The Pastoral Office for Youth, Teenagers and Children of the Catholic diocese of Phnom Penh, organised a camp from 6-9 April 2019 at the Holy Trinity Church in Kirivong, Takeo province. Participating in this camp were more than 400 young people under the leadership of priests, leaders and members of the young scouts in the …
ក្នុងរាត្រីបុណ្យចម្លង កាលពីថ្ងៃអាទិត្យទី២១ ខែមេសា ឆ្នាំ ២០១៩កន្លងទៅ លោកអភិបាលអូលីវីយេ បានរំលឹកដាស់តឿនដល់គ្រីស្តបរិស័ទទាំងអស់នៅក្នុងព្រះសហគមន៍កាតូលិកភូមិភាគភ្នំពេញ ឲ្យបង្រៀនកូនចៅរបស់ខ្លួនឲ្យមានបេះដូងដ៏ធំ ដើម្បីមើលទៅអស់បងប្អូនដែលក្រីក្រ ប្រកបដោយសេចក្តីស្រលាញ់យ៉ាងពិតប្រាកដ ព្រោះថាសេចក្តីស្រលាញ់មានតម្លៃសំខាន់បំផុត សម្រាប់ពីភពលោកយើងនេះ ដែលពោរពេញដោយការប្រកួតប្រជែង និង ភាពអាត្មានិយម។ ជាពិសេសនៅក្នុងប្រទេសកម្ពុជាយើងដែល សព្វថ្ងៃនេះបានឲ្យតម្លៃយ៉ាងខ្លាំងបំផុតលើមាស ប្រាក់លុយ (ប្រាក់ជាស្តេច)។ លោកអភិបាលបញ្ជាក់ថា៖ ១. យកចិត្តទុកដាក់ចំពោះបងប្អូនក្រីក្រ ជាពិសេស កុមារ និងចាស់ជរា ។ ២.កសាងភាតរភាព ក្នុងចំណោមយើងជាគ្រីស្តបរិស័ទ។ ៣. រក្សាជីវិតខាងវិញ្ញាណ ដោយភ្ជាប់ទំនាក់ទំនងជាមួយព្រះជាម្ចាស់ និងមិនគ្រាន់តែនៅក្នុងពិភពលោកនៃសម្ភារៈនិយមយើងនេះទេ។ ខាងក្រោយនេះជាសេចក្តីក្នុងធម្មទេសនាទាំងស្រុងរបស់លោកអភិបាលអូលីវីយេ៖ ……………………………………………………..ធម្មទេសនា របស់លោកអភិបាលអូលីវីយេនៅថ្ងៃអាទិត្យទី២១ ខែមេសា ឆ្នាំ២០១៩បុណ្យចម្លង នៅចម្ការទៀងព្រះយេស៊ូមានព្រះជន្មរស់ឡើងវិញ អាលេលូយ៉ា អាលេលូយ៉ា អាលេលូយ៉ា ! បងប្អូនជាទីស្រឡាញ់! យប់នេះខ្ញុំមានអំណរសប្បាយ សូមចែករំលែកធម្មទេសនាសម្រាប់ព្រះសហគមន៍កាតូលិក ភូមិភាគភ្នំពេញយើងទាំងមូល។ យប់មិញនៅព្រះសហគមន៍ព្រៃកប្បាស យើងបានធ្វើពិធីជ្រមុជទឹកជូនបងប្អូន១៨នាក់។ ម្សិលមិញនៅគិរីវង់ខេត្តតាកែវចំនួន៥នាក់ និងកាលពីយប់មិញ នៅក្នុងភូមិភាគភ្នំពេញយើងទាំងមូល តាមព្រះសហគមន៍នីមួយៗ ក៏បានធ្វើពិធីជ្រមុជទឹកដែរ។ យប់នេះនៅភូមិចម្ការទៀង ព្រះវិហារសន្តីម៉ារីញញឹម ខ្ញុំមានអំណរសប្បាយសូមស្វាគមន៍បងប្អូនចំនួន៥៥នាក់ ដែលមកពីព្រះសហគមន៍សន្តីម៉ារីញញឹមចម្ការទៀងនៅទីនេះ និងមកពីព្រះសហគមន៍ថ្មីៗ មានត្រពាំងក្រញូងដែលជាលើកទី១មានបងប្អូនទទួលពិធីជ្រមុជទឹក, …
លោកអភិបាលអូលីវីយេ៖ បង្រៀនកូនៗឲ្យមានបេះដូងធំ និងសេចក្តីស្រលាញ់ពិតប្រាកដ Read More »
តាកែវ៖ បងប្អូនចំនួន ៥៥ នាក់ ដែលមកពីបួនកន្លែងផ្សេងៗគ្នាក្នុងខេត្តតាកែវ បានទទួលអគ្គសញ្ញាជ្រមុជទឹក នៅព្រះវិហារសន្តីម៉ារីញញឹម ចម្ការទៀង នារាត្រីបុណ្យចម្លង កាលពីថ្ងៃអាទិត្យ ទី២១ ខែមេសា ឆ្នាំ២០១៩ កន្លងទៅ ក្រោមអធិបតិភាពរបស់លោកអភិបាលអូលីវីយេ។ បងប្អូនទាំងនោះមកពីព្រះសហគមន៍ត្រពាំងក្រញូង ជាព្រះសហគមន៍ថ្មី ដែលមានអ្នកទទួល អគ្គសញ្ញាជ្រមុទឹកលើកដំបូង។ បងប្អូនមកពីព្រះសហគមន៍សន្តប៉ូល បងប្អូនមកពី