ព្រះវិហារតូចនៃតំបន់តាខ្មៅបានដាក់ឲ្យប្រើប្រាស់ជាផ្លូវការ
ព្រះវិហារតូចដែលបំពាក់ទៅដោយម៉ាស៊ីនត្រជាក់ រួមនិងអាងជ្រមុជទឹកនៅខាងក្នុងនោះ ស្ថិតក្នុងភូមិព្រែករាំង សង្កាត់កំពង់សំណាញ់ ក្រុងតាខ្មៅ ខេត្តកណ្ដាល ត្រូវបានប្រទានពរ នាព្រឹកថ្ងៃទី២១ មិថុនា ២០២២ ដោយលោកអភិបាលព្រះសហគមន៍កាតូលិកភូមិភាគភ្នំពេញ និងមានគ្រីស្តបរិស័ទមកពីតំបន់មណ្ឌលសកម្មភាពតាខ្មៅចូលរួមផងដែរ។ លោកបូជាចារ្យ ហ្វ្រង់ស្វ័រ សាវីយ៉េ ដឺម៉ុង បូជាចារ្យទទួលខុសត្រូវព្រះសហគមន៍មណ្ឌលសកម្មភាពតាខ្មៅមានប្រសាសន៍ថា ព្រះសហគមន៍នៅទីនេះក្រោមការដឹកនាំដោយព្រះវិញ្ញាណដ៏វិសុទ្ធ។ លោកបន្តថា យើងមានសកម្មភាពចួបជុំគ្នាប្រទានព្រះពរ ថ្វាយអភិបូជា ដោយមានព្រះសហគមន៍នៅគងនយ និងបងប្អូនដែលឈ្វេងយល់ពីជីវិត យើងរួមជាមួយគ្នាបង្កើតជាគ្រួសារមួយនៅទីនេះ និងដោយសប្បាយរីករាយ។ លោកបូជាចារ្យសាវីយ៉េ ឲ្យដឹងទៀតថា នេះជាឱកាសដើម្បីរំឭកព្រះបន្ទូលរបស់ព្រះជាម្ចាស់ដែលបានកើតជាមនុស្ស និងព្រះយេស៊ូជាពន្លឺ ជាព្រះបន្ទូលដែលបំភ្លឺជីវិតរបស់យើងរៀងរាល់ថ្ងៃ និងជាពិសេសពេលយើងថ្វាយអភិបូជាជាមួយគ្នា យើងបង្កើតជីវិតជាគ្រីស្តបរិស័ទដែលជាសក្ខីភាពអំពីជីវិតរបស់ព្រះយេស៊ូ។ លោកអភិបាលអូលីវីយ៉េ ជ្មីតហស្លេ មានប្រសាសន៍នៅក្នុងកិច្ចចាប់ផ្ដើមកម្មវិធីនេះថា យើងត្រូវតស៊ូខិតខំចូលតាមទ្វារចង្អៀត តាមព្រះបន្ទូលរបស់ព្រះយេស៊ូ ដោយត្រូវស្រឡាញ់ខ្មាំងសត្រូវ និងចេះដាក់ខ្លួន។ លោកអភិបាលបញ្ជាក់ថា របៀបជាគ្រីស្តបរិស័ទគឺខុសពីរបៀបរបស់លោកីយ៍ គឺមិនមែនជាអ្នកធំ តែជាអ្នកបម្រើ។ ហើយរបៀបប្រកាសដំណឹងល្អរបស់គ្រីស្តបរិស័ទគឺត្រូវបង្ហាញអំពីរបៀបរស់នៅប្លែកពីសង្គម។ នៅក្នុងធម្មទេសនា លោកអភិបាលរំឭកថា តំបន់មណ្ឌលសកម្មភាពតាខ្មៅ គឺបង្កើតឡើងក្នុងឆ្នាំ២០១៤ ដើម្បីប្រកាសដំណឹងល្អរបស់ព្រះជាម្ចាស់សម្រាប់បងប្អូនខ្មែរ។ នៅក្នុងពិធីប្រទានព្រះពរនេះដែរ លោកអភិបាលបានប្រោសទឹកព្រះពរលើកន្លែងសំខាន់ៗទាំងបីគឺ៖ អាងទឹកសម្រាប់ធ្វើអគ្គសញ្ញាជ្រមុជទឹក កន្លែងអានព្រះបន្ទូល តុអាសន:។ ព្រះវិហារនេះមានឈ្មោះថា …
ព្រះវិហារតូចនៃតំបន់តាខ្មៅបានដាក់ឲ្យប្រើប្រាស់ជាផ្លូវការ Read More »
