ពត៌មាន

ក្នុងអាទិត្យទី២នៃរដូវរង់ចាំនេះ លោកអភិបាលភូមិភាគភ្នំពេញ សុំឱ្យគ្រីស្តបរិស័ទរៀបចំខ្លួន ដូចការដ្ឋានផ្លូវថ្នល់ ដែលត្រូវកាយដីមិនល្អចេញ ហើយត្រូវបំពេញដោយថ្មគ្រឹះ។ ក្នុងនោះគឺគ្រីស្តបរិស័ទត្រូវកាយចេញនូវអំពើបាប និងទម្លាប់អាក្រក់ក្នុងខ្លួន ហើយត្រូវចាក់បញ្ចូលនូវព្រះបន្ទូលព្រះជាម្ចាស់  និងអគ្គសញ្ញាផ្សេងៗចូលក្នុងដួងចិត្តជំនួសវិញ។ ថ្លែងក្នុងធម្មទេសនានាថ្ងៃទី១០ ខែធ្នូ នៅព្រះវិហារ សន្ត​អូគូស្តាំង នៃខេត្ត​កំពត ដែលមានគ្រីស្តបរិស័ទប្រមាណ១០០នាក់មកពីព្រះសហគមន៍ចំនួន៥ ដែលស្ថិតក្នុងមណ្ឌលសកម្មភាពកំពត-កែប និងពីសាលា​ដុន​បូស្កូ​ចូលរួម លោកអូលីវីយ៉េ ជ្មីតហស្លេ អភិបាលព្រះសហគមន៍កាតូលិកភូមិភាគភ្នំពេញមានប្រសាសន៍ថា ព្រះជាម្ចាស់ឱ្យយើងរៀបចំផ្លូវនៃជីវិតដើម្បីទទួលព្រះជាម្ចាស់។ មណ្ឌល​សកម្មភាព​កំពត​-កែប មាន​ព្រះសហគមន៍​ដូចជា ព្រះវិហារ​សន្ត​អូគូស្តាំង ព្រះវិហារ​សន្តយ៉ូសែប(ជុំគិរី) ព្រះវិហារ​សន្តសិលា(ព្រែកប្រស់) ព្រះសហគមន៍ត្រពាំង​រ៉ុន និង​ព្រះសហគមន៍សន្តប៉ូល (កោះស្លា)។  ក្នុងរដូវរង់ចាំ​នេះ យើងត្រូវឱ្យព្រះវិញ្ញាណនាំយើង ឱ្យស្គាល់អំណោយទាន៧របស់ព្រះជាម្ចាស់ដែលប្រៀបដូចជាទឹកដែលស្រោចលើផ្លូវកុំឱ្យហុយនិងមើលឃើញផ្លូវច្បាស់លាស់។ លោកអភិបាលបន្ថែម។ លោកអភិបាល សូមឱ្យគ្រីស្តបរិស័ទកែប្រែចិត្តគំនិត ស្ដាប់ព្រះបន្ទូលរបស់ព្រះជាម្ចាស់ មានទំនាក់ទំនងជាមួយព្រះយេស៊ូ និង ត្រូវចេះតស៊ូ ដាក់ខ្លួន  និងស្រឡាញ់បងប្អូនឯទៀតៗ។ លោកអភិបាលបន្តថា «យើងត្រូវទំនាក់ទំនង ជាមួយព្រះយេស៊ូ ដើម្បីឱ្យយើងមានគ្រឹះរឹងមាំ​ក្នុងជីវិតរបស់យើង»។ ក្នុងនោះដែរ លោកអភិបាលឱ្យគ្រីស្តបរិស័ទត្រូវ ចេះតស៊ូក្នុង​ជីវិតរបស់ខ្លួន ដាក់ខ្លួនដូចលោកយ៉ូហានបាទីស្ត ចេះទទួលខុសត្រូវតាមតួនាទីរបស់ខ្លួន ក្នុងនាមជា ឪពុកម្ដាយ កូន  លោកបូជាចារ្យ …

លោកអូលីវីយ៉េ ឲ្យ​គ្រីស្ត​បរិស័ទ​កាយអំពើបាបចេញពីខ្លួន Read More »