ព្រះសហគមន៍តាកែវក្រុង និងបងប្អូនមកពីព្រះសហគមន៍សន្តីម៉ារីញញឹមផ្ទាល់។ លោកអភិបាល អូលីវិយេ មានប្រសាសន៍ថា “យប់នេះជាអំណរសប្បាយសម្រាប់ព្រះសហគមន៍នៅខេត្តតាកែវ ប៉ុន្តែសម្រាប់ព្រះសហគមន៍នៅភូមិភាគភ្នំពេញ ព្រះសហគមន៍នៅប្រទេសកម្ពុជា ដែលព្រះជាម្ចាស់បានជ្រើសរើស ៥៥ នាក់ថែមទៀត ដើម្បីទៅជាបុត្រាបុត្រីរបស់ព្រះអង្គ និងជាពិសេសដើម្បីចូលរួមនៅក្នុងមហាគ្រួសាររបស់ព្រះជាម្ចាស់ ដែលជាព្រះសហគមន៍។” ព្រះសហគមន៍កាតូលិកក្នុងខេត្តតាកែវ បានកើតឡើងក្នុងពាក់កណ្តាលទសវត្សឆ្នាំ១៩៩០ ដោយគ្រីស្តបិរស័ទតែម្នាក់ដែលបានខិតខំឈ្វេងយល់ព្រះបន្ទូល នៅភ្នំពេញរហូតទទួលអគ្គសញ្ញាជ្រមុជទឹក។ ដោយការខិតខំបង្ហាញជំនឿ និងមានការជួយជ្រោមជ្រែង ពីសំណាក់លោកបូជាចារ្យអូលីវីយេ។ បន្តិចម្តងៗដំណឹងល្អអំពីព្រះយេស៊ូបានរីកសាយភាយក្នុងខេត្តនេះ មនុស្សជាច្រើនបានដើរតាមព្រះយេស៊ូ។ ពេលនេះក្នុងខេត្តតាកែវមានព្រះសហគមន៍កាតូលិកចំនួន ៧ កន្លែង ។ ក្នុងឱកាសបុណ្យចម្លងនេះ ក្រៅពីបងប្អូនចំនួន ៥៥ នាក់ដែលជ្រមុជទឹកនៅព្រះសហគមន៍សន្តីម៉ារីញញឹម ក៏មានបងប្អូន ១៨ នាក់ …
បងប្អូនចំនួន៥៥នាក់ទទួលអគ្គសញ្ញាជ្រមុជទឹក នៅព្រះវិហារសន្តញញឹម ចម្ការទៀង Read More »
កាលពីថ្ងៃទី០៦–០៩ ខែមេសា ឆ្នាំ២០១៩ ការិយាល័យយុវជន ជំទង់ និងកុមារនៃព្រះសហគមន៍កាតូលិកភូមិភាគភ្នំពេញ បានរៀបចំកម្មវិធីបោះជំរំក្រុមកាយឫទ្ធិ នៅព្រះសហគមន៍ព្រះត្រៃឯកគិរីវង់ ខេត្តតាកែវ ដែលក្នុងនោះមានការចូលរួមពីលោកបូជាចារ្យ មេក្រុមកាយឫទ្ធិ និងកូនៗកាយឫទ្ធិ មកពីមណ្ឌលសកម្មភាពកំពង់សោម មណ្ឌលសកម្មភាពកំពត និងមណ្ឌលសកម្មភាពតាកែវ ជាង៤០០នាក់។ លោក ឡិឈឺផាន អេគូអាម ឆាលេស ជាបូជាចារ្យទទួលខុសត្រូវកម្មវិធីកាយឫទ្ធិភូមិភាគភ្នំពេញ បានថ្លែងក្នុងធម្មទេសនាបើកកម្មវិធីបោះជំរំនេះថា មេក្រុមកាយឫទ្ធិគឺជាការត្រាស់ហៅរបស់ព្រះជាម្ចាស់ ហើយមេក្រុមនេះ មានកម្លាំងដើម្បីបម្រើកូនក្រុម និងត្រូវចេះថែរក្សាគេ។ លោកបន្តថា មេក្រុមកាយឫទ្ធិទទួលការអប់រំដើម្បីទៅបម្រើ ដោយមានព្រះពរពីព្រះជាម្ចាស់ដែលគង់នៅ ហើយនៅមុនពេលយើងធ្វើអ្វីមួយយើងត្រូវតែអធិដ្ឋានដើម្បីទូលអង្វរសុំកម្លាំងពីព្រះជាម្ចាស់។ ចុងក្រោយលោកក៏បានអធិដ្ឋាន សូមឲ្យមេកាយឫទ្ធិទាំងអស់មានកម្លាំងដែលមកពីព្រះជាម្ចាស់ ដើម្បីឲ្យគេមានកម្លាំងដើម្បីបម្រើ។ នៅក្នុងកម្មិវិធីបោះជំរំនេះ មេក្រុមកាយឫទ្ធិទាំងអស់រិះគិតរួមគ្នាអំពីប្រធានបទរួមគឺខ្ញុំអាចធ្វើបាន ដោយមានបញ្ចូលល្បែងប្រជាប្រិយខ្មែរ គូររូប ការច្នៃប្រឌិត និងការចុះសួរសុខទុក្ខចាស់ៗនិងអ្នកក្រីក្រជាដើម។ លោក រដ្ឋ ចន្ថា ជាបុគ្គលិកការិយាល័យយុវជន ជំទង់ និងកុមារ ភូមិភាគភ្នំពេញដែលទទួលខុសត្រូវលើផ្នែកកាយឫទ្ធិ បានឲ្យដឹងថា គោលបំណងនៃកម្មវិធីបោះជំរំនេះ ធ្វើឲ្យកុមារមានឱកាសជួបជុំគ្នា ចេះរស់នៅជាក្រុម មានភាពក្លាហានក្នុងការចូលរួមសកម្មភាពផ្សេងៗ និងដើម្បីឲ្យក្រុមកាយឫទ្ធិទាំងអស់ចែករំលែកបទពិសោធរវាងគ្នានឹងគ្នា។ លោក អារ៉ាងហ្គោ សាប៉ាតា …
