ថា ព្រះវិហារ​សន្ត​យ៉ូសែប រីឯជើងជួងដែលមានកម្ពស់១៨ម៉ែត្រ ​ ត្រូវ​បាន​ដាក់​ឈ្មោះថា ជើងជួងព្រះនាងម៉ារី ស្ថិតនៅ​ក្នុង​ ស្រុក​កោះធំ ខេត្ត​កណ្តាល ចម្ងាយ​ប្រមាណ៦០គីឡូម៉ែត្រពី​រាជធានីភ្នំពេញ ដែលត្រូវ​ដាក់​សម្ពោធជាផ្លូវការ​នាថ្ងៃទី​២០