មេក្រុមកាយឫទ្ធិប្រមាណជា១១០នាក់ ដែលមកពី៩មណ្ឌលសកម្មភាពក្នុងភូមិភាគភ្នំពេញបានចូលរួមកម្មវិធីបោះជំរំដើម្បីសិក្សា​បន្ថែម​អំពី​របៀប​ដឹកនាំ​កូនក្រុម​កាយឫទ្ធិ​របស់​ខ្លួន​នៅតាម​ព្រះសហគមន៍​នីមួយៗ​ ដែលកម្មវិធីនេះ​រៀបចំឡើងដោយ ការិយាល័យយុវជន ជំទង់និងកុមារភូមិភាគភ្នំពេញ នៅព្រះសហគមន៍សន្តីម៉ារីញញឹម​ចំការទៀង ក្នុង​ខេត្ត​តាកែវ កាលពីថ្ងៃទី០១-០៣ ខែធ្នូ។ លោក ស៊ាន់ សារឿន ជាអ្នកសម្របសម្រួលការិយាល័យ​យុវជន​ ជំទង់ និង​កុមារ​ភូមិភាគភ្នំពេញ​​ឱ្យ​ដឹងថា កម្មវិធីនេះបង្កើតឡើង ដើម្បីបណ្ដុះបណ្ដាលពង្រឹងសមត្ថភាព ​បង្រៀន​វិធីសាស្ត្រនៃគំនិតច្នៃប្រឌិត  ចែក​ចាយ​បទពិសោធ និងរបៀបប្រើប្រាស់សៀវភៅ​«ខ្ញុំអាច​ធ្វើ​បាន»​​សម្រាប់​​​ឆ្នាំ២០២៤ ដើម្បីឱ្យ​ពួកគាត់មានសមត្ថភាពគ្រប់គ្រាន់​ទៅ​បង្រៀនអប់រំ​​​ដល់​កុមារ​​​កាយឫទ្ធិនៅតាម​ព្រះសហគមន៍​​រៀងៗ​ខ្លួន។ លោកបន្តថា សៀវភៅនេះ​បានបញ្ចូលខ្លឹមសារ​​មេរៀនទៅ​តាម​បរិបទ​ឆ្នាំនីមួយៗ​ហើយ​សម្រាប់​ភាគទី៥នេះ យើងបានបញ្ចូលការសង្គ្រោះ​បឋម វប្បធម៌​ទូទៅ​ខ្លះ​ៗ និង​ប្រវត្តិសាស្រ្តមួយចំនួន​ក្នុងប្រទេស។ លោក​សង្ឃឹមថាកម្មវិធីរបស់​កាយឫទ្ធិ​នឹងបន្តជួយដល់កុមារ​ឱ្យមានអំណរសប្បាយ មានស្នាម​ញញឹម​ ទទួលបានការអប់រំ សុជីវធម៌ សីលធម៌ តាមរយៈ​​ខ្លឹមសារមេរៀនមួយចំនួន​ដែលយើងបានផ្ដល់ឱ្យពួកគាត់។ ក្រោយពីការ​សិក្សា​និង​ចែក​បទពិសោធដល់​គ្នាទៅវិញ​ទៅ​មក នៅថ្ងៃបញ្ចប់នៃកម្មវិធី តំណាងមេកាយឫទ្ធិតាមក្រុមនីមួយៗ ​បាន​បង្រៀនសាកល្បងទៅតាម​មេរៀន​ដែល​បាន​គ្រោង​ទុក​ក្នុង​សៀវភៅ ដោយ​មានបញ្ជូល​ ចម្រៀងកាយវិការ និងល្បែងកំសាន្តផងដែរ។ បន្ទាប់​មក​ ពួកគាត់​បាន​សូត្រពាក្យសច្ចាទាំង១០របស់ក្រុម​កាយឫទ្ធិដើម្បី​រំឭក​ពី​តួនាទី​របស់​ពួកគាត់។ ពេជ្រ ស្រីពុំ អាយុ១៨ឆ្នាំ មក​ពី​ព្រះសហគមន៍​គិរីវង់ ក្នុង​ខេត្ត​តាកែវ បាននិយាយថា ឆ្លង​តាម​អ្វីដែលនាង​បាន​ទទួល​រយៈពេល​៣​ថ្ងៃនេះ នាង​នឹង​ខិតខំ​ជួយ​ដល់​កូន​ក្រុម​កាយឫទ្ធិ​ដែល​​ជួប​ជុំ​គ្នា​នៅព្រះសហគមន៍រៀងរាល់ថ្ងៃអាទិត្យ​ដែល​មាន​កូន​កាយឫទ្ធិ​ប្រមាណ៦០ទៅ៧០នាក់ យល់ដឹងបន្ថែម​អំពី​មេរៀន​សម្រាប់ឆ្នាំ​២០២៤។ ជាមួយគ្នានេះ យុវ័ន ទេព សីហា អាយុ១៧ឆ្នាំ …

មេក្រុមកាយឫទ្ធិកាតូលិកភូមិភាគភ្នំពេញ ឈ្វេងយល់ពីរបៀបដឹកនាំក្រុម Read More »