លោកអូលីវីយេ អភិបាលព្រះសហគមន៍កាតូលិកភូមិភាគភ្នំពេញ បានជួបសំណេះសំណាលជាមួយបងប្អូន អ្នកជំងឺ និងរស់នៅជាមួយមេរោគអេដស៍ចំនួន ១០០ គ្រួសារ នៅមន្ទីធម្មការ និងសាសនាខេត្តតាកែវ នាឱកាសអបអរសាទរបុណ្យចូលឆ្នាំប្រពៃណីជាតិខ្មែរ កាលពីថ្ងៃទី១១ ខែមេសា ឆ្នាំ២០១៩ ដោយមានកិច្ចសហការ រវាងព្រះសហគមន៍កាតូលិក និងមន្ទីរធម្មការ និងសាសនាខេត្តតាកែវ។ បងប្អូងទាំង១០០គ្រួសារនេះមកពីតំបន់មួយចំនួននៅជុំវិញខេត្តតាកែវ។ ក្នុងនោះដែរលោក គាំ ដាំផេង អនុប្រធានមន្ទីរធម្មការនិងសាសនាខេត្តតាកែវថា ពិធីសំណេះសំណាលនេះជាសក្ខីភាពមួយបញ្ជាក់ពីការយកចិត្តទុកដាក់ដ៏ខ្ពង់ខ្ពស់បំផុតពីសំណាក់ព្រះសហគមន៍កាតូលិក និងអរគុណដល់លោកអភិបាលអូលីវីយេដែលតែងតែចូលរួមយ៉ាងសកម្មនិងយកអំណោយចែកឲ្យអ្នកទាំងអស់គ្នានៅក្នុងខេត្តតាកែវប្រកបដោយតម្លាភាពនិងប្រសិទ្ធភាព។ ក្នុងពិធីនេះលោកអភិបាលអូលីវីយេបើមានប្រសាសន៍ថា នេះជាឱកាសមួយដើម្បីជូនពរដល់បងប្អូនទាំងអស់ឲ្យមានកម្លាំងចិត្តតស៊ូនិងមានសេចក្ដីសុខជាប្រចាំ។ លោកថាបញ្ហារបស់យើងគឺជំងឺប្រចាំថ្ងៃហើយអ្វីដែលសំខាន់បំផុតគឺជីវិតរបស់យើងសព្វថ្ងៃដែលមានទាំងសុខនិងមានទុក្ខ។ លោកអភិបាលបានលើកទឹកចិត្ត បន្តទៀតថា នៅក្នុងខេត្តតាកែវយើងមានជាង 2 ពាន់នាក់ដែលមានជំងឺនេះខ្ញុំបានអាន ព័ត៌មានថា5 ឆ្នាំទៀតនឹងមានវ៉ាក់សាំងការពារ ជំងឺអេដស៍ ប៉ុន្តែសំខាន់សូមឲ្យយើងប្រយ័ត្ន កុំឱ្យមានដៃគូថ្មីគឺមានប្រពន្ធតែមួយ និងប្រើប្រាស់ថ្នាំឲ្យបានទៀងទាត់។ ក្នុងឱកាសនេះដែរលោកអភិបាល ប័ណ្ណស្នើសុំ ដល់យាយៗដែលមានវត្តមាននៅទីនេះ ជួយអប់រំដល់យុវជនបន្តទៀត។ លោកបន្តថាសន្តិភាពសំខាន់ណាស់ជាពិសេសនៅពេលដែលយើងចូលឆ្នាំថ្មីជាពេលវេលាដែលយើងជូនពរគ្នាទៅវិញទៅមក នៅពេលដែលទេវតាចុះនៅថ្ងៃអាទិត្យយើងមានព្រះពរពីឋានលើមកមែនប៉ុន្តែសូមកុំភ្លេចជូនពរគ្នាទៅវិញទៅមក។ លោកបញ្ជាក់ទៀតថា យើងរកឃើញសេចក្ដីសុខនៅក្នុងជីវិតដោយចេះរួបរួមគ្នាជាគ្រួសារតែមួយ ចេះគោរពគ្នាជាបងប្អូន ហើយអ្វីដែលសំខាន់ទោះជាយើងសាសនាណាក្ដីគឺជាបងប្អូននិងជាជនជាតិខ្មែរចេះស្រឡាញ់គ្នាកសាងជាតិដោយសមត្ថភាពរបស់យើងផ្ទាល់។ តាមប្រសាសន៍របស់លោកគាំ ដាំផេងបានឲ្យដឹងថាពិធីនេះប្រព្រឹត្តទៅដោយមានការសហការល្អពីព្រះសហគមន៍និងមន្ទីរធម្មការនិងសាសនាខេត្តតាកែវ។ ក្នុងពិធីនេះអ្នកជំងឺក្នុងមួយគ្រួសារទទួលបានសាប៊ូដុសខ្លួនសាប៊ូលាងចាន សាប៊ូបោកខោអាវ ទឹកត្រីទឹកស៊ីអ៊ីវ អង្ករ និងថវិកាមួយចំនួន។
អង្គការការីតាសកម្ពុជា សហការជាមួយអង្គការការីតាស់អាល្លឺម៉ង់ បានបើកដំណើរការលើគម្រោងលើកកម្ពស់បរិយាប័ន្នសង្គម ដើម្បីធ្វើការចែករំលែក និងលើកកម្ពស់ដល់ជនរងគ្រោះគ្រប់ស្ថានភាពដែលមាននៅក្នុងសង្គមទាំងផ្លូវចិត្តនិងរាងកាយនាព្រឹកថ្ងៃទី 9 មេសាឆ្នាំ 2019 នៅអង្គការការីតាសកម្ពុជាសង្កាត់បឹងព្រលឹតខណ្ខ7 មករា រាជធានីភ្នំពេញ ដោយមាន តំណាងអង្គការ និងស្ថាប័នពាក់ព័ន្ធមួយចំនួនបានចូលរួមជាច្រើនកុះករ។ លោក គឹម រតនា នាយកប្រតិបត្តិនៃអង្គការការីតាសកម្ពុជា បានថ្លែងថាគម្រោងថ្មីរបស់អង្គការការីតាសនេះគឺដើម្បីជួយដល់ជនរងគ្រោះមានរយៈពេល 3 ឆ្នាំ ដោយមាន សហប្រតិបត្តិការពីការីតាសអាល្លឺម៉ង់ និងអនុវត្តដោយ ការីតាស់កម្ពុជា នៅក្រុងតាខ្មៅនិងសៀមរាប។ លោកបានបន្តថានេះជាគម្រោងបន្ថែមលើការងារដែលការីតាសកម្ពុជាបានធ្វើក្នុងពេលបច្ចុប្បន្នដែលកំពុងជួយដល់អ្នកក្រីក្រ និងអ្នកដែលគ្មានឱកាសនៅក្នុងសង្គម។ លោកសង្ឃឹមថាគម្រោងនេះ និងពង្រឹងសមត្ថភាពការីតាស់កម្ពុជា ដើម្បីលើកកម្ពស់បរិយាប័ន្ន ដោយមានគោលដៅលើកកម្ពស់សិទ្ធិមនុស្សជាពិសេសសិទ្ធិជនមានពិការភាព។ លោកនាយកប្រតិបត្តិរូបនេះក៏បានលើកផងដែរថា បន្ទាប់ពីសង្គ្រាម 40 ឆ្នាំកម្ពុជាមានការរីកចម្រើនប៉ុន្តែក៏មានឧបសគ្គ មួយចំនួនដល់ជនងាយរងគ្រោះ ជាពិសេសជនមានពិការភាព ដើម្បីចូលរួមក្នុងវិស័យនានាទាំងផ្នែកហេដ្ឋារចនាសម្ព័ន្ធ គោលនយោបាយនិងសេដ្ឋកិច្ចជាដើម។ លោកថាការធ្វើបរិយាប័ន្ននេះធ្វើយ៉ាងណាដើម្បីឲ្យសង្គមរបស់យើងមានការយល់ដឹងមានបរិយាកាសមួយដែលអាចផ្ដល់លទ្ធភាពដោះស្រាយរាល់ឧបសគ្គទាំងអស់ និងស្វាគមន៍ ក៏ដូចជាការផ្ដល់ឱកាស ឲ្យអ្នកងាយរងគ្រោះមានភាពស្មើគ្នា ដើម្បីជួយឱ្យជីវិតរបស់គេកាន់តែប្រសើរឡើង។ ចំណែកលោក អេនរីកេ ហ្វីការេដូ ជាអភិបាលព្រះសហគមន៍កាតូលិកភូមិភាគបាត់ដំបង និងជាអភិបាលទទួលខុសត្រូវនៃអង្គការការីតាសកម្ពុជា បានមានប្រសាសន៍ថា កម្មវិធីនេះមានសារៈសំខាន់សម្រាប់ការីតាស់កម្ពុជាចូលទៅក្នុងសង្គមដើម្បីជួយដល់រដ្ឋាភិបាលកម្ពុជានិងជួយដល់ជនមានពិការភាព។ លោកមានប្រសាសន៍បន្តទៀតថា កម្មវិធីនេះជួយឱ្យគ្រួសារដែលមានជនពិកាភាពដែលមិនហ៊ានចូលទៅក្នុងសង្គម។ លោកបញ្ជាក់ថាសព្វថ្ងៃយើងមាន មនុស្សមានជំងឺអូទីសឹមច្រើន ហើយកម្មវិធីនេះអាចជួយឲ្យគាត់ចូលរៀន នៅក្នុងសង្គមបាន។ លោកអភិបាលថាឥឡូវនេះមានកម្មវិធីពិសេសថ្មីគឺជួយឲ្យបងប្អូនដែលមានពិការភាពទូទៅអាចចូលរួមនៅក្នុងសង្គម ដូចមនុស្សទូទៅ។ លោកបន្តទៀតថាឧបសគ្គដែលជនពិការមានគឺមិនមែនមកពីខ្លួនគាត់ផ្ទាល់ទេគឺជាសង្គមមួយដែលត្រូវមានយុត្តិធម៍សម្រាប់ទាំងអស់គ្នា ដូចជាពេលដែលជនពិការចូលក្នុងបន្ទប់ទឹកគឺអាចឲ្យរទេះរបស់គាត់ចូលបាន។ លោកអភិបាលគីគេ សង្ឃឹមថាចាប់ពីពេលនេះទៅយើងមានទស្សនៈថ្មី គឺគិតពីសមត្ថភាពដែលជនពិការមាន ច្រើនជាងបញ្ហាប្រឈមរបស់គេ។គេមានសមត្ថភាព ច្រើនជាងឧបសគ្គដែលគេមាន។ ក្រៅពីកិច្ចស្វាគមន៍និងអនុសាសន៍ផ្សេងៗរបស់ថ្នាក់ដឹកនាំអង្គការការីតាសកម្ពុជានិងអង្គការការីតាសអាឡឺម៉ង់ អស់អ្នកដែលបានចូលរួមទាំងអស់ ក៏បានស្ដាប់អំពីសក្ខីភាពរបស់មាតាបិតា ដែលមានកូនជាជនពិការ និងយុវជនដែលជាជនពិការផ្ទាល់ ដែលធ្លាប់ទទួលរងនូវការប្រមាថមើលងាយពីអ្នកជុំវិញក៏ប៉ុន្តែ ពួកគាត់នៅតែមានក្ដីសង្ឃឹមថាអាចចូលរួមនៅក្នុងសង្គមដូចគេដូចឯងបាន។ គម្រោង លើកកម្ពស់បរិយាប័ន្នសង្គមនេះនឹងដាក់ឲ្យដំណើរការរយៈពេល 3ឆ្នាំគឺចាប់ពីឆ្នាំ 2019 រហូតដល់ឆ្នាំ 2021។ ក្រៅពីគម្រោងនេះ ការីតាសកម្ពុជាក៏បានយកចិត្តទុកដាក់ផ្ដល់សេវាកម្មពង្រឹងសមត្ថភាពសម្របសម្រួលលើគ្រប់វិស័យដើម្បីលើកកម្ពស់ជនក្រីក្រដែលមកពីគ្រួសារជនមានពិការភាព ជាពិសេស មានការអប់រំជាប្រព័ន្ធសម្រាប់ស្ត្រី និងអប់រំវិជ្ជាជីវៈដល់ស្ត្រីដែលរងគ្រោះដោយសារការបំពានផ្លូវភេទព្រមទាំងយុវជនយុវនារីទាំងអស់ក៏ដូចជាកុមារឲ្យមានបំណិនជីវិត និងស្វែងរកឱកាសដើម្បីចូលរួមនៅក្នុងសង្គម ក៏ដូចជាការរួមចំណែកនៃការអភិវឌ្ឍសង្គមកម្ពុជាទាំងមូលផងដែរ។
កំពតៈ ព្រះវិហារថ្មីមួយខ្នងមានទំហំ ១០ម៉ែត្រ គុណនឹង ២០ម៉ែត្រ ដែលបានសងជារចនាបថខ្មែរយ៉ាងស្រសស្អាត បានប្រារព្ធពិធីបុណ្យឆ្លងយ៉ាងឳឡារិក កាលពីថ្ងៃទី ១៦ ខែ មីនា ឆ្នាំ២០១៩កន្លងទៅ ដែលមានលោកអូលីវីយេ ជ្មិតហស្ល៊ែរអភិបាលព្រះសហគមន៍ភូមិភាគភ្នំពេញជាអធិបតី និងមានការចូលរួមពីសំណាក់លោកបូជាចារ្យ គ្រីស្តបរិស័ទយ៉ាងច្រើនកុះករ។ ពេលចាប់ផ្តើមកម្មវិធីបុណ្យ លោកអភិបាល លោកបូជាចារ្យ និងបរិស័ទ ដង្ហែជុំវិញព្រះវិហារថ្មីចំនួន បីជុំ ដោយមានឈើឆ្កាងនាំមុខ ព្រះគម្ពីរ និងបន្តបន្ទាប់ដោយ អដ្ឋិធាតុរបស់សន្តីតេរេសា ទឹកព្រះពរ និងប្រេងគ្រីស្មា។បន្ទាប់មកនៅមុខព្រះវិហារ លោកអភិបាលអូលីវីយេបានសួរ ទៅកាន់លោកយ៉ាំ លូកាដែលទទួល ខុសត្រូវនៅព្រះសហគមន៍ថា ដាក់ឈ្មោះអ្វីឲ្យព្រះវិហារថ្មីនេះ? លោក បូជាចារ្យ តាវ៉ូឡា យ៉ាំង លូកា បានប្រកាសនៅមុខលោកអភិបាលថា ព្រះវិហារថ្មីនេះឈ្នោះ “ព្រះវិហារសន្តយ៉ូសែប”។ បន្ទាប់មកលោកអភិបាលអូលីវីយេប្រគល់កូនសោព្រះវិហារជូនទៅលោកបូជាចារ្យទទួលខុសត្រូវដើម្បីអញ្ជើញគ្រីស្តបរិស័ទទាំងអស់ឲ្យចូលទៅក្នុងព្រះវិហារដែលជាព្រះដំណាក់របស់ព្រះជាម្ចាស់ដើម្បីលើកតម្កើងព្រះនាមព្រះអង្គ។ នៅក្នុងឱកាសនេះដែរ លោកអភិបាលអូលីវីយេ បានមានប្រសាសន៍ទៅកាន់លោកបូជាចារ្យក៏ដូចជាគ្រីស្តបរិស័ទនៃព្រះវិហារ សន្តយូសែបថ្មីនេះ នៅក្នុងធម្មទេសនា ថា ថ្ងៃនេះយើងមានអំណរសប្បាយ ដោយសារយើងមានព្រះវិហារថ្មី ដូច្នេះសូមឱ្យយើងចេះថ្វាយបង្គំព្រះជាម្ចាស់តាមវិញ្ញាណនិងសេចក្ដីពិតដូចលោកអេសរ៉ាបានថ្លែងនៅក្នុងព្រះគម្ពីរ។ លោកអភិបាលក៏បានដាស់តឿន ដល់លោកបូជាចារ្យនិងគ្រិស្តបរិស័ទនៅទីនេះ សូមឲ្យយកព្រះវិហារដែលជាព្រះដំណាក់របស់ព្រះជាម្ចាស់ទៅជាកន្លែងមួយដើម្បីជួបជុំគ្នាជាក្រុមគ្រួសារ ដោយមានចិត្តស្រឡាញ់ ស្វាគមន៍គ្នា និងលើកលែងទោស លើកទឹកចិត្តគ្នាទៅវិញទៅមក។ បន្ទាប់ពីធម្មទេសនា ទាំងលោកអភិបាល អស់លោកបូជាចារ្យ និងគ្រីស្តបរិស័ទទាំងអស់លុតជង្គង់រួមគ្នាអធិដ្ឋានអង្វរសន្តបុគ្គលទាំងអស់ ដើម្បីទូលអង្វរព្រះជាម្ចាស់សម្រាប់ព្រះវិហារថ្មីក្លាយជាលំនៅដ្ឋាននៃការសង្គ្រោះ និងធម៌មេត្តាករុណា ដែលគ្រីស្តបរិស័ទទាំងអស់មកថ្វាយបង្គំព្រះជាម្ចាស់ទាំងវិញ្ញាណនិងសេចក្តីពិត។ ក្រោយមកលោកអភិបាលបានបញ្ចុះអដ្ឋិធាតុរបស់សន្តីតេរេសានៅចំកណ្តាលតុសក្ការៈ និងលាបប្រេងគ្រិស្មា លើកតុសក្ការៈ លើសសរព្រះវិហារ ដើម្បីទៅជាសញ្ញាសម្គាល់នៃព្រះរាជ្យ និងព្រះដំណាក់របស់ព្រះគ្រីស្ត។ លោកបូជាចរ្យដុតទៀនបំភ្លឺតាមសសរសសរព្រះវិហារ ជាតំណាងនៃព្រះពន្លឺរបស់ព្រះគ្រីស្តដែលបំភ្លឺប្រជាជាតិទាំងឡាយឲ្យបានពោរពេញទៅដោយសេចក្តីពិតផងដែរ។ លោកយ៉ាំងលូកា បូជាចារ្យទទួលខុសត្រូវព្រះសហគមន៍មានប្រសាសន៍ថា អ្វីដែលធ្វើឲ្យព្រះហគមន៍មានការរីកលូតលាស់មកដល់សព្វថ្ងៃ គឺមកពីការសម្ដែងធម៌មេត្តាករុណាតាមរយៈក្រុមសង្គហៈដល់អ្នកជំងឺនៅពេលដែលបងប្អូនកំពុងមានធុរៈ និងមានទុក្ខលំបាក ព្រះសហគមន៍តែងតែព្យាយាមជួយ។ លោកបន្តថា មួយវិញទៀតយើងមានកម្មវិធីផ្សេងៗដូចជាកម្មវិធីយុវជនដែលចុះទៅសួរសុខទុក្ខ និងមានកម្មវិធីសប្បាយរួមគ្នាដើម្បីលើកទឹកចិត្តដល់ក្រុមគ្រួសារ ក៏ដូចជាមានអាហារសាមគ្គី និងដូចជាក្រុមស្ត្រីដែលមានការច្នៃប្រឌិតផលិតផលសិប្បកម្មនានា ដែលនាំឲ្យយើងមានអារម្មណ៍ថាជាគ្រួសារតែមួយពិតមែន។ ព្រះសហគមន៍កាតូលិកជុំគិរី បានចាប់ផ្ដើមមានឡើងនៅដើមទស្សវត្សទី៩០ ដោយគ្រួសារគ្រីស្តបរិស័ទមួយដែលបានធ្វើមាតុភូមិនិវត្តន៍ ពីជំរុំជនភៀសខ្លួនខ្មែរ ថៃ។ តាមប្រសាសន៍លោក ស្រី អាន ជូ ជាអ្នកចាប់ផ្តើមព្រះសហគមន៍ក្នុងភូមិនេះបានរៀបរាប់ថា គ្រួសាររបស់លោកស្រី បានមកដល់ភូមិនេះ ហើយក៏បានធ្វើអ្វីសំខាន់ដែរគ្រាន់រៀបរាប់ អំពីព្រះយេស៊ូដល់បងប្អូន ធ្វើឲ្យបងប្អូនចាប់អារម្មណ៍ ចង់ដើរតាមព្រះយេស៊ូ។ លោកស្រីបន្តថាដោយមានការជួយជ្រោមជ្រែង និងលើកទឹកចិត្តពីលោកអភិបាលអីវរ៉ាមូស លោកអេមីល លោកបូជាចារ្យវីរៈជ័យ លោកបូជាចារ្យសួន ហង្សលី និងលោកបូជាចារ្យអូលីវីយេ មុននឹងតែងតាំងជាអភិបាលព្រះសហគមន៍ភូមិភាគភ្នំពេញ និងពេលនេះមានលោកលូកា បានជួយឲ្យព្រះសហគមន៍ចម្រើនឡើងជានិច្ច។ លោកស្រី បញ្ជាក់ថា “លទ្ធផលពេលព្រះជាម្ចាស់ជាអ្នកធ្វើកិច្ចការទាំងអស់។ ” សមាជិកក្នុងគ្រួសារ លោកស្រីបានក្លាយជាគ្រីស្តបរិស័ទទាំងអស់ ក្នុងនោះមានម្នាក់ជាដូនជីកាតូលិកក្នុងក្រុមអ្នកស្រឡាញ់ព្រះឈើឆ្កាងនៅកំពង់ចាម។ នៅក្នុងពិធីដ៏វិសេសវិសាលនេះ លោកអភិបាលអូលីវីយេ មានប្រសាសន៍ប្រាប់អ្នកនាំសារថា នៅពេលយើងសម្ពោធន៍ព្រះវិហារថ្មីមួយ គឺណែនាំឲ្យព្រះសហគមន៍ទាំងមូលនៅភូមិភាគភ្នំពេញមានអំណរសប្បាយ ដោយមើលឃើញព្រះសហគមន៍របស់យើងរីកចម្រើនបន្តិចម្ដងៗ។ លោកបន្តថា នៅទីនេះផ្ដើមចេញពីគ្រួសារតែមួយដែលជាគ្រីស្តបរិស័ទ ឥលូវនេះយើងឃើញមានគ្រីស្តបរិស័ទជាច្រើន មានទាំងយុវជន និងចាស់ៗផងដែរ។ លោកបញ្ជាក់ថាព្រះវិហារនេះជាសញ្ញាសម្គាល់ថាជាព្រះសហគមន៍ដែលមានជីវិត និងមានវត្តមានរបស់ព្រះយេស៊ូផ្ទាល់។ មានទូរព្រះកាយ ជាកន្លែងដែលមកជួបជុំគ្នាដើម្បីស្ដាប់ព្រះបន្ទូល អធិដ្ឋាន ប្រារព្ធអគ្គសញ្ញានានា។ គង្វាលព្រះសហគមន៍ភូមិភាគភ្នំពេញបន្ថែមទៀតថា កុំគិតតែលើអាគារសំខាន់ព្រះសហគមន៍ជាគ្រួសារមួយ ជាកន្លែងមួយដែលស្វាគមន៍បងប្អូនឯទៀតៗ ជាពិសេសអស់អ្នកដែលមានទុក្ខលំបាក និងបន្តប្រកាសដំណឹងល្អដើម្បីឲ្យព្រះគម្ពីរដែលយើងអានទៅជាព្រះគម្ពីរចិញ្ចឹមជីវិតប្រចាំថ្ងៃ និងមានឥទ្ធិពលដោយចូលទៅក្នុងដួងចិត្តរបស់យើង។