កាលពីថ្ងៃទី​៣ ខែ​ធ្នូ​កន្លងទៅ លោកអូលីវីយ៉េ​ ជ្មីតហស្លេ អភិបាល​ព្រះសហគមន៍កាតូលិក​ភូមិភាគ​ភ្នំពេញ បាន​ណែនាំ​គ្រីស្ត​បរិស័ទ​ចេះ​ប្រកាសដំណឹងល្អ​និង​ផ្តល់​សក្ខី​ភាព​អំពី​ជំនឿ​ដូច​សន្ត​ហ្វ្រង់ស្វ័រសាវីយេ។ ​ក្នុង​ធម្មទេសនា​នៅព្រះវិហារ​សន្តីម៉ារី​ញញឹម​ចំការទៀង ក្នុងខេត្ត​តាកែវ ក្នុងពិធីផ្តល់​អគ្គសញ្ញាលាបថ្ងាស​ដល់​បេក្ខជន​ចំនួន​៤០នាក់​ ដែលមាន​គ្រីស្ត​បរិស័ទ​ជិត​២០០នាក់ចូលរួម​ពីព្រះសហគមន៍នានាមក​ពីព្រះសហគមន៍​ទាំង​៨​ក្នុង​មណ្ឌល​សកម្មភាព​តាកែវ លោក​អភិបាល​មាន​ប្រសាសន៍​ថា សន្តហ្វ្រង់ស្វ័រសាវីយេ បាន​ចាកចេញពីប្រទេស​របស់​គាត់​ ទៅប្រកាសដំណឹងល្អ​ដោយសារ​គាត់​ពោរពេញដោយ​អំណរសប្បាយ​ដែលបាន​ទទួល​ព្រះបន្ទូលរបស់​ព្រះជាម្ចាស់​ បានស្គាល់ព្រះអង្គ ហើយ​លោក​ចង់​ផ្តល់​សក្ខីភាព​​ដោយ​ខ្ជាប់ខ្ជួន​ ដែល«នេះ​ជា​តួនាទីរបស់​យើង​»។ លោកអភិបាល​បន្ថែមថា សូម​ឲ្យ​ព្រះអំណោយទាន​៧​ដែល៤០នាក់​​ទទួល​នៅថ្ងៃនេះ នាំឲ្យ​ពួកគាត់​ក្លាយជា​សន្តហ្វ្រង់ស្វ័រសាវីយេថ្មី​ និងឲ្យ​ភូមិបេថ្លេហិម​និង​ក្រុង​យេរូសាឡឹម​របស់​យើង​អាច​រស់និង​ដុះ​ឡើងនៅ​កន្លែងនីមួយៗ។ ​សន្ត​ហ្វ្រង់ស័រសាវីយេ ជាអ្នក​នាំ​ដំណឹងល្អ​ដល់​ប្រជាជាតិ​អាស៊ីមុនគេ។ នៅ​ក្នុង​ព្រះសហគមន៍ចំការទៀង​របស់​យើង​ យើង​មាន​របៀប​ប្រកាសដំណឹងល្អ​និង​ថែរក្សា​ព្រះសហគមន៍​តាម​របៀប​របស់​សន្ត​រូបនេះដែរ ដោយ​មាន​លោក​បូជាចារ្យ៤ជំនាន់​ហើយ។ លោកអភិបាល​បញ្ជាក់ ថា គឺមាន​រូបលោក​ផ្ទាល់ មានលោក​បូជាចារ្យ​វណ្ណាថាយ៉ា អារ៉ូគីយ៉ាដុស្ស  លោកបូជាចារ្យ​ហ្វេរណាន់ដូ អារាំងហ្គោ និង​បច្ចុប្បន្នមានលោក​បូជាចារ្យ ឆាលស៍ ឡិឈិប៉ាន។ លោកថា វត្ត​មាន​របស់​អ្នកទទួល​អគ្គសញ្ញាលាបថ្ងាសទាំង​៤០នាក់​ និង​វត្ត​មាន​របស់​គ្រីស្ត​បរិស័ទ​ដែល​បាន​ជួប​ជុំ​គ្នានៅទីនេះ ជាសញ្ញាសម្គាល់នៃ​វត្តមាន​របស់​ព្រះជាម្ចាស់ និង​ជា​សញ្ញាសម្គាល់​ដែលយើង​មើល​ឃើញ​ជាក់​ស្តែងថា​ «ពិតមែន​ព្រះជាម្ចាស់​បាន​ចាប់​កំណើត​ជាមនុស្ស​»។ លោកអភិបាល​បញ្ជាក់ថា ព្រះយេស៊ូមិន​មែន​ចាប់​កំណើត​នៅតែ​ភូមិបេថ្លេហិម​មួយនោះទេ «គឺ​បាន​ចាប់​កំណើត​នៅ​កន្លែង​ណា​ដែលមាន​គ្រីស្ត​បរិស័ទ» ហើយ​កន្លែង​ណា​ដែលមាន​គ្រីស្ត​បរិស័ទ​ «គឺជា​ទីក្រុង​យេរូសាឡឹមដ៏តូច​មួយដែល​ព្រះយេស៊ូសោយទិវង្គត​និង​មាន​ព្រះជន្មរស់ឡើងវិញនិង​ឡើងស្ថានបរមសុខ»។ ទោះបី​យើងជាមនុស្ស​ទន់ខ្សោយ ជាមនុស្ស​មាន​បាប ជួនកាលវង្វេងផ្លូវ ថ្ងៃនេះស្រឡាញ់ព្រះយេស៊ូ​ថ្ងៃស្អែក​ភ្លេច​ព្រះអង្គ ថ្ងៃនេះស្រឡាញ់​បងប្អូន​ឯទៀតៗតែ​ស្អែកនិយាយដើមគេ​ ព្រោះតែ​យើង​ជាមនុស្ស​សមញ្ញធម្មតា តែ​ទោះបី​យើង​​យ៉ាងនេះ​ក្តី ​​ព្រះជាម្ចាស់​មាន​ព្រះហឫទ័យ​ស្មោះត្រង់ចំពោះ​យើង​ជានិច្ច …

លោកអភិបាលអូលវីយ៉េ ណែនាំឲ្យគ្រីស្តបរិស័ទក្លាយជាសន្តហ្វ្រង់ស្វ័រសាវីយេថ្មី Read More »

គ្រីស្ត​បរិស័ទ​ជិត​១០០០នាក់ បាន​ចូលរួម​កម្មវិធីបុណ្យ​ឆ្លង​ព្រះវិហារ​ព្រះនាងម៉ារីជាមាតា​ព្រះសហគមន៍​ ដែលជាព្រះវិហារ​ចំណាស់​​សល់​ពីសង្គ្រាម​បាន​ជួសជុលឡើងវិញ ​និងដាក់​ឲ្យ​ប្រើប្រាស់​​ដើម្បីលើកតម្កើង​សិរីរុងរឿងរបស់​ព្រះជាម្ចាស់ ស្ថិត​នៅ​ក្នុងភូមិ​តាអំ ឃុំប្រាសាទ ស្រុកព្រះនេត្រព្រះ ខេត្ត​បន្ទាយមានជ័យ មានចម្ងាយ​២៨១គីឡូមែត្រពី​រាជធានីភ្នំពេញ ស្ថិតនៅ​ប៉ែក​ពាយ័ព្យនៃប្រទេស។ កម្មវិធីនេះ​បានចាប់ផ្តើម​ឡើង​ដោយ​មាន​ដង្ហែរូបព្រះនាងម៉ារី​ប្រទាក់ក្សិណ​ជុំវិញ​ព្រះវិហារ​ចំនួន​៣​ជុំ ​ក្រោមអធិបតីភាព​របស់​លោក​អេនរីគេ ហ្វីការេដូ អភិបាលព្រះសហគមន៍​កាតូលិក​ភូមិភាគ​បាត់ដំបង និងលោកអភិបាល​ព្រះសហគមន៍​ភូមិភាគភ្នំពេញ​និង​កំពង់ចាម ​លោកបូជាចារ្យជាច្រើន​អង្គ និង​មន្ត្រី​រាជការជាច្រើន​នាក់​​។ តាម​ប្រសាសន៍​របស់​លោក​បូជាចារ្យ តូតែត បាណេណាល់ បូជាចារ្យ​ទទួល​ខុស​ត្រូវ​តំបន់អង្គរ​ឲ្យដឹងថា ព្រះវិហារនេះ​ត្រូវ​បាន​កសាង​ឡើង​ដោយ​បូជាចារ្យសាសនទូត​នៃទីក្រុង​ប៉ារីសនៅ​ក្នុង​ឆ្នាំ​ប្រមាណ​១៩១០-១៩២០ ហើយភូមិ​តាអំនេះ ជា​ភូមិ​ដែល​មាន​គ្រីស្ត​បរិស័ទ​កាតូលិក​រស់នៅ​ច្រើន​រស់នៅ។​ ព្រះសហគមន៍​តំបន់​អង្គរ​ស្ថិត​ក្នុងភូមិភាគ​បាត់ដំបង​ មានព្រះសហគមន៍​ចំនួន​១២ ដោយ​រួម​ទាំង​ព្រះសហគមន៍​តាអំ។​ ក្នុងធម្មទេសនានាថ្ងៃទី​២៧ ខែ​វិច្ឆិកា​ លោក​បូជាចារ្យ​ឲ្យដឹងទៀតថា​ តុ​អាសនៈ​ដែលមាននៅក្នុងព្រះវិហារ​គឺយក​ពីសំណល់​ដំបូល​ព្រះវិហារដែល​មាន​អាយុ​១០០ឆ្នាំ​ហើយ។ លោក​បន្តថា «ដូច្នេះ តុអាសនៈនេះ បាន​ស្រូបពាក្យអធិដ្ឋាន​​របស់​ដូនតា​របស់​យើង គឺ​បាន​ឮពាក្យអង្វររបស់​បងប្អូន​ទាំងអស់និង​ពាក្យកោតសរសើររបស់​បងប្អូនចំពោះព្រះជាម្ចាស់​ ដែល​ឥឡូវនេះ​គង់នៅជាមួយយើង​ដដែល»។ ព្រះវិហារ​ដែលមានរចនាបទ​បែប​បារាំង​ លាប​ពណ៌​លឿង​អាច​ផ្ទុក​មនុស្ស​បាន​ប្រមាណ​៣០០នាក់មួយនេះ មាន​ស្លាកស្នាមនៃ​គ្រាប់កាំភ្លើង​​ជាច្រើន ព្រោះបាន​រង​ការ​បំផ្លាញ​ពី​សង្គ្រាម​ក្នុង​អំឡុង​ឆ្នាំ​១៩៧០-១៩៧៥។ យើង​អាច​មើល​ឃើញសំណល់​ចាស់ៗទាំងនេះ នៅ​តាម​កន្លែង​មួយ​ចំនួន​នៅ​តួព្រះវិហារផ្នែក​ខាង​ក្រៅ​។ លោក​តូតែត​ បញ្ជាក់ថា ស្នាម​របួស​ជាច្រើននេះ​ កំពុង​និ​ទានអំពីជីវិត​របស់បងប្អូន ដែល​មាន​ទាំង​អំណរនិង​ស្នាម​របួស ហើយស្ថិតនៅក្នុង​ព្រះហស្ដ​របស់​ព្រះនាង​ម៉ារីដែលជាមាតា។  បន្ទាប់ពីធម្មទេសនា គ្រីស្តបរិស័ទ​តំណាង​ព្រះសហគមន៍​នីមួយៗ ជាពិសេសក្នុងភូមិភាគ​បាត់ដំបង បាន​យក​បំណែក​ដី​ពីព្រះសហគមន៍របស់​ខ្លួន​មក​បញ្ចុះ​នៅក្រោម​តុអាសនៈ ជា​និមិត្តរូបនៃ​ការរួបរួម​គ្នាជា​បងប្អូន ​ …

បុណ្យឆ្លងព្រះវិហារ​តាអំ Read More »

នៅអាទិត្យចុងក្រោយ​នៃ​រដូវ​ធម្មតាលោក​អូលីវីយ៉េ ជ្មីតហស្លេ​អភិបាល​ព្រះសហគមន៍​ភូមិភាគ​ភ្នំពេញ រំឭកគ្រីស្តបរិស័ទ​ឱ្យធ្វើកិច្ច​មេត្តាករុណា​ជាប្រចាំថ្ងៃ​ដោយនឹកគិត​អំពីព្រះយេស៊ូ​ការ​កាត់ក្ដីចុងក្រោយ។​ លោកអភិបាលមាន​ប្រសាសន៍​នៅថ្ងៃទី២៦ខែវិច្ឆិកានៅព្រះវិហារ​សន្តសិលានិង​សន្តប៉ូល​នារាជធានីភ្នំពេញថា  នៅពេលយើង​នឹក​ឃើញ​ព្រះយេស៊ូ​នៅលើឈើឆ្កាង យើង​ដឹង​ថា​ជីវិត​របស់​យើង​មិន​ទៀងទាត់ទេ។​ ដូច្នេះ​លោក​អភិបាល​សូម​ឱ្យគ្រីស្តបរិស័ទ​ចេះ​ស្វែង​រក​វត្តមាន​របស់​ព្រះជាម្ចាស់​មិន​មែន​តែនៅក្នុង​ដួងចិត្ត  ដោយ​អធិដ្ឋាន និងអភិបូជា​តែប៉ុណ្ណោះទេ។  លោកថា   «នេះ​មិន​ទាន់ល្មម​សម្រាប់ស្រលាញ់​ព្រះជាម្ចាស់​នោះទេគឺ​ត្រូវ​អនុវត្ត​ដោយចេះស្រឡាញ់​យ៉ាង​សកម្ម»។​ ទំនាក់​ទំនង​របស់យើង​ក្នុង​បងប្អូន​ឯទៀតៗ​ពិសេស​អ្នក​ដែល​តូចតាច​គឺ​ផ្ដល់អាហារ  ផ្ដល់ទឹក ចែកទាន ស្វាគមន៍ជនបរទេស  ឱ្យ​សម្លៀកបំពាក់ សួរសុខទុក្ខ​អ្នក​ជាប់ឃុំ និងរៀបចំពិធីបុណ្យសព​។ និង​មាន​កិច្ច​ការ​ខាងផ្លូវ​វិញ្ញាណ​ចំនួន​៧ទៀត ដែលនឹង​គ្រីស្តបរិស័ទ​រួមមាន​ជួយមនុស្ស​សង្ស័យ​នៃជំនឿនិងគោលដៅនៃ​ជីវិតផ្ទាល់ខ្លួន អប់រំណែនាំមនុស្ស​ខ្វះចំណេះដឹង  និយាយណែនាំ​អ្នក​មាន​បាបកែប្រែចិត្តគំនិត លួងលោម​មនុស្ស​រងទុក្ខលំបាក  លើកលែងទោសជានិច្ច  តស៊ូជាមួយមនុស្ស​ដែល​រំខានយើង  និងអធិដ្ឋាន​សម្រាប់មនុស្សរស់និងស្លាប់។ កិច្ចទាំង១៤នេះ  ដើម្បីឆ្លើយតប​នឹង​សំណួរ​របស់ព្រះយេស៊ូនៅថ្ងៃចុងក្រោយ​នៃជីវិតរបស់យើង​។ លោក​អភិបាលបាននដាស់តឿន​ទៀតថា កិច្ចការ​ទាំង​១៤នេះ​ត្រូវ​ចាប់ផ្ដើម​ពីពេលនេះ​តទៅ​កុំ​រង់ចាំថ្ងៃស្អែក។​ ក្នុង​រដូវ​រង់ចាំខាង​មុខ​នេះ លោកអភិបាល​សូម​ឱ្យ​គ្រីស្តបរិស័ទ​គិត​អំពី​កិច្ចការ​ធម៌មេត្តាករុណា​នេះ៕ ដោយកែវ កញ្ញា​