គ្រួសារក្រីក្ររចំនួន១២០ ទទួលអំណោយពីព្រះសហគមន៍សន្តយូសែបផ្សារតូច នាថ្ងៃទី១០ ខែមេសា ឆ្នាំ២០១៩នេះ ព្រះសហគមន៍សន្តយូសែបផ្សាតូច ក្នុងមណ្ឌលសកម្មភាព ភ្នំពេញខាងជើង។ កម្មវិធីនេះបានធ្វើឡើងនៅ ភូមិទួលសង្កែ ខណ្ឌឫស្សីកែវ រាជធានីភ្នំពេញ ក្រោមវត្តមានរបស់លោកបូជាចារ្យ ប៉ូល រឿង ឆ័ត្រសិរី ជាប្រធាន រួមជាមួយក្រុមសង្គហៈ និងគ្រីស្តបរិស័ទមួយចំនួនទៀត។ ជាកិច្ចចាប់ផ្តើមលោកបូជាចារ្យ រឿង ឆ័ត្រសិរី ទទួលខុសត្រូវព្រះសហគមន៍ផ្សារតូចផ្ទាល់បានមានមតិស្វាគមន៍បងប្អូនក្រីក្រទាំង១២០គ្រួសារថា៖ ក្នុងឱកាសបុណ្យចម្លង និងបុណ្យចូលឆ្នាំថ្មីប្រពៃណីខាងនេះ ព្រះសហគមន៍យើងបានរៀបចំជាអំណោយបន្តិចបន្តួចដល់បងប្អូន ក្នុងគោលដៅចែករំលែកសេចក្តីស្រឡាញ់ និងចូលរួមរំលែកការលំបាកខ្លះៗដល់បងប្អូន។ លោកបានបន្តថា អំណោយក្នុងថ្ងៃនេះមិនច្រើនទេសម្រាប់គ្រួសារដែលមានសមាជិកច្រើន គឺហូបត្រឹមមួយអាទិត្យ ឬច្រើនជាងមួយអាទិត្យគឺអស់ហើយ តែអ្វីដែលជាគោដៅនៅក្នុងថ្ងៃនេះគឺ ព្រះសហគមន៍យើងធ្វើតាមការបង្រៀនរបស់ព្រះយេស៊ូ ឲ្យចេះចែករំលែក ហើយស្រឡាញ់បងប្អូនគ្រប់ជាតិសាសន៍ ដូចឃ្លាមួយបានចែងក្នុងព្រះគម្ពីរថា បើបងប្អូនបានធ្វើកិច្ចការល្អតូចមួយចំពោះនណាម្នាក់ ដូចជាបានធ្វើចំពោះខ្ញុំដែរ។ អ្នកស្រី ស៊ី ផាន ជាប្រធានសង្គហៈរបស់ព្រះសហគមន៍សន្តយូសែបផ្សារតូច បានឲ្យដឹងថា អំណោយដែលត្រូវចែកសម្រាប់គ្រួសារនីមួយៗក្នុងថ្ងៃនេះមានដូចជា៖ អង្ករ២៥គីឡូក្រាម ទឹកត្រី មី អំបិល ប្រេងឆា និងត្រីខ។ល។ ហើយគ្រឿងឧបភាគបរិភាគទាំងនេះគឺបានមកពីបងប្អូនគ្រីស្តបរិស័ទ ក្រុងស្រុក និងក្រៅស្រុក រួមជាមួយនឹងថវិការរបស់ព្រះសហគមន៍សន្តយ៉ូសែបផ្ទាល់។ …
ជនក្រីក្រចំនួន១២០គ្រួសារ ទទួលអំណោយក្នុងឱកាសបុណ្យចូលឆ្នាំថ្មី Read More »
ព្រះសហគមន៍កាតូលិកភូមិភាគភ្នំពេញបានរៀបចំអធិដ្ឋានពេញមួយយប់មួយថ្ងៃ មានឈ្មោះថា២៤ម៉ោង សម្រាប់ព្រះជាម្ចាស់។ លោកអភិបាលអូលីិវីយេ ជ្មីតអីស្ល៊ែរបានជំរុញ និងយកចិត្តទុកដាក់យ៉ាងខ្លាំង ឲ្យគ្រប់មណ្ឌលសកម្មភាពព្រះសហគមន៍ក្នុងភូមិភាគភ្នំពេញត្រូវរៀបចំការអធិដ្ឋាននេះ យកពេល២៤ម៉ោងសម្រាប់ព្រះជាម្ចាស់ ដើម្បីឆ្លើយតបទៅនឹងការអំពាវនាវរបស់សម្តេចប៉ាបហ្វ្រង់ស៊ីស្កូ ដែលតម្រូវឲ្យព្រះសហគមន៍កាតូលិកនៅជុំវិញពិភពលោកនេះរៀបចំកម្មវិធីអធិដ្ឋាននេះនៅគ្រប់ភូមិភាគទាំងអស់។ កម្មវិធីនេះ ប្រារព្ធពិធីបើកនៅថ្ងៃទី៣០ ខែមេសា វេលាម៉ោង១២ថ្ងៃត្រង់ និងបិទបញ្ចប់ទៅវិញនៅថ្ងៃទី ៣១ ខែមេសាវេលាម៉ោង១២ថ្ងៃត្រង់។ ព្រះសហគមន៍កាតូលិកនៃមណ្ឌលសកម្មភាពនីមួយៗអាចបើក និងបិទកម្មវិធី ព្រមទាំងចាត់ចែងកម្មវិធីអធិដ្ឋានពេញ២៤ម៉ោង។ នៅព្រះសហគមន៍កាតូលិក ព្រះវិហារសន្តម៉ាទីន ត្រែងត្រយឹង នៃមណ្ឌលសកម្មភាពខេត្តព្រះសីហនុ បានប្រារព្ធពិធីបើកដោយមានវត្តមានផ្ទាល់របស់លោកអភិបាលអូលីវីយេ ជ្មីតអីស្ល៊ែរ និងការចូលរួមពីសំណាក់លោកបូជាចារ្យទាំងអស់នៃមណ្ឌលសកម្មភាពព្រះសីហនុ ព្រមទាំងគ្រីស្តបរិស័ទយ៉ាងច្រើនកុះករ។ មានប្រសាសន៍នៅក្នុងធម្មតេសនា លោកអភិបាល ព្រះសហគមន៍ភូមិភាគភ្នំពេញបានលើកឡើងថា យើងអធិដ្ឋានពេញមូយថ្ងៃ មួយយប់ តបតាមការអញ្ជើញរបស់សម្តេចប៉ាប និងយើងរួមបញ្ជូលគ្នាការអធិដ្ឋានពេញមួយយប់សម្រាប់ការត្រាស់ហៅ លើកទី៨១ ផងដែរ។ ព្រះសហគមន៍នៅកម្ពុជាតូច តែយើងរួមគ្នាជាមួយព្រះសហគមន៍ក្នុងពិភពលោកទាំងមួយ ក្នុង២៤ម៉ោងសម្រាប់ព្រះជាម្ចាស់។ លោកអភិបាលបន្តថា «ការអធិដ្ឋានឲ្យយើងបង្កើតរបៀបទំនាក់ទំនងជាមួយព្រះជាម្ចាស់ ដើម្បីទទួលជំនឿ ទទួលសេចក្តីសុខសាន្ត និងរស់នៅធ្វើសក្ខីភាពក្នុងសង្គម។ ពេលអធិដ្ឋានយើងមិនគ្រាន់តែនិយាយជាមួយព្រះជាម្ចាស់ តែយើងដាក់ខ្លួន ចំពោះព្រះភក្ត្រព្រះជាម្ចាស់ សូមព្រះអង្គមេត្តាករុណាចំពោះយើង។» លោកបញ្ជាក់ថាពេឡយើងអធិដ្ឋាន គឺស្តាប់ព្រះជាម្ចាស់ ដោយបន្ទាបខ្លួន មានចិត្តស្មោះត្រង់ មានជំនឿលើព្រះអង្គជានិច្ច ដើម្បីឲ្យយើងចេះបម្រើបងប្អូនឯទៀតៗដោយសេចក្តីស្រឡាញ់ …
២៤ម៉ោងសម្រាប់ព្រះជាម្ចាស់រួមជាមួយពិភពលោកទាំងមូល Read More »
ការិយាល័យយុវជន ជំទង់ និងកុមារកាតូលិក ភូមិភាគភ្នំពេញ បានរៀបចំកម្មវិធីបោះជំរំប្រធានមេក្រុមកាយឫទ្ធិភូមិភាគភ្នំពេញ ចំនួន៧០នាក់ ដែលមកពីព្រះសហគមន៍នានា ក្នុងមណ្ឌលសកម្មភាពទាំងប្រាំបួន ពីថ្ងៃទី២៩ ដល់ថ្ងៃទី៣១ ខែមីនា ឆ្នាំ២០១៩ នៅឧទ្យានជាតិព្រះសុរាម្រិតគិរីរម្យ ខេត្តកំពង់ស្ពឺ។ លោក ស៊ាន់ សារឿន នាយកការិយាល័យយុវជន ជំទង់ និងកុមារកាតូលិក ភូមិភាគភ្នំពេញ បានប្រាប់ពីគោលបំណងនៃកម្មវិធីបោះជំរំនេះថា យើងមានបីចំណុចសំខាន់ៗ គឺទីមួយពង្រឹងសមត្ថភាពដល់ប្រធានមេក្រុមកាយឫទ្ធិនីមួយៗ តាមរយៈការផ្តល់នូវគំនិតឆ្នៃប្រឌិតថ្មីៗ ការណែនាំក្រុម ល្បែងកំសាន្ត និងការចែកបទពិសោធន៍ឲ្យគ្នាទៅវិញទៅមក។ ទីពីរ ដើម្បីធ្វើពាក្យសច្ចាជាផ្លូវការចំពោះមុខលោកអភិបាល ដើម្បីបម្រើកូនៗកាយឫទ្ធិ ក្នុងព្រះសហគមន៍កាតូលិកភូមិភាគភ្នំពេញ។ ទីបី ឲ្យមានពេលវេលាដើម្បីរិះគិតរួមគ្នាសម្រាប់រៀបចំកម្មវិធីទិវាកុមារអន្តរជាតិ ០១ មិថុនា ២០១៩។ លោកសារឿន បន្តដោយរំពឹងថា កម្មវិធីនេះអាចធ្វើឲ្យប្រធាមេក្រុមកាយឬទ្ធិទាំងអស់មានសមត្ថភាពបន្ថែមទៀត ក្នុងការណែនាំមេកាយឫទ្ធិក៏ដូចជាកូនៗកាយឫទ្ធិនៅតាមព្រះសហគមន៍របស់ពួកគេ តាមរយៈបទពិសោធន៍និងរបៀបថ្មីៗ ប្រកបដោយប្រសិទ្ធិភាព ការយកចិត្តទុកដាក់ ការទួលខុសត្រូវ និងបម្រើដោយចិត្តស្មោះត្រង់និងសេចក្តីស្រឡាញ់ ដោយមានសហការជាមួយលោកបូជាចារ្យ បងប្រុសបងស្រី និងគ្រីស្តបរិស័ទនៅក្នុងព្រះសហគមន៍។ លោកប្រធានការិយាល័យយុវជនរូបនេះ បានលើកសំណូមពរ ដល់លោកបូជាចារ្យ បងប្រុសបងស្រីតាមព្រះសហគមន៍នីមួយៗ សូមជួយយកចិត្តទុកដាក់គាំទ្រលើកទឹកចិត្ត តាមដាន ណែនាំដល់ក្រុមកាយឬទ្ធិ ដើម្បីឲ្យគេមានភាពកក់ក្តៅនិងមានកម្លាំងកាយកម្លាំងចិត្តក្នុងការបន្តសកម្មភាពរបស់ពួកគេ។ ថ្លែងទៅកាន់ក្រុមប្រធានមេក្រុមកាយឫទ្ធិ នៅក្នុងធម្មទេសនា លោកអភិបាល អូលីវីយេ លើកទឹកចិត្តពួកគេថា …
ប្រធានមេក្រុមកាយឬទ្ធិត្រូវតែគោរពតាមពាក្យសច្ចារបស់ក្រុម Read More »