កាលពីថ្ងៃទី២៣ ដល់ថ្ងៃទី២៥ ខែវិច្ឆិកា ឆ្នាំ២០២៣ យុវជន​ប្រមាណ​​​​ជា​១០០នាក់​ដែលមកពី៩មណ្ឌលសកម្មភាពក្នុងភូមិភាគភ្នំពេញ បានចូលរួម កម្មវិធីបោះជំរុំសម្រាប់ការត្រាស់ហៅ​ដែលរៀបចំឡើងដោយ គណៈកម្មការដើម្បីការ​ត្រាស់​ហៅ​ ក្រោមប្រធានបទ​ «ពេលវេលានៅជាមួយ​ព្រះយេស៊ូ​» នៅរមណីយដ្ឋាន ឋានសួគ៌​ធម្មជាតិភ្នំវល្លិ៍ ស្ថិត​នៅ​ក្នុង​ខេត្ត​កែប។ កម្មវិធីនេះមានការអញ្ជើញចូលរួមដោយលោកអភិបាល អូលីវីយ៉េ ជ្មីតហស្លេ អភិបាល​​​ព្រះសហគមន៍កាតូលិកភូមិភាគភ្នំពេញ លោកបូជាចារ្យជាច្រើនអង្គ ក្រុមបព្វជិត-ជិតា ជាច្រើនផងដែរ។ បើតាមប្រសាសន៍របស់លោកបូជាចារ្យ វី សំណាង ជាគណៈកម្មការកម្មវិធី​ការ​ត្រាស់​ហៅ​នេះ​បានឱ្យដឹងថា ទិសដៅ​សំខាន់​នៃ​កិច្ច​បោះជំរំនេះ គឺ​ជួយតម្រង់ទិសដល់ យុវជន យុវនារី​ដែល​មានបំណងចង់ដឹងនិង​ឈ្វេងយល់​អំពី​ការត្រាស់​ហៅ​ក្នុងជីវិត​របស់​ខ្លួន និង​របៀប​ថ្វាយ​ខ្លួនទៅ​ព្រះជាម្ចាស់។ លោក​បូជាចារ្យ​សំណាង​ បន្ថែមថា នៅ​ក្នុង​កម្មវិធីនេះ យុវជន​ទាំងអស់​មាន​​ឱកាស​នៅ​​ជាមួយព្រះយេស៊ូ និង​ព្រះជាម្ចាស់ ដោយ​ស្តាប់​សំឡេង​របស់ព្រះអង្គ​ក្នុងដួងចិត្ត ដែលជាសញ្ញាមួយនៃការត្រាស់ហៅរបស់​​ព្រះជាម្ចាស់​ថា តើ​ព្រះអង្គចង់ឱ្យ​ពួកគាត់ធ្វើ​អ្វី។ នៅថ្ងៃបើក​កម្មវិធី លោកអភិបាលអូលីវីយ៉េ បានអប់រំណែនាំដល់យុវជន យុវនារី ចេះ​រកឃើញ​វត្តមានព្រះយេស៊ូក្នុងជីវិតរស់នៅប្រចាំថ្ងៃ ដោយលោកបានលើកឡើងមាគ៌ា៩ចំណុច។ ក្នុងនោះ​រួមមាន​ ជឿហើយដឹង​ថាព្រះយេស៊ូគង់នៅក្នុងចិត្ត មើលជុំវិញខ្លួនដោយភ្នែកនៃជំនឿ ពិចារណានិងត្រួតពិនិត្យជីវិតផ្ទាល់ខ្លួនដោយមានចិត្តអរព្រះគុណព្រះជាម្ចាស់ជារៀងរាល់ថ្ងៃ ប្រើពាក្យអធិដ្ឋានខ្លីៗដើម្បីទំនាក់ទំនង​ជាមួយព្រះជាម្ចាស់ យកពេលវេលាដើម្បីនមស្ការព្រះកាយព្រះគ្រីស្តនិងស្មិងស្មាធិ៍ អធិដ្ឋានទាំងព្រឹកទាំងល្ងាច​ ត្រូវ​មាន​​ផ្គាំឬឈើឆ្កាងក្នុងកាបូប​ជានិច្ច យកពេលវេលាដើម្បីសម្លឹងមើលពិភពលោកនិងមនុស្សដែលព្រះជាម្ចាស់បានបង្កើត និងត្រូវ​មានចិត្តមេត្តាករុណាចំពោះបងប្អូនឯទៀតៗជាពិសេសអ្នកតូចតាច។ លោកអភិបាលបានមានប្រសាសន៍ថា ចំណុចទាំង៩នេះ …

យុវជនប្រមាណជា១០០នាក់ចូលរួមឈ្វេងយល់អំពីការត្រាស់ហៅ Read More »

លោកអូលីវីយ៉េ ជ្មីតហស្លេ អភិបាលព្រះសហគមន៍កាតូលិកភូមិភាគភ្នំពេញ បានប្រកាសផ្លាស់ប្តូរមុខងាររបស់លោកបូជាចារ្យក្នុងភូមិភាគ បង្កើតមណ្ឌលសកម្មភាពថ្មី និងថ្នាក់ត្រៀមសម្រាប់និស្សិតទេវវិទ្យាល័យក្នុងភូមិភាគភ្នំពេញ កាលពីព្រឹកថ្ងៃទី២៥ ខែវិច្ឆិកានេះ នៅព្រះវិហារមាតានៃសន្តិភាពអរិយក្សត្រ ខេត្តកណ្តាល។ ការផ្លាស់ប្តូរនេះនឹងចាប់ផ្តើមឡើងនៅដើមឆ្នាំ២០២៤ខាងមុខនេះ ដោយរួមមាននៅមណ្ឌលសកម្មភាពមេគង្គ ត្រូវផ្លាស់ទៅលោកបូជាចារ្យ ដាមីញ៉ាំង ហ្វារនឺ ទទួលខុសត្រូវ និង លោកបូជាចារ្យអាប្រាហាំ ឃុន។ រីឯមណ្ឌលសកម្មភាពកំពត-កែប ទទួលខុសត្រូវដោយលោកបូជាចារ្យ ដានីញ៉ែល យ៉ុននិងបូជាចារ្យ ថៃ រតនៈ(ប៊ុន លី)ជាជំនួយការ។ មណ្ឌលសកម្មភាពតាខ្មៅ ទទួលខុសត្រូវដោយលោកបូជាចារ្យយ៉ាំងលូកា តាវ៉ូឡា និងមានលោកបូជាចារ្យអារ៉ូគីយ៉ាដុស្ស វណ្ណាថាយ៉ាន។ ក្នុងនោះដែរ លោកអភិបាលបានបង្កើតនូវមណ្ឌលកម្មភាពថ្មីដែលមានទីតាំងតាមបណ្តោយទន្លេមេគង្គ ដោយដាក់ឈ្មោះបណ្ដោះអាសន្នថា «ផ្លូវដ៏វិសុទ្ធ» ដែលទទួលខុសត្រូវដោយលោកបូជាចារ្យ វីរៈជ័យ ស្រ៊ីប្រាមុងនិងលោកបូជាចារ្យ វី សំណាង ជាជំនួយការ។ មណ្ឌលកម្មភាពថ្មីនេះ រួមមានព្រះសហគមន៍ ព្រះវិហារព្រះមាតានៃសន្តិភាពអរិយក្សត្រ ព្រះវិហារសិលាពោធិ៍ធំ ព្រះវិហារសន្តយ៉ូសែបក្ដីកណ្ដាល ព្រះវិហារព្រះបេះដូងព្រះយេស៊ូផ្លូវត្រី និងដីថ្មីសម្រាប់សាងសង់ទីសក្ការដ្ឋានព្រះនាងម៉ារី។ ក្រោយការប្រកាសនេះ នាំឲ្យព្រះសហគមន៍កាតូលិកភូមិភាគភ្នំពេញមានមណ្ឌលសកម្មភាពសរុប ចំនួន១០កន្លែង រួមមាន កំពត-កែប ភ្នំពេញថ្មី ភ្នំពេញខាងត្បូង …

មុខងារនិងតំបន់ថ្មីក្នុងភូមិភាគភ្នំពេញ Read More »

លោកអភិបាល​ដាស់តឿនគ្រីស្តបរិស័ទ​អំពីតួនាទីរបស់ខ្លួន នៅព្រះវិហារ​ព្រះបេះដូងព្រះយេស៊ូ​កោះនរា នារាជធានីភ្នំពេញនាថ្ងៃទី​១៩ ខែ​វិច្ឆិកា លោក ​អូលីវីយ៉េ ជ្មីតហស្លេ អភិបាលព្រះសហគមន៍កាតូលិក​ភូមិភាគ​ភ្នំពេញ​ និយាយទៅកាន់​គ្រីស្តបរិស័ទ​អំពី​តួនាទី​ដែល​គ្រីស្ត​បរិស័ទ​ត្រូវ​​ធ្វើ​ជា​បុត្រធីតារបស់​ព្រះបិតា ដែលមាន​ព្រះយេស៊ូ​ជា​ស្ពាន។ លោក​មាន​ប្រសាសន៍ថា ​«ព្រះជាម្ចាស់​ចង់​ឲ្យ​យើងដា​ក់​ខ្លួន​តែមិន​ប្រាថ្នាឱ្យយើង​​​លាក់ខ្លួននោះឡើយ គឺត្រូវ​បំពេញ​តាម​តួនាទីរបស់​យើង​ដោយខិតខំ​បំពេញ​និង​ស្មោះត្រង់។» លោកអភិបាល​បាន​ជំរុញឲ្យ​គ្រីស្ត​បរិស័ទ​រិះគិត​អំពី​អ្នក​ក្រីក្រ ស្ត្រីមេម៉ាយ យុវជន​ដែល​កំពុង​ស្វែងរក​ការងារ និង​យុវជន​ដែល​កំពុង​ធ្វើ​ការ​នៅ​កាស៊ីណូ និង​អស់អ្នកដែលរងទុក្ខ​លំបាក​នានានិង​ដោយសារសង្គ្រាម​ និង​ជំរុញ​ឲ្យ​ឪពុកម្តាយ​យកចិត្ត​ទុកដាក់​ឲ្យ​កូន​ទទួល​បាន​ការ​អប់រំនៅ​សាលារៀន​។ «ការសិក្សា​អប់រំ​ចំណេះទូទៅសម្រាប់​កូនក្មេង​និង​យុវជន គឺសំខាន់​គឺ​អាច​នាំអោយគេ​មាន​អនាគត​ភ្លឺស្វាង» លោក​បន្តថា ​ការសិក្សា​ជាសកម្មភាព​ដែល​ជាមេត្តាករុណារបស់​ព្រះជាម្ចាស់​ «សូមឲ្យ​​ផុស​ឡើង​ដូច​ផ្កាឈូក»។ ព្រះជាម្ចាស់ចង់ឲ្យ​យើង​​​ចូលរួម​ទៅតាម​អំណោយទាន​ដែល​ព្រះអង្គ​​ផ្ដល់ឲ្យ​ ព្រោះ​«​មនុស្ស​ទាំង​អស់​មានសិទ្ធិទទួល​ធម៌មេត្តាករុណា​របស់​ព្រះជាម្ចាស់  និងត្រូវ​មាន​គេ​បំភ្លឺ។ ដូច្នេះ​យើង​ជា​គ្រីស្តបរិស័ទ​ត្រូវ​ចូលរួម​ដើម្បី​ឲ្យ​ធម៌មេត្តាករុណា​របស់​ព្រះជាម្ចាស់ត្រូវ​បានគេ​​យល់​និង​ស្គាល់​។​» លោកអភិបាល​បញ្ជាក់។ លោកគង្វាលព្រះសហគមន៍​បាន​មាន​ប្រសាសន៍​ទៀតថា ចូរមើលរបៀប​របស់​ព្រះយេស៊ូ​ដែលបាន​ដើរ​ជាមួយ​មហាជន គឺព្រះអង្គ​​ស្រឡាញ់ព្រះបិតា អធិដ្ឋាន  និងមើល​អ្នក​ក្រីក្រដោយ​ចិត្ត​មេត្តាករុណា។ ​វត្តមានរបស់ព្រះយេស៊ូ​​មិន​ត្រឹម​តែនៅ​ក្នុង​ព្រះកាយ​ព្រះលោហិត​ក្នុងពេល​អភិបូជាប៉ុណ្ណោះ ​គឺ​នៅក្នុង​បងប្អូន​ដែល​យើង​បាន​ជួប។​ ជាមួយគ្នានេះ លោក​បាន​រំឭក​ឲ្យ​គ្រីស្ត​បរិស័ទ​ចេះ​ថែរក្សា​ភព​ផែនដី ចេះ​ទុកដាក់និង​កាត់បន្ថយ​សំរាមផងដែរ។ ក្នុង​ថ្ងៃនោះ​ដែរ លោកអភិបាល​អូលីវីយ៉េ បាន​ធ្វើ​អគ្គសញ្ញាលាបថ្ងាស​ដល់​​​បេក្ខជន​ចំនួន​៣៣នាក់មក​ពី​ព្រះសហគមន៍​កោះនរានិងតួតាំង៕ ដោយ​​ កែវ កញ្ញា

បេក្ខជន​២០រូប​មក​ពី​បណ្តាខេត្ត​នានា​នៃ​ប្រទេស​កម្ពុជា​ ដែលសុទ្ធ​សឹង​ជា​សហគ្រិន​ជនជាតិ​កម្ពុជា​ខ្នាត​តូច​និង​ធម្យម​ បាន​ចូលរួម​ប្រកួត​ប្រជែង​គ្នា​​ដើម្បី​យក​ពាន​រង្វាន់​សហគ្រិន​ថ្នាក់ជាតិ​ឆ្នាំ​២០២៣ ដែល​រៀបចំ​ដោយ​វិទ្យាស្ថាន​ជាតិ​សហគ្រិន​ភាព​និង​នវានុវត្តន៍​ ដែល​បាន​ប្រព្រឹត្តទៅនៅ​សណ្ឋាគារ​កាំបូឌីយ៉ាណា នាទីក្រុង​ភ្នំពេញ​កាលពីថ្ងៃទី​១៥ ខែ​វិច្ឆិកា​ម្សិលមិញនេះ។ ពានរង្វាន់​សហគ្រិន​ថ្នាក់ជាតិ​នេះ បាន​បង្កើត​ឡើង​ក្នុង​ឆ្នាំ​២០២០ និង​ធ្វើឡើង​ជា​រៀង​រាល់​ឆ្នាំ ដែលមានគោលបំណង​លើកកម្ពស់​ការយល់ដឹង​អំពី​តួនាទី​សំខាន់ៗ​របស់​សហគ្រាស​ធុន​តូច​និង​មធ្យម​នៅកម្ពុជា  និង​ពង្រឹង​និង​ពង្រីក​ភាពជា​ដៃ​គូ​រវាង​វិស័យ​សាធារណៈ និង​វិស័យ​ឯកជន​ និង​ទំនួល​ខុស​ត្រូវ​សង្គម​តាមរយៈ​ការ​កសាង​អនាគត​សហគ្រិន​នៅ​កម្ពុជា។ ការ​ប្រកួត​នេះ​មាន​២​ដំណាក់កាល គឺ​ដំបូង​ បេក្ខជន​ទាំងអស់​ត្រូវ​ធ្វើ​បទ​បង្ហាញ​អំពី​សហគ្រាស​របស់​ខ្លួន​ចំនួន​៨នាទី​ ដោយ​មាន​គណៈកម្មការ​ដាក់ពិន្ទុ​ជូន​ ដើម្បី​ជម្រុះ​យក​ចំនួន​១០នាក់​។ ដំណាក់កាលទី​២ គឺ​បេក្ខជន​ជាប់​លំដាប់​ទាំង​១០ ត្រូវ​ឆ្លើយ​នឹង​សំណួរ​មួយ​ចំនួន​របស់​គណៈកម្មការ​ដាក់​ពិន្ទុ។ កម្មវិធីប្រកួត​ប្រជែង​ឆ្នាំ​ទី៤នេះ ​មាន​ការចូលរួម​ពីសហគ្រិន​គ្រប់​ស្រទាប់​វិស័យ គឺមានទាំងការ​កែច្នៃ​​ចំណីអាហារ ការអប់រំ ការ​កែច្នៃ​វត្ថុសម្រាប់​ប្រើ​ប្រាស់ និង​សេវាកម្មជាដើម។ លោក​មាគ ស៊ន ជា​បេក្ខជន​កាតូលិក​មួយរូប​ និង​ជា​ប្រធាន​គ្រប់គ្រងនៃ​Coco de Takeo បាន​ជាប់​ក្នុងចំណោម​Top 10 បាន​ឲ្យដឹងថា អ្វីដែលលោក​បាន​ជួប​ក្នុង​ថ្ងៃនេះ ជា​បទពិសោធថ្មីមួយ​ និង​ទទួល​បាន​បទ​ពិសោធច្រើន​ដែល​នឹង​ត្រូវ​រៀន​ពី​​​ដៃគូ​សហគ្រិន​ខ្លាំងៗ​ ដើម្បីអភិវឌ្ឍ​កម្មវិធី​របស់​លោក​បន្ត​ទៀត។ «ថ្ងៃនេះ ខ្ញុំគិតថា Coco de Takeo ឈ្នះ​មែនទែន។ ឈ្នះទៅលើ​អ្វីដែល​ខ្លួន​ឯងគិត​ថា​មិន​អាច​ធ្វើទៅ​បាន​ ហើយ​យើង​បាន​ឈានដល់​វគ្គ​Top 10» លោក​ស៊ន​បញ្ជាក់។ Coco de Takeo ជាសហគ្រាស​សិប្បកម្ម​ខ្នាត​តូច​ …

គ្រីស្តបរិស័ទ​កាតូលិក​ចូលរួម​ប្រកួត​ពានរង្វាន់សហគ្រិន​ថ្នាក់​ជាតិ​លើកទី៤ Read